Morgunblaðið - 13.03.1987, Síða 22
22
MORGUNBLAÐIÐ, FÖSTUDAGUR 13. MARZ 1987
Verkfall byggingarmanna:
Undanþágur eru
ekki veittar nema
í neyðartilfellum
NOKKRAR undanþágnbeiðnir
hafa borist Trésmíðafélagi
Reykjavíkur að sögn Gylfa Más
Guðjónssonar og öllum verið vísað
frá nema tveimur. Gylfi Már sagði
í viðtali við Morgunblaðið að ró-
legt væri á verkfallsvaktinni og
varia hægt að tala um verkfalls-
brot þó borið hafi á að nokkurs
misskilnings gætti í einstöku tU-
fellum.
„Við viljum ógjaman að fólk verði
fyrir skaða vegna verkfallsins, en
höfum stöðvað alla vinnu sem við
teljum ekki lífsnauðsynlega. Við
veitum ekki undanþágur nema í
neyðartilfellum," sagði Gylfí Már, „
en samt höfum við ástæðu til að
ætla að verkfallið hafi í för með sér
erfíðleika fyrir marga aðila og mætti
þar nefna t.d. flugstöðvarbygging-
una, nýja útvarpshúsið og Hag-
kaupshúsið í Kringlunni."
Ríkisspítalamir sóttu um þijár
undanþágur og fengu _ eina sam-
þykkta að sögn Davíðs Á. Gunnars-
sonar, forstjóra Ríkisspítalanna. Sú
var vegna smiðs sem smíðar blýmót
fyrir sjúklinga sem em í geislameð-
ferð á Krabbameinsdeild Landspítal-
ans.
Sverrir Haukur Gunnlaugsson,
yfirmaður Vamamáladeildar, var
spurður hvort líkur væru á að vegna
verkfallsins yrði að fresta vígslu
flugstöðvarbyggingarinnar á
Keflavík sem fyrirhuguð er 14.
apríl. Hann sagðist ekkert vilja um
það segja á þessu stigi málsins, það
yrði að bíða og sjá hvemig málin
þróuðust á næstu dögum.
Hvað byggingu nýja útvarps-
hússins varðar fengust þær upplýs-
ingar hjá Herði Vilhjálmssjmi,
formannir bygginganefndar nýja
útvarpshússins, að verkfall bygging-
armanna hefði lítil áhrif hvað
varðaði flutning hljóðvarpsins því
innréttingum í þeim hluta hússins
væri að mestu lokið. „Útsendingu
verður ekki hægt að flytja fyrr en
viku af maí, vegna seinkunar á hljóð-
borðum, svo þetta er ekki svo mjög
bagalegt fyrir okkur. Stefht er að
því að flytja endanlega starfsemi
útvarpsins af Skúlagötu 4 í nýja
húsið fyrir miðjan maí. Hins vegar
á eftir að ganga að mestu leyti frá
innréttingum í þeim hluta hússins
sem sjónvarpið flytur í og þar liggja
nú allar framkvæmdir niðri, sagði
Hörður.
Hjá fréttaritara Morgunblaðsins í
Grindavík fengust þær upplýsingar
að þar hefðu menn ekki lagt niður
störf fyrr en verkfallsverðir frá
Keflavík komu á staðinn og stöðvuðu
vinnu. Á Selfossi liggur öll vinna
niðri og beiðnum um undanþágur
hefur verið synjað. Þar eins og ann-
ars staðar, telja menn að líkur séu
á löngu verkfalli ef ekki semst fyrir
eða um helgina.
Morgunblaðið/Ól.K.M.
Undirbúningsnefnd Skógræktarþings, frá vinstri: Sveinbjöm Dagfinnsson, Amór Snorrason, Hulda
Valtýsdóttir, Snorri Sigurðsson og Sigurður Blöndal.
Skógræktarþing á Hótel Sögn um aðra helgi:
Viljum hvelja til stórra
átaka í skógræktarmálum
- segir Signrður Blöndal skógræktarstj óri
„VIÐ höfum reynslu, þekkingu og vissu fyrir því að hér er hægt
að rækta skóg, ekki aðeins til yndisauka heldur einnig til nytja og
stórkostlegra hagsbóta fyrir land og þjóð. Við viljum því hvetja til
stórra átaka í þessum efnum og tilgangurinn með þessu þingi er
meðal annars sá að vekja upp umræðu og jafnvel þjóðarvakningu
um íslenska skógrækt," sagði Sigurður Blöndal, sógræktarstjóri á
fundi með fréttamönnum, þar sem fyrirhugað Skógræktarþing, sem
haldið verður á Hótel Sögu laugardaginn 21. mars n.k., var kynnt.
Það er Skógræktarfélag íslands
og Skógrækt ríkisins sem standa að
þinginu, sem er hið fyrsta sem þess-
ir aðilar efna til á þessum vettvangi.
Ákvörðun um Skógræktarþing var
tekin í framhaldi af samþykkt aðal-
fundar Skógræktarfélags íslands
síðastliðið haust og hefur rúmlega
20 aðilum, félögum, samtökum og
stofnunum verið boðið til þáttöku.
Hér er um að ræða aðila, sem á
ýmsan hátt tengjast íslenskri skóg-
rækt, svo sem áhugamannasamtök
um endurheimt gróðurlendis, rann-
sókna- og menntastofnanir og
opinberir aðilar er ráða fjárveiting-
um til landgræðslu- og skógræktar-
starfa og tekur dagskrá þingsins
mið af því.
Þingið hefst á laugardagsmórgun
með setningarræðu Huldu Valtýs-
dóttur formanns Skógræktarfélags
íslands, að viðstöddum forseta Is-
lands, Vigdísi Finnbogadóttur. Þá
mun sænski prófessorinn Morten
Bendz fyltja erindi sem hann nefnir
„ísland, vanþróað skógræktaland".
Morten Bendz hefur undanfarið unn-
ið að skipulagi skógræktarmála í
ýmsum þróunarlöndum og hefur
hann meðal annars oft komið hingað
til lands og er því vel kunnugur
aðstæðum hér. Því næst mun Sig-
urður Blöndal skógræktarstjóri
flytja erindi um möguleika og mark-
mið skógræktar á Islandi.
Að loknu matarhlé gerir Magnús
Pétursson hagsýslustjóri grein fyrir
hinni þjóðhagslegu hlið skógræktar
og neftiist erindi hans „Skógrækt
og þjóðarhagur". Þinginu lýkur með
ávarpi Matthíasar Jóhannessen rit-
stjóra. Á milli erindaflutnings verður
skotið inn kvikmynd um sænsku
skógræktina, hringborðsumræðu
undir stjóm Ama Gunnarssonar rit-
stjóra og hljómlistarflutningi. Um
kvöldið verður svo kvöldverðarhóf
að Hótel Sögu. Þingið er opið öllum
sem hafa áhuga á landgræðslu- og
skógrækt og er það haldið í fram-
haldi af starfsmannafundi skóg-
ræktar ríkisins og fulltrúafundi
Skógræktarfélags íslands.
Aðstandendur þingsins sögðu á
fundi með fréttamönnum að áhugi
og skilningur á skógrækt hefði
greinilega aukist hér á landi á und-
anfömum ámm og því væri nú rétti
tíminn til að hvetja til stórra átaka
í þeim efnum. Þinginu væri meðal
annars ætlað að verða upphaf þeirr-
ar baráttu með aukinni og opnari
umræðu um þessi mál. í kjölfar sam-
dráttar í hefðbundnum búgreinum
hefðu augu manna opnast enn betur
fyrir möguleikum skógræktar hér á
landi og þeirri þjóðhagslegu hag-
kvæmni sem af henni gæti leitt.
„Okkur fínnst blása byr, en þó ekki
nægilega mikill til að feykja seðla-
búntum upp úr ríkiskassanum til
okkar. Það segir sig sjálft að við
gemm ekki neina stórkostlega hluti
fyrir þær 50 milljónir sem við höfum
úr að spila. Með auknu fjármagni
gætum við hins vegar gert stórátak,
sem myndi skila sér margfalt til
baka í framtíðinni. Um þetta og
ýmislegt annað varðandi íslenska
skógrækt verður fjallað á þinginu".
Umboðsmaður Alþingis
verður borgurum til varnar
- segir Þorvaldur Garðar Kristjánsson, forseti sameinaðs þings
Pétur Sigurðsson
Þorvaldur Garðar Kristjánsson
„Það er hlutverk umboðs-
manns Alþingis að hafa eftirlit
með stjórnsýslu ríkis og sveitar-
félaga og hann á að gæta þess
að jafnræði sé í heiðri haft,“
sagði Þorvaldur Garðar Krist-
jánsson, forseti sameinaðs þings,
en á þriðjudag voru samþykkt
lög um umboðsmann Alþingis.
Þorvaldur Garðar sagði að um-
boðsmaðurinn væri embættismað-
ur, sem tæki við kvörtunum á
hendur stjómvöldum og stjómsýsl-
unarmönnum frá því fólki sem telur
að misgert hafí verið við sig. „Um-
boðsmaðurinn á að rannsaka þessar
kvartanir og kærur. Ef þær reynast
á rökum reistar þá gerir hann tillög-
ur um á hvem hátt menn skuli fá
leiðréttingu sinna mála. Þá hvílir
sú skylda á stjómvöldum að taka
mál upp að nýju til afgreiðslu og
úrskurða í ljósi niðurstöðu rann-
sóknar umboðsmannsins. Þannig á
umboðsmaðurinn að vera til vamar
borgurunum ef þeir yerða fyrir mis-
tökum eða vanrækslu stjómvalda."
Þovaldur Garðar sagði að þegar
umboðsmaðurinn fengi mál til með-
ferðar gæti því lokið með tvennum
hætti. Annað hvort væri mál látið
niður falla ef viðunandi skýring eða
leiðrétting fengist hjá stjómvöldum,
en ef svo væri ekki gæfí umboðs-
maðurinn álit um hvort lög hefðu
verið brotin eða gengið gegn góðum
stjómsýsluhætti. Kæmist umboðs-
maðurinn t.d. að þeirri niðurstöðu
að embættismaður hefði brotið af
sér í starfí þá gerði hann viðeig-
andi yfírvöldum viðvart. „Með
þessum hætti er stuðlað að auknu
réttaröryggi borgaranna," sagði
Þorvaldur Garðar. „Umboðsmann-
inum er ætlað að kanna mál með
hlutlausum hætti, en ekki að vera
málflytjandi almennings gagnvart
stjómvöldum. Þess vegna era
stjómvöld líklegri til að virða álit
hans. Honum ber að gæta sjálf-
stæðis gagnvart Alþingi, þótt hann
starfí í umboði þess. Auðvitað verð-
ur hann þó að fara eftir reglum
þeim sem Alþingi setur um störf
hans samkvæmt lögunum sem nú
hafa verið samþykkt."
Lögin um umboðsmann Alþingis
taka gildi í bytjun næsta árs. „Þau
hafa ekki verið staðfest ennþá, svo
ég geri ekki ráð fyrir að umboðs-
maðurinn verði kosinn á þeim fáu
dögum sem eftir era af þessu þingi.
Kosningin fer þó að öllum líkindum
fram í byrjun næsta þings, því
umboðsmaðurinn verður að hafa
nægjanlegan tíma til að undirbúa
starf sitt," sagði Þorvaldur Garðar
Kristjánsson að lokum.
Full þörf á umboðsmanni
- segir Pétur Sigurðsson, einn upphafsmanna málsins
„ÉG ER mjög ánægður með að
íög um umboðsmann Alþingis
skuli hafa verið samþykkt, enda
er full þörf á,“ sagði Pétur Sig-
urðsson, en fyrir fimmtán árum
var samþykkt þingsályktunartil-
laga frá honum um þetta mál.
„Það er skylt að taka það fram
að ég hreyfði þessu máli ekki fyrst-
ur á þingi, heldur var það Einar
heitinn Ágústsson," sagði Pétur.
„Hins vegar var tillaga mín sam-
þykkt og samkvæmt henni lagði
Ólafur Jóhannesson fram stjómar-
framvarp um málið. Það gekk
hvorki né rak með þetta frumvarp.
Ég tók það svo upp síðar, en þá
var það heldur ekki samþykkt.
Menn mikluðu aðallega fyrir sér
kostnaðinn sem fylgir slíku
embætti. bEg er því mjög ánægður
með að frumvarpið skuli loks hafa
verið samþykkt."
Pétur sagði að í nágrannalöndun-
um væri reynsla af starfí umboðs-
manna mjög góð. „Mér sýnist á
ýmsu í okkar þjóðfélagi að fólk
verði að geta snúið sér til slfks
umboðsmanns til að Ieita réttar síns
og þá ekki síst gagnvart embættis-
mannavaldinu. Auðvitað skiptir
miklu hver ræðst til starfans, en
við eigum marga hæfa lögmenn
sem gætu sinnt þessu með prýði,"
sagði Pétur Sigurðsson.