Morgunblaðið - 15.05.1990, Síða 28

28
MORGUNBLAÐIÐ ÞRIÐJUDAGUR 15. MAI 1990
MORGUNBLAÐIÐ ÞRIÐJUDAGUR 15. MAI 1990
29

Útgefandi
Framkvæmdastjóri
Ritstjórar
Aðstoðarritstjóri
Fulltrúar ritstjóra
Fréttastjórar
Auglýsingastjóri
Árvakur, Reykjavík
Flaraldur Sveinsson.
Matthías Johannessen,
Styrmir Gunnarsson.
Björn Bjarnason.
Þorbjörn Guðmundsson,
Björn JóhannsSon,
ÁrniJörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Baldvin Jónsson.
Ritstjórn og skrifstofur: Aðalstræti 6, sími 691100. Auglýsingar:
Aðalstræti 6, sími 22480. Afgreiðsla: Kringlan 1, sími 83033. Áskrift-
argjald 1000 kr. á mánuði innanlands. í lausasölu 90 kr. eintakið.
Gamli miðbærinn
Fyrir nokkrum vikum var
efnt til stofnfundar sér-
staks Þróunarfélags miðbæjar
Reykjavíkur. Félag þetta var
stofnað á grundvelli sam-
þykktar borgarstjórnar
Reykjavíkur í september á sl.
ári, en þar var hlutverki fé-
lagsins lýst á þann veg, að
það ætti að samræma hug-
myndir og tillögur hagsmuna-
og framkvæmdaaðila um upp-
byggingu mannvirkja og
nauðsynlegrar þjónustu í
gamla miðbænum og stuðla
að framkvæmd þeirra. Félagið
var svo stofnað hinn 23. apríl
sl.
Það er ekki að ástæðu-
lausu, að athyglin beinist að
uppbyggingu gamla miðbæj-
arins. Astæðan er einfaldlega
sú, að hann er ekki sá mið-
punktur viðskiptalífs í höfuð-
borginni, sem hann einu sinni
var. Að hluta til er það eðlileg
þróun. Fyrirtæki og stofnanir
hafa flutt í ný borgarhverfi
eftir því, sem Reykjavík hefur
stækkað. Á hinn bóginn má
sú þróun ekki verða til þess,
að gamli miðbærinn hafi ekki
hlutverki að gegna.
Á undanförnum árum hafa
borgaryfirvöld unnið að marg-
víslegum framkvæmdum, sem
eiga áreiðanlega eftir að
stuðla að því, að nýtt líf fær-
ist í gamla miðbæinn. Fyrst
má nefna ráðhúsið sjálft, sem
mun eiga ríkan þátt í því að
miðbærinn endurheimti sinn
fyrri sess. Samhliða fram-
kvæmdum við ráðhúsið hefur
verið unnið að því að fegra
umhverfi Tjarnarinnar með
göngubrautum í kringum
hana, götuljósum og fleiru.
Þegar útlit var fyrir, að Hótel
Borg yrði gerð að skrifstofu-
húsi Alþingis, festi Reykjavík-
urborg kaup á hótelinu í því
skyni að tryggja áframhald-
andi hótelrekstur í miðbænum
og hefur sú ráðstöfun mælzt
mjög vel fyrir.
Skortur á bílastæðum hefur
síðustu árin staðið verzlun í
miðbænum mjög fyrir þrifum.
Nú er búið að byggja þijú
bílageymsluhús í miðbænum
og í námunda við hann, þ.e.
við Vesturgötu, Kalkofnsveg
og við Skólavörðustíg. Þessi
bílageymsluhús ásamt stóru
bifreiðastæði við höfnina eiga
að ýta undir það að fólk leggi
leið sína í miðbæinn.
Jafnframt hefur markvisst
verið unnið að því að eflá íbúð-
arbyggð á ný í nágrenni mið-
bæjarins. Þar má sérstaklega
nefna framkvæmdir við
Skúlagötuna, sem eiga eftir
að gefa höfuðborginni nýjan
svip. Ný íbúðarhverfi í ná-
grenni við miðbæinn eiga eftir
að draga fólk að þeim verzlun-
um, fyrirtækjum og stofnun-
um, sem þar eru starfræktar.
Þessar framkvæmdir sýna,
að þótt mikil vinna hafi verið
lögð í það á undanförnum
árum að byggja upp ný borg-
arhverfi og nýja miðbæjar-
kjarna víðs vegar um höfuð-
borgina, beinist athygli borg-
aryfirvalda í vaxandi mæli að
gamla miðbænum. Enginn
borgarhluti getur komið í stað
miðbæjarins, þar sem Alþingi
situr, þar sem skrifstofa þjóð-
höfðingjans og stjórnarráð
íslands eru til húsa, þar sem
ráðhús Reykjavíkur verður í
framtíðinni og þar sem helztu
bankastofnanir landsins eru
saman komnar, svo að stofn-
anir ríkis og borgar séu nefnd-
ar. Það myndi tvímælalaust
styrkja miðbæjarkjarnann, ef
þar yrði einnig aðsetur dóm-
stóla í einni byggingu. Þá er
hafin ný uppbygging á gamla
hafnarsvæðinu með fiskmark-
aði og annarri þjónustu. Þær
framkvæmdir, sem nú standa
yfir í miðbænum og nágrenni
hans, eiga eftir að hleypa
nýju lífi í gamla miðbæinn og
það er áreiðanlega í samræmi
við óskir borgarbúa.
Reynslan sýnir að fram-
kvæmdir á miðbæjarsvæðinu
vekja gjarnan umræður og
deilur. Oskir um að Austur-
stræti verði aftur opnað fyrir
bílaumferð skjóta alltaf upp
kollinum. Margir borgarbúar
eiga erfitt með að sætta sig
við, að gamlar byggingar, sem
staðið hafa á þessu svæði í
áratugi hverfi. Umræðurnar
um Bernhöftstorfuna og
Gijótaþorpið sýna, hvað allar
framkvæmdir á þessu svæði
eru viðkvæmar. í þessum efn-
um verðum við að finna hinn
gullna meðalveg. Við hljótum
annars vegar að varðveita
það, sem máli skiptir en hins
vegar að tryggja nýfram-
kvæmdir í það ríkum mæli,
að miðbærinn öðlist á ný þann
kraft og þrótt, sem einkenndi
hann fyrr á árum.
Stöð 2:
Þættír uni HalharQörð
sýndir í júní í stað maí
ÞÆTTIR um Hafnarfjörð, sem vera áttu á dagskrá Stöðvar 2, í maí
hafa verið færðir til í dagskránni og verða sýndir í júní. Þorvarður
Elíasson sjónvarpsstjóri Stöðvar 2, sagði að leitað hafi verið eftir því
að þættirnir yrðu sýndir í maí og var fallist á það eftir að fúllyrt var
að þeir tengdust á engan hátt sveitarstjórnarkosnigunum í lok mánað-
arins. Því var seinna mótmælt og var þá ákveðið að þeir yrðu sýndir
í júní. Þættirnir eru unnir að tillhlutan bæjarráðs HafnarQarðar og
á kostnað bæjarins og var bæjarritara falið að hafa umsjón með gerð
þeirra.
„Það hefur enginn séð þessa
þætti á Stöð 2,“ sagði Þorvarður
Elíasson. „Okkur var sagt að þetta
væri verkefni, sem unnið væri í
samvinnu við alla bæjarstjórn Hafn-
arfjarðar og ekki við nein einn kosn-
ingaraðila. Þeir voru þá settir á
dagskrá en síðan var haft samband
við okkur og sýningunni mótmælt.
Gerð þáttanna var þá það skammt
á veg komin að ekki var hægt að
sýna okkur myndefnið og þess
vegna var ákveðið að sýna þá í júní
í stað maí. Ekki vegna þess að við
teljum efnið pólitískt, heldur vegna
þess að við vitum ekkert um það.
Ef það er ekki pólitískt þá er það
jafn gott efni í júní eins og í maí.“
„Eg hafði samband við sjón-
varpsstjóra Stöðvar 2, þegar mér
var ljóst að í maímánuði yrði á
dagskrá tveir sjónvarpsþættir úr
Hafnarfirði, sem ekki höfðu verið
kynntir bæjarritara eða bæjarfull-
trúum né samþykki þeirra fengið
fyrir sýningu á þáttunum á Stöð
2,“ sagði Matthías Á. Mathiesen
alþingismaður. „Ég benti sjón-
varpsstjóranum á það samkomulag,
sem unnið var að milli stjórnmála-
flokkanna og undirritað var 26.
Leifur Breiðfjörð
apríl síðastliðinn, þess efnis að sjón-
varpið yrði ekki notað í kynningar-
auglýsingar í kosningabaráttunni.
Ég tjáði honum jafnframt að ég
væri hræddur um að þessir þættir
þannig til komnir yrðu svo úr garði
gerðir að þeir yrðu túlkaðir sem
brot á því samkomulagi. Það var
svo ákvörðun sjónvarpsins hvað
gert yrði eftir að hafa fengið áður-
greindar ábendingar. Þegar mynd-
irnar verða sýndar getum við gert
okkur grein fyrir því hvort um
ástæðulausan ótta var að ræða eða
ekki. Verði myndirnar ekki sýndar
segir það sína sögu.“
Árni Grétar Finnsson bæjarfull-
trúi Sjálfstæðisflokksins, sagði að
bæjarráð hafi samþykkt samhljóða
í mars, að láta gera þætti um æsku-
lýðs- og íþróttamál og annan þátt
um listir og menningarmál og var
tillagan um íþróttaþátt lögð fram
af Sjálfstæðismönnum. Var bæjar-
ritara falið að sjá um framkvæmd-
ir. „Síðan hefur málið ekki komið
á dagskrá fyrr en við fréttum að
þeir væru komnir á dagskrá hjá
Stöð 2,“ sagði Árni Grétar. „Við
höfum ekki fengið að heyra neitt
um þættina því síður að sjá þá og
aldrei hefur verið samþykkt að þeir
yrðu sýndir á einum eða öðrum stað.
Þannig að við teljum það gífurlega
misnotkun, að sýna þá í sjónvarpi
og tilraun af hálfu meirihlutans til
að láta bæinn kosta þætti, sem
kunna að fela í sér áróður fyrir
meirihlutann. Við höfum grun um
að svo sé og hafa fulltrúar Sjálf-
stæðisflokksins skrifað forseta bæj-
arstjórnar bréf, þar sem við óskum
eftir að fá upplýst við hvern hafi
verið samið um gerð þessara þátta.
Eins hver hafi samið við Stöð 2 um
sýningu á þeim og hvort forseta
bæjarstjórnar og öðrum bæjarfull-
trúum í meirihlutanum hafi verið
kunnugt um þessa samninga við
Stöð 2. Ef svo er, þá hvers vegna
okkur bæjarfulltrúum Sjálfstæðis-
flokksins hafi ekki verið kynnt
málið og það tekið fyrir í bæjarráði
og bæjarstjórn eins og ber að gera
og það afgreitt þar.“
Árni Grétar sagði, að þessi máls-
meðferð vekti grunnsemdir. Ef
þessir þættir væru þannig að menn
hefðu áhuga á að sýna þá, sem vel
gæti komið til greina, hvers vegna
þá þetta laumuspil í bága við allar
megin reglur um málsmeðferð.
„Þetta er ekki nýtt af nálinn," sagði
Árni. „Þegar bærinn varð 80 ára,
árið 1988, gaf bæjarstjóri út á
kostnað bæjarins mikinn
myndabækling, sem aldrei var sam-
þykkt að gefa út og við vissum
ekki um fyrr enn hann kom inn um
bréfalúguna hjá okkur. Bæjarstjóri
hefur viljað vera einn í sviðsljósinu
og hafa aðrir bæjarfulltrúar meiri-
hlutans varla sést þar á meðal for-
seti bæjarstórnar. Við teljum því
af fenginni reynslu fyllstu ástæðu
til að ætlað að í þessum þáttum sé
hann meira og minna að halda áróð-
ursræður án þess að við getum full-
yrt nokkuð þar um, þar sem við
höfum ekki fengið að sjá þættina.“
Guðmundur Árni Stefánsson
bæjarstjóri sagði að bæjarritara
hafi verið falið að sjá um gerð þess-
ara þátta og ráða til þess verktaka.
Hann sagðist ekki hafa séð þættina
en að bæjarritari hafi sagt sér, að
þær gæfu glögga mynd af æsku-
lýðs- og íþróttastarfi í bænum.
„Auðvitað veit ég hvernig þessir
þættir eru byggðir upp,“ sagði Guð-
mundur Árni. „Hér er verið að taka
skipulega fyrir starf æskulýðs-
stöðva bæjarins. Það hefur alltaf
verið markmið bæjaryfirvalda að
koma kynningarmyndum á fram-
færi og við reynum að sýna þær
sem víðast. Mér finnast því þessi
viðbrögð Sjálfstæðismanna á bak
við tjöldin með ólíkindum að telja
það til pólitísks áróðurs að sýna
æsku bæjarins í leik og starfi í sjón-
varpi. Þá finnst mér undravert að
Stöð 2 byggi dagskrárstefnu sína
á ábendingum og athugasemdum
stjórnmálamanna út í bæ.
Ég sé ekki ástæðu til þess sem
bæjarstjóri að fylgjast með öllu því
efni sem frá bænum kemur. Við
ritskoðum ekki efni af þessum toga.
Hér eru embættismenn sem sjá um
að hafa eftirlit með þessu og þeim
er treystandi fyrir því nú sem endra-
nær,“ sagði Guðmundur Árni.
Morgunblaðið/KGA
Ástráður Þórðarson múrarameistari, fylgist með Davíð Oddssyni borgarstjóra koma fyrir horn-
steini Nesjavallaveitu.
Hornsteinn Nesjavallaveitu lagður:
Framsýni, fyrirhyggja
og forsjálni hefur ein-
kennt framkvæmdimar
- segir Davíð Oddsson borgarstjóri
HORNSTEINN Nesjavallaveitu var lagður siðastliðinn sunnudag
við hátíðlega athöfii. Rannsóknir og boranir hafa staðið yfir með
hléum í 20 ár en byggingaframkvæmdir hófust vorið 1987. Áætl-
að er að framkvæmdum og prófun tækja ljúki í lok júní og að
þá hefjist tilraunavinnsla. I lok ágúst er gert ráð fyrir að vatn
frá Nesjavallaveitu byrji að renna til Reykjavíkur.
„Þetta er pínulítill heimsvið-
burður sem við tökum þátt í hér,“
sagði Davíð Oddsson borgarstjóri,
eftir að hafa lagt hornstein að
veitunni. „Framsýni, fyrirhyggja
og- forsjálni hafi einkennt fram-
kvæmdirnar sem unnar hafa vei-ið
á þremur árum. Og hér er ekki
tjaldað til einnar nætur. Leiðslan
til Reykjavíkur annar fjórfalt á
við fyrsta áfanga, holurnar fjór-
falt og stöðvarhúsið tvöfalt.“
Sagði Davíð það sérstakt að
engin langtímalán hafi verið tekin
til framkvæmdanna og ári eftir
að veitan hefur verið tekin í notk-
un verður hún skuldlaus. Þegar
veituframkvæmdum er lokið gæf-
ist því tækifæri til að lækka orku-
verðið. Borgarstjóri vék síðan að
hugmyndum um raforkufram-
leiðslu veitunnar sem fyrst í stað
mun eingöngu tryggja Hitaveit-
unni raforku en seinna er stefnt
að 30 MW framleiðslu á ódýrri
raforku fyrir alla landsmenn.
Davíð þakkaði öllum þeim sem
staðið hafa að framkvæmdum við
Nesjavallaveitu og þá sérstaklega
Jóhannesi Zoéga fyrrverandi hita-
veitustjóra, fyrir hans framsýni.
Menn hefðu ekki allir haft skilning
á nauðsyn þessara framkvæmda
og talið að ekkert lægi á. Kaup
á jörðinni Ölfusvatni voru gagn-
rýnd, en: „Reykjavíkurborg á að
kaupa lönd í Grafningi, allt að
Úlfljótsvatni og gera svæðið að
þjóðgarði fyrir borgarbúa og aðra
landsmenn," sagði Davíð.
Páll Gíslason formaður stjbrnar
veitustofnana, rakti sögu Nesja-
vallaveitu í sínu ávarpi og sagði
að allt verkið hefði verið boðið út
í litlum áföngum og að rúmlega
60 verktakar hafi komið þar við
sögu. Kostnaður við Nesjavalla-
veitu eru rúmlega 5,8 milljarðar
á núverandi verðlagi og skiptist
þannig að rannsóknir og boranir
hafa kostað rúmlega 1,7 milljarð,
virkjunin sjálf rúma 2 milljarða
og aðveituæðin tæpa 2 milljarða.
Þrjú ný dag’vistarheimili tekin í notk-
un í Reykjavík:
Mesta fjölgun dagvistar-
rýma á einu kjörtímabili
- segir Anna K. Jónsdóttir, stjórnar-
formaður Dagvista barna
ÞRJÚ ný dagvistarheimili verða opnuð í Reykjavík í dag. Þetta eru
Heiðarborg í Seláshverfi, Klettaborg í Grafarvogi og Gullborg í
Grandahverfi. Anna K. Jónsdótt.ir, formaður stjórnar Dagvista barna,
segir að þar með hafi rúmlega átta hundruð ný dagvistari’ými ver-
ið tekin í notkun á þessu kjörtímabili og fjölgun þeirra hafi aldrei
verið meiri.
Eftir opnun Heiðarborgar,
Klettaborgar og Gullborgar verða
dagvistarheimili á vegum borgar-
innar 71, að meðtöldum 4 heimilum
Borgarspítalans. Á vegum Dag-
vista barna starfa um 1.100 manns
og ver borgin um það bil einum
milljarði króna til reksturs og upp-
byggingar dagvistarstofnana.
Á hveiju hinna nýju dagvistar-
heimila er rými fyrir 109 börn og
verður vistunartíminn fjórar, fimm,
sex eða níu stundir.
Anna K. Jónsdóttir, formaður
stjórnar Dagvista barna segir, að
á undanförnum árum hafi innra
starf á dagvistarheimilum borgar-
innar verið fijótt og skapandi. Þar
beri hæst þróunarverkefni varðandi
leikskóla, sem hrundið hafi verið
af stað fyrir tveimur árum. Mark-
miðið með því sé að bjóða upp fjöl-
breyttari og lengri vistunartíma og
bæta aðstöðu starfsfólksins. í kjöl-
far þessa hafi verið farið út í alút-
boð vegna hönnunar hinna nýju
dagvistarheimila og hafi forsögn
fyrir útboðið verið sniðin eftir nið-
urstöðum verkefnisins. Þannig hafi
hinn faglegi þáttur vegið þyngra
við hönnun heimilanna en áður
hafi tíðkast.
Anna segir, að eftir opnun heim-
ilanna þriggja liafi dagvistarrým-
um á vegum Reykjavíkurborgar
fjölgað um rúmlega 800 á kjörtíma-
bilinu, sem nú er að ljúka og hafi
dagvistarrýmum ekki fjölgað meira
á nokkru öðru kjörtímabili. „Það
er mikið talað um að 1800 börn
séu á biðlistum hjá Dagvist barna
í Reykjavík. í því sambandi er rétt
að hafa í huga, að áætlað er að
við munum vista þennan sama
fjölda, það er 1.800 börn, á þessu
ári, bæði með fjölgun dagvistar-
rýrna og vegna endurnýjunar á
heimilunum. Eins ber að taka tillit
til þess, að flest börnin, sem skráð
eru á biðlista, eru undir vistunar-
aldri.“
Anna segir, að í ákveðnum
hverfum í Breiðholti hafi orðið
Morgunblaðið/Sverrir
Anna K. Jónsdóttir, formadur
stjórnar Dagvista barna í
Reykjavík.
barnafækkun og séu rúmlega
hundrað rými ekki nýtt af þeim
sökum. „Þessarar fækkunar var
farið að gæta fyrir tveimur árurr^,
og var þá farið af stað með þróun-
arverkefni, sem felst í því að fötluð
og ófötluð börn dvelja saman á
heimili, en það hefur reynst mjög
vel. Nú er tækifæri til að koma
með frekari nýjungar og er meðal
annars verið að vinna að tillögum
um að lengja vistunartímann og
bjóða upp á þjónustu fyrir yngri
börn en hingað til.“
Anna segir að nánast öll börn á
aldrinum 3 til 5 ára sæki dagvistar-
heimili í Reykjavík og auk þess séu
um 40% tveggja ára barna á dag-
vistarheimilum í borginni. „Nú lítur
út fyrir að í haust náum við að
fullnægja eftirspurn eftir þeirri
þjónustu, sem borgin býður upp
í dagvistarmálum og þá höfum við
svigrúm til að auka enn frekar fjöl-
breytni í þjónustunni," segir Anna
K. Jónsdóttir.
Verðlaun-
aður af
Bröste
ÞANN 4. júni nk. verða bjartsýn-
isverðlaun Bröste afhent í 10. sinn
og að því tilefni fer athöfnin fram
í Reykjavík. Dómnefiid sú er velur
verðlaunahafa hver árs hefur
ákveðið að í ár hljóti Leifúr Breið-
fjörð glerlistarmaður verðlaunin.
í greinargerð dómnefndar segir
m.a.:
„Eitt hið markverðasta í íslenskri
myndlist síðustu áratuga er það, að
olíumálverk á lérefti og hefðbundin
höggmyndalist eru ekki lengur ein-
ráð líkt og áður, heldur hafa vaxið
fram mjög sterkir stofnar nýrra list-
forma, margvísleg grafík, freskó,
múrrista (sgraffito), veggkeramík,
myndvefnaður og steinglerslist, sem
setja nú mikinn svip á hina nýju list
íslands. Hver þessara greina á sína
öflugu forvígismenn, en í steinglers-
listinni er Leifur Breiðfjörð óumdeild-
ur meistari, í senn hugkvæmur,
kunnáttusamur og afkastamikill. í
verkum hans hefur íslensk nútímalist
ekki aðeins eignast listrænan eld-
huga innan eigin vébanda, heldur
hafa verk hans geislaði út frá sér til
margra annara landa."
Opið hús
í Valhöll
á vegum
Hvatar
HVÖT, félag sjálfstæðiskvenna
í Reykjavík, efiidi til opins húss
í Valhöll síðdegis í gær og komu
þar alls um 150 manns. Mun
félagið standa fyrir opnu húsi
þar milli klukkan 16 og 20 dag-
lega fram að kjördegi, 26. maí.
Fyrstu gestirnir á opnu húsi
Hvatar í gær voru Davíð Oddsson
borgarstjóri og kona hans Ástríð-
ur Thorarensen og flutti borgar-
stjóri ávarp við upphaf samko-
munnar.
Alls komu um 150 manns á
opna húsið, en því stýrði Hanna
Johannessen, varaformaðurHvat-
ar.
Fyrstu gcstirnir á
opnu húsi í Valhöll
voru borgarstjórinn í
Reykjavík, Davíð
Oddsson og kona
hans, Ástríður Thor-
arensen.
Morgunblaðið/Sverrir
Um 150 komu á opið hús
lijá Hvöt í Valhöll í gær.
Álver við Eyjafjörð
eftir Halldór Blöndal
Nú er réttur aldarfjórðungur síðan
gengið var til samninga um álver við
Straumsvík. Á þeim tima var það
umdeild ákvörðun. Þetta var fyrsta
reynsla okkar af samningum við fjöl-
þjóðafyrirtæki og álverum fylgdu á
þeini tíma ýmsir agnúar, sem nú eru
yfirunnir, t.d. nokkur mengun. Henn-
ar gætti þó lítið vegna óstöðugs veð-
urlags á Suðurnesjum. Síðan hefur
þekkingu og tækni til eyðingar á
mengun fleygt svo fram, að hún má
heita úr sögunni.
Á sama tíma og nágrannaþjóðir
okkar búa við stöðugan hagvöxt án
teljandi mannfjölgunar, höfum við
orðið að sætta okkur við minnkandi
landsframleiðslu um tveggja ára
skeið. Það dregur því æ meir í sund-
ur með lífskjörum okkar og þeirra
og ekki bætir úr skák, að líkur eru
til, að við verðum að draga úr botn-
fiskveiðum á næstu árum. Hefð-
bundnir atvinnuvegir okkar geta ekki
staðið undir fólksfjölgun hér á landi
og því síður batnandi lífskjörum. Það
er því augljóst, að við verðum að
fara lengra inn á nýjar leiðir til þess
að ná markmiðum okkar. Nú ei- brýn-
Halldór Blöndal
„Nú er kjörið tækifæri
til að slá tvær flugur í
einu höggi með því að
velja álverinu stað við
Eyjaijörð. Snúa við
landflótta og efla þjóð-
arhag.“
ast að ná samningum um sölu á inn-
lendri orku til erlendra aðila og slíkur
samningur virðist nú í sjónmáli.
Ríkisvaldið stendur nú í samning-
um við Atlantal-hópinn um byggings
200 þús. tonna álvers. Það er óheppi-
legt, að sá þáttur samninganna, sem
tekur til staðarvals, skuli vera á við-
kvæmu stigi á sama tíma og gengið
er til bæjarstjðrnarkosninga.
Við 200 þús. tonna álver vinna
a.m.k. 500 manns, sem stendur und-
ir 2.500—3.000 manna byggð. Til
tals hefur komið að stækka álverið
um helming innan fárra ára. Slík
umsvif myndu gjörbreyta atvinnu-
ástandi við Eyjafjörð en ekki á
Reykjavíkursvæðinu. Straumurinn
þangað er þegar orðinn of þungur,
einkum vegna þess hversu fábreytt
leg atvinnutækifæri eru úti á landi
og einskorðuð við sjávarútveg, sem
nú býr við mikla óvissu. Nú er kjörið
tækifæri til að slá tvær flugur í einu
höggi með því að velja álverinu stað
við Eyjafjörð. Snúa við landflótta og
efla þjóðarhag.
Iliifumhiv er þingmaður
Sjálfstæðisflokksins í
Norðuiiandskjördæmi eystra.
~ht