Morgunblaðið - 01.03.1989, Blaðsíða 14

Morgunblaðið - 01.03.1989, Blaðsíða 14
14 MORGUNBLAÐIÐ MIÐVIKUDAGUR 1. MARZ 1989 Tilþrifalítill Tvíæringur Myndllst Bragi Ásgeirsson Annar Tvíæringur Félags íslenzkra myndlistarmanna að Kjarvalsstöðum gengur á fullu er þessar línur birtast almenningi og mun hann standa til fímmta marz. Segja verður hverja sögu eins og er og vissulega eru öllu meiri vænt- ingar gerðar til sýninga sem bera slíkt nafn en þessar tvær hafa risið undir, enda tengjast nafninu yfír- leitt viðamiklar myndlistarkynning- ar úti í heimi svo sem flestum mun kunnugt. Fyrir nokkrum árum var sú ákaf- lega vanhugsaða ákvörðun tekin, að leggja niður hina árvissu Haust- sýningar FÍM, en þær voru í eina tíð tvímælalaust einn merkasti list- viðburður ársins hér í borg. í stað þess var ákveðið að efna til sýning- ar innanfélagsmanna á tveggja ára fresti og nefna hana „Tvíæring", og er það orðrétt útlegging alþjóð- lega nafnsins „Biennal". Vanhugsuð var ákvörðunin fyrir það, að í fyrsta lagi hafði tekist að halda þessum listviðburði gangandi svo til óslitið um áratuga skeið, og í öðru lagi kallaði hin nýja fram- kvæmd eftir tviefldum metnaði frá fyrra forminu, sem svo ekki virðist hafa verið fyrir.hendi. í þriðja lagi hefur meðlimatala FÍM trúlega auk- ist drjúgum á skömmum tíma í samræmi við fjölgun myndlistar- manna og á ef að líkum lætur eftir að margfaldast á næstu árum. Einmitt síðasttalda staðreyndin ætti að hvetja til meiri umsvifa hvað slíkar framkvæmdir áhrærir, því að aldrei hefur þörfin verið meiri til einnar allsherjar árlegrar uppstokkunar, til að nokkuð yfírlit fáist yfir það helsta sem er að ger- ast í myndlist hérlendis — með marktækum innbyrðis samanburði. Stórsýningar verka ungs fólks á nokkurra ára fresti eru ekki nóg, og því hefur þörfin á einni mikilli allsherjarsýningu allra árganga, eða jafnvel metnaðarfullum tvíær- ingi aldrei verið meiri. Á slíkum sýningum kemur styrkleiki ýmissa myndlistarmanna greinilegast í ljós, en sfður á einkasýningu eða minni samsýningum. Þetta er mönnum ákaflega vel ljóst erlendis og þess vegna er svo mikið um árvissar stór- sýningar af ýmsu tagi í gangi þar allan ársins hring. Og þetta er ekkí einungis af hinu góða fyrir listamennina sjálfa held- ur einnig fjölmiðla, umfjallendur hvers konar, og ekki síst almenn- ing, því að slík framkvæmd gerir alla markvissa og heilbrigða yfírsýn svo miklu auðveldari. Hins vegar skapa allar þessar litlu einkasýning- ar hér á útskerinu ótrúlegan rugling og hringlandahátt, svo að fæstir Myndlistarmennirnir á FÍM-sýningunni. Makaskipti Hef kaupanda að 4ra-5 herb. íbúð ásamt bílskúr á höfuðborgarsvæðinu í skiptum fyrir 3ja herb. íbúð við Frakkastíg ásamt góðri milligjöf. Upplýsingar gefur: HrafnkellÁsgeirsson hrl., Strandgötu 28, Hafnarfirði, símar 50318og 54699. botna neitt í neinu og aðsókn fer þverrandi í heildina litið — jafnvel svo að það eru helst nánustu vinir og ættingar, sem rata á sumar sýn- ingar, svona líkt og á jarðarfarir, enda leiðir blómahafíð stundum hugann til þeirra, þótt slíkt sé síst tilgangurinn. Þemasýningar, sem nú eru farn- ar að tíðkast, eru góðra gjalda verð- ar einkum ef þær ná tilgangi sínum og skapa aukuíh áhuga og forvitni. Stórsýningar mega hins vegar ekki bera alfarið keim af sýningum ákveðins listhóps eða kjarna, svo sem var í eina tíð, enda stórjókst velgengi þeirra er það viðhorf var ofurliði borið varðandi Haustsýn- ingarnar gömlu, og skipulega var gengið til verks í nokícur ár. Þá jókst traust manna svo til fyrirtæk- isins að almennari þátttaka og fjöldi innsendra verka hefur aldrei verið meiri í allri sögu félagsins. En fyrr en varði var sú uppsveifla gengin yfir og síðan hefur framkvæmdin yfirleitt verið fremur rislág þrátt fyrir ýmsar tilraunir er urðu að frekar lífvana umbrotum. Áhugaleysið hefur víst aldrei ver- ið meira en núna og tala innsendra verka í lágmarki — sýningarskráin er klén að ekki sé meira sagt, sömu- leiðis auglýsingaspjðldin utan dyra, og engin skilgreining sýningar- nefndar um framkvæmd og stefnu- skrá sér stað í skránni. Má alveg gera ráð fyrir, að aðstæðurnar hafi þrengt sýningarnefnd út í horn og sett hana í óyfirstígarit'egan vanda, sem hún réði svo eðlilega ekki við. Hér á þróun félagsmála sinna stóra þátt í málum, en sú þróun hófst einmitt með hnignun Haustsýning- anna upp úr 1975, svo beint sam- band er hér á milli. Eg trúi ekki öðru en að allir metnaðargjarnir íslenzkir myndlist- armenn vilji sterka og rismikla ár- lega stórsýningu, ég vísa enn einu sinni til þess og minni á, að frænd- um vorum Norðmönnum hefur tek- ist þetta í heila öld og einu ári bet- ur, og þar (í Ósló) sýningin er ótví- rætt myndlistarviðburður ársins og umfjöllun í fjölmiðlum eftir þvf. Ekki er sérstakt tilefni til að fjöl- yrða um sýninguna í ár eða einstök verk, enda ekki á hreinu, út frá Eitt húsgagn Llst ofl hönnun Bragi Ásgeirsson Síðastliðinn laugardag kynnti húsgagnaverslunin Epal í Faxafeni 7 nýstárlega hönnun og verður hlut- urinn til sýnis í versluninni um skeið. Er hér um að ræða sófa, sem þeir innanhússarkitektarnir Guð- rún Margrét Óla&dóttir og Odd- geir Þórðarson eru höfundar að, og til að undirstrika nýjan stfl fengu OFNHITASTILLAR OG BAÐBLONDUNARTÆKI Stjórntæki í efnahagsráðstöfunum heimilisins. Gæta ítrustu sparsemi án þess að skerða þjónustuna. HEÐINN SELJAVEGI 2, SlMI 624260 SÉRFRÆÐIÞJÓNUSTA - LAGER gœtir hófsemi Morgunblaðið/Emilla þau nýbylgjumálarann Þorlák Kristinsson til að mála hann í textíllitum. Þetta er ekki í fyrsta skipti, sem þessi verzlun kynnir nútíma hús- gagnahönnun því að hún hefur m.a. staðið fyrir kynningu á hinum þekkta hönnuði Ole Kortzau, sem ýmsum er ábyggilega í fersku minni. Það er skemmst frá að segja, að sófínn, sem er gerður úr svampi, klæddur með bómullardúk og fram- leiddur í aðeins tíu eintökum, er allóvenjulegur á að líta hér á norð- urslóðum. Minnir um sumt á Memphis-hópinn og gæti verið gerður undir beinum eða óbeinum áhrifum frá honum, en er þó öllu grófari, stórgerðari og norrænni í útliti. Hefur ekki yfir sér hina glæsi- legu og mjúku ftölsku línu og er stórgerðari og óbifanlegri formrænt séð. Þetta getur allt eins verið kost- ur, allt eftir því hvaða augum menn líta á hlutina og kunnu fulltrúar Memphis-hópsins, er hér voru á ferð og litu á gripinn, t.d. vel við árangurinn, sem hlýtur að teljast drjúg meðmæli. Kannski boðar þetta framtak uppsveiflu í gerð nútíma húsgagna á fslandi og væri æskilegt, að menn séu hér með á nótunum frá upp- hafi — hér er ekki til það fjármagn né bakgrunnur, sem þeir á ítalfu hafa auk staðsetningarinnar í hjarta Evrópu, og það gerir alla hluti margfalt erfíðari í fram- kvæmd. En tilraunin er þeim mun virðingarverðari, og ég er alveg viss um að að þessum sófum væri mikil ði í réttu umhverfí, auk þess, sem þeir eru vísir til að skapa sérstætt andrúmsloft í kringum sig. Og framtak hinna ungu hús- gagnaarkitekta lofar góðu og ber að þakka þeim hugrekkið og óska þeim velfarnaðar.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.