Morgunblaðið - 04.06.1995, Blaðsíða 9
MORGUNBLAÐIÐ
SUNNUDAGUR 4. JÚNÍ1995 B 9
Morgunblaðið/Þorkell
FLUTNINGAR í nýbygginguna eru framundan hjá Hafdísi Guðjónsdóttur, Þorsteini Halldórssyni
og Valgerði Ýr.
Full blokk
íþróttafólks
HAFDÍS Guðjónsdóttir og Þor-
steinn Halldórsson hafa
verið í sambúð síðan 1990.
Þau hafa búið í leiguíbúðum, en ver-
ið heppin og greitt nær enga leigu.
„Það hefur alveg bjargað okkur,“
sagði Hafdís þegar blaðamaður
heimsótti þau á Freyjugötuna þar
sem þau búa nú ásamt tveggja og
hálfs árs dóttur sinni, Valgerði.
Nú hafa þau keypt þriggja her-
bergja, 84 fm. íbúð í Kópavogi, sem
þau fengu afhenta 81. maí. „Það
erfiðasta við að kaupa fyrstu íbúðina
er að eiga sjóð í upphafí. Það er
ekki þess virði að taka alltof mikið
af lánum, því þá verður greiðslubyrð-
in svo há,“ segir Þorsteinn.
Keyptu ódýrari bil
íbúðin kostar 6,8 milljónir og
stærsta hlutann, eða 4,4 milljónir,
reikna þau með að fá í húsbréfum.
Við undirskrift um áramót greiddu
þau 800 þúsund, við afhendingu
greiða þau 550 þúsund krónur og í
nóvember eina milljón. „Við seldum
bílinn og fengum 450 þúsund í milli-
gjöf en höfðum lagt fyrir 350 þúsund
krónur vegna fyrstu útborgunar. Við
eigum fyrir útborguninni núna,- en
reiknum með því að þurfa að taka
700-800 þúsund króna lífeyrissjóðs-
eða bankalán upp í síðustu greiðslu,"
segir Hafdís.
Þegar talið berst að vinnuálagi
segir Þorsteinn að þau hafí þurft að
leggja hart að sér þetta árið. „Þegar
við höfum gengið frá útborgun í íbúð-
ina getum við farið að minnka við
okkur vinnu.“
Þessu samsinnir Hafdís og segir
að veturinn hafi eiginlega allur farið
í að vinna, borða og sofa. Hún segir
að fjöskyldur þeirra beggja hafi ver-
ið hjálplegar á allan hátt og án þeirra
hefði þeim ekki tekist að kaupa íbúð-
ina. Þorsteinn er sölumaður hjá heild-
sölufyrirtæki og Hafdís er íþrótta-
kennari. Auk þess skúra þau þijú
kvöld í viku og á veturna þjálfar
Hafdís hjá Fram.
Engin umfframeyósla
Fyrir þessa vinnu fá þau útborgað
um 180 þúsund krónur á mánuði.
Þegar þau eru spurð hvernig gangi
að lifa af laununum horfa þau hvort
á annað og skella síðan upp úr. „Það
gengur ekki neitt,“ segir Hafdís svo.
„Við kaupum í matinn og ef það er
eitthvert tilefni förum við út að
skemmta okkur, en gerum ekkert
umfram eins og að kaupa föt eða
fara út að borða.“
Þá segja þau að þrátt fyrir að bíll-
inn sé spameytinn fari óhemju mik-
ill peningur í bensín, enda fari þau
samanlagt á tíu æfingar á viku.
Þorsteinn spiiar með meistara-
flokki FH í knattspymu og Hafdís
með meistaraflokki Fram í hand-
bolta, enda er íbúðin sem þau keyptu
við Amarsmára örstutt frá íþrótta-
mannvirkjum. Þau segja þó að það
hafi verið tilviljun. „Það er íþrótta-
fólk meira og minna í allri blokk-
inni,“ segja þau nefna íþróttamenn
eins og Stefán Amarsson, Willum
Þór, Guðmund Hreiðarsson, Þorstein
Ólafsson og Sigfinn Viggósson.
En tekst þeim að leggja eitthvað
fýrir mánaðarlega? „Það
er mjög misjafnt," svarar
Þorsteinn. Undir það tek-
ur Hafdís og segir að í
mars hafí þau til dæmis
þurft að greiða 60 þús-
und króna afborgun til
Lánasjóðsins. „Við höf-
um getað lagt fyrir 60
þúsund krónur síðustu
tvo mánuði, en stundum
getum við ekkert lagt
fyrir, ef eitthvað kemur
upp á,“ segir hún.
„Við sóttum um hús-
bréfin í ágúst og höfum
verið að borga vexti síðan
þá. í apríl greiddum við 80.000 kr.
og þar af vom vextir 76.000 sem
okkur fínnst rosalega mikið. Um síð-
ustu mánaðamót var greiðslan aftur
á móti 14.000, en við eigum eftir
að fá lán upp á tvær milljónir til við-
bótar og þá verður mánaðarleg af-
borgum 27-28.000 kr.
„Það er að minnsta kosti erfítt að
gera áætlanir," segir Þorsteinn og
bætir við stríðnislega að alveg sama
sé hversu margar áætlanir Hafdís
geri, þær standist aldrei. Hún viður-
kennir það hlæjandi en maldar svo
í móinn og segir að í þessum mán-
uði hafi áætlunin þó staðist.
„Við höfum líka verið að koma
okkur út úr greiðslukortahringnum
og þá er hægt að fara að slaka á.
Það em mjög margir fastir í þeim
vítahring, því það er svo auðvelt að
„strauja“, en verra þegar reikningur-
inn kemur."
Þau segjast alltaf kaupa inn í Bón-
us, það spari þeim dágóðar upphæð-
ir, en um 30-35 þúsund krónur fara
í mat og hreinlætisvömr á mánuði.
Fjarvistir og óstin
Þó að ekki sé að sjá að mikil vinna
og fjarvistir vegna æfinga hafi áhrif
á samband þeirra leikur blaðamanni
samt forvitni á skoðun þeirra á því.
„Það bjargar sambandinu,“ læðir
Þorsteinn að á sinn rólega hátt, en
Hafdís skellir upp úr.
Þau segjast reyna að nýta tímann
vel þegar þau em saman. Meðal
annars fari þau austur á Neskaup-
stað á sumrin, þaðan sem Þorsteinn
er ættaður. Einnig hafí þau aðstöðu
til að vera í sumarbústað nálægt
Reykjavík um helgar, þannig að Þor-
steinn geti keyrt á æfíngar. „Það
verður þó lítið um ferðalög í sumar,
því ég hef fengið vinnu við húsvörslu
í Framheimilinu og fæ ekkert sum-
arfrí,“ segir Hafdís og sér strax já-
kvæðu hliðarnar. „Það bjargar því
að við getum keypt gólf-
efni á íbúðina og komið
okkur ágætlega fyrir.“
Þorsteinn er farinn að
hafa sig til fyrir æfingu
og þegar ég spyr hvort
fjárhagslegir erfiðleikar
hafí jafnvel þjappað þeim
betur saman segir Hafdís
hlæjandi: „Við rífumst
aldrei. Þetta er alveg
pottþétt samband," en
Þorsteinn kemur í dyra-
gættina og segir að það
hafí kannski ekki reynt
svo mikið á það, því fjár-
hagslega hafí aldrei
kreppt verulega mikið að þeim. Þar
með er hann rokinn, en Valgerður
gerir kröfur til að mamma fari með
henni á róló.
Erfitt að leggja ffyrir
í lokin berst talið að húsbygging-
um ungs fólks almennt og hvort
Hafís telji að þau hefðu getað lagt
meira fyrir á> árum áður. „Nei, ég
hefði ekki getað gert það, þó að ég
ynni eitthvað með skólanum. Við
tókum yfirleitt út skyldusparnaðinn.
Eftir stúdentspróf vann ég í eitt ár
og keypti mér bíl til þess að geta
keyrt til Reykjavíkur á æfingar frá
Laugarvatni, þannig að ég sá aldrei
pening, þótt ég væri að vinna.“
Hún er þó ekki frá því að þau
hafi leyft sér meira meðan þau
greiddu enga húsaleigu. „Það er
mjög erfitt að leggja fyrir. Það er í
raun langerfiðasti hlutinn við að
kaupa íbúð. Eitt árið lögðum við fyr-
ir 10 þúsund kr. á mánuði í Spariskír-
teini ríkissjóðs. Ef við hefðum ekki
gert það þannig, hefði aldrei orðið
neitt úr sparnaði."
í því sambandi bendir hún á kosti
þess að greiða afborganir húsbréf-
anna mánaðarlega. „Fólk ætlar að
eiga fyrir afborgunum en leggur
ekki fyrir. Það er staðreynd."
„Við kaupum í
matinn og ef
það er eitt-
hvert tilefni
förum við út
að skemmta
okkur, en ger-
um ekkert um-
fram eins og
að kaupa föt
eða fara út að
borða.“
Þakkardvarp
Hugheilar þakkir fceri ég öllum, œttingjum
mínum, vinum og samstarfsfólki, sem sýndu
mér vináttu með heimsóknum, kveðjum og
gjöfum á áttrœÖisafmæli mínu 27. maí sl.
Eg þakka ánœgjulega samfylgd i gegnum liöin
ár og biö guð að blessa ykkur.
Þórir Ben Sigurjónsson,
Vesturbergi 8.
GENERAL TIRE
Vinnuvélahjólbarðar
General framleiðir hjólbarða sem mæta
öllum sérstökum kröfum yðar og aðstæðum.
Framleiðsla General spannar t.d.:
E2 — E3 — E4 L2 — L3 — L4 — L5 G2
Skórinn hf.,
Knarrarvogi 4, 124 Reykjavík,
sírhar 553 5335, 852 5067, fax: 568 8583.
525 6400
Búnaðarbanki íslands,
austurbæjarútibú við Hlemm, Rvk.
Önnur símanúmer bankans breytast
samkvæmt nýja símanúmerakerfinu.
/J\BÚNAÐARBANKI
W ÍSLANDS
HVftA HÚSIÐ / Sí