Morgunblaðið - 25.09.1991, Blaðsíða 35
MORGUNBLAÐIÐ MIÐVIKUDAGUR 25. SEPTEMBER 1991
35
Guðríður Guðmunds
dóttir tónlistar-
kennari — Minning
Fædd 30. september 1917
Dáin 16. seotember 1991
Lífstíð okkra allra er á fleygi-
ferð, segir í gamalli speki. Þegar
hlekkur í þeirri keðju brestur og
góðvinir hverfa erum við ávallt jafn
óviðbúin, og okkur setur hljóð.
í einrúmi lít ég til baka og huga
að glæðum gamalla minninga. Guð-
ríður var dóttir Guðmundar Gunn-
laugssonar prentara og konu hans,
Ingibjargar Einarsdóttur. Hún var
einkabarn þeirra hjóna og auga-
steinn. Þau ólu einnig upp tvö
mannvænleg fósturbörn og með
þeim eignaðist Guðríður tvö ástkær
systkini. Fljótlega kom í ljós sterk
tónlistargáfa hjá Guðríði, og voru
foreldrar hennar svo framsýn að
hvetja hana til nánts á þeirri braut.
Um þetta leyti tók Tónlistarskól-
inn í Reykjavík til starfa og var hún
ein af fyrstu nemendum er. þar
hófu nám. Þar komu líka fijótt í
ljós næmi hennar og hæfileikar að
tileinka sér alla tónlist og hliðar-
greinar. Minni hennar og snerpa
var fágæt. Tvímælalaust má telja
hana eina af yfírburðanemendum
skólans frá þessum tíma. Við nutum
þá tilsagnar dr. Franz Mixa, og
sóttum m.a. tíma til hans í fjórhent-
um píanóleik.
Um þetta leyti var ég ókunnug
Guðríði, og var þar engin vinátta
við fyrstu kynni. En eftir því sem
leið á samspil okkar í Beethoven
sinfóníunni hurfu allar hömlur og
þar hófst sú vinátta, sem aldrei bar
skugga á. Eftir þetta var Didda,
eins og vinir kölluðu hana, ekki
bara vinur heldur kennari og leið-
beinandi. Hún var hamhleypa til
vinnu - við hljóðfærið. Vandvirkni
og meðfædd verklægni var henni
eðlislæg. Það var oft ævintýri að
vinna með henni. Minnist ég kamm-
ermúsiktíma undir leiðsögn ágætra
kennara, samspils og undirleiks af
öllu tagi. Avallt bar Guðríður af,
með myndugleik og sjálfstæði.
Árið 1944 giftist Guðríður Kára
Sigurðssyni bankafulitrúa og eign-
uðust þau einn son, Einar. Það var
ávallt gott að koma á heimili þeirra.
Kári var maður gleðinnar og mikill
ljóðunnandi. Lagið var oft tekið í
litla húsinu þeirra við Hverfisgötu,
oft fannst mér þegar söngurinn
ómaði og Guðríður sat við hljóðfær-
ið að þessi litlu húsakynni væru sem
konsertsalur. Leiðir þeirra hjóna
skildu, og er Kári látinn fyrir all-
löngu. Guðríður giftist öðru sinni,
Sveini Helgasyni, miklum ágætis-
manni. Þau slitu einnig samvistir
og er hann nú látinn. Þrátt fyrir
mótlæti í lífínu var Guðríður láns-
kona. Einkasonur hennar, elskuleg
tengdadóttir og tvö gjörfuleg
barnabörn voru ljósgeislar í lífi
hennar. Guðríður var tilfinningarík,
og ævinlega þátttakandi í lífi vina
sinna þegar erfiðleikar steðjuðu að.
Tel ég að tónlistin hafi átt sinn ríka
þátt í að fínna til með öðrum.
Þær svipmyndir sem ég á í fórum
mínum um samvinnu okkar Guðríð-
ar eru hafsjór þeirrar gleði, sem
fylgir því að spila saman, skiptast
á skoðunum og gera samanburð á
svo mörgu í tónlistinni. Lífið er oft
óvægið þegar sjúkdómar heija á.
Síðustu árin barðist Guðríður við
ofurefli, sem ekkert fær sigi-að. Ég
minnist eins dags, þar sem stundar-
hlé sjúkdómsins leyfði okkur að
hittast á heimili Einars sonar henn-
ar. Hann hafði þá eignast nýjan
flygil, sem prófa skyldi. Eins og í
leiðslu settist Guðríður við hljóðfær-
ið. Tónarnir frá Preludiu Schriabins
í Cis-moll hljómuðu. Sársauki og
þjáning sameinaðist dýpt og jafn-
vægi. Við drupum öll höfði og íhug-
uðum. Enn heyri ég síðasta hljóm-
inn og síðan þögnina.
Harpan hennar Guðríðar er
hljóðnuð að fullu, en minningarnar
eigum við. Að leiðarlokum tek ég
í einrúmi þátt í söknuði fjölskyld-
unnar við andlát Guðríðar. Ég læt
að lokum hljóma út lokakórinn úr
Mattheusarpassíu J.S. Bach.
Unnur Arnórsdóttir
Sigríður Guðmunds
dóttir - Minning
Fædd 20. september 1901
Dáin 2. september 1991
Annan þessa mánaðar lést á
Hrafnistu í Hafnarfirði Sigríður
Guðmundsdóttir. Hún var það
barna hjónanna Hólmfríðar og Guð-
mundar Jónssonar, útgerðar- og
kaupmanns á Búðum á Fáskrúðs-
firði sem lengst lifði. Hin, sem upp
komust, voru Ásgeir símstöðvar-
stjóri á Fáskrúðsfirði, Kristján, síð-
ast búsettur í Reykjavík, Aðalsteinn
til heimiiis eystra, Guðrún og Vald-
ís sem báðar bjuggu á Seyðisfirði,
Guðmundur faðir þeirra var úr
Reykjavík, sonur Jóns Oddssonar
hafnsögumanns í Dúkskoti, en móð-
ir þeirra Hólmfríður var dóttir Jóns
Ögmundssonar, ættuðum úr Borg-
arfirði eystra.
Sigríður fæddist 20. september
1901. Hún ólst upp í föðurhúsum,
stundaði m.a. nám í Kvennaskólan-
um í Reykjavík, sigldi til Kanada
og Kaupmannahafnar til frekara
náms. Þar varð á vegi hennar ung-
ur maður sem hún hafði áður
kynnst þegar bæði voru við nám í
Reykjavík, Egill Þorgilsson. Egill,
sem hafði verið að sigla um heims-
höfin á erlendum stórskipum, var
þá orðinn stýrimaður á Lagarfossi,
skipi Eimskipafélagsins. Árið 1933
giftu þau sig og stofnuðu sitt fyrsta
heimili á Akureyri, en fluttu þaðan
til Kaupmannahafnar. Það lá bein-
ast við þar sem Lagarfoss var í sigl-
ingum milli Evrópuhafna og Norð-
ur- og Austurlandsins með fastri
viðkomu í Kaupmannahöfn. Eftir
að Þjóðveijar hernámu Danmörku
í stríðsbyijun tók fyrir siglingar
þangað og urðu þau þá viðskila
Sigríður og Egill. Hún slóst þá í
hóp annarra Islendinga sem inn-
lyksa höfðu orðið í Evrópu, fór til
Petsamó sem liggur við Barentshaf
og þá tilheyrði Finnlandi, en þangað
var strandferðaskipið Esja sent eft-
ir þeim.
Eftir að Sigríður og Egill höfðu
aftur náð saman settu þau saman
heimili í Reykjavík og bjuggu lengi
að Hringbraut 41 og þar áttu þau
heima þegar dóttirin Hólmfríður
fæddist. Hólmfríður er gift Viðari
Kornerup-Hansen. Egill sigldi á
skipum Eimskipafélagsins, fyrst
sem stýrimaður og síðar skipstjóri
öll stríðsárin og lengi eftir það.
Hann lést árið 1980.
Mér er minnisstætt eitt atvik úr
æsku minni. Það mun hafa verið
haustið 1944 að ég var gestkom-
andi hér í Reykjavík. Ég heimsótti
ættingja og þar á meðal Sigríði
móðursystur mína. Hún hafði orðið
á því að senn færi Egill að koma.
Ekki hafði hún annað við að miða
við en þann dag sem hún horfði á
eftir Selfossi sigla ljóslausan og
grámálaðan frá siglutoppi niður að
sjólínu út úr höfninni. Ég valdi hér
í tvær vikur og ekki kom Selfoss á
þeim tíma. Ekki held ég að ég hafi
hugsað neitt um þetta atvik þá. Það
var ekki fyrr en ég fullorðnaðist
að það fór að grafa um sig í huga
mínum. Á hátíðar- og tyllidögum
er sjómanna verðskuldað minnst
fyrir áhættusöm störf þeirra á haf-
inu. Sjaldnast er minnst á þátt
þeirra sem heima bíða.
Sigríður var í lifanda lífi ekki
mikið fyrir það gefin að láta bera
á sér. Ósk hennar um að útförin
færi fram í kyrrþey var virt.
Aðalsteinn Gislason
Lokað
Lokað í dag frá kl. 14.30-16.30 vegna jarðarfarar
SVEINS BJÖRNSSONAR.
Verslunin Vísir, Laugavegi 1.
Lokað
Vegna jarðarfarar SVEINS BJÖRNSSONAR, for-
seta íþróttasambands íslands, verður skrifstofa
íslenskrar getspár lokuð frá kl. 14.00 miðvikudag-
inn 25. september.
íslensk getspá.
Ráðstefna um vinnu-
vernd 1 fiskiðnaði
ÞRIGGJA daga norræn ráðstefna um starfsumhverfi og vinnuvernd
í fiskvinnslu hefst í Reykjavík miðvikudaginn 25. september. Við-
fangsefni hennar er í meginatriðum tvískipt: annars vegar að greina
agalla a starfsumhverfi fi
leiðir til úrbóta.
Greint verður frá niðurstöðum
innlendra og erlendra kannana á
álagsmeinum sem ætla má að rekja
megi til starfsins, áhrifum ólíks
vinnuskipulags, mismunandi launa-
kerfa og vinnuskilyrða og tilraunum
sem hafa verðið gerðar í Færeyjum
með fyrirmyndarfiystihús. Segja
má að staldrað verði við alla þætti
sem hafa áhrif á starfsumhverfi
fiskvinnslufólks, því auk þess sem
áður er ■ nefnt verður fjallað um
hávaða, inniloft, vinnuföt, efna-
notkun, vinnuslys, stjórnun og sam-
skipti.
Ráðstefnuna sækja um 90
manns, helmingur íslendingar og
hinir frá hinum Norðurlöndunum,
flestir frá Danmörku, Færeyjum og
Noregi. Stór hluti þátttakenda
gegnir stjórnunarhlutverki hjá
ifolks og hins vegar að benda á
stofnunum, verkalýðsfélögum og
fyrirtækjum.
Framsöguerindin byggja ýmist á
niðurstöðum vísindalegra rann-
sókna eða hagnýtra tilrauna og
athugana á vettvangi. Síðasta ráð-
stefnudaginn verður einkum horft
til þess setn telja má til fyrirmynd-
ar og þá verða úrbætur og lausnir
ræddar í hópum.
Ráðstefnan fer fram á Holiday
Inn í Reykjavík. Hún nýtur styrks
frá Norrænu ráðherranefndinni.
Norræn samstarfsnefnd hefur ann-
ast undirbúning en framkvæmd hér
á landi Vinnueftirlit ríkisins, Guð-
rún Agnarsdóttir, formaður stjórn-
ar Vinnueftiriitsins, opnar ráðstefn-
una og Jóhanna Sigurðardóttir fé-
lagsmálaráðherra, ávarpar hana.
(Fréttatilkynning)
t
Elskuleg sambýliskona mín, móðir mín, tengdamóðir, systir og
amma,
HULDA KRISTRÚN ÁGÚSTSDÓTTIR
frá Sæbóli f Aðalvfk,
verður jarðsungin frá Grindavíkurkirkju miðvikudaginn 25. sept-
ember kl. 11.00.
Einar Ingólfsson,
Inga Dóra Jonsdóttir,
Aðalbjörg Gröndal,
Sigríður Ágústsdóttir,
Þorbjörg Ágústsdóttir
og barnabörn.
t
Þökkum innilega auðsýnda samúð vegna andláts og jarðarfarar
móður okkar, tengdamóður, ömmu og langömmu,
frn MÖRTHU ÞORKELSSON,
Kleppsvegi 64,
áður Stigahlíð 83.
Svanhildur Daníelsdóttir,
Hákon Danielsson, Valgerður Proppé,
Ernst Daníelsson, Susie Daníelsson,
Helgi Daníelsson, Hanna Dóra Þórisdóttir,
barnabörn og barnabarnabörn.
t
Ástkær sonur okkar, bróðir og mágur,
MAGNÚS STEINAR ÁGÚSTSSON,
Brekku,
er látinn. Útförin fór fram 19. sept. frá Þykkvabæjarkirkju.
Innilegar þakkir fyrir auðsýnda samúð og vináttu.
Þóra Kristín Runólfsdóttir,
Ágúst Guðjón Helgason,
Guðmundur Þ. Ágústsson,
Ragnhildur Ágústsdóttir,
Sæmundur Guðlaugsson.
t
Innilegar þakkir fyrir hlýhug og vináttu við andlát og útför eigin-
manns míns,
STEINARS MAGNÚSSONAR,
Akraseli 28.
Anna Þóra Baldursdóttir,
Guðrún Steinarsdóttir,
Magnús Steinarsson,
Baldur Steinarsson, Guðrún Kristín Erlingsdóttir,
Hafdís Aradóttir, Tómas Jónsson,
og barnabörn,
Klara M. Stephensen, Ólafur Stephensen.
Lokað
í dag vegna jarðarfarar.
Skósalan,
Laugavegi1.