Morgunblaðið - 18.02.1987, Blaðsíða 45

MORGUNBLAÐIÐ, MIÐVIKUDAGUR 18. FEBRUAR 1987
45
Christchurch og Invercargill, sem
er syðsti flugvöllur á eyjunum,
sunnan Nýja-Sjálands. I vélinni
voru auka eldsneytisgeymar,
þannig að vélin hafði um 14 tíma
flugþol. Flogið var frá Inverearg-
ill og lent tæpum 10 tímum seinna
á stórum borgarís, en borgarí-
sjakar við Suðurskautslandið eru
sléttir að ofan, ekki óreglulegir,
eins og í Norður-Ishafinu.
Leiðangursskipið Áróra hafði
valið „flugvöllinn“ og var þar
skammt frá. Eftir að hafa fengið
eldsneyti frá Áróru var haldið
áfram og lent á Cape Evans á
Suðurskautslandinu, eftir 5 tíma
flug. Nokkur bið varð í Cape
Evans eftir leiðangrinum, en þeg-
ar hann var kominn, var byijað
að fljúga með vistir til 5 birgða-
stöðva, sem settar voru upp með
jöfnu millibili, frá Cape Evans til
Suðurpólsins.
Þegar verkefni vélai-innar var
lokið, voru skíðin tekin undan
henni og sett um borð. Flogið var
frá snjólausum ísnum við Cape
Evans á jóladag, áleiðis til In-
vercargill. Vegna hagstæðra
vinda og meiri flughraða, þar sem
skíðin töfðu ekki lengur, var
ákveðið að fljúga vélinni heim,
enda engin heppileg skipsferö
fyrir hendi.
Flogið var frá Christchurch til
Sydney, Darwin, Jakarta, Pen-
ang, Madras, Bombey, Muscat,
Bahrain, Kairó, Brindisi, Mílanó,
Southend, Glasgow, Reykjavík og
þaðan til Godthaab. Vélin kom til
Reykjavíkur 11. febrúar klukkan
20 og hélt áfram 12. febrúar,
klukkan 10.
Á síðastliðnu ári voru liðin 75
ár frá því Roald Amundsen fór
sinn fræga leiðangur til suður-
skautsins. Af því tilefni var
gerður út norskur leiðangur,
sem ætlaði sér að feta sömu
slóðir og Amundsen og á sama
hátt, það er á hundasleðum. Á
þessum 75 árum hefur ekki
verið farið til suðurpólsins
nema á vélknúnum farartækj-
um og flugvélum.
Grænlandsflug var fengið til
að flytja vistir fyrir leiðangurs-
menn til pólsins og hafði Morgun-
blaðið samband við Ólaf
Bertelsson, svæðisstjóra félags-
ins, til að forvitnast frekar um
ferðina og af hveiju Grænlands-
flug hefði tekið þátt í henni:
„Nú, ástæða þess að leigð var
vél frá Grænlandsflugi, til að
fljúga hinum megin á hnöttinn, í
stað þess að leigja vél frá Ástr-
alíu eða Nýja-Sjálandi, er vafa-
laust reynsla félagsins og áhafnar
vélarinnar við heimskautaflug,
svo og útbúnaður vélarinnar,"
sagði Ólafur. „Þessi flugvél og
áhöfn voru um tíma, síðastliðið
vor, staðsett á Spitzbergen vegna
vistaflutninga til norðurheim-
skautsins. Þá var lent á skíðum
á hafísnum í námunda við skau-
tið.
En hvað viðkemur þessum leið-
angri núna, þá fóru leiðangurs-
menn með skipi til Suðurskauts-
landsins, eins langt og ísalög
leyfðu. Með skipinu var þyrla, auk
þess sem leigð var flugvél frá
Grænlandi.
Þessi vél fór frá Godthaab 9.
september 1986 og millilenti í
Frá höfninni í Auckland var
vélin flutt með flotkrana til næsta
sjóflugvallar og sett þar í land.
Þaðan var flogið til Ardmore.
Ólafur Bertelsson, svæðissijóri Grænlandsflugs, við vélina sem fór í leiðangurinn tii suðurheimskauts-
ins. Vélin er af gerðinni Twin-Otter.
Grænlandsflug í leið-
angri til suðurskautsins
Reykjavík og Færeyjum, á leið til
Gautaborgar. Frá Gautaborgar-
flugvelli var vélinni flogið til
hafnarinnar í Gautaborg og lent
þar í gámahöfninni. Vélin var
síðan sett um borð í stórt gáma-
flutningaskip, pökkuð inn í plast
til varnar seltu, á leiðinni til Auck-
land á Nýja-Sjálandi.
BOKAM ARKAÐU R
MEÐ GAMLA.GOÐA LAGINU
Manstu hvernig þeir voru? Þú gætir þurft að gramsa, fletta,
Raðir og staflar af girnilegum troðast, hrifsa, stafla og rogast og
bókum á gjafverði! kannski ættir þú fullt í fangi með
Þessi markaður er einmitt þannig. að komast með þær allar heim.
En þú mátt bóka að það er þess virði!
GERÐU ÚT Á ALVÖRU, GAMALDAGS, HREINRÆKTAÐA BÓKAVERTÍÐ
á Bókamarkaðnum í Nýja Bæ 19. febrúar-3. mars.
MÖRG ÞÚSUND BÆKUR Á ÓTRÚLEGA HAGSTÆÐU VERÐI.
OPNUM A MORGUN
Opið:
Mán. - fim. kl. 12-19
Fös. kl. 12-20
Lau. kl. 10-16
Sun. kl. 13-17
BARNAKRÓKUR - BARNAGÆSLA
Strætisvagnar nr. 2, 3 og 16 stoppa
beint fyrir 'utan Nýja Bæ. Þeir ganga
m.a. frá Hlemmi og Lækjartorgi.
3iP'
Greiðslukortaþjónusta.
FELAGS ISLENSKRA BOKAUTGEFENDA I NYJA BÆ, EIÐISTORGI