Morgunblaðið - 13.03.1987, Side 2
2
MORGUNBLAÐIÐ, FÖSTUDAGUR 13. MARZ 1987
Vaka vann fulltrúa
af vinstrí mönnum
VAKA, félagf lýðrœðissinnaðra stúdenta, fékk 868 atkvæði, eða
43,14% greiddra atkvæða í kosningum til stúdentaráðs í gær. Félag
vinstri manna fékk 756 atkvæði, eða 37,58%, og Félag umbótasinn-
aðra stúdenta fékk 388 atkvæði, eða 19,28%. Á kjörskrá voru 4.427.
Alls kusu 2.124, eða 47,98%. f fyrra var kjörsókn mun minni, 37,85%.
„Þetta er stórsigur fyrir Vöku,“
sagði Eyjólfur Sveinsson, formaður
Vöku, í samtali við Morgunblaðið í
gærkvöldi. Hann sagði þetta mesta
fjölda atkvæða, sem félagið hafi
nokkurn tíma fengið.
í stúdentaráði sitja 30 manns.
Kosið er árlega um helming þess
Qölda. Vaka fékk sjö fulltrúa kjörna
og vann þar með einn mann frá því
í fyrra. Félag vinstri manna fékk
sex fulltrúa kjöma og tapaði þar
með einum manni. Félag umbóta-
sinnaðra stúdenta fékk tvo menn í
stúdentaráð og heldur því sínum
hlut.
í háskólaráði sitja íjórir fulltrúar
stúdenta og er kosið um tvo árlega.
Vaka fékk einn með 41,39% og
vinstri menn einn með 38,48%. Fé-
lag umbótasinna náði ekki inn
manni í Háskólaráð, en fékk 20,13%
greiddra atkvæða.
„Úrslitin em mikill sigur fyrir
Vökumenn og er hér um að ræða
mestu fylgisaukningu Vöku milli
ára síðan 1938,“ sagði Eyjólfur.
„Þennan mikla sigur þökkum við
öflugri hagsmunabaráttu í vetur og
skynsömum málflutningi. Hann
hafa stúdentar greinilega kunnað
að meta. Við höfum sett á oddinn
það sjónarmið að stúdentar verði
að standa sameiginlega að hags-
munamálum sínum og láta ekki
landsmálapólitík verða til að riðla
röðum sínum," sagði Eyjólfur að
lokum.
Kostið til Stúdentaráðs i gær.
Kosningar til Stúdentaráðs í gær:
Morgunblaðið/Einar Falur
Slökkviliðsmennimir dæla úr Mána GK í Grindavíkurhöfn i gær. Morgunbiaðið/Kr.Ben.
Grindavík:
Vélbáturinn Máni
GK næstum sokkinn
Grindavík.
VÉLBÁTURINN Máni GK frá
Grindavík fékk á sig krappa
kviku á djúpsundinu út af
Grindavík á leið í róður rétt fyr-
ir klukkan 8 i gærmorgun. Rifa
kom á bátinn niður við kjöl
stjómborðsmegin og flæddi sjór
inn í lúkarinn. Skipstjórinn, Jón
Elli Guðjónsson, snéri bátnum
umsvifalaust til hafnar og náði
hryggju. Menn úr slökkviliði
Grindavikur vom mættir með
kraftmiklar dælur og tókst að
bjarga bátnum.
Að sögn Jóns Ella skipstjóra
munaði mestu um að strákamir
voru frammí að fá sér kaffísopa og
létu strax vita að sjór flæddi inn í
lúkarinn. „Sennilega hefði getað
farið illa ef þeir hefðu verið sofandi
því báturinn hefði ekki þolað nema
10-15 mínútur í viðbót þar sem sjór
var kominn upp að vélaröxli og
ekki hafðist undan að dæla þegar
við komum að bryggju. í lestinni
var sjór orðinn 130 sentimetra hár
og þilið á milli lestar og vélarúms
gat gefíð sig hvenær sem var,“
sagði Jón Elli og tók Jóhann Hjalta-
son 1. vélstjóri undir þessi orð.
Siglingin í land tók 15 mínútur
og var boðum komið til slökkviliðs
Grindavíkur sem mætti með dælubfl
á bryggjuna í sömu mund og bátur-
inn lagðist að. Tókst á skömmum
tíma að afstýra hættuástandi. Þétta
á bátinn svo hægt sé að sigla hon-
um í slipp til frekari viðgerða.
Vélbáturinn Máni GK er um 70
tonna trébátur í ejgu Hraðfrysti-
húss Grindavíkur. Á bátnum er sjö
manna áhöfn en í þessum róðri
vantaði einn.
Annar bátur átti einnig í erfið-
leikum. Þorsteinn Gíslason GK varð
rafmagnslaus þegar komið var að
fyrstu trossu svo honum var snúið
í land og stýrði skipstjórinn Halldór
Þorláksson með handrattinu.
- Kr.Ben.
Enn hagkvæmast að
nota hraunhitann
Vestmannaeyjum.
NEFND sérfræðinga sem iðn-
aðarráðherra skipaði til þess
að kanna leiðir til orkuöflunar
til húshitunar í Vestmannaeyj-
um hefur komist að þeirri
niðurstöðu, að enn um sinn sé
hagkvæmast að byggja á
hraunhitanum. Það er álit
nefndarinnar að breyta verði
um aðferð við vinnslu hans
vegna þeirrar kólnunar sem
orðið hefur á hrauninu undan-
farin ár. Telur nefndin líklegt
að dæla megi heitu vatni af
botni hraunsins á um 100 metra
dýpi í allmörg ár.
Eftir að hafa kannað marga
möguleika til orkuöflunar taldi
nefndin að nýting á heitu vatni
og sjó úr hrauninu yrði langhag-
kvæmasti kosturinn næstu árin.
Telur nefndin áríðandi að sann-
prófa þá leið sem fyrst með því
að bora þijár holur í gegnum
hraunið og dæla úr þeim vatni í
nokkum tíma. Leggur nefndin til
að gerðar verði tilraunaboranir
og tilheyrandi prófanir. Áætlaður
kostnaður við við slíka könnun er
um 4 milljónir króna.
Nefnd þessi var skipuð í nóvem-
berlok 1986 og í henni áttu sæti
Guðmundur Pálmason formaður,
Eiríkur Bogason, Sigmund Jó-
hannsson, Sveinbjöm Bjömsson,
Wilhelm V. Steindórsson og Öm
Helgason. Nefndin skoðaði flestar
þær leiðir til orkuöflunar sem eru
tæknilega á því stigi að treysta
megi á öryggi þeirra til húshitun-
ar. Má þar nefna áframhaldandi
nýtingu hraunhitans með gufu-
vinnslu eða heitu vatni úr bor-
holum, rafhitun í rafskautakatli,
brennslu svartolíu og dieselolíu,
brennslu kola, sorpbrennslu og
nýtingu vindorku. Kannaðir voru
möguleikar á flutningi á heitu
vatni úr landi.
Sú leið sem nefndinni sýndist
álitlegust er að nýta hraunhitann
áfram með breyttri vinnsluaðferð
svo lengi sem hagkvæmt reynist.
Orkuþörf til húshitunar í Vest-
mannaeyjum er alls um 60
gWh/ári, þar af er grunnorka um
30 gWh/ári. Þegar hraunhitinn
dvínar telur nefndin að bæta megi
hann upp með rafskautakatli,
kolakatli, varmadælum eða nýt-
ingu varma frá sorpbrennslustöð.
- hkj.
Gagntilboð
HÍKí gær
Samninganefndir Hins
íslenska kennarafélags og
ríkisins funduðu í tæpa tvo
tima í gær og lögðu kennarar
Byggingarmenn
og vinnu-
veitendur:
Ekkert sam-
komulag í
sjónmáli
„EKKI er útlit fyrir að samkomu-
lag sé í sjónmáli í deilu bygging-
armanna og viðsenyenda þeirra
að svo stöddu,“ sagði Guðlaugur
Þorvaldsson, rikissáttasenýari, i
samtali við Morgunblaðið seint í
gærkvöldi.
Fundur deiluaðila hófst kl. 17.00
í gær og stóð enn er Morgunblaðið
fór í prentun. Guðlaugur vildi ekki
tjá sig um ágreiningsatriði þar sem
aðilar ákváðu í gær að loka algjör-
lega að sér og ræða ekki við
fjölmiðla. Hann sagði þó að það
væri ekki bara eitt ágreiningsat-
riði, heldur allt sem bæri í milli.
þar fram gagntilboð, en þeir
voru óánægðir með tilboð
ríkisins í fyrradag.
í gærkvöldi funduðu síðan
undimefndir beggja aðila, þeir
Kristján Thorlacius formaður
HÍK og Heimir Pálsson vara-
formaður og þeir Indriði H.
Þorláksson formaður samninga-
nefndar ríkisins og Sigurður
Helgason frá menntamálaráðu-
neytinu.
Þóra Kristín Jónsdóttir, sem
sæti á í samninganefnd HÍK,
sagðist í samtali við Morgun-
blaðið í gærkvöldi ekki vilja tjá
sig um efnisatriði gagntilboðs-
ins, en í því væri farið fram á
verulegar kauptaxtahækkanir
enda væm launahækkanir aðal-
atriðið í samningunum nú. Eins
og fram hefur komið í fréttum
hefur HÍK gert kröfu um 45.000
króna lágmarkslaun.
„Persónulega er ég mjög
svartsýn á samkomulag fýrir
boðað kennaraverkfall, 16.
mars. Ég tel þurfa meiriháttar
kraftaverk ef viðunandi samn-
ingar eiga að nást fyrir þann
tíma og ef stjómmálamenn
halda að það sé nóg að hækka
okkur um einn til tvo launa-
flokka, þá er það mikill misskiln-
ingur," sagði Þóra.