Morgunblaðið - 01.02.1991, Qupperneq 31

MOROUNBLADiiÐ FÖSTUPAQUifJ.EEpiWAR X-^j
Viðrar vel til útivinnu
Smiðimir Einar og Áki sem vinna
hjá byggingarfyrirtækinu Haraldi
og Guðlaugi voru ánægðir við
vinnu sína í gær, en þeir voru að
vinna við byggingu raðhúss í
Tröllagili. Þeir sögðu það alveg
einstakt að geta unnið úti við í
5-6 stiga hita dag eftir dag á
þessum árstíma eins og raunin
hefur verið síðustu daga. „Við
erum bara að nota góða veðrið,"
sagði Guðmundur Guðlaugsson
yfírverkfræðingur hjá Akur-
eyrarbæ, en starfsmenn bæjarins
hafa verið að malbika síðustu
daga. Guðmundur sagði að verið
væri að gera við smáholur sem
komnar væm í göturnar, um væri
að ræða eðlilegt slit, en vissulega
væri mikill kostur að geta gert
við jafnóðum. „Það er mjög gott
að geta gert við þetta áður en
bifreiðaeigendur verða fyrir
tjóni,“ sagði hann.
Borað gat á ís á Leirtjörn. Veiði-
maðurinn er Björn Sigurðsson.
Islandsmót-
ið í dorg-
veiði hefst á
sunnudaginn
Keppt í Ólafsfjarð-
arvatni í Ólafsfirði
FYRSTA íslandsmótið í dorg-
veiði verður haldið á Ólafsfjarð-
arvatni á sunnudaginn, en keppt
verður á sjö stöðum á landinu.
Klukkan 10 er mæting á Hótel
Ólafsfírði, en keppnin hefst klukkan
11 og stendur til klukkan 4. Verð-
laun verða veitt fyrir stærsta fisk-
inn, flesta fiskana, fjölbreyttustu
veiðina og yngsti keppandinn verð-
ur verðlaunaður. Bjöm G. Sigurðs-
son formaður Dorgveiðifélags ís-
lands verður á staðnum og setur
mótið. Góð veiði hefur verið í Ólafs-
fjarðarvatni síðustu vikur. Næst
verður keppt í nágrenni Blönduóss,
sunnudaginn 10. febrúar.
Fjárhagsáætlun:
Hundruðum milljóna varíð til
að styrkja atvinnulíf bæjarins
- segir Sigurður J. Sigurðsson formaður bæjarráðs
SIGURÐUR J. Sigurðsson for maður bæjarráðs segir að miðað við
undanfarin ár hafi aldrei verið varið jafnmiklum fjármunum til atvinnu-
máia og gert var á síðasta ári. Hann vísar á bug fullyrðingum fulltrúa
minnihlutans í bæjarstjórn varðandi það að lítið fé væri ætlað til at-
vinnumála í bænum. Þá segir hann bæjarfulltrúa Framsóknarflokks
ekki hafa áttað sig á fjárhagslegri stöðu bæjarins, Akureyrarbær væri
sterkt og öflugt sveitarfélag og þeirri fjárhagsáætlun sem fyrir lægi
væri m.a. ætlað að vinna áfram að uppbyggingu bæjarins á sem flest-
um sviðum.
Fjárhagsáætlun fyrir yfírstand-
andi ár var lögð fram til fyrri um-
ræðu á fundi bæjarstjómar í vik-
unni. Fulltrúar minnihlutans í bæjar-
stjórn, Framsóknar- og Alþýðu-
flokks, hafa lagt fram gagnrýni á
nokkur atriði áætlunarinnar, m.a.
telja þeir að litlu fé sé varið til at-
vinnumála. Þeirri gagnrýni vísar Sig-
urður J. Sigurðsson formaður bæjar-
ráðs á bug.
„Það hafa aldrei verið lagðar fram
jafnháar upphæðir til atvinnumála á
undanförnum árum og gert var á
síðasta ári. Hundruðum milljóna var
varið til að styrkja atvinnulífíð á
Akureyri, en því miður fer hluti
þeirra Ijármuna í varnarbaráttu, en
ekki í ný atvinnutækifæri. Þannig
hefur barátta landsbyggðarinnar
verið á síðustu árum og fulltrúar
minnihlutans í bæjarstjórn eiga
pólitíska aðild að þeirri ríkisstjórn
sem þannig stendur að málum lands-
byggðarinnar," sagði Sigurður.
Hann segir að fullyrða megi að
fjárveitingar til atvinnumála verði
miklar á þessu ári, bæði til að standa
við skuldbindingar sem gerðar hafa
verið og einnig til að vinna að þeim
málum sem í vinnslu eru. Ekki vantiC
viljann, en nýja möguleika skorti til
að efla atvinnu, á síðustu árum hafí
athyglinni verið beint að ferðamálum
sérstaklega.
„Bæjarfulltrúar Framsóknar-
flokks mega vera eins óánægðir og
þeir hafa löngun til. Þessi fjárhags-
áætlun er ekki gerð til að auka sér-
staklega á gleði þeirra, heldur er hún
miðuð við að veita bæjarbúum
víðtæka þjónustu og til að standa
undir áframhaldandi uppbyggingu
Akureyrar á sem flestum sviðum,“
sagði Sigurður, en hann taldi um-
mæli fulltrúa flokksins um fjárhags-
legt sjálfstæði bæjarins, sem fram
komu í blaðinu í gær vera flokknum
til minnkunar. f _
Þórarinn E. Sveinsson bæjarfulltrúi:
Jafnréttisfulltrúamálið
verði rætt í bæiarráði
ÞÓRARINN E. Sveinsson bæjarfulltrúi Framsóknarflokks vakti máls
á seinagangi varðandi ráðningu jafnréttisfulltrúa Akureyrarbæjar á
fundi bæjarstjórnar í vikunni. Hann lagði til að málið yrði tekið upp
í bæjarráði og leyst þar.
Jafnréttisáætlun Akureyrarbæjar
var samþykkt í júní árið 1989, en í
henni er m.a. gert ráð fyrir að ráðinn
sé jafnréttisfulltrúi til að fylgja áætl-
uninni eftir. Staðan hefur nokkrum
sinnum verið auglýst án þess að
gengið hafí verið frá ráðningu starfs-
manns.
Er auglýst var í lok síðasta árs
komu fram þijár umsóknir um stöð-
una, ein var dregin til baka og annar
umsækjandi óskaði breytinga varð-
andi kaup og kjör.
„Þetta mál hefur verið að velkjast
á annað ár, starfíð auglýst af og til,
en af ýmsum ástæðum ekki ráðið í
það. Égtel skynsamlegast úrþví sem
komið er að ræða málið í bæjarráði
og leysa það þar í einum hvelli. Vilji
jafnréttisnefnd breyta kjörum starfs-
mannsins frá því sem auglýst var
þá verðum við að auglýsa starfið upp
á nýtt, því forsendurnar breytast þar
með,“ sagði Þórarinn.
Dagvistin Holtakot
anglýsli eftir matráðskonu í fullt starf.
Æskilegt er að viðkomandi sé með menntun af
matvælasviði eða sambærilega menntun.
Ennfremur auglýsum við eftir fóstru ífullt starf.
Umsóknarfrestur er til 15. febrúar.
Allar nánari upplýsingar um störfin veitir for-
stöðukona í síma 27081 alla virka daga frá kl.
9-12. Um kaup og kjör veitir starfsmannadeild
upplýsingar í síma 21000.
Dagvistarfulltrúi.