Morgunblaðið - 24.04.1986, Page 75

MORGUNBLAÐIÐ, FIMMTUDAGUR 24. APRÍL1986
75
VELVAKANDI
SVARAR í SÍMA
10100 KL. 14—15
FRÁ MÁNUDEGI
TIL FÖSTUDAGS
■lwt/Murn^’UM'ú If
Um örorkubætur og
nýja kj arasamning’a
í nýafstöðnum kjarasamningum
er komið heldur til móts við lág-
launafólkið í landinu. Þó er það
langt frá því að vera fullnægjandi,
nema helst í Boiungarvík, þar sem
fólk virðist hugsa með heilanum,
ekki veskjunum.
Launahækkun til hinna lægst
launuðu í fyrsta hluta er 5%, að
mér skilst. En öryrkjar í landinu
fengu líka 5% launahækkun. Þeir
fá nú 14.000 í stað 13.000 á mán-
uði. Já, ef launþegar lifa ekki af
20.000 á mánuði, hvernig á fólk
þá að lifa af örorkubótunum? Svarið
er einfalt. Það er ekki möguleiki.
Hvað hyggjast stjómvöld gera í
þeim efnum?
Ég er öryrki og hugðist ræða við
tryggingaráðherra um þetta mál,
tók mig til og hringdi í ráðuneytið
til að sækja um viðtal. Þá fékk ég
heldur einkennilegar upplýsingar.
Einkaritarinn tók við umsóknum
um viðtöl einu sinni í viku. Spurt
var um efni viðtals og síðan velur
ráðherra úr það sem hann vill ræða.
Svo ekki varð neitt úr samtali við
ráðherra.
Eins mikil og umræðan hefur
verið um láglaunafólk í landinu,
höfum við öryrkjar alveg gleymst.
Við erum líka illa vopnum búin til
að mótmæla þessari lágu ölmusu
frá hinu opinbera. Ættum við ef til
vill að fara í verkfall? Nei, þetta
er mál, sem verður að athuga
gaumgæfílega, því örorkubætur eru
svo langt undir fátækramörkum að
það nær ekki nokkurri átt. Við lifum
á batnandi tímum, sem okkur ber
að nýta í þágu þeirra verst settu í
þjóðfélaginu. Ef þú verður öryrki á
þá að hegna þér með því að gera
þig að fátæklingi eða á að koma
betur til móts við þig, svo þú þurfír
ekki að líða meira en öryrki gerir
vegna örorku sinnar?
Pétur Jörundsson
Létt er Agnes á líðandi stund
Þó ótrúlegt sé, virðist eitthvert
hið erfiðasta embætti á landi hér
vera það að skemmta mönnum.
Kemur þar auðvitað mannfæðin til
og líka hitt að fólk virðist þegja
þegar vel líkar en helst taka penn-
ann þegar illa stendur í bælið á
því. Þó eru skemmtiþættimir bráð-
nauðsynlegur liður í varðveislu ís-
lenskrar menningar, því skop ann-
arra þjóða höfðar síður en svo alltaf
til íslendinga. Það eru helst allra
mestu snillingar eins og Chaplin eða
Peter Sellers sem allir virðast geta
hlegið að.
Sagt hefur verið að íslenskt skop
sé nokkuð illkvittið á stundum og
því mikill vandi með að fara hér í
fámenninu. Þættimir „Á líðandi
stundu" em lausir við illkvittni og
mesta furða hvað hægt er að draga
þangað af skemmtilegu fólki. Ómar
Ragnarsson er alltaf skemmtilegur
enda margfrægur og marglofaður.
En það er hún Agnes Bragadóttir
sem á skilið miklu meira lof en hún
hefur fengið hér til. Hún er svo lítil
og skrýtin, bara fyndin ósjálfrátt
og snögg uppá lagið að koma fyrir
sig orði. Væri hlaðið öðru eins undir
hana og Lucy Ball yrði Agnes
heimsfræg.
Sigurveig Guðmundsdóttir
Þessir hringdu . . .
Gaman á
Ríkarði
þriðja
Sigurður Jökull Ólafsson
hringdi:
Ég brá mér á sýningu Þjóðleik-
hússins ^Ríkarður þriðji" um
daginn. Ég skemmti mér mjög
vel, þótt ég sé bara 12 ára. Það
sýnir og sannar að ungir jafnt sem
aldnir geta haft ánægju af sýning-
unni.
Hrokkinskinna
og grágás
Kristján Björnsson, Hvamms-
tanga hringdi:
Mig langar að bæta við nokkr-
um nöfnum yfír tæmar. Þau lærði
ég af móður minni, en ég er
• fæddur og uppalinn á Súganda-
fírði. Ég hef ef til vill ruglað
röðinni, en heitin eru rétt. Stærst
er stóra tá, síðan er nagla-Jórunn,
hrokkinskinna, grágás og minnst
er litlatá.
Dráttarvextir
á banka-
reikningum
Velvakandi.
Einn lesanda Velvakanda
spurðist nýlega fyrir um hversu
háa vexti bankar og sparisjóðir
mættu reikna þegar viðskiptavin-
ur færi yfír á bankareikningi.
„Þegar maður leggur daglega inn
á reikning og tekur út af honum,
kemur stundum fyrir að maður
leggur vitlaust saman. Þetta kom
fyrir mig um daginn og var vaxta-
kostnaður dreginn frá daginn
eftir. Mér reiknaðist til að fjár-
hæðin næmi 884% af ársvöxtum.
Mér þætti gaman að vita hvaða
heimild bankamir hafa til að
leggja slíka vexti á yfírdrætti.
Eiturefni
í búðum
Helga Hansdóttir hringdi:
í því flóði heilræða sem slysa-
vamafélög víða um landið senda
frá sér virðist hafa gleymst að
athuga búðarhillumar. í flestum
verslunum er skipulagi þannig
farið að eiturefni hvers konar eru
geymd í neðstu hillunum. Væri
ekki vert að minna kaupmenn á
að geyma hættuleg efni þar sem
lítil böm ná ekki til þeirra?
Camp-let
1986 árgerðin kemur sérsmíðuð fyrir íslenska
vegi á 13“ dekkjum og með þreföldum botni
(vegna grjótkasts).
Það tekur 3 mínútur að reisa þennan 17 fermetra
tjaldvagn með fortjaldi.
Við óskum ykkur góðrar ferðar og vitum að
vagninn bregst ykkur ekki.
Verðið á herlegheitunum er kr. 178.000.- með
fortjaldi og eldhúsi.
Gísli Jónsson og Co. hf.
Sundaborg 11, sími 686644.