Morgunblaðið - 25.06.1989, Blaðsíða 7

Þóru og Jakobs var einkar ástríkt
og farsælt. Þau voru samhent um
alla hluti og veittu hvort öðru styrk
öll sín hjúskaparár. Þóra lét sig
preststarfið miklu varða og var
manni sínum stoð og stytta við
embættisstörfin sem oft fóru fram
inni á heimili þeirra. Hún naut síðan
einlægrar og ástríkrar umhyggju
hans hin síðari ár er heilsu hennar
hafði hrakað. Missir Þóru er því
mikill og sár nú.
Þóra og Jakob eignuðust fimm
börn og létu sér mjög annt um
uppeldi þeirra, menntun og velferð.
Þau eru: Guðrún Sigríður, hjúkrun-
arkona, exam. art. í persnesku, gift
Hans Walter Rothenborg lækni og
sérfræðingi í húðsjúkdómum í
Kaupmannahöfn. Þau eiga þijú
börn; Svava, rithöfundur og fyrrv.
alþm., gift þeim sem þetta ritar og
eigum við einn son; Jökull, rithöf-
undur, látinn 1978. Fyrri kona hans
var Jóhanna Kristjónsdóttir blaða-
maður og síðari kona Ása Árnadótt-
ir Beck. Böm Jökuls eru fimm; Þór
Edward Ph.D. deilarstjóri á Veður-
stofu íslands, kvæntur Jóhönnu
Jóhannesdóttur rannsóknartækni-
fræðingi. Þau eiga tvö börn; Jón
Einar hdl. og stórkaupmaður,
kvæntur Gudrun f. Larsson, versl-
unarstjóra. Þau eiga þijú börn.
Auk þess fóstruðu þau eitt barna-
barn sitt, Þóm Þórsdóttur, til
tveggja ára aldurs.
Barnaböm og barnaböm hafa
misst mikið við fráfall afa síns og
langafa. Var samband hans við þau
afar innilegt.
Ég naut þess í tæpa fjóra ára-
tugi að þekkja séra jakob og um-
gangast hann náið. Ég var við nám
í guðfræði er ég varð tengdasonur
hans og heimagangur á heimilinu.
Em mér minnisstæðar frá þeim
árum uppörvandi og áhugavekjandi
umræður um guðfræði sem ég átti
við hann. Þá kenndi hann mér
margt í hagnýtri guðfræði sem kom
að góðum notum er ég hóf störf í
kirkjunni. Það var einmitt einn af
eðlisþáttum séra Jakobs hve uppör-
vandi og áhugasamur hann var um
það sem aðrir voru að gera, óspar
að hvetja til dáða og auka mönnum
sjálfstraust þar sem það var ef til
vill af skomum skammti. Þessi lif-
andi áhugi var samofinn velvild og
ástúð sem hann miðlaði í ríkum
mæli til allra sem umgengust hann.
Þeir nutu þó þessa viðmóts best sem
stóðu honum næst. Hann var
óvenjulega kærleiksríkur faðir og
traust barna sinna sem þau kunnu
vel að meta.
Séra Jakob var til hinstu stundar
úrræðagóður sálusorgari og hjálp-
arhella hveijum þeim sem sótti til
hans ráð eða til hans leitaði. Lið-
sinni hans við þá sem stóðu fyrir
einhverjar sakir höllum fæti í lífinu
fór ekki hátt en um það vita þeir
best sem nutu. Hvort sem leitað var
til hans sem sóknarprests, fræði-
manns eða heimilisföður bar allt
að sama brunni. Hann leysti ekki
eingöngu úr persónulegum vanda-
málum heldur var hann einnig
óþreytandi að finna lausnir á færði-
legum viðfangsefnum í fleiri en
einni grein, því að menntun hans
var breið og alhiiða. Og ef hann
hafði ekki svar á reiðum höndum
við Þeim spumingum sem til hans
var beint þá fór hann í bókasafn
sitt og aflaði svara, því að honum
var ósýnt um að láta nokkurn fara
bónleiðan til búðar sem leitaði á
náðir hans. Þekking hans var söm
MORGUNBLAÐIÐ
og jöfn til æviloka og hann hélt
dómgreind sinni, andlegum styrk
og jafnaðargeði á hveiju sem gekk.
Styrk sinn, bæði meðlæti og mót-
læti sótti hann í óbifanlega trú sína,
sem aldrei brást á hveiju sem gekk.
Séra Jakob og Þóra hafa síðustu
árin búið á dvalarheimili aldraðra
við Seljahlíð og notið þar frábærrar
umönnunar og góðs atlætis. Fyrir
þetta vilja aðstandendur þeirra
þakka á þessari stundu. Þá vilja
aðstandendur einnig flytja hugheil-
ar þakkir til sóknarprestsins á
Djúpavogi, forráðamanna þar og
staðarbúa allra fyrir hlýjug og virð-
ingu sem þar var sýnt við hið svip-
lega fráfall séra Jakobs. Hann var
alinn upp á Djúpavogi, þar hófu þau
Þóra búskap sinn og þar hóf hann
störf í þjónustu kirkjunnar. Séra
Jakob átti því margar helgar minn-
ingar tengdar þessum stað og hann
hlakkaði mjög til að heimsækja
hann á afmælisárinu.
Þrátt fyrir háan aldur naut séra
Jakob þess að eiga virkan hlut að
skapandi starfi til æviloka. Ég veit
að hann taldi sig gæfumann. Far-
sælt er að hafa lifáð eins og séra
Jakob hefur gert, ætíð trúr sínum
gmndvallarviðhorfum, Jákvæðri
afstöðu til lífs og einlægu trúar-
trausti.
Við fráfall séra Jakobs er söknuð-
ur fjölskyldunnar sár en styrkur og
huggun mega þeim vera orð hans
sjálfs í bókinni Frá sólarupprás
til sólarlags:
„Dauðinn er mér ekkert kvíða-
efni. Ég hef skynjað Guð, og ég
hefi skynjað kærleika hans. Dauð-
inn setur gæzku Guðs engin tak-
mörk. Bjartsýni mín í þessum heimi
hefir grundvallast á trú á hann, og
sama gildir um bjartsýni mína
gagnvart öðru lífi“.
Eg þakka séra Jakobi fyrir sam-
fýlgdina gegnum árin og bið Þóru
og öðrum aðstandendum hans Guðs
blessunar.
Jón Hnefill Aðalsteinsson
Er ég frétti andlát séra Jakobs
fann ég í senn sáran söknuð og
djúpa gleði. Gleði yfir því að hann
skyldi fá að kveðja að loknum góð-
um gleðidegi í heimabyggð sinni,
sem honum var svo kær og hjart-
fólgin. Hvergi hefði hann fremur
kosið að fá að fara en einmitt þar.
Gott er að fá að leggjast til hvíldar
eftir langan dag og verkadijúgan,
geta horft sáttur yfir farinn veg
með vissa von um nýjan dag að
morgni — sem bjartur ljómar í birtu
páskasólar. Guði sé lof fyrir það.
En jafnframt fann ég til mikils
trega. Ég hafði hlakkað til að hitta
hann aftur glaðbeittan og hressan
að vanda. Fyrr í vor fengum við
Kristín langt bréf frá honum. Þar
var síst að sjá og heyra að háaldrað-
ur maður héldi á penna. Svo leiftr-
andi var fjörið og hressileikinn,
áhugamálin mörg og athugasemdir
um menn og málefni líðandi stund-
ar smellnar og snjallar. Hann var
þar sami æringinn og alltaf. En þar
var líka auðfundið, eins og ávallt,
að undir sló hlýtt hjarta og viðkvæm
lund. En efst bar gleðin yfir því að
einþáttungar hans yrðu hluti
Kirkjulistahátíðar í Hallgrímskirkju
í vor. Illt þótti okkur að vera ijarri
þá og geta ekki tekið þátt í gleði
hans þar. Það var að sögn fagur
svanasöngur. Við hjónin minnumst
með trega margra góðra stunda
með séra Jakob fyrr og síðar. Ég
minnist með virðingu og mikilli
MINNINGAR SUNNUDAGUR 25. JÚNÍ 1989
—■■ í/h-í Íl i*Ii f:"* I 'j i,f‘ ;If;-----------
þökk heimilisvinar á bernskuheimiíi
mínu, fermingarföður og svo fyrir-
rennara í starfi, og fel þær minning-
ar allar góðum Guði. í þeirri þökk
og bæn sé og frú Þóra falin. Guð
styrki hana og huggi, og ástvini
alla, og blessi þau og það annað
allt sem séra Jakob var kærast hér
í heimi. Hann hvíli í friði.
Karl Sigurbjörnsson
C 7
Kveðja frá Presta-
félagi íslands
Við fráfall Dr. Jakobs Jónssonar
koma margvíslegar minningar upp
í hugum okkar kollega hans. Raun-
ar bregður okkur við á svipaðan
hátt og gerist, er miklu yngri menn
falla frá. Svo vakandi og fijór í
hugsun var séra Jakob, að ávallt
mátti maður vænta þess að hann
kæmi á óvart.
Séra Jakob átti langa og áber-
andi þjónustu að baki í þágu kirkju
og þjóðar. Margir verða eflaust til
að rekja það nú og síðar. í þessum
fáu orðum skal aðeins staðnæmst
við starf hans í þágu prestastéttar-
innar. Hann sat um árabil í stjóm
Prestafélags íslands og var formað-
ur féiagsins á árunum 1954 til
1964. Á þessum ámm urðu miklar
breytingar í þjóðfélagi okkar og þá
einnig á högum prestastéttarinnar.
Barðist séra Jakob ötullega fýrir
hag stéttar sinnar, og er óhætt að
fullyrða, að hann hafi haft veruleg
mótandi áhrif á starfshætti félags-
ins. Á 60 ára afmæli félagsins árið
1978 var séra Jakob kjörinn heið-
ursfélagi þess í þakkar og viður-
kenningarskyni, enda er erfitt að
benda á nokkurn þann, er meira
hafi lagt á sig vegna starfa fyrir
félagið.
Að leiðarlokum minnumst við
prestar þessa gengna félajga og
baráttumanns í djúpri þökk. I minn-
ingu hans sækjum við styrk og
hvatningu til nýrra starfa og nýrra
átaka. Raunar minnir fordæmi séra
Jakobs okkur á að láta ekki værð
vanans ná tökum á okkur heldur
vaka á verðinum og setja markið
hátt.
Um leið og við felum þennan
gengna bróður Drottni á vald, vott-
um við fjölskyldu hans innilega
samúð og biðjum þeim öllum Guðs
blessunar.
Sigurður Sigurðarson
Btómmtofa
Fmfinm
Suðurlandsbraut 10
108 Reykjavík. Sími 31099
Opið öli kvöid
til kl. 22,- einnig um helgar.
Skreytingar við öll tilefni.
Gjafavörur.
t
Þökkum auðsýnda samúð og vinarhug við andlát og útför móður
okkar,
GUÐRÚNAR EINARSDÓTTUR,
Bræðratungu 15,
Kópavogi.
Magnús Óskarsson,
Einar Óskarsson,
Guðmundur Óskarsson.
t
Innilegar þakkir sendum við öllum þeim, sem vottuðu okkur sam-
úð við andlát eiginmanns míns, föður okkar, tengdaföður og afa,
JÓNS J. SÍMONARSONAR,
Stangarholti 32,
Reykjavík.
Guðrún Þorsteinsdóttir,
Elfn Jónsdóttir, Jón Birgir Jónsson,
Sigriður Jónsdóttir, Þorsteinn Jónsson,
Bragi Jónsson, Kurt Andersen,
íris Guðnadóttir, Katrín Torfadóttir
og barnabörn.
t
Hugheilar þakkir fyrir auðsýnda samúð vegna fráfalls,
VIGDÍSAR HELGADÓTTUR,
Fossheiði 16,
Selfossi.
Karl R. Guðmundsson,
Katla Heigadóttir, Ásgeir Ólafsson,
Hallfríður Þorsteinsdóttir,
Helgi Þorsteinsson,
Bogi Karlsson,
Kolbrún Karlsdóttir,
Erlín Karlsdóttir,
Ríkharður Björnsson,
Birgit Þorsteinsson,
Kristfn Guðmundsdóttir,
Jóhannes Ásgeirsson,
Þorvaldur Þorvaldsson,
barnabörn og barnabarnabarn.
Lokað
Verslun okkar og skrifstofur verða lokaðar mánu-
daginn 26. júní frá kl. 13-16 vegna jarðarfarar
dr. Jakobs Jónssonar.
Bústofn hf., Smiðjuvegi 6, Kópavogi.
Birting afmælis- og
minningargreina
Morgunblaðið tekur afmælis- og minningargreinar til birting-
ar endurgjaldslaust. Tekið er við greinum á ritsfjóm blaðsins á
2. hæð í Aðalstræti 6, Reykjavík og á skrifstofu blaðsins í Hafn-
arstræti 85, Akureyri.
Athygli skal á því vakin, að greinar verða að berast með góðum
fyrirvara. Þannig verður grein, sem birtast á í miðvikudagsblaði að
berast síðdegis á mánudegi og hliðstætt er með greinar aðra daga.
í minningargreinum skal hinn látni ekki ávarpaður. Ekki eru tek-
in til birtingar frumort ljóð um hinn látna. Leyfilegt er að birta til-
vitnanir í ljóð eftir þekkt skáld, og skal þá höfundar getið. Sama
gildir ef sálmur er birtur. Meginregla er sú, að minningargreinar
birtist undir fullu nafni höfundar.
Legsteinar
Framleiðum allar stærðir og gerðir af legsteinum.
Veitum fúslega upplýsingar og ráðgjöf
________um gerð og val legsteina._
!S S.HELGASON HF
ISTEIHSMIOJA
■ SKEMMUVEGI 48-SlMI 76677
HÚSGÖGN OG GJAFA VÖRUR
VEG113 SÍMI 625870 .,tf>
Mikið úrval af gjafavörum og húsbúnaði fyrir heimilið