Morgunblaðið - 13.12.1987, Blaðsíða 44

44
MORGUNBLAÐIÐ, SUNNUDAGUR 13. DESEMBER 1987
JT
Geiri Sæm var að gefa
út plötuna „Fílinn", sem
þegar er farin að hljóma
í eternum. En fyrir utan
útvarpsspilun er Geiri
búinn að berja saman
hljómsveitinni Hunangs-
tungli og nú tekur spila-
mennskan við. Þá hleraði
Rokksíðan að hljómsveit-
in væri þegar farin að
huga að plötuútgáfu.
Hvað sem því líður er
platan hans Geira um-
ræðuefnið hér og neðan-
skráð viðtal tekið af því
tilefni.
Hvernig plata er þetta?
„Þetta er eins konar „kons-
ept“-plata, ef maður má taka
sér erlent orð í munn. Svo ann-
að sé notað, þá er ákveðið
„þema“ á henni og allir textarn-
ir eru í samræmi við það.“
Er efnið byggt á eigin
reynslu?
„Já, vitaskuld — hvað er það
ekki? Platan er þó engin sjálfs-
ævisaga, heldur er ég að lýsa
MorgunblaðiS/Bjarni
Eg brosi breitt
Geiri Sæm íviðtali við Rokksíðuna
ýmsu, sem ég hef séð, hvort
sem ég er í aðalhlutverki eða
ekki. Hvert lag er sjálfstæð
saga, en þau mynda eina
heild . . . svona líkt og Cre-
epshow Stephens King. Ekki
svo að skilja að platan sé hryll-
ingur, en hér ræðir sumsé um
safn laga, sem þó geta staðið
ein og sér.“
Nú var þessi plata óhemju
lengi i smíðum. Hvers vegna,
og er ekki hætt við að hún sé
sundurleit?
„Ég held nú að hún sé heil-
steypt, þó hún hafi verið lengi
í vinnslu. Hins vegar eru marg-
ar ástæður fyrir vinnslutíman-
um. Ég stóð sjálfur undir hluta
kostnaðarins, sem þýddi að
maöur varð að vinna hana með
hléum. Svo fór mikill tími í und-
irbúning og annað. Annars
finnst mér ár ekkert sérlega
langur tími. Að minnsta kosti
er betra að hafa ár en viku fyr-
ir sér. Eða það finnst mér. Aðrir
vinna vafalaust betur undir
álagi og á skemmri tíma.“
Nú kemur þú ekki einn við
sögu; á umslaginu má m.a. sjá
nöfn gömlu félaganna úr Pax
Vobis. Hvað gerðir þú og hvað
gerðu aðrir?
„Ég samdi vitaskuld efnið að
mestu leyti sjálfur og svo
stjórnaði ég upptökum. Þannig
heldur maður betur utan um
þetta. Lögin eru reyndar mis-
gömul — ýmislegt, sem ég hef
safnað í sarpinn — en í allt vann
ég 15 lög og þetta er úrvalið:
átta lög. En þetta er alls engin
Pax l/oö/s-dagskrá. Markmiðið
var alltaf að vera í félagi við
fleiri. Til að mynda Kristján
Edelstein, sem fer á kostum a'
plötunni, enda maðurinn snill-
ingur á gítar."
En seg mér Ásgeir að iokum:
Hvað finnst þér best á plötunni
fyrirutan það að þú ert á henni?
„Ég er eiginlega ánægðastur
með hvað platan er heilsteypt.
Ég var stundum hræddur um
að ekki kæmist allt til skila, en
það reyndist ástæðulaus ótti.
Upptökumaðurinn, Ásgeir
Jónsson, átti þar ekki minnstan
hlut að máli. En hvað um það,
ég er hæstánægður með afurð-
ina og brosi breitt." A.M.
STRAX í dag
Og ný Stuðmannalög á leiðinni
Hljómsveitin STRAX er komin á kreik enn á ný
og rétt í þessu er að koma út ný skifa með
þessari eðalsveit. Og eins og vanalega þegar
STRAX er nærri, þarf ekki að leita lengi að Stuð-
mönnum og því fjöri, sem þeim er samfara.
Hin nýja plata Strax heitir „Face The Facts"
og inniheldur níu lög — öll á ensku. Það eru þau
Jakob Magnússon, Ragnhildur Gísladóttir, Valgeir
Guðjónsson og Þórður Árnason, sem bera hitann
og þungann af þessari afurð vegna anna hinna.
Þá er búið að gera myndband og í næstu viku
koma út leysidiskar með STRAX og Stuðmönnum
— „Face The Facts" og „Á gæsaveiðum". Á síðar-
nefnda disknum eru tvö aukalög, bæði glæný og
rammíslensk. Þegar er út kominn leysidiskur með
fyrstu plötu STRAX og samnefndri.
Stuðmenn/STRAX hafa ekki sagt síðasta orðið
með þessu, því kvikmyndin „Strax í Kína" verður
, sýnd í áramótadagskrá Ríkissjónvarpsins.
Umslagið á hinni nýju plötu STRAX, „Face Th«
Facts“ er í óræðara lagi, en lögin er það hins veg-
ar ekki, enda hljómsveitarmeölimir þekktir að öðru
stefnuleysi.
Blúskvöld á
Borginni
Næstkomandi miðvikudag,
16. desember, verður haldið
blúskvöld eitt almagnað á Hótel
Borg.
Þar kemur fram í aðalhlutverki
blúsrokksveitin Centaur og hefur
hún margt góðra gesta sér til
halds og trausts.
Gestirnir hafa margir hverjir
lítið fengist við blús hin síðari ár
þó þeir hafi flestir getið sér gott
orð fyrir slíka iðju í eina tíð. Aðr-
ir hafa minna fengist við blúsinn,
en hafa sungið poppmúsík.
Endanleg tónleikaskrá er ófrá-
gengin, ,en víst er að eftirfarandi
verða á staðnum:
Fyrst ber frægan að telja Jó-
hann G. Jóhansson, sem var með
fremri blúsrokkurum í sínu ung-
dæmi. Magnús Eiríksson er einn
þeirra sem myndast hefur við að
leika og syngja blús, en hann var
lengi vel aðal driffjöður Blús-
kompanísins. Þá verður gítarleik-
arinn Björgvin Gíslason með í
hópnum, en hann er líklegast
eini íslenski tónlistarmaðurinn,
sem starfað hefur með fyrstu
gráðu blústónlistarmanni banda-
rískum og þá ekki minni manni
en Clarence Gatemouth Brown.
Magnús Guðmundssson, söngv-
ari í Þey meðal annars, verður í
hópnum og einnig poppsöngvar-
arnir Eiríkur Hauksson, Pálmi
Gunnarsson og Sigga Beinteins.
Þrátt fyrir að þau síðastnefndu
hafi lítið sungið blús, að minnsta
kosti á opinberum vettvangi, er
ekki að efa að þau hafa sitthvað
blúskennt í fórum sínum. Svo
mikið er víst að ávallt var stutt í
blúsinn hjá Eika Hauks þegar
hann stundaði þungarokkið af
jötunmóð hér um árið.
Árni Matt.
Björgvin Gíslason
Nr. Flytjandi—titill Verð
1. Bjartmar Guölaugsson - í fylgd með fullorðnum 899 809
2. Laddi - Ertu búnaðverasvona lengi 899 809
3. Ríó tríó - Á þjóðlegum nótum 899 809
4. Jólastund - Ýmsir flytjendur 899 809
5. Bubbi Morthens-Dögun 899 809
6. Greifarnir - Dúbl í horn 899 809
7. Model-Model 899 809
8. Grafík-Leyndarmál 899 809
9. Gunnar Þórðarson - í loftinu 899 809
10. Sverrir Stormsker - Stormskersguðspjöll 1.399 1.259
11. Úrmynd-Labamba 799 719
12. Megas - Loftmynd 899 809
13. Ýmsir-Now10 1.099 989
14. MicaelJackson-BAD 799 719
15. Madonna - You Can Dance 799 719
16. BeeGees-E.S.P. 799 719
17. Reynir Jónasson - Leikið tveim skjöldum 899 809
18. BrianFerry-BeteNoire 799 709
19. Rauðir fletir—Minn stærsti draumur 899 809
20. HörðurTorfason - Hugflæði 899 809
Góðir íslendingar ath.:
Þessi topp 20 listi mun gilda fram að jólum.
Ef þú gefur plötu í jólagjöf kemur þú til okkar
því við bjóðum ódýrustu plöturnar í bænum.
Póstkröfuþjónusta.
Rauðarárstíg 16
s. 11620 og 28316
Símsvari opinn
allan sólarhringinn.
Sími 28316.
Goð þjónusta.

STEINAR HF
Austurstræti, Glæsibæ, Rauðarárstíg, Strandgötu og Hagkaup, Kringl-
unni. Póstkröfusími 11620 og 28316 (símsvari).