Morgunblaðið - 26.08.1992, Blaðsíða 25

25
.... /íurmuuJiivflM aiGMa/yo,,,,,..
MORGUNBLAÐIÐ MIÐVIKUDAGUR 26. AGUST 1992
Þing Fjórðungssambands Norðlendinga
3 ráðherrar flylja
framsöguerindi
SÍÐASTA þing Fjórðungssambands Norðlendinga verður haldið um
helgina í Grunnskólanum á Hvammstanga. Sambandið verður lagt
niður og þess í stað stofnuð tvö ný samtök í hvoru Norðurlandskjördæ-
manna. Rétt til setu á þinginu eiga 79 fulltrúar af Norðurlandi.
Á föstudagsmorgun verða haldnir
stofnfundir nýrra samtaka sveitarfé-
laga á Norðurlandi eystra og vestra.
Síðasta þing Fjórðungssambands
Norðlendinga og hið þrítugasta og
fjórða í röðinni verður síðan sett kl.
15 á föstudag, 28. ágúst, þar sem
m.a. verður flutt skýrsla formanns
og framkvæmdastjóra og tilkynnt
verður stofnun hinna nýju lands-
hlutasamtaka í kjördæmum Norður-
lands.
Seinni dag þingsins, laugardaginn
29. ágúst, verða þeir Davíð Odds-
son, forsætisráðherra, og Halldór
Blöndal, landbúnaðar- og sam-
gönguráðherra, framsögumenn und-
ir liðnum: Atvinnumál og byggða-
þróun. Þá verður efnt til umræðu-
fundar undir yfirskriftinni: Hlutverk
landshlutasamtaka sveitarfélaga og
uppstokkun á sveitarfélagskerfinu.
Framsögumenn á fundinum verða
Jóhanna Sigurðardóttir, félagsmála-
ráðherra, Þórður Skúlason, fram-
kvæmdastjóri Sambands íslenskra
sveitarfélaga, og Áskell Einarsson,
framkvæmdastjóri Fjórðungssam-
bands Norðlendinga.
Þingslit og starfsslit Fjórðungs-
sambands Norðlendinga verða síð-
degis á laugardag.
Þrotabú POB
Viðurkenndar kröfur
upp á 105 milljónir
HEILDARFJÁRHÆÐ viðurkenndra krafna í þrotabú Prentverks
Odds Björnssonar nemur rúmum 105 milljónum króna. Frestur
til að lýsa kröfum í búið er runninn út og verður fyrsti skiptafund-
ur í búinu haldinn 2. september næstkomandi.
Forgangskröfur nema 4,5 millj-
ónum króna og þar er fyrst og
fremst um að ræða orlof og líf-
eyrisiðgjöld. Kröfur sem tryggðar
voru með veðum í eigum félagsins
nema 86,2 milljónum króna, en
þegar er búið að selja eignir bús-
ins fyrir 60 milljónir króna. Eftir
standa almennar kröfur upp á
42,5 milljónir króna auk forgang-
skrafna.
Stærsti kröfuhafi í búið er
Landsbanki íslands, en þrotabúið
seldi bankanum fasteign búsins
eftir gjaldþrotið og hann seldi síð-
an Ako-plast á Akureyri fasteign
og rekstur búsins.
Þreytandi heyskapartíð
Ytri-Tjörnum.
HÁARSPRETTA er allgóð og er seinni slætti nú víðast hvar að
ljúka hér um slóðir. Hefur gengið frekar hægt að þurrka heyið
vegna vætutiðar, en ngnt hefur
sólarhring í nokkrar vikur.
Með tilkomu rúllubaggatækn-
innar hefur mönnum tekist að afla
góðra heyja, þó enn betra sé talið
að forþurrka rúlluheyið í einn dag
því þá verður það mun meðfæri-
legra og rúllurnar ekki eins
nökkvaþungar.
Gera má ráð fyrir að heyfengur
flestra bænda á svæðinu sé mjög
góður, en eftir Jónsmessuhretið
gerði ágæta heyskapartíð og náðu
svo að segja eitthvað á hvequm
menn þá ágætum heyjum, en bú-
ast má við að magnið sé í meðal-
lagi.
Allmargir bændur í Eyjafirði
áttu miklar fyrningar frá fyrra
ári, sem þeim hefur ekki tekist
að selja enn. Óvíst er hvað um þær
verður, en um tíma var kannað
hvort möguleiki væri á sölu heys-
ins til Svíþjóðar.
- Benjamín
Morgunblaðið/Rúnar Þór
Hneppt upp í háls
Það má segja að nánast hafi rignt eitthvað á hverjum sólarhring
síðustu viku og þá einkum ér líður að kvöldi, en á stundum hafa
menn líkt rigningunni við það að hellt sé úr fötu. Ferðamönnum fer
fækkandi nú er líður að hausti, en þeim sem á ferðinni eru þessa
síðsumarrigningardaga þykir eflaust öruggara að hneppa alveg upp
í háls.
Flestir búnir með
mjólkurkvótann
Bændur mega
safna mjólk
til laugardags
Ytri-Tjcjrnum.
MJOG margir kúabændur á svæði
Mjólkursamlags KEA kláruðu
fullvirðisrétt sinn fyrri hluta ág-
ústmánaðar og hafa því haft ura.
það að velja að gefa hana kálfum,
hella henni í svelginn eða leggja
mjólkina inn í samlagið án þess
að fá greitt fyrir.
Örlítið hefur verið um að menn
skildu mjólkina og gerðu smjör eða
aðrar vörur úr henni. Nú síðustu
daga hafa bændur líka verið ósparir
við að hella rjóma út á nýtínd bláber.
Ákveðið hefur verið hjá Samtök-
um afurðastöðva í mjólkuriðnaði að
heimila bændum að safna saman
mjólk frá og með deginum í dag,
miðvikudag, en sú mjólk verður sótt
til bænda næstkomandi laugardag
og skrifuð inn á næsta verðlagsár,
sem hefst 1. septemember.
Tíð hefur verið afar hagstæð til
mjólkurframleiðslu í þessum mán-
uði, en skúrasamt hefur verið og
beit fyrir mjólkurkýr hefur því verið
einkar góð. Á síðustu vikum hafa
bændur því lítið þurft að gefa af
kjarnfóðri og þannig náð að spara
nokkra fjármuni.
— Benjamín
Dagamunur vegua 130 ára
afmælis Akureyrarbæjar
AKUREYRARBÆR verður 130 ára næstkomandi laugardag, 29.
ágúst, og af því tilefni verður mikið um að vera í bænum. Stefnt er
að fjörugu bæjarlífi og verður boðið upp á ýmis atriði, m.a. á ný-
gerðu Ráðhústorgi. Verslunareigendur hafa verið hvattir til að hafa
verslanir í miðbænum opnar og einnig hafa veitingahúseigendur
verið hvattir til að gera bæjarbúum sérstök afmælistilboð þennan
dag. Þá er sölumönnum boðið að setja upp söluborð eða tjöld í göngu-
götunni eða við torgið.
Af dagskráratriðum má nefna
að svokallaðir Morgunmenn sýna
Möllersæfingar við Sundlaug Akur-
eyrar kl. 8 á laugardagsmorgun og
sundleikfimi verður iðkuð þar kl.
9, 10 og 11. Plöntuskoðun verður
í Lystigarði kl. 9 og ókeypis að-
gangur verður að söfnum bæjarins
í tilefni dagsins.
Náttúruskoðunarferð undir leið-
sögn Þóris Haraldssonar, líffræð-
ings, um Glerárgil hefst kl. 10, en
á sama tíma leikur Lúðrasveit Ak-
ureyrar á torginu. Hálftíma síðar
verður kassabílakeppni ræst á Ráð-
hústorgi, en kl. 11 hefst söguskoð-
unarferð um Innbæ í umsjá minja-
safnsins. Félag harmonikkuunn-
enda við Eyjafjörð verður á ferðinni
á Ráðhústorgi kl. 11.
Hlaupakeppni barna hefst á torg-
inu kl. 11.30 og kl. 13 sýna júdó-
menn þar. Þá leikur hljómsveitin
„Stjánarnir", en kl. 14 hefst dag-
skrá í 1929. Á sama tíma verða
félagar úr TBA á ferðinni á torginu
og efna til badmintonkeppni. Loks
syngur kór Glerárkirkju nokkur lög
og Blásarasveit æskunnar kemur
fram kl. 14.30.
Húsin í Grófargili verða opin og
gefst fólki kostur á að skoða þar
húsakynni frá kl. 14 til 18. Hesta-
mannafélagið Léttir stendur fyrir
reiðsýningu á flötunum neðan sam-
komuhúss kl. 16. í Sundlaug Akur-
eyrar verður kennsla og æfing í
meðferð björgunarvesta fyrir börn
á tímabilinu frá kl. 16 til 18.
Skemmtidagskrá verður í Davíðs-
húsi og hefst hún kl. 16.30 og um
svipað leyti verður leikin ljúf tónlist
í Laxdalshúsi. Garðyrkjufélag Ak-
ureyrar, sem fagnar áttræðis-
afmæli sínu, býður upp á kaffiveit-
ingar í Lystigarði síðdegis.
Lokst má nefna að Slökkvilið
Akureyrar sýnir tæki sín við Ráð-
hústorg og björgunarsveitir verða
með bíla sína í göngugötu auk þess
sem sjóbjörgunarsveit sýnir tæki
sín við Torfunefsbryggju eftir há-
degi. íþróttafélagið Akur kynnir
boccia-íþróttina og skátafélagið
Klakkur stendur fyrir uppákomun
í Skipagötu.
Endurmenntun, starfstengt nám, símenntun, tómstundanám og
ýmis önnur fullorðinsfræðsla verður til umfjöllunar í sérblaði,
sem fylgir Morgunblaðinu fimmtudaginn 3. september.
Að læra meira er heiti blaðsins og verður leitast við að gera skil
þeim fjölmörgu leiðum sem standa fólki opnar til að auka við
þekkingu sína með lengra eða skemmra námi, námskeiðum,
fjarnámi og fleiru.
Þeim, sem áhuga hafa á að auglýsa í þessu blaði, er bent
á auglýsingadeild Morgunblaðsins í síma 69 11 11.
Síðustu forvöð til að panta auglýsingar í blaðið
eru kl. 11.00 mánudaginn 31. ágúst.