Morgunblaðið - 23.01.1990, Blaðsíða 30

Morgunblaðið - 23.01.1990, Blaðsíða 30
30 MORGUNBLAÐIÐ ÞRIÐJUDAGUR 23. JANÚAR 1990 Morgunblaðið/Rúnar Þór Það ríkti mikil kátína hjá börnunum í Glerárhverfi þegar þau fengu að stinga sér til sunds í fyrsta sinn í nýja sundlaug sem verið hefur í byggingu við Glerárskóla síðustu ár. Sundlaugin við Gler- árskóla tekin í notkun Kostnaður alls nálægt 70 milljónum króna NÝ sundlaug við Glérárskóla var formlega tekin í notkun á sunnu- dag. Við athöfnina fluttu ávörp Sigfús Jónsson bæjarstjóri, Sigurð- ur J. Sigurðsson forseti bæjarsljórnar, sem opnaði laugin form- lega, Vilberg Alexandersson skólastjóri Glerárskóla og Sunna Árnadóttir formaður Foreldrafélags Glerárskóla. Félagar úr sund- félaginu Óðni syntu boðsund og að lokum fengu börn að taka sundsprett i lauginni. í máli Sigfúsar Jónssonar kom fram að bygging sundlaugar- mannvirkisins á sér langan að- draganda, því rúmur áratugur er síðan fyrst var farið að ræða nauðsyn þess að byggja sundlaug í Glerárhverf i. Áskoranir þess efn- is bárust frá kvenfélaginu Bald- ursbrá, kennurum við Glerár- skóla, Foreldrafélagi skólans og íþróttafélaginu Þór á árunum 1977-80. A árinu 1981 var lögð fram tillaga og líkan af sundlaug og vorið 1982 var samþykkt að halda áfram teiknivinnu við bún- ingsaðstöðu og að bjóða út fyrsta áfanga laugarinnar það ár. Frá árinu 1982-85 lá málið að mestu niðri, m.a. vegna þess að þá fóru fram byggingaframkvæmdir við Síðuskóla, en í október 1985 var samþykkt í bæjarráði að for- hönnun innisundlaugár skyldi gerð. Arkitektastofunni við Ráðhús- torg var falið verkið og eru arki- tektar þeir Gísli Kristinsson og Páll Tómasson. Verkfræðiskrif- stofa Sigurðar Thoroddsens ann- aðist teikningar á burðarvirki, pípulögnum, hreinsikerfi og loft- ræstikerfi, en Rafael sf. teiknaði raflagnir. Framkvæmdir við bygginguna hófust haustið 1987 eftir að undir- ritaður hafði verið samningur við Híbýli hf. Húsið er 843 fermetrar að stærð og er laugin 10X16 metrar. Á síðasta ári var unnið við múrverk, pípulagnir, loftræsti- kerfi, raflagnir, málningu, inn- réttingar og fleira, múrarameist- ari var Gísli Bragi Hjartarson, trésmíðameistari Páll Alfreðsson, pípulagningameistari Bjarni Jóns- son, raflagnir annaðist Rafmar hf. málarameistari var Héðinn Jónasson, um blikksmíði sá Blikkrás hf. og járnsmíði Járn- tækni hf. og Vélsmiðja Steindórs. Um hellulögn sá gatnadeild bæj- arins. Veggskreytingu hannaði Soffía Árnadóttir. Heildarkostnaður vegna sund- laugarbyggingarinnar varum 70 milljónir króna, en eftir er að ganga frá lóð umhverfis laugina og í framtíðinni er gert ráð fyrir heitum pottum vestan laugarinn- ar. Forstöðumaður sundlaugar- innar er Samúel Jóhannsson. Fjárhagsáætlun Akureyrarbæjar: Dalvík: Aras á lögreglumann fyrir utan heimili hans RÁÐIST var á lögreglumann á Dalvík fyrir utan heimili hans að- faranótt sunnudags. Hann hefur nú kært árásina og annast rannsókn- arlögreglan á Akureyri rannsókn málsins. „Það er orðið'ansi hart ef maður hefur ekki frið á heimilinu og mælir- inn er fullur þegar öryggi fjölskyld- unnar er ógnað," sagði Sævar Inga- son lögreglumaður á Dalvík, sem varð fyrir árásinni. Upphaf málsins er það, að skömmu eftir að Sævar hafði lokið vakt sinni kl. eitt aðfaranótt sunnu- dags komu tveir menn að heimili hans og var annar ölvaður. Vildu þeir fá upplýsingar vegna skráning- ar á bifreið og voru þeir all æstir. Er Sævar tjáði þeim að allar slíkar upplýsingar gætu þeir fengið næsta dag upphófust nokkur læti er mögn- uðust. Fieiri menn bættust í hópinn og var orðinn allmikill hávaði við húsið. Sævar segir að vegna hávaðans hafi hann gengið út fyrir og að bflastæði í námunda við húsið. Menn voru orðnir æstir og ákvað hann þá að handtaka einn mann- anna, en skipti þá engum togum að annar réðst aftan að honum. Fóru leikar svo að tveir mannanna gistu fangageymslu lögreglunnar. Málið hefur verið kært, en rann- sóknarlögreglan á Akureyri fer með rannsókn málsins. Olafsfjörður: Stal fjórum bifreiðum FJÓRAR bifreiðir við sömu götu í Ólafsfirði voru teknar trausta- taki aðfaranótt mánudags og endaði ökuferð bifreiðastjórans í ölluni tilfellum uppi í snjóskafli. Samkyæmt upplýsingum lögregl- unnar í Ólafsf irði voru bílarnir tekn- ir á tímabilinu frá kl. 4 til 6 að- faranótt mánudags. Þeir stóðu allir við sömu götuna og voru lyklar þeirra geymdir í hanskahólfi. Mjög mikill snjór er í Ólafsfirði og fórst ökumanni stjórn bifreiðanna ekki betur úr hendi en svo 'að öllum var þeim ekið upp í skaf 1 þar sem þær sátu fastar og var þá gripið til næstu bifreiðar. Reyndi maðurinn við fimmtu bifreiðina, en greip þá í tómt er hann leitaði lykla í hanska- hólfi hennar. Maðurinn var drukkinn og próf- laus og er málið upplýst. Knattspyrnudeild Þórs: Sigurður endur- kjörinn formaður SIGURÐUR Arnórsson var end- urkjörinn formaður Knatt- spyrnudeildar Þórs á aðalfundi deildarinnar sem haldinn var í fyrrakvöld, en hann hefur gegnt því embætti undanfarin ár. Á fundinum kom fram einhugur manna að vinna vel saman að undir- búningi knattspyrnuvertíðarinnar næsta sumar og fram komu hug- heilar þakkir til þeirra fjölmörgu fyrirtækja og einstaklinga sem stutt hafa við bakið á deildinni með aug- lýsingum og styrkjum. Áætlaðar sameiginlegar tekjur bæjar- sjóðs á árinu tæplega 1,3 milljarðar FRUMVÖRP að fjárhagsáætlun fyrir bæjarsjóð Akureyrar og bæjar- stofnanir verða tekin til fyrri umræðu á fundi bæjarstjórnar sem hald- inn verður í dag. Áætlaðar sameiginlegar tekjur bæjarsjóðs á þessu ári eru 1.298.950 þúsund. Rekstrargjöld eru áætluð 956.283 þúsund, fjármunatekjur og gjöld 78.800 þúsund, gjaldfærður kostnaður 131,460 þúsund og 132.407 þúsund verða færðar til eignabreytinga. Tekjur bæjarsjóðs af útsvörum á yfirstandandi ári eru áætiaðar 744 . milljónir, 223,2 vegna aðstöðu- gjalda, 268,5 milljónir vegna skatta af fasteignum, tekjur af fasteignum eru áætlaðar 42,6 milljónir, ýmsar tekjur 17,1 milljón og aðrar skattar og tekjur 3,5 milljóhir. Hvað rekstrargjöldin varðar er mestu varið til félagsmála, rúmlega 291 milljón króna, og til fræðslu- mála rúmlega 165 milljónum. Þá er áætlað að verja 72 milljónum til umhverfismála, rúmlega 67 milljón- um vegnayfirstjórnarbæjarins, 61,4 milljónum vegna gatnagerðar og holræsa og tæplega 60 milljónum til menningarmála. Til hreinlætis- mála er áætlað að verja 55,6 milljón- um, 37,5 milljónum til íþrótta- og æskulýðsmála, 33,8 milljónum til skipulaga- og byggingamála, ýmis útgjöld eru áætJuð 25,6 milJjónir og rúmlega 20 milljónum er áætlað að verja vegna eldvarna og almanna- varna. Til heilbrigðismála er áætlað að verja 18,3 milljónum, til atvjnnu- mála 17,5 milljónum og til strætis- vagna og vegna fasteigna er áætlað að verja rúmlega 15 milljónum króna. Á þessu ári verður 221 milljón króna varið til fjárfestinga sam- kvæmt frumvarpinu og þá er áætlað að lántökur bæjarsjóðs vegna nýrra lána nemi 135,9 milljónum. Afborg- anir lána nema 200 milljónum króna. í frumvarpi að fjárhagsáætlun fyrir hafnarsjóð Akureyrar kemur fram að áætlaðar tekjur samtals á árinu muni nema 62,7 milljónum króna. Stærsti gjaldaliður er vegna hafnarvörslu, skrifstofu og stjórnun- arkostnaðar, samtals 16,9 miUjónir og 11,4 milljónir vegna reksturs hafnarm annvirkj a. Hvað Hitaveitu Akureyrar varðar er gert ráð fyrir 18,5% hækkun á árinu. Gert er ráð fyrir að tekjur veitunnar verði tæplega 415 milljón- ir króna á þessu ári. Stærsti út- gjaldaliður hitaveitunnar er vegna vaxta á erlendum lánum, samtals 240,6 milljónir króna. Þá nema af- borgarnir innlendra og erlendra lána tæplega 38 milljónum króna á þessu ári. Til framkvæmda verður varið alls 40 milljónum króna. Gert er ráð fyrir að tekjur Raf- veitu Akureyrar verði rúmlega 416 milljónir króna, en áætluð gjöld veit- unnar á þessu ári verði 64,6 milljón- ir króna. Tekjur Vatnsveitu Akureyrar eru áætlaðar 90 milljónir á árinu. Sam- kvæmt frumvarpinu er ráð fyrir því gert að framkvæmdir á vegum veit- unnar nemi 27,3 milljónum króna og þá er gert ráð fyrir 4,5 milljónum til Hörgárdalsveitu. Rúta fauk út afveginum BETUR fór en á horfðist er 25 manna rúta fauk út af veginum við Litlu- Hámundarstaði í vonskuveðri á sunnudagskvöld. Rútan var á leið frá Dalvík til Akureyrar og er komið var rétt innan við Litlu-Hámundarstaði á Árskógsströnd tókst bifreiðin á loft og fauk út af veginum þar sem hún valt. Sex farþegar voru í bílnum, en engan þeirra sakaði. Rútan skemmdist lítilsháttar, að sögn Ævars Klemenzsonar sér- leyfishafa. Önnur bifreið var send á vettvang sem flutti fólkið aftur til síns heima. Slysavarnafé- lagið aðstoðaði Lögreglan á Dalvík hefur óskað eftir því að fram komi vegna upplýsinga sem hún gaf blaðinu sl. föstudag, að það var björgunarsveit Slysa- varnafélagsins á Dalvík sem aðstoðaði skólabörn heim úr skóla í óveðrinu sem gekk yfir á föstudaginn, en ekki hjálpar- sveit skáta, eins og fram kom í fréttinni.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.