Morgunblaðið - 19.08.1987, Side 21

MORGUNBLAÐIÐ, MIÐVIKUDAGUR 19. ÁGÚST 1987
21
’ móttökunefndinni á Helgafelli voru tvíburarnir Ósk og Óskar sem
eru fæddir á afmælisdegi forsetans. Þeir eru hér i fangi móður
sinnar, Kristrúnar Guðmundsdóttur, og Ástríðar Hjartardóttur, syst-
ur þeirra.
Morgunblaðið/Þorkell Þorkelsson
Börnin á leikskóla St. Fransiskussystra hylltu forsetann við komu
hennar þangað.
Landsbyggðin er okk-
ur styrkur bakhjarl
- sagði Vigdís Finnbogadóttir í lok heimsóknar sinnar á Snæfellsnes
Stykkishólmi. Frá Bryndísi Pálmarsdóttur, blaðamanni Morgunblaðsins.
OPINBERRI heimsókn forseta
íslands, Vigdísar Finnbogadótt-
ur, i Snæfellsnes- og Hnappadals-
sýslu lauk í gær með kaffisam-
sæti i félagsheimilinu Breiðabliki
í boði sveitarstjórna Miklaholts-,
Eyja-, Kolbeinsstaða- og Skógar-
strandahrepps.
Forsetinn sat kaffiboð ásamt íbú-
um Stykkishólms á mánudags-
kvöldið sl. í félagsheimilinu í
Stykkishólmi. Þar flutti María Bær-
ingsdóttir, formaður kvenfélagsins,
stutt ávarp og bauð forsetann og
aðra gesti velkomna. Þá flutti Árni
Helgason hugleiðingar í ljóðum í
tilefni af komu forseta. Ellert Krist-
insson, forseti bæjarstjórnar, færði
forseta að gjöf áletraðan stein úr
Helgafelli og á silfurskildi var letr-
aður kafli úr Eyrbyggju.
Síðasti dagur heimsóknarinnar,
þriðjudagurinn 18. maí, hófst með
því að forsetinn heimsótti St. Frans-
iskussystur í klaustrinu. Þar spjall-
aði Vigdís við sjúklinga á spítalan-
um og þáði kaffi hjá systrunum. Í
kapellu staðarins sungu viðstaddir
„ísland ögrum skorið" og börnin á
leikskólanum sungu eitt lag fyrir
Vigdísi.
Þá var farið í bátsferð að Þing-
völlum og ekið þaðan að Helgafelli.
Staðnæmst var við leiði Guðrúnar
Ósvífursdóttur en síðan gengið á
Helgafellið. Þegar niður kom skoð-
aði Vigdís Helgafellskirkju og
heilsaði upp á heimamenn.
Að loknum hádegisverði í Stykk-
ishólmi fór forsetinn í heimsókn í
grunnskólann þar sem mikill fjöldi
bama fagnaði komu hennar. Þar
var sungið og spjallað og bað Vigdís
bömin að vernda tungu sína og
menningu.
Kaffiboðið í Breiðabliki hófst með
því að Páll Pálsson frá Borg flutti
ávarp og síðan tóku til máls Daníel
Jónsson hreppstjóri og Haukur
Sveinbjörnsson bóndi á Snorrastöð-
um. Guðbjartur Gunnarsson,
formaður búnaðarsambands Snæ-
fellinga, og Jóhannes Árnason,
sýslumaður, færðu síðan forsetan-
um bókagjafir.
Forsetinn þakkaði viðstöddum
góðar gjafir og hlý orð og sagði
m.a. að það besta sem hún gerði
væri að heimsækja fólkið í landinu.
Hún sagði einnig að greinilegt væri
Vigdís heilsar upp á elsta íbúa
Stykkishólms, Ingibjörgu Daðad-
óttur, sem er 103 ára gömul.
að embætti forseta íslands væri
tákn frelsis í hugum fólksins í
landinu og laðaði fram það besta í
öllum mönnum.
Að lokum fylgdu gestir samsæt-
isins forsetanum að Laugargerðis-
skóla þar sem hún gróðursetti tré
og að því búnu var henni fylgt að
sýslumörkunum við Hítará þar sem
heimsókninni lauk formlega.
Blaðamaður Morgunblaðsins
náði tali af Vigdísi í félagsheimilinu
í Breiðabliki og spurði hana hvað
henni væri minnisstæðast úr þess-
ari ferð.
„Allt sem gerðist í þessari ferð
er mér jafn minnisstætt," sagði
hún. „Islendingar hafa alltaf verið
höfðingjar heim að sækja og hvar
sem ég kom fann ég hlýhug fólks-
ins í minn garð.“
„Það er einnig áhrifaríkt að sjá
þær framfarir sem hafa átt sér stað
í sýslunni á undanförnum árum.
Þessar framfarir staðfesta það að
það er mikill fyöldi íslendinga, til
allrar hamingju, sem vill fremur en
annað búa úti á landi og við sem
búum í þéttbýlinu verðum að læra
að meta það og þakka. Lands-
byggðin er okkur styrkur bakhjarl
hvort sem er upp til sveita eða út
til sjávar," sagði forsetinn að lok-
um.
Sala á hlutabréfum í Útvegsbankanum:
Ágreiningur í stjórninni um
hvoru tilboðanna skuli tekið
ÁGREININGUR var milli Sjálfstæðisflokks og Framsóknarflokks á
ríkisstjórnarfundi í gær um hvoru tilboðanna í hlutabréf Útvegs-
bankans bæri að taka. Morgunblaðið leitaði til Halldórs Ásgrímssonar
sjávarútvegsráðherra og varaformanns Framsóknarflokksins og
Þorsteins Palssonar forsætisráðherra og formanns Sjálfstæðisflokks-
ins og bað þá að segja frá afstöðu sinni í stuttu máli.
Halldór Ásgrímsson sagði að
framsóknarmenn teldu að í þessu
máli eigi að gilda venjuleg við-
skiptaleg sjónarmið. Þessi bréf
hefðu verið auglýst til sölu með
auglýsingu í vor samkvæmt
ákveðnum skilmálum og það bæri
að sjálfsögðu að fara með þetta
mál í samræmi við þá. „Þegar til-
boð kemur í bréfin og þeim kröfum
er fullnægt sem sett eru í auglýs-
ingunni sýnist okkur að það beri
að fara eftir því. Það þarf þó að
sjálfsögðu að ganga úr skugga um
hvort öllum skilyrðum _sé ekki full-
nægt,“ sagði Halldór Ásgrímsson
Þorsteinn Pálsson forsætisráð-
herra sagði við Morgunblaðið að
fyrir lægi lögfræðilegt álit þar sem
fram kemur að það gengi ekki gegn
lögum eða góðum viðskiptavenjum
þótt því tilboði sem fyrr barst yrði
hafnað. „Það liggur ljóst fyrir að
tilboð aðilanna 33 er hagstæðara
frá sjónarhóli ríkissjóðs; það er í
allt hlutaféð og útborgunin er
hærri. Það er einnig á það að líta
að þegar mælt var fyrir frumvarp-
inu var lögð áhersla á að selja
hagsmunaaðilum í sjávarútvegi og
viðskiptaaðilum bankans þessi
hlutabréf. Það kemur einnig fram
í útboðsskilmálum að ef aðilar ætla
að kaupa fyrir meira en 50 milljón-
ir þarf sérstakt samþykki viðskipta-
ráðherra og aðili í þessu sambandi
er talinn móður og dótturfyrirtæki.
Allt hnígur þetta í þá veru að eðli-
legast sé að semja við bjóðendurna
33 og þar að auki er ljóst að þeirra
tilboð er betra,“ sagði Þorsteinn
Pálsson
Jón Sigurðsson viðskiptaráð-
herra sagði við Morgunblaðið að
hann hefði fengið álit Stefáns M.
Stefánssonar prófessors á ýmsum
atriðum í sambandið við þetta hlut-
afjárútboð og hans niðurstaða hefði
verið sú að að útboðsauglýsingin
sé ekki skuldbindandi fyrir ríkið,
viðskiptaráðherra geti tekið hvoru
tilboðu sem er eða hafnað báðum
án þess að það bijóti í bága við lög
eða góðar viðskiptavenjur.
Jón Sigurðsson sagði að þarna
væru hafðar uppi tvær samlíkingar,
önnur við biðröð í búð og hinsvegar
við fasteignaviðskipti. „Ég vil þó
ekki draga þessar samlíkingar of
langt heldur mun ég leitast við að
fara eftir bestu viðskiptavenjum og
sýna fulla sanngimi þeim sem hafa
hætt miklu til,“ sagði Jón Sigurðs-
son.
Reimar og
reimskífur
Tannhjól
og keðjur
Leguhús
Pnulscn
Sudurlandsbraut 10. S. 686499.