Morgunblaðið - 05.09.1989, Blaðsíða 24
24
MORGUNBLAÐIÐ ÞRIÐJUDAGUR 5. SEPTEMBER 1989
Laugarvatn;
Rekstur Iþróttamiðstöðvar
íslands hefst í mánuðinum
Mikil uppbygging framundan á aðstöðu fyrir afreksfólk og almenningsíþróttir
Selfossi.
„HUGMYNDIN er að hér verði
byggð upp aðstaða fyrir alla, ekki
bara afreksfólk. Hingað eiga allir
að geta komið og notið þess sem
hér er í íþróttum og útiveru. Ætl-
unin er að gera aðstöðuna hér
opnari og aðgengilégri fyrir al-
menning," segir Þráinn Hafsteins-
son framkvæmdastjóri Iþrótta-
miðstöðvar íslands á Laugarvatni.
I sumar hefiir verið unnið að und-
irbúningi framkvæmda og rekst-
urs íþróttamiðstöðvarinnar en
hann hefst nú í september.
Starfsemi íþróttamiðstöðvar Is-
lands hófst með fyrsta fundi stjórnar
hennar 20. júní síðastliðinn. íþrótta-
miðstöðinni á Laugarvatni er ætlað
að þjóna öllu landinu á íþróttasvið-
inu, taka á móti hópum til æfinga,
keppni, námskeiða og hvers konar
íþróttaiðkana. Miðstöðin á að þjóna
almenningsíþróttum, íþróttum fatl-
aðra, skóla og kennsluíþróttum og
verður rekin árið um kring. Aðstaðan
á Laugarvatni verður nýtt og byggt
og bætt við eftir efnum og ástæðum.
Fyrstu framkvæmdir í sumar voru
lagning göngu- og skokkbrauta og
gerð opinna útivistarvalla. Undirbún-
ingsvinna er hafín að gerð 9 holu
golfvallar á túnunum fyrir neðan
menntaskólann. Hönnun á vellinum
er hafin og stefnt að að hefja þar
golfiðkun að einhveiju leyti næsta
vor. Stofnfundur golfklúbbs í Laug-
ardal var haldinn á Laugarvatni 19.
ágúst.
Stefnumörkun varðandi uppbygg-
ingu íþróttamannvirkja á Laugar-
vatni mun taka tillit til íþróttamið-
stöðvarinnar, íþróttakennaraskól-
ans, annarra skóla á staðnum og
fyrirhugaðs Landsmóts ungmennafé-
laga 1993. Meðal mannvirkja og
endurbóta sem þörf er á er sund-
laug, upphitaður gervigrasvöllur,
upphitaðar hlaupabrautir með gervi-
efni, stækkun og endurbygging gra-
svalla og æfingasvæða, hestaíþrótta-
Morgunblaðið/Sigurður Jónsson
Þráinn Hafsteinsson framkvænidasljóri íþróttamiðstöðvar íslands.
völlur, upphitaðir tennisvellir, göngu-
og skokkbrautir og fleira.
íþróttasamband Islands hefur rek-
ið íþróttamiðstöð á Laugarvatni á
sumrin. Iþróttamiðstöð Islands mun
taka við því starfi og vera einnig
með rekstur á veturna en þá með
öðni sniði. Rekstur íþróttamiðstöðv-
ar íslands hefst í september. Að sögn
Þráins Hafsteinssonar framkvæmda-
stjóra verður í vetur boðið upp á
aðstöðu til æfinga, námskeiða og
fundahalda um helgar og í miðri viku
eftir því sem aðstæður leyfa. Gisti-
pg fundaaðstaða verður í gömlu
íþróttakennaraskólavistinni sem
rúmar 60 manns. Matur, gisting og
öll íþróttaaðstaða verður gegn vægu
gjaldi. Þráinn sagði fyrirhugað að
bjóða upp á heilsuvikur á Laugar-
vatni þar sem fólk iðkaði íþróttir við
sitt hæfi, fengi gott fæði, slakaði á
og gæti notið þess að dveljast í fögru
umhverfi.
í stjórn íþróttamiðstöðvar íslands
sitja: Sveinn Björnsson forseti ÍSÍ,
Margrét Frímannsdóttir alþingis-
maður, Stokkseyri, Hafsteinn Þor-
valdsson, framkvæmdastjóri Sel-
fossi, Þórir Þorgeirsson oddviti,
Laugarvatni, Kristinn Kristmunds-
son skólameistari, Laugarvatni og
Arni Guðmundsson skólastjóri,
Laugarvatni.
— Sig. Jóns.
Menntamálaráðherra:
Fulltrúar í stjórn
LIN sitji í tvö ár
SVAVAR Gestsson, menntamálaráðherra, hefur lagf fyrir rikisstjórnina
drög að frumvarpi, sem felur í sér, að fulltrúar ríkisins í stjórn Lána-
sjóðs íslenskra námsmanna verði skipaðir til tveggja ára í stað fjög-
urra. Sigurbjörn Magnússon, formaður sfjórnar sjóðsins, segir að eðli-
legra væri að skipaðir yrðu nýir sfjórnarmenn af hálfu ríkisins við
hver sfjórnarskipti.
í bréfi menntamálaráðherra til
stjórnar LÍN, sem sent var á þriðju-
daginn, segir að frumvarpsdrögin,
sem ráðherra kynnti í ríkisstjórninni,
geri ráð fyrir að lögum um stjórn
Lánasjóðsins verði breytt á þann veg
að fulltrúar menntamálaráðherra og
fjármálaráðherra verði skipaðir til
tveggja ára í senn. Nú séu þessir
fulltrúar skipaðir til fjögurra ára en
fulltrúar námsmanna hins vegar til
tveggja, þannig að í drögunum felist
samræming á skipunartímanum.
Sigurbjörn Magnússon, formaður
BALLET KLASSÍSKUR BALLET £
Námskeið fyrir byrjendur (yngst 4ra ára> og framhaldsnemendur.
Kennslukerfi: ROYAL ACADEMY OF DANCING RUSSIAN METHOD -1 fy
Innritun í síma 72154 frá kl. 10-18.
Afhending skirteina laugardaginn 16. september ™ frá kl. 12-16. Kennsla hefst 18. sentember. V'
\ Félag íslenskra listdansara.
BflLLETSKÓLI SIGRÍÐRR flRff ifinn
SKÚLACÖTU 32-34 <}►<►<►
stjórnar LÍN, sagði í samtali við
Morgunblaðið í gær, að hann hefði
lengi verið þeirrar skoðunar, að um
Lánasjóðinn og fleiri sjóði ætti að
gilda sú regla, að nýir ráðherrar
skipuðu nýja fulltrúa í stjórnjrnar og
skipunartími þessara fulltrúa ætti
að renna út þegar ráðherrarnir, sem
hefðu skipað þá, hyrfu úr ríkisstjórn.
Það hefði þýtt, sagði Sigurbjörn, að
hann hefði horfið úr stjórn Lána-
sjóðsins um leið og Svavar Gestsson
varð menntamálaráðherra. Tillaga
Svavars fælist eingöngu í því, að
stytta skipunartíma stjórnarmann-
anna og kæmi því ekki í veg fyrir
að til ágreinings gæti komið milli
ráðherra og fulltrúa þeirra í sjóðs-
stjórninni.
Ráðinn yfirbóka-
vörður Ameríska
bókasaftisins
GISLI Ragnarsson hefur tekið við
stöðu yfirbókavarðar Ameríska
bókasafnsins hjá Mcnningarstofn-
un Bandaríkjanna við Neshaga.
Gísli hefur BA-próf í ensku og
bókmenntafræði frá Háskóla íslands
og MA-próf í bókfræði og útgáfu-
og textafræði frá háskólanum í Le-
eds. Hann var áður deildarstjóri á
Landsbókasafninu og hefur að auki
fengist við þýðingar.
Hlutverk Ameríska bókasafnsins
er fyrst og fremst að veita íslenskum
almenningi aðgang að hvers kyns
upplýsingum um Bandaríkin, segir í
fréttatilkynningu frá Menningar-
stofnun Bandaríkjanna. Safnið telur
8.000 titla sem spanna félagsvísindi,
stjórnmál, utanríkismál, bókmenntir
og listir, efnahagsmál, ferðalög, sögu
og fleira. Einnig eru á boðstólum
bandarísk dagblöð, fjölbreytt val
tímarita og myndbandasafn sem tel-
ur um 500 eintök.
Ameríska bókasafnið er opið alla
virka daga rrtilli kl. 11.30 og 17.00.