Morgunblaðið - 21.06.1994, Side 16

16 ÞRIÐJUDAGUR 21. JÚNÍ 1994
MORGUNBLAÐIÐ
VIÐSKIPTI
Fulltrúi Prime Aveation eftir stórskoðun á Fokker-vél
Morgunblaðið/Bjöm Blöndal
Keflavík - „Starf mitt er að
fylgjast með skoðunum sem þess-
um og ég get fullyrt að þessi
vinnubrögð eru með því besta
sem ég hef séð og ég mun glaður
mæla með Flugleiðamönnum til
slíkra verkefna," sagði Brian
Milles fulltrúi Prime Aveation
frá Noregi eftir að Flugleiðir
höfðu lokið við stórskoðun á
Fokker-vél, einni af vélum fyrir-
tækisins.
Að sögn Valdimars Sæmunds-
sonar, deildarstjóra sölu- og
skipulagsdeildar tæknisviðs
Flugleiða, var hér um að ræða
Mun mæla
með Flug-
leiðum
svokallaða C og D skoðun sem
tók um 12 daga. Valdimar sagði
að um 50 starfsmenn Flugleiða
hefðu komið að verkinu á einn
eða annan hátt. Þeir hefðu skilað
um 3.300 vinnustundum við vél-
ina og væri kostnaður við verkið
um 30 milljónir.
Valdimar sagði að Flugleiðir
hefðu orðið að setja upp nýjan
tækjakost hjá sér til að standast
kröfur og staðla sem nú væri
verið að samhæfa í flugheimin-
um. Valdimar sagði að ákveðið
væri að félagið tæki að sér skoð-
anir á tveim öðrum Fokker-vél-
um í eigu sama aðila og kæmu
þær í ágúst og september. Hann
sagði að Flugleiðir væru vel sam-
keppnishæfir á þessum markaði
og nú ynnu menn hörðum hönd-
um að fá fleiri verkefni.
Skuldabréfaútboð
Esso býður út
250 milljónir
FYRSTA skuldabréfaútgáfa Ollufélagsins hf., Esso, hefst í dag þegar boðin
verða út á almennum markaði skuldabréf að fjárhæð 250 milljónir króna.
Bréfin eru til sjö ára og verða seld miðað við 5,85% ávöxtunarkröfu. Afborg-
anir og vextir greiðast árlega, í fyrsta skipti 31. okt. 1995. Olíufélagið hef-
ur rétt til þess að greiða bréfin upp að fullu á hveijum gjalddaga frá og ineð
31. okt. 1998. í útboðslýsingu kemur fram að markmið skuldabréfaútgáfu
Olíufélagsins er að auka vægi innlendra langtímalána í lánsfé félagsins.
Olíufélagið flutti á síðasta ári inn
271.908 tonn af eldsneyti eða 44%
af heildarinnflutningi olíufélaganna.
Félagið samdi við rússneska fyrir-
tækið Urals um kaup á svartolíu
fyrir árið 1993 og hefur sá samning-
ur verið endurnýjaður fyrir árið
1994. Um kaup á öðrum olíutegund-
um fyrir árið 1993 var gerður samn-
ingur við norska fyrirtækið Esso
Norge. Ekki tókust samningar við
Esso Norge fyrir árið 1994 en þess
í stað var samið við norska fyrirtækið
Statoil sem bauð betri kjör.
Líkt og áður hefur komið fram í
Morgunblaðinu var 198 milljóna
króna hagnaður at rekstri Olíufé-
lagsins á sl. ári. Eigið fé var í árslok
3.325 milljónir og eiginfjárhlutfall
46,8%. Arðsemi eigin fjár var rúm
6% á sl. ári. í útboðslýsingu segir
um rekstrarhorfur að fyrirsjáanleg
fjárfestingarþörf Olíufélagsins sé
óveruleg á næstu árum. Stefna fé-
lagsins sé því að auka hagræðingu,
kostnaðareftirlit og ljármagnsnýt-
ingu innan þess ramma sem fyrir-
tækið hafi þegar mótað. Þannig sé
fyrirtækið best til þess fallið að
mæta aukinni samkeppni og ytri
áföllum með það að markmiði að
hámarka arðsemi fyrirtækisins og
hluthafanna.
Á árinu 1993 fjárfesti Olíufélagið
í varanlegum rekstrarfjármunum
fyrir 178 milljónir. Seinni hluta árs-
ins hófust framkvæmdir við nýja
þjónustustöð við Geirsgötu í miðborg
Reykjavíkur. í október sl. var opnuð
ný bensínstöð við Aðalstöðina I
Keflavík auk þess sem byggt var við
Víkurskála í Vík í Mýrdal, bensín-
stöðvarnar í Árnesi í Gnúpveija-
hreppi og við Geysi í Haukadal. Olíu-
félagið keypti birgðastöð vamarliðs-
ins við Álaugaeyjar í Höfn á Horna-
firði og fasteign undir lager við Bása-
skersbryggju í Vestmannaeyjum.

50 tölvur á sérstöku þjóðhátíðarverði
DAEWOO D2700U
■ i486DX/2-66 MHz
■ 170 MB diskur
■ 14" lággeisla litaskjár
■ 1 MB myndminni
■ VESA Local Bus skjástýring
■ 4 MB vinnsluminni,
stækkanlegt í 64 MB
128 skyndiminni
■ Overdrive sökkull
■ MS-D0S, Windows og mús
Kr. 169.000 staðgreitt
Fyrstu tvær sendingarnar eru uppseldar
DAEWOO D2600R
■ TÍ486DLC-40 MHz
■ 170 MB diskur
■ 14" lággeisla litaskjár
■ 1 MB myndminni
■ VESA Local Bus skjástýring
■ 4 MB vinnsluminni
1MS-D0S, Windows og mús
■ Kr. 118.000 staðgreitt
Lykill að alhliða ;tplvulausnum
I

WSt.-
-■/
EINAR J. SKULASON HF
Grensásvegi 10, Sími 63 3000
RAÐGREIÐSLUR
STAÐGREYÐSLUSAMNINGUR
Tökum við pöntunum í síma 63 3000, bréfasíma 68 84 87 eða á staðnum að Grensásvegi 10.