Morgunblaðið - 16.04.1993, Side 21

MORGUNBLAÐIÐ FÖSTUDAGUR 16. APRÍL 1993
21
Magnúsi Scheving boðið að gerast atvinnumaður í þolfimi
Ég er bara trésmið-
ur heima á Islandi
MAGNÚSI Scheving, sem varð þriðji á heimsmeistaramótinu í þolfimi
í Tókíó um síðustu helgi, hefur verið boðið að gerast atvinnumaður
í íþróttinni. Hann segist ekki hafa gert upp hug sinn varðandi málið,
enda hafi hann eiginlega fyrir tilviljun farið að stunda íþróttina af
þeirri ástundun sem til þarf til að ná árangri á heimsmælikvarða.
Dómarar á heimsmeistaramótinu í Japan töldu Magnús eitt mesta
efni sem komið hefði fram í íþróttinni og að hann ætti alla möguleika
til að verða næsti heimsmeistari.
Magnús varð aðeins einu stigi á
eftir Japana sem varð í öðru sæti
en sjö stigum á eftir heimsmeist-
aranum, Yokomoto. Hann var eini
Evrópubúinn sem komst í 10 manna
úrslit. Gefið er fyrir þrjá þætti í
æfingum hvers keppenda, þ.e. æf-
ingar (specialtyj, tækni og samhæf-
ingu æfingar og tónlistar (chore-
omgraphy). Magnús varð hæstur í
tveimur þeirra, æfmgurn og sam-
hæfingu æfingar og tónlistar. Hann
varð hins vegar sjö stigum lægri en
heimsmeistarinn í tækni, sem þó er
lítill munur þegar haft er í huga að
fyrir hvern þátt voru gefin um 70
stig. Fyrir þriðja sætið hlaut hann
að launum andvirði 100 þúsunda kr.
og verðlaunapening.
Á launum allt árið
Morgunblaðið náði tali af Magn-
úsi þar sem hann dvelst í Singa-
pore, ásamt sambýliskonu sinni,
Ragnhildi Melsteð. „Þetta gekk bara
alveg ótrúlega vel. Ég get nú ekki
sagt að ég hafi verið búinn að æfa
mikið fyrir þetta mót. Reyndar
fannst mér sjálfum ég hafa æft tölu-
vert, en þegar ég kom út fór ég að
tala við þátttakendur á mótinu og
komst þá að því að t.a.m. Japanirn-
ir höfðu flestir verið í æfingabúðum
í eitt ár. Haft sex þjálfara, nuddara
og sérstaka menn til að hanna bún-
inga og tónlist. Þeir voru á launa-
skrá allt árið hjá Suzuki-fyrirtækinu,
sem mótið var kennt við. Þeir sem
komust í tíu manna úrslit, Brasilíu-
maður, Argentínumaður, Nýsjálend-
ingur og Astralíubúi, ætluðu sér að
ná fyrsta sæti og ekkert annað og
hafa æft grimmt fyrir mótið. Ég tók
upp mína tónlist sjálfur og hannaði
búninginn minn. Þeir þurfa ekki að
hugsa um þetta heldur æfa þeir alla
daga.“
Sérhannaðir skór
Áður en ég hélt utan leitaði ég
mér að skóm til að keppa í og fann
mjög létta skó einhvers staðar niðri
í bæ. Þetta voru ódýrustu skórnir í
búðinni, kostuðu 3 þúsund kr. Japan-
irnir spurðu mig hvort þetta væru
sérhannaðir skór frá íslandi, hvort
ég hefði látið búa þá til sérstaklega
fyrir mig,“ sagði Magnús.
Þolfimi verður sýningargrein á
næstu Ólympíuleikum sem haldnir
verða í Seattle í Bandaríkjunum
1996. Þplfimi verður síðan fullgild
grein á Ólympíuleikum aldamótaárið
2000. Suzuki-heimsbikarmótið í
Tótíó er talin vera sterkasta keppni
í heiminum í þolfimi. Næst á eftir í
styrkleika er Reebok-keppnin í
Bandaríkjunum, sem haldin verður
í júní nk. „Mér er boðið að taka þátt
í henni og eins í Evrópumótinu sem
verður í Ungverjalandi. Þá verður
opið mót á Ítalíu og Frakklandi sem
ég ætla taka þátt í. Ég stend reynd-
ar frammi fyrir smávandræpum, því
allt kostar þetta peninga. Á íslandi
setja menn ekki peninga í þetta, ég
veit því ekki hvað ég get leyft mér
að gera. En ég fer altént til Frakk-
lands og eiginlega er ég neyddur til
að fara til Ungvetjalands, því ég er
hæstur í Evrópu að stigum.“
Atvinnumcnnska
Magnús sagði að árangur sinn í
Tókíó gæti breytt öllu fyrir sína
framtíð, en á sama tíma gæti hann
engin áhrif haft. „Þeir komu til mín
dómararnir eftir keppnina og sögð-
ust ekki hafa séð neinn nýlega sem
ætti meiri möguleika til að verða
Morgunblaðið/Bjöm Leifsson
Sigri hrósað
MAGNÚS á verðlaunapalli á heimsmeistaramótinu í þolfimi í Japan.
heimsmeistari en ég, og hvöttu mig
til að keppa aftur. Það er ógurlega
skemmtilegt að heyra dómarana
segja svona hluti við mann,“ sagði
Magnús.
„Ég get orðið atvinnumaður í
greininni. Ég get keppt á öllum
Norðurlöndunum og síðan fer ég til
AIF, sem eru alþjóðasamtök þolfimi-
manna, og halda heimsmeistaramót-
ið með Suzuki. Samtökin hafa boðið
mér að koma og kenna á þeirra veg-
um, en ég veit ekki hvað ég geri,
heimsmeistarinn frá því í fyrra og
sá er varð í þriðja sæti í fyrra, eru
báðir bókaðir allt árið um kring “
Tillögur tvíhöfðanefndar kynntar sjómönnum á Suðurnesjum
Eru jafnvel tilbúnir að
sigla skipunum í land
Keflavík.
FORMENN tvíhöfðanefndarinnar, Þröstur Ólafsson og Viliyálmur
Egilsson, fengu harða gagnrýni þegar þeir kynntu helstu tillögur nefnd-
arinnar á fjölmennum fundi í félagsheimilinu Stapa á miðvikudags-
kvöldið. Þar kom fram hótun frá Grétari Mar, skipstjóra úr Sand-
gerði, um að menn væru jafnvel tilbúnir að sigla skipum sínum í land
ef ekki yrðu gerðar breytingar á tillögum nefndarinnar. Á fundinum
sem stóð í 4 tíma voru um 400 manns og var mikill tilfinningahiti í
mörgum ræðumönnum sem allir höfnuðu kvótakerfinu.
Þetta var annar fundur þeirra
Þrastar og Vilhjálms sem nú eru á
yfírreið um landið til að kynna tillög-
ur tvíhöfðanefridarinnar sem settar
eru fram í drögum að skýrslu tíl sjáv-
arútvegsráðherra um mótun sjávar-
útvegsstefnu. í upphafi fundarins
skýrði Þröstur Ólafsson þann vanda
sem blasir við í sjávarútvegi og að
á nokkrum árum hefði orðið um
helmings samdráttur í fiskveiðum
sem hefði gert skuldastöðu sjávarút-
vegsins verulega erfiða, en hún væri
nú um 110 milljarðar. Nefndin teldi
best að aflamarkskerfið yrði áfram
og að takmörkun á heildarsókn og
stjómun veiðanna væri nauðsynleg.
Þröstur sagði að í tillögunum væri
gert ráð fyrir að kvóti yrði ekki bund-
inn við skip og að heimilt verði að
framselja aflahlutdeild yfir til vinnsl-
unnar.
Fleiri tegundir í kvóta
Fram kom hjá Þresti að nefndin
teldi nauðsyn á að aflamark yrði
sett á fleiri tegundir og nefndi stein-
bít, lúðu, löngu, keilu og blálöngu.
Þá væri mikilvægt að veiðiheimildir
söfnuðust ekki á of fáar hendur og
að „hákarlarnir“ mættu ekki éta þá
„litlu“. Vilhjálmur Egilsson fjallaði
að mestu leyti um nauðsyn þess að
ná fram meiri hagræðingu í sjávarút-
vegi og rauði þráðurinn í starfi þeirra
nefndarmanna hefði verið að íslensk-
ur sjávarútvegur yrði rekinn með
eins miklum hagnaði og framast
væri kostur. í því sambandi yrði að
mæta aukinni samkeppni með auk-
inni framleiðni og að sameining sveit-
arfélaga og atvinnusvæða væri einn-
ig mikið hagsmunamál. Vilhjálmur
taldi nauðsynlegt að rýmka hömlur
um eignaraðild útlendinga í útgerð
og að þær reglur sem nú giltu stæðu
greininni fyrir þrifum.
„Erum tilbúnir að sigla í land“
Að loknum framsöguræðum
Þrastar og Vilhjálms var orðið gefið
laust og komu 18 fundarmenn í
pontu. Fyrstur talaði Grétar Mar,
skipstjóri í Sandgerði, og taldi hann
að bróðurparturinn af nefndarmönn-
um í tvíhöfðanefndinni væri vanhæf-
ur því þeir sætu í stjómum útgerðar-
fyrirtækja og hefðu því beinan hagn-
að af að viðhalda núverandi kvóta-
kerfi. Grétar taldi óþarfa að setja
enn frekari aflamörk þar sem mörg
dæmi væru um að menn næðu ekki
að veiða upp í úthlutaðar aflaheimild-
ir. Hann sagði að nú væri svo komið
að stór hluti fiskveiðiflotans á Suður-
nesjum væri nú kominn í hlutverk
„leiguliðans", það væri að veiða upp
í aflaheimildir sem væru í eigu svo-
kallaðra „sægreifa". Grétar sagði að
hann myndi beita sér fyrir og hefði
stuðning sjómanna fyrir aðgerðum
ef ekki yrðu gerðar breytingar á til-
lögum nefndarinnar. „Við erum til-
búnir til að sigla í land,“ sagði Grét-
ar Mar ennfremur.
Gunnar Svavarsson sagði að úti-
lokað væri fyrir trillubátaeigendur
að lifa af væntanlegum aflaheimild-
um. „Við eigum ekki einu sinni rétt
á atvinnuleysisbótum þegar báturinn
og húsið eru farin undir hamarinn."
Ámi Gíslason taldi að kvótakerfið
stæðist ekki lög og talaði um hugsan-
lega málsókn fyrir alþjóðadómstóln-
um í Strassborg. Hann minnti á alla
þá togara og þann kvóta sem þeim
hefði fylgt og selt hefði verið frá
Suðurnesjum norður í land. Nú væri
svo komið að norðanmenn næðu ekki
að veiða allan kvótann og því væri
hann nú veiddur af bátum á Suður-
nesjum og keyrður norður til vinnslu.
Hann minnti einnig á nýafstaðnar
veiðar íslenskra togara á svokölluð-
um „Franshóli“ sem hefðu gefið þjóð-
arbúinu um 300 milljónir króna og
áreiðanlega mætti finna fleiri slíka
hóla í víðáttu landhelginnar. Óskar
Karlsson taldi að þeir félagar hefðu
átt að bytja fundarherferðina áður
en skýrslan var samin. Logi Þor-
móðsson fiskverkandi sagðist hafna
þeini tillögum að fiskvinnslustöðvar
eignuðust kvóta og að hann hefði.
orðið fyrir miklum vonbrigðum með
það sem frá nefndinni hefði komið
og spurði: „Hvað hefur kvótakerfið
leitt gott af sér?“
Að lokum komu fram nokkrar fyr-
irspumir og síðan svöruðu þeir Vil-
hjálmur og Þröstur. í máli Þrastar
kom fram að ekki hefði allt verið til
sóma sem sagt hefði verið á fund-
inum og að menn vildu of oft kenna
kvótakerfinu um það sem miður færi.
Hann væri ekki trúboði fyrir kvóta-
kerfið sem hefði marga annmarka
en væri þó skásti kosturinn af því
sem í boði væri og að störf nefndar-
innar miðuðust við að finna skynsam-
legt fyrirkomulag um mótun sjávar-
útvegsstefnu sem sátt næðist um
meðal þjóðarinnar. Hann benti á að
þeir sem reru á krókaleyfisbátum og
væru „atvinnumenn" mættu búast
við að fá 40-50 tonna kvóta en ekki
11,8 tonn eins og væri í umræðunni.
-BB
UTILIFw
GUESIBÆ. SÍMI 812922
Bílamarkaöurinn
Smiðjuvegi 46E
v/Reykjanesbraut.
Kopavogi, sími
S71800

MMC Colt GLX '89, rauður, 5 g., ek. 72
þ. Rafm. í rúðum o.fl. V. 630 þ.
MMC Pajero turbo diesel '89, 5 g., ek.
63 þ., álfelgur, hiti í sætum, rafm í rúðum
o.fl. V. 1780 þús. stgr.'
m %
Suzuki Vitara JLX '90, hvítur, 5 g., ek.
68 þ. Ýmsir aukahlutir. V. 1050 þ. Sk. ód.
Nissan Sunny SLX 1.6 Sedan, brúnsans,
sjálfsk., ek. 16 þ. rafm. íöliu o.fl. V. 890 þ.
Nissan KingCap 4x4 m/húsi '91,
grár/svartur, 5 g., ek. 34 þ. Toppeintak
(vsk. bíll). V. 1290 þ. stgr.
MMC L-300 4x4 Minibus '88, grásans, 5
g., ek. 77 þ. V. 1090 þ.
Range Rover '85, 5 g., ek. 86 þ. V. 1150
þús., sk. ód.
Citroen BX 16 TZS ’91, grásans, 5 g., ek.
23 þ., rafm. í rúðum, central o.fl.
V. 930 þús.
Bíll fyrir vandláta: Pontiac Bonneville LE
’88, grásnas, 6 cyl., sjálfsk., ek. 68 þ.,
sóllúga, rafm. í öllu. Óvenju gott eintak.
V. 1480 þús.
Daihatsu Charade TX '91, ek. 9 þ., 3ja
dyra. V. 620 þ.
Subaru 1800i GL ’87, blásans, sjálfsk.,
ek. 110 þ., bein innsp. o.fl. V. 670 þ.
Toyota Corolla Liftback XL ’88, stein-
grár, 5 g., nýuppt. vél. Fallegur bfll. V. 680
Þ-
V.W. Jetta GL ’86, 5 g., ek. 87 þ.
Góður bfll. V. 450 þús.
Ford Bronco II XL '87, 5 g., ek. 70 þ.
V. 1050 þús., sk. á ód.
Toyota Corolla XL '89, 5 dyra, sjálfsk.,
ek. 10 þ. (á vél). V. 650 þús.
Cherokee Laredo 4L '88, 2ja dyra,
sjálfsk., ek. 38 þ. mílur. V. 1400 þús.
Peugout 205 XL '91, 5 dyra, ek. 30 þ.
V. 530 þús.
Ódýrir bílar:
Ford Escort CL '86, ný skoð. (94), gott
ástand. V. 240 þús. stgr.
Ford Sierra 1,6 GL '84,5 dyra. V. 270 þús.
Mazda 626 2000 sport '82, gott ástand
V. 150 þús.
Volvo 244 GL '79. Góður bíll. V. 110 þús.
Seat Ibiza 1200 '86, 3 dyra, ek. 75 þ.
V. 120 þús. stgr.