Morgunblaðið - 19.11.1986, Blaðsíða 52

52
MORGUNBLAÐIÐ, MIÐVIKUDAGUR 19. NÓVEMBER 1986
Um tíu þúsund hafa
æft karate hér á landi
KARATE er ein yngsta íþróttin,
sem hefur haslað sér völl á ís-
landi undanfarin ár. Þrátt fyrir
það er mikil gróska f karatelffinu
og iðkendum sem félögum fer ört
fjölgandi. Nú eru starfandi 12—14
karatefélög með um 1.000 iðk-
endum vfðs vegar um landið,
þrátt fyrir að Karatesambandið
sé yngsta sérsambandið innan
ÍSÍ, stofnað 28. febrúar 1985.
Til þess að hægt sé að iðka
íþrótt þarf að vera fyrir hendi
áhugi, aðstaða, þjálfari og fólk sem
vill sjá um stjórnun í félaginu þ.e.
halda því gangandi.
Ef við förum í gegnum þessa
fjóra þætti og höfum karate í huga
sérstaklega, þá kemur í Ijós að
áhugi fyrir karate er alls staðar
fyrir hendi nær sama hvar fæti er
drepið niður. Það hefur komið í
Ijós, þar sem stofnuð hafa verið
ný karatefélög að áhuginn er ekk-
ert vandamál. Á stöðum eins og
Hvolsvelli, Höfn, Þorlákshöfn, Sel-
fossi og í Vogum á Vatnsleysu-
strönd, þar sem starfa nú tiltölu-
lega ung karatefélög, er mikill fjöldi
unglinga á staðnum í karate, t.d.
oft 3—8% af íbúatölu staðarins.
All sérstæður áhugi er fyrir hendi
í Vogum, eh þar iðka nú 12% af
íbúunum karate og 60 af 155
krökkum í grunnskólanum eða lið-
lega þriðjungur. Útbreiðsla karate
stoppar því ekki á áhugaleysi.
En hvers vegna er svo mikill
áhugi á karate? í fyrsta lagi hefur
karate skapað sér gott orð á stutt-
um tíma hérlendis. Karate-iðkun
er orðin vel þekkt sem afburða
líkamsrækt, um það eru flestir
sammála sem til þekkja. Sumir
fara í karate til þess að læra að
verja sig, aðrir til þess að keppa í
greininni, en karate býður upp á
tvö ólík keppnisform og yfirleitt
geta menn fundið sig í öðru hvoru,
kata og kumite. Karate-myndir
valda því að alltaf koma nokkrir
„dellu-gæjar" á æfingar en oft
hafa þeir ekki nauðsynlega þolin-
mæði til að bera, svo þeir endast
oft stutt.
Besta auglýsingin fyrir karate
er tvímælalaust þeir fjölmörgu
sem einhvern tíma hafa iðkað kar-
ate og á 13 ára tímabili má áætla
að um 10.000 einstaklingar hafi
iðkað þessa íþrótt og bera þeir
íþróttinni flestir góða sögu og eru
miklir stuðningsmenn í orði. Marg-
ir þeirra eru alltaf „á leiðinni" aftur
í karate og sumir láta verða af því
að koma.
Aðstaða til karate-iðkana er fyr-
ir hendi víðast hvar, því ekki þarf
neina stóra íþróttasali undir kar-
ate-iðkun, heldur nægja litlir salir,
oft ca. 40—50 fm. Karate-iðkun
þarfnast engra áhaida, t.d. er ekki
þörf á að æfa á dýnum eins og í
júdó. Það ætti því ekki að koma i

/
r > i
: ''
■L •

pp
• Karate-iðkun hefur aukist mjög hér é landi á síðustu árum. Þessi
skemmtilega íþrótt er jafnt fyrir konur sem karla. Hér eigast þær við
Sylvía Gústafsdóttir, UBK og Kristfn Einarsdóttir, Gerplunni. Kristín
vann þessa viðureign.
• Helgi Jóhannsson úr Gerplunni og Einar Karl Karlsson úr UBK eigast hér við í keppni á dögunum. Helgi
er til vinstri.
veg fyrir karate-iðkun í litlum pláss-
um úti á landi, þó það vanti
glæsileg íþróttahús.
Til að hægt sé að iðka íþrótt svo
vel eigi að vera þarf til þess hæfan
þjálfara og þetta á ekki síst við um
karate. Vegna þess hve íþróttin
er ung er fátt um þjálfara í karate,
en þeir fáu sem leggja fyrir sig
karate-þjálfun hafa í mörg horn að
líta og kenna jafnvel á mörgum
stöðum sama kvöldið. Það verður
því að mennta upp nýja karate-
þjálfara og það mun verða eitt
helsta verkefni okkar á næstunni.
Það er mikilvægt í því sambandi
að þeir sem annast þjálfun séu til
þess hæfir, en það hefur viljað
brenna við að vanhæfir menn hafa
efnt til námskeiða í karate og öðr-
um sjálfsvarnaríþróttum.
Fjórða og síöasta atriðið er mjög
mikilvægt, því enda þótt öll hin
atriðin séu til staðar, þá ganga
félög aðeins ef þeim sé stjórnað
af dugandi mönnum, sem sjá um
allar aðrar hliðar nema þjálfunina.
Það hefur viljað brenna við að félög
leggist niður einmitt vegna þess.
Oft liggur allur þunginn af starf-
semi félags á herðum fárra eða
jafnvel eins manns, og ef þeir
standa sig í stykkinu þá er yfirleitt
engu að kvíða.
Staða karate á íslandi í dag
byggist á fáum, sterkum félögum
sem bera höfuð og herðar yfir
yngri félögin, sem þó eru í mikilli
framför. Stærstu félögin eru Kar-
atefélag Reykjavíkur, sem er 13
ára um þessar mundir, og Karate-
félagið Þórshamar, einnig í
Reykjavík sem hefur starfað allt frá
árinu 1975. Nokkur önnur félög
eru orðin mjög sterk og standa
hinum ekki langt að baki og má
þar nefna Karatedeild Gerplu í
Kópavogi, Karatedeild Stjörnunnar
í Garðabæ og Karatedeild Breiða-
bliks í Kópavogi sem öll hafa á að
skipa sívaxandi hópi góðra karate-
manna og -kvenna.
Önnur félög eru afturá móti mun
minni eins og t.d. Karatedeild
Baldurs á Hvolsvelli, Karatedeild
UMF Selfossi, Karatedeild Þórs á
Þorlákshöfn, Karateskólann í
Reykjavík, Karatedeild Sindra á
Hornafiröi, Karatedeild UMF
Bessastaðahrepps og Karate-
deildin f Vogum á Vatnsleysu-
strönd.