Morgunblaðið - 23.10.1994, Page 1

88 SÍÐUR B/C
242. TBL. 82. ÁRG.
SUNNUDAGUR 23. OKTÓBER 1994 PRENTSMIÐJA MORGUNBLAÐSINS
Búist við bættum samskiptum Kóreuríkjanna eftir undirritun kjarnorkusamnings
Suður-Kóreustjóm kvart-
ar yfir ónógu samráði
Seoul. Reuter, The Daily Telegraph.
WILLIAM Perry, varnarmálaráðherra
Bandaríkjanna, sagði í Seoul á föstudag að
minni spenna milli Norður- og Suður-Kóreu
gerði það að verkum að Bandaríkjamenn
gætu hugsanlega kallað herlið sitt heim frá
suðurhlutanum. Fyrr um daginn hafði sam-
komulag um kjarnorkuáætlun Norður-
Kóreumanna verið undirritað i Genf af full-
trúum stjórna Bandaríkjanna og Norður-
Kóreu. Sagðist Perry telja miklar líkur á að
'samskipti Kóreuríkjanna myndu héðan í frá
fara batnandi. Bill Clinton Bandaríkjaforseti
sagði á blaðamannafundi eftir undirritun
samningsins að Suður-Kóreustjórn myndi
bera mesta kostnaðinn af því að sjá Norður-
Kóreu fyrir öðrum orkugjöfum en kjarnorku,
til dæmis olíu. Han Sung-joo, utanríkisráð-
herra Suður-Kóreu, bar þetta til baka í þing-
umræðum á laugardag og sagði ekkert sam-
ráð hafa verið haft við Suður-Kóreu um slík-
ar greiðslur.
Bandarískt herlið hefur verið í Suður-
Kóreu allt frá sjötta áratugnum til að koma
í veg fyrir að Norður-Kóreumenn geti hafið
óvænta innrás líkt og gerðist árið 1950. Eru
nú 38 þúsund bandarískir hermenn í Suður-
Kóreu. Perry sagði að ekki yrði þó fækkað
í herliðinu nema samsvarandi fækkun ætti
sér stað í herliði norðanmanna. I her Norður-
Kóreu eru 1,2 milljónir manna og er megin-
hluti heraflans staðsettur mjög nálægt landa-
mærum Suður-Kóreu.
Arlegri sameiginlegri heræfingu Banda-
ríkjamanna og Suður-Kóreumanna hefur
verið aflýst og er einn helsti tilgangur Perr-
ys með heimsókn sinni til Suður-Kóreu að
sannfæra stjórnvöld þar um að Bandaríkja-
stjórn hyggist standa við skuldbindingar sín-
ar gagnvart Suður-Kóreu.
Suður-Kóreustjórn er mjög ósátt við
hvernig staðið var að samningum um kjarn-
orkuáætlun Norður-Kóreumanna þó að hún
fagni því að samkomulag hafi náðst. Áttu
fulltrúar Suður-Kóreu mjög litla aðild að
samningagerðinni. Hafa Suður-Kóreumenn
ekki síst gagnrýnt það ákvæði samningsins
að liðið geti allt að fimm ár þangað til Norð-
ur-Kóreumenn verði að leyfa eftirlitsmönnum
að kanna kjarnorkustöðvar þeirra.
Han utanríkisráðherra sagði Genfarsam-
komulagið ekki fullnægja öllum kröfum Suð-
ur-Kóreu: „Almennt má segja að samkomu-
lagið uppfylli lágmarkskröfur okkar.“
HA USTHREINGERNING
Morgunblaðið/Kristinn
Jeltsín heimt-
aði vodka
BÖRÍS Jeltsín Rússlandsforseti var ekki
sáttur við þær veitingar sem hann fékk í
veislu sem Elísabet Bretlandsdrottning hélt
honum til heiðurs um borð í Brittaníu,
snekkju konungsíjölskyldunnar, í tilefni af
opinberri heimsókn hennar til Rússlands.
Forsetinn lét í ljós megna óánægju með
aðalréttinn, hjartarkjöt frá veiðilendunum í
kringum Balmoralkastala, og var þar að
auki mjög óhress með þá drykki, sem born-
ir voru fram með matnum. Hann hreifst
hvorki af hvítvíninu, Chablis Premier Cru,
Montée de Tonnere frá 1989, né rauða
Bordeauxvíninu, Chateau Langoa-Barton
1983. Það var þó fyrst þegar farið var að
bera í hann Lanson-kampavín, sem Rúss-
landsforseti reiddist. Hann kvartaði hástöf-
um og heimtaði vodka. Honum varð þó
ekki að þeirri ósk sinni þar sem þjónarnir
bentu honum kurteislega á að vodka væri
aldrei borið fram á snekkju konungsíjöl-
skyldunnar á meðan borðhald stæði yfir.
Meðan á öllu þessu stóð var drottningin hin
kátasta. „Það virðist ekkert geta komið
henni úr jafnvægi," sagði einn gestanna í
veislunni.
Ovæntir
veislugestir
FJÓRIR breskir flækingar vöktu mikla at-
hygli er þeir birtust skyndilega í glæsilegri
veislu, sem haldin var í tilefni frumsýningar
Walt Disney-myndarinnar Konungs ljón-
anna í Lundúnum. Þrátt fyrir stranga ör-
yggisgæslu tókst þeim að smygla sér inn
með því að klifra yfir vegg og skríða síðan
inn í eitt veitingatjaldanna, sem skreytt
hafði verið sem afrískur frumskógur, og
fela sig undir borði. Þegar gestimir voru
mættir í sínu fínasta pússi, þeirra á meðal
Sylvester Stallone, Bob Hoskins, Elton John
og Rowan Atkinson, stóðu þeir upp og byij-
uðu að skemmta sér. Flækingarnir hámuðu
í sig snittur, sötruðu kampavin, ræddu við
gesti og einn þeirra fór meira að segja á
dansgólfið. Það var ekki fyrr en hálftíma
síðar að öryggisverðir hentu þeim út. „Ætli
fólk hafi ekki bara haldið að þeir væru í
grímubúningum," sagði einn skipuleggjenda
veislunnar.
Efaðist um af-
stæðiskenningu
ALBERT Einstein dró að birta afstæðis-
kenningu sína í þijú ár, vegna þess að hann
hafði efasemdir um að hún fengi staðist.
Frá þessu er sagt í nýjasta hefti New Scient-
ist. Einstein kynnti kenningu sína árið 1916
en sérfræðingar, sem hafa rannsakað gögn
hans og minnisbækur, hafa fundið sannanir
þess að hann hafi lokið við að móta kenning-
una árið 1913. „Hann var afar varkár mað-
ur, undir miklum áhrifum eðlisfræðikenn-
inga Isaaes Newtons og vissi að hann þyrfti
góð rök til að kollvarpa þeim,“ segir Júrgen
Renn, við Max Planck-stofnunina í Berlín.
ATLAGA
AD
DALAI
LAMA
12
Vióskipti/Atvinnulíf
Á SUNNUDEGI
Mjór er mikils vísir
FJÖLGAR fSLENDINGUM
OF HRATT?
■ ■
UR FRJORRIJORÐ