Morgunblaðið - 24.08.1995, Blaðsíða 6

6 FIMMTUDAGUR 24. ÁGÚST 1995
MORGUNBLAÐIÐ
FRÉTTIR
Mathieu Morverand vill kaupa skútuna og að Samskip hf. beri kostnaðinn
Fer ekki héð-
an án skút-
unnar minnar
Morgunblaðið/Lárus Páll
VARÐSKIPSMENN á leið um borð í Söru eftir að þeir
fundu skútuna 69 sjómílur suður af Selvogi í fyrradag-
Á innfelldu myndinni sést þegar Mathieu Morverand var
færður til yfirheyrslu hjá Rannsóknarlögreglu ríkisins.
Morgunblaðið/Sverrir
MATHIEU Morverand, sem varð-
skipið Ægir færði til hafnar í gær-
morgun ásamt félaga hans eftir að
þeir höfðu tekið skútuna Söru úr
Reykjavíkurhöfn aðfaranótt mánu-
dagsins, segir að hann muni fara
þess á leit við forstjóra Samskips hf.
í dag að fyrirtækið standi straum
af kostnaði við að kaupa skútuna
af núverandi eigendum, en þeir hafa
lýst sig reiðubúna ti! að selja hana
náist samningar um verð. Þá hafa
þeir ákveðið að falla frá kröfum um
ákæru á hendur Mathieu fyrir að
hafa stolið skútunni.
Mathieu Morverand sagði í sam-
tali við Morgunblaðið að hann hefði
undir höndum pappíra frá Skipadeild
Sambandsins, dagsetta 21. nóvember
1990, þar sem kæmi fram að hann
væri skuldlaus við fyrirtækið vegna
flutnings skútunnar hingað til lands
frá Englandi, og því fengi hann ekki
skilið að hún hafi verið seld hér á
nauðungaruppboði á sínum tíma.
Hann sagðist hafa hug á að kaupa
skútuna af núverandi eigendum
hennar, en Samskip hf. yrðu að
greiða kostnaðinn og flytja skútuna
honum að kostnaðarlausu til Eng-
lands á ný þaðan sem þeir fluttu
hana hingað til lands honum -að
kostnaðarlausu í árslok 1990.
Vill komast að samkomulagi
„Ég get ekki ímyndað mér fram-
tíð mína án þess að fara með skút-
una héðan með mér sem mína eign
og héðan fer ég ekki án skútunnar
minnar. Ég vil að Samskip eða Toll-
stjóraembættið greiði fyrir bátinn,
því þessir aðilar höfðu heimilisfangið
mitt og hefðu getað látið mig vita
um málavöxtu áður en skútan fór á
uppboð vegna ógreiddra tolla, en það
gerðu þeir hins vegar aldrei. Ég er
tilbúinn til að kaupa skútuna en ég
vil í góðu komast að samkomulagi
við forstjóra Samskipa hf. um að
þeir greiði það verð fyrir hana sem
þarf,“ sagði Mathieu. Sagðist hann
vera í sambandi við lögmannsstofu
hér á landi sem byði fyrirmæla hans
um að hefja málssókn á hendur Sam-
skipum og Tollstjóraembættinu ef
samningar tækjust ekki í málinu.
Morgunblaðið náði ekki tali af
Ólafi Olafssyni, forstjóra Samskipa,
í gær.
Engar upplýsingar að fá
Mathieu Morverand sagðist vissu-
lega vera glaður yfir því að Gunnar
Borg hefði ákveðið að falla frá kæru
á hendur honum vegna þjófnaðar á
skútunni úr Reykjavíkurhöfn, en hann
sagðist hins vegar aldrei ná gleði sinni
að fullu fyrr en hann hefði fengið
skútuna í sínar hendur á nýjan leik.
„Ég hef upplifað ýmislegt í þess-
ari skútu. Þetta er ekkert sérstaklega
stór eða glæsilega skúta og í Reykja-
víkurhöfn má sjá margar miklu fal-
legri og betur búnar, en þetta er
skútan mín og það er óhugsandi fyr-
ir mig að sjá fyrir mér framtíðina
án hennar.
Þegar ég kom með skútuna til
Islands á sínum tíma þá var hún í
eigu föður míns, og á hverju ári í
fimm undanfarin ár hef ég sagt hon-
um að kvíða engu þar sem ég myndi
finna lausn á þessu máli og skila
honum skútunni. Ég hef reynt allt
sem ég hef getað til að fá upplýs-
ingar um málið frá íslenskum stjórn-
völdum allan þennan tíma en ætíð
án árangurs," sagði hann.
Mathieu sagðist leiður yfir því að
hafa tekið bátinn frá Gunnari Borg
og meðeigendum hans og að hafa
ekki rætt við hann áður. Honum
hefði hins vegar_aldrei verið kunnugt
um hverjir hefðu keypt skútuna á
nauðungaruppboðinu, en ef hann
hefði vitað nöfn þeirra hefði hann
vafalaust haft samband við þá til að
fínna lausn á málinu.
Mathieu sigldi einn síns liðs á
kajak yfrr Atlantshafið í fyrra fyrstur
manna og sagði hann fjölmiðla í
Frakklandi nú fylgjast náið með
framvindu máls hans hér á landi.
Þegar hann kom með skútuna hingað
til lands 1990 voru tveir keppniskaj-
akar um borð horfnir, og ságðist
hann engar upplýsingar hafa fengið
hjá Tollastjóraembættinu um hvað
hefði getað orðið af þeim.
„Þetta er mjög alvarlegt mál því
annar kajakinn var keppniskajak sem
ég vann meistaramót Frakklands
árið 1989. Ég er því mjög leiður yfir
því að finna ekki kajakinn og það
er vægast sagt furðulegt að tollayfir-
völd geti ekki gert mér grein fyrir
hvað orðið hefur um hann,“ sagði
Mathieu.
Ætla að falla frá kröfum
Gunnar Borg, einn þriggja eigenda
Söru, sagði í samtali við Morgunblað-
ið að hann myndi falla frá öllum
k'ærum á hendur Mathieu Morverand
fyrir að hafa stolið skútunni, en þar
sem Rannsóknarlögregla ríkisins
hefði sent ákæruvaldinu málið vissi
hann ekki hver framvinda þess yrði.
Gunnar sagði að hann hefði hitt
Mathieu í gær, sem falast hefði eftir
því að kaupa skútuna.
„Við höfum ekkert á móti því að
selja honum bátinn og þetta verða
kannski ekkert erfiðir samningar.
Við erum ekkert að okra á þessu,
en ég vil ekki nefna neinar tölur í
þessu sambandi. Ég fell frá öllum
kærum því mér finnst þær óréttlát-
ar. Það er ekkert að bátnum og hann
hefur ekki unnið neinn skaða á hon-
um, og hann hefur ekki snert við
neinum eigum okkar um borð. Það
væri kannski það eina að hann
greiddi leigu fyrir bátinn í tvo sólar-
hringa. En við erum til viðræðu um
sölu skútunnai^ því þetta er ekkert
heilagt fyrir okkur, og sérstaklega
vegna þess að þetta virðist vera mik-
ið kappsmál hjá honum," sagði Gunn-
ar.
Farið eftir
tollalögum
BJÖRN Hermannsson tollstjóri
sagði að í þessu máli hefði verið
farið í einu og öllu eftir þeim regi-
um sem giltu um vöruinnflutning
til landsins, og í þessu tilfelli hefði
verið um slíkan flutning að ræða.
Venjulega liði um ár frá því inn-
flutt vara kæmi til landsins og
ki-afist væri uppboðs á henni væru
ekki gi-eidd af henni tilskilin gjöld,
en slíkum kröfum er beint að flutn-
ingsaðila vörunnar til landsins.
Hann sagði að umrædd skúta
hefði komið hingað til Iands með
skipi Sambandsins í nóvember
1990 og hún svo verið seld á nauð-
ungaruppboði í mars 1992 eftir
að Samskip hefðu árangurslaust
verið krafin um greiðslu gjald-
anna. Hefði í þessu máli verið far-
ið í einu og öllu eftir ákvæðum
tollalaga.
Framkvæmdir við nýja byggð
í Súðavík standa sem hæst
Sökklar að
fyrsta húsinu
steyptir í gær
SÖKKLAR að fyrsta húsinu í nýrri Súðavík voru steypt-
ir í gær. Framkvæmdir við byggðina eru nú að komast
í fullan gang og verða grunnar að 12 húsum steyptir
á næstu dögum. Fyrri áfanga gatnaframkvæmda er
lokið og seinni áfanganum verður lokið í næsta mán-
uði. Almenn bjartsýni ríkir í Súðavík, en íbúar þar hafa
beðið í allt sumar eftir að fá að hefja framkvæmdir.
Það er Garðar Sigúrgeirsson tré-
smíðameistari sem reisir fyrsta hús-
ið í nýrri Súðavík. Garðar stóð að
byggingu fjögurra húsa í Súðavík á
síðasta ári og var bygging þeirra
langt komin þegar snjóflóð féll á
Súðavík 16. janúar í fyrravetur.
Framkvæmdir við húsin voru þá
stöðvaðar enda þótti sýnt að þau
væru á hættusvæði. Þessi hús verða
nú flutt í nýju byggðina.
Garðar sagði að það væri dálítið
sérstök tilfinning að byggja hús og
þurfa síðan að taka ákvörðun um
að fiytja þau áður en byggingu
þeirra væri lokið. Hann sagðist telja
að það yrði ekki neitt mál að flytja
húsin. Þau yrðu tekin í sundur og
flutt í tveimur hlutum. Stefnt er að
því að flytja húsin eftir 3-4 vikur.
Framkvæmdir í Súðavík ganga
hratt fyrir sig þessa dagana. Grunn-
Morgunblaðið/Sigurjón J. Sigurðsson
ÁGÚST Kr. Björnsson og Jón Gauti Jónsson
fylgdust með framkvæmdum í nýrri Súðavík í
gær. Ágúst hefur yfirumsjón með framkvæmdum
og Jón Gauti er sveitarstjóri.
framkvæmdir hæfust hefðu hins
vegar tekið á íbúana.
Jón Gauti sagðist ekki gera ráð
fyrir að neinn komi til með að búa
í gömlu Súðavík í vetur. Óhugur
væri í fólki vegna atburðanna sem
urðu í fyrravetur og fólk legði
áherslu á að búa sér heimili á örugg-
um stað.
Það er ljóst að það mun taka
meira en eitt ár að flytja byggðina.
Nokkrir íbúar ætla sér að flytja í
bústaðina þegar fer að snjóa í vetur
og flytja til baka í gömlu húsin aftur
í vor. Þetta á t.d. við Jónatan Ás-
geirsson skipstjóra og fjölskyldu
hans. Einbýlishús þeirra verður ekki
flutt frá þeim stað þar sem það er
í dag. Jónatan hefur hins vegar feng-
ið lóð í nýrri Súðavík, en fram-
kvæmdir á henni munu ekki hefjast
fyrr en á næsta ári.
ur að fyrsta húsinu var tekinn sl.
laugardag. By-ijað var að slá upp
fyrir sökklum á mánudaginn og þeir
steyptir í gær. Sökklar að næsta
húsi verða steyptir á morgun. Sökkl-
ar að fjórum húsum með samtals
átta íbúðum í, sem Loftorka hf. reis-
ir, verða lagðir nk. mánudag. Húsin
eiga að afhendast tilbúin undir tré-
verk 26. október. Fimm gömul hús
verða flutt í haust frá Súðavík í
nýju byggðina og fleiri eru að und-
irbúa framkvæmdir.
25-30 ný hús
Jón Gauti Jónsson, sveitarstjóri í
Súðavík, sagðist reikna með að
25-30 nýjar íbúðir yrðu tilbúnar í
nýrri Súðavík fyrir veturinn og 18
bústaðir. Hann sagði að íbúar væru
bjartsýnir nú þegar byggðin væri
að rísa á nýjum stað. Biðin eftir að
Frambjóðendur til formanns Alþýðu-
bandalagsins funda á ísafirði
Ahersla lögð á
valddreifingu
MARGRÉT Frímannsdóttir sagði á
fyrsta fundi frambjóðenda til for-
manns í Alþýðubandalaginu á
ísafirði í gær, að flokkurinn væri
ekki trúverðugur málssvari verka-
lýðshreyfingarinnar. Steingrímur J.
Sigfússon sagði vinstrimenn þurfa
að endurskoða markmið sín.
Steingrímur sagði mikla þörf fyrir
vinstri stefnu, hægri stefnan ætti
engin svör við stærsta vanda Vestur-
landa, atvinnuleysinu. Nauðsynlegt
væri að endurskoða velferðarkerfið
og svara því hvernig vinstrimenn
ætluðu að nýta markaðinn til að ná
efnahagslegum markmiðum sínum.
Steingrímur sagðist vera fylgjandi
því að vinstrimenn á íslandi samein-
uðu krafta sína, en eina leiðin til
þess væri að skapa málefnagrunn.
Jafnframt væri mikilvægt að Al-
þýðubandalagið yrði sterkt afl í slíkri
sameiningu og að sameinaður flokk-
ur yrði alvöru vinstriflokkur en ekki
miðjuflokkur.
Margrét varði mestum tíma ræðu
sinnar til að ræða innra starf Al-
þýðubandalagsins. Þegar hún hefði
verið að byrja starf innan Alþýðu-
bandalagsins hefði flokkurinn verið
trúverðugur málssvari verkalýðsbar-
áttunnar, en væri það ekki lengur-
Þetta ætti mikinn þátt í að Alþýðu-
bandalagið hefði misst tiltrú stórs
hluta kjósenda.
Flokkurinn forðast umræðu
Margrét sagði að of lítil umræða
væri innan Alþýðubandalagsins og
of mikið um að þingmenn mótuðu
stefnuna án þess að almennir flokks-
menn kæmu þar nærri. Hún sagði
einnig dæmi um að Alþýðubandalag-
ið forðaðist umræðu og nefndi að
flokkurinn hefði leyft sér að ganga
til kosninga án skýrrar stefnu í sjávr.
arútvegsmálum.
Margrét lagði mikla áherslu á
valddreifingu og á að virkja almenna
flokksmenn. Hún ræddi lítið um
saTneiningu vinstrimanna, en sagði
að Alþýðubandalagið þyrfti að laða
til sín vinstrisinnað fólk. Það hefð*
því miður verið að missa frá sér fól^-
Allir félagsmenn í Alþýðubanda-
laginu éiga rétt á að kjósa formanm
Kosningin fer fram 29. september
til 13. október.