Morgunblaðið - 10.10.1995, Qupperneq 4

4 ÞRIÐJUDAGUR 10. OKTÓBER 1995
MORGUNBLAÐIÐ
FRÉTTIR
Forsætisráðherra eftir fund með fory stumönnum ASI og VMSI
Setning laga var meðal
þess
DAVÍÐ Oddsson, forsætisráðherra,
segir að meðal þess sem komið
hafi til umræðu á fundi hans og
utanríkisráðherra með forsytu-
mönnum Alþýðusambands íslands
síðastliðinn laugardag hafi verið
hvort til greina komi að hindra það
með lagasetningu að þær 3% launa-
hækkanir sem verða á almenna
vinnumarkaðinum um næstu ára-
mót gangi til þeirra sem hæsta og
mesta launahækkun hafa fengið
að mati almennings. Hann segir
sem rætt var um
enga niðurstöðu hafa orðið hvað
þetta varðar á fundinum.
„Þetta er dálítið vandmeðfárið því
að allmargir af þeim sem eru t.d. í
ASÍ og eiga rétt á þessari hækkun
hafa fengið meira en þeir hópar sem
mestum deilum hafa valdið núna.
Svo er spursmál hvemig Kjaradóm-
ur metur sjálfur, en hann á að fara
árlega yfir slíka hluti. Hvort hann
telur það nauðsynlegt eða ekki án
laga er alveg sér mál sem Kjaradóm-
ur yrði þá að athuga. Með þessu
er ég að vekja athygli á því að dóm-
ur Kjaradóms er ekki tímasettur,
en aðrir kjarasamningar em tíma-
settir og þar kemur inn þessi 3%
launahækkun um áramótin. Ef hún
kæmi til dæmis ekki á laun þing-
manna þá er ljóst að allar saman-
burðartölur em þingmönnum í hag
miðað við aðra hópa,“ sagði Davíð
í samtali við Morgunblaðið.
Hann sagði í þessu sambandi að
í samanburði ASÍ á launahækkun-
um, sem birst hefðu í Morgunblað-
inu, væri ekki um að ræða réttar
tölur miðað við það sem Kjaradómur
hefði gengið út frá og því um hæp-
inn talnagmndvöll að ræða.
Samanburðurinn
tóm vitleysa
„Þeir völdu sér aðra dagsetningu,
færðu sig til um einn mánuð, og þá
kom inn í það Kjaradómur sem hafði
tekið mið af tveimur ámm þar á
undan. Það gerði allan samanburðinn
að tómri vitleysu," sagð Davíð.
Hafnfirskur kennari semur forrit fyrir knattspyrnugetraunir
Forrit fór óvænt
um allan heim
HRAFNKELL Gíslason, kennari
í Hafnarfirði, rak upp stór augu
þegar hann var að skoða erlend
tölvutímarit í bókaverslun ný-
lega. Með tímaritinu Computer
Shopper fylgdi geisladiskur með
ýmsum forritum, þeirra á meðal
var knattspymugetraunaforritið
Merlin eftir Hrafnkel, án þess
að hann hefði hugmynd um út-
gáfuna. Tímaritið kemur út í 180
þúsund eintökum og er þvi dreift
um allan heim.
„Það var fyrir algjöra tilviljun
að ég rak augun í þetta,“ sagði
Hrafnkell. „Eg hef verið að vinna
að þessu forriti svona að gamni
minu og sendi frumútgáfu þess
til skoðunar hjá nokkrum tölvu-
tímaritum." Hrafnkell segist
hafa fengið viðbrögð frá tveimur
útgefendum, en ekki þeim sem
setti forritið á diskinn. Honum
kom það vægast sagt á óvart að
sjá forritið því af hans hálfu var
vinnunni við það ekki lokið að
öllu leyti.
„Ég var á námskeiði í forritun
hjá Tölvu- og verkfræðiþjón-
ustunni. Kennari minn þar, Hall-
dór Gíslason, var einstaklega
hvetjandi og skemmtilega áhuga-
samur um þetta. Ég hef síðan
unnið í þessu og átti eftir svolitla
handavinnu, annars var þetta
nær tilbúið,“ sagði Hrafnkell.
Hjálpartæki tippara
Forritið Merlin er hugsað fyrir
þátttakendur í knattspyrnuget-
raunum til að spá um gengi
knattspymuliða. Að sögn Hrafn-
kels er forritið n\jög myndrænt
að uppbyggingu og auðvelt í
notkun. Notandinn getur bók-
staflega fengið mynd yfir stöð-
una þegar honum sýnist. Þá er
einkar auðvelt að breyta formúl-
unni sem reiknar vægi hinna ein-
stöku knattspyrnuliða. Til dæmis
geta menn aukið vægi heima-
leikja eða breytt öðrum atriðum
að vild.
Hrafnkell sagðist ekki eiga
von á neinum fjárfúlgum í fram-
haldi af þessari útgáfu og væri
alls ekki að verða milljarðamær-
ingur! Hann hugsaði forritið sem
deiliforrit, en það merkir að því
má dreifa án endurgjalds.
Morgunblaðið/Sverrir
HRAFNKELL Gíslason gerði forritið Merlin til að
auðvelda tippurum að fylla út getraunaseðilinn.
Breskur
sjómaður
í gæslu
BRESKUR sjómaður hefur verið
úrskurðaður í gæsluvarðhald til 31.
október vegna gruns um að hann
hafi nauðgað fertugri konu um
borð í íslenskum togara aðfaranótt
sunnudags.
Konan gaf sig fram við vakt-
mann í skipi við Reykjavíkurhöfn
á sunnudagsmorgun og bað um
að haft yrði samband við lögreglu.
Hún gat gefið greinargóða lýs-
ingu á manninum sem hún bar að
hefði nauðgað sér og var hann
skömmu síðar handtekinn um borð
í breska togaranum Arctic Corsair.
Fólkið mun hafa hist á laugardags-
kvöldið.
Konan var færð á neyðarmót-
töku fyrir fómarlömb kynferðisof-
beldis en maðurinn í fangageymsl-
ur. í gær samþykkti héraðsdómari
kröfu RLR um gæsluvarðhald yfir
honum í fyrrgreindan tíma.
-----» ♦ 4----- '
Hass
fannst á
slysstaðnum
MAÐUR sem lenti í bifhjólaslysi á
fimmtudag reyndist vera með 250
grömm af hassi í fórum sínum.
Ekið var á hjól mannsins á mót-
um Haðarlands og Grundarlands.
Það vakti athygli þeirra sem að
komu að hinn slasaði skreið fót-
brotinn að nálægu grindverki og
faldi þar eitthvað áður en lögregla
og sjúkralið komu á staðinn.
Lögreglu var bent á þetta og
fundust þá um 250 grömm af hassi
við grindverkið.
Maðurinn, sem er rúmlega tví-
tugur, hefur áður komið við sögu
fíkniefnamála, og hefur sam-
kvæmt upplýsingum Morgunblaðs-
ins nýlega hlotið fangelsisdóm
vegna slíkra mála. Eftir umferðar-
slysið reyndist hann talsvert
meiddur og var lagður inn á sjúkra-
hús. Rannsókn málsins er því
skammt á veg komin, að sögn
fíkniefnalögreglu.
Sjávarútvegsráðherra í utandagskrárumræðu á Alþingi um stjórn fiskveiða
NEFND skipuð fulltrúum helstu
hagsmunaaðila í sjávarútvegi og
fulltrúum allra þingflokka verður
væntanlega skipuð á næstunni til
að gera úttekt á mismunandi leiðum
við fiskveðistjómun og bera saman
kosti og galla ólíkra fiskveiðistjóm-
unarkerfa. Þetta kom fram í máli
Þorsteins Pálssonar sjávarútvegs-
ráðherra í utandagskrárumræðum
á Alþingi í gær um stjóm fiskveiða.
Sagði hann að niðurstöður nefndar-
innar yrðu síðan nýttar við þróun
fiskveiðistjómunar.
Sighvatur Björgvinsson Alþýðu-
flokki hóf utandagskrámmræðuna
og vitnaði til ummæla ýmissa
stjórnarþingmanna frá því í vor og
í sumar um að endurskoðun á lögum
um stjórn fiskveiða færi fram nú á
haustþingi, m.a. vegna mistaka sem
átt hefðu sér stað í vor við af-
greiðslu laga um veiðar smábáta.
Hann sagði að hins vegar væri ekki
að sjá á fylgiskjali með stefnuræðu
forsætisráðherra að sjávarútvegs-
ráðherra hygðist leggja fram slíkt
fmmvarp í allan vetur og óskaði
hann skýringa sjávarútvegsráð-
herra á því.
Þorsteinn Pálsson sjávarútvegs-
ráðherra sagði Sighvat vita manna
best að heildarendurskoðun á lögum
um stjórn fiskveiða hefði farið fram
á tíma fyrri ríkisstjórnar. Við mynd-
um núverandi ríkisstjórnar hefði
Samanburður á fisk-
veiðistj órnunarkerfum
verið tekið fram að vinda þyrfti
bráðan bug að leiðréttingum á þeim
lögum og Alþingi afgreitt þau mál
á síðasta vorþingi eftir myndun rík-
isstjómarinnar.
A misskilningi byggt
„Það er því algjörlega á misskiln-
ingi byggt og engin rök fyrir því
að fyrir dyrum hafi staðið einhver
heildarendurskoðun á lögunum um
stjórn fiskveiða. Þau em hins vegar
þess eðlis að það kann alltaf að
þurfa að koma til þess að á þeim
séu gerðar breytingar,“ sagði sjáv-
arútvegsráðherra.
Hann sagði að hann liti svo á
að mistök hefðu orðið við afgreiðslu
laganna í vor varðandi yfirfærslu
smábáta milli tímabila og þess
vegna komi fyllilega til álita að
gera breytingar þar á, og fleiri at-
riði kunni að vera sem skoða þurfi
varðandi smábátana.
Vísaði sjávarútvegsráðherra í
máli sínu til stefnuyfirlýsingar ríkis-
stjórnarinnar þar sem segir að að
mestu verði byggt á aflahlutdeildar-
kerfí í sjávarútvegi, en banndaga-
kerfi svonefndra krókabáta verði
tekið til endurskoðunar. „Hér er
lögð alveg skýr stefna um gmnd-
vallarþætti fískveiðistjórnunarkerf-
isins og endurskoðun á þvi er varð-
ar krókabátana hefur farið fram.
Ég hef aldrei dregið úr því af minni
hálfu að þá var sú niðurstaða um
margt gölluð og málamiðlun sem
hefði ugglaust mátt vera miklu
betri, en hér þurfti að ná málamiðl-
un og niðurstaðan einkenndist af
því,“ sagði hann.
Frumvarp um ábyrga
umgengni væntanlegt
Sjávarútvegsráðherra sagði að í
samræmi við yfirlýsingu ríkisstjórn-
arinnar um að öflugar líffræði- og
hagkvæmnirannsóknir séu forsenda
skynsamlegrar fiskveiðistjórnunar
og eðlilegrar þróunar hennar hafi
sjávarútvegsráðuneytið ákveðið að
gerð yrði úttekt á mismunandi leið-
um við fiskveiðistjórnun, og að
bomir yrðu saman kostir og gallar
ólíkra fískveiðistjómunarkerfa og
niðurstoðumar síðan nýttar við þró-
un; fískveiðistjórnunar.
í samræmi við þetta væri nú
verið að undirbúa skipun nefndar
sem á að fjalla um þetta mál, og
sagði sjávarútvegsráðherra það
ætlun sína að fulltrúar helstu hags-
munaaðila í sjávarútvegi og fulltrú-
ar allra þingflokka komi að því
starfi. Sömuleiðis væri í verkefna-
skrá ríkisstjómarinnar einnig fjall-
að um nauðsyn þess að bæta um-
gengni um auðlindir sjávar í sam-
vinnu við sjómenn og útvegsmenn
og að sett verði löggjöf um að
tryggja ábyrga umgengni um auð-
lindirnar. Að þessu hefði verið unn-
ið og væntanlegt væri frumvarp um
þetta efni innan tíðar.
Einar Oddur Kristjánsson, Sjálf-
stæðisflokki, sagði greinilegt að
mistök hafi orðið við setningu lag-
anna um smábáta, en hann hefði
fulla ástæðu til að ætla að það sé
vilji sjávarútvegsráðherra og ríkis-
stjórnarinnar að gera breytingar á
lögunum. Hann sagði að samkvæmt
íjárlagafrumvarpinu væru ætlaðir
vemlegir fjármunir í að endurskoða
fískveiðistjórnarkerfið.
Hann sagði það alltaf hafa legið
fyrir að það væm miklar deilur,
meðal sjálfstæðismanna til dæmis,
um það hvernig best færi á því að
stjóma fískveiðunum.
„Við erum ákveðnir í því að end-
urskoða þetta og taka það fyrir, en
það getur enginn maður fullyrt það
og sagt hér og nú að hann muni
standa uppi með meirihluta á bak
við sig eftir að þessi skoðun hefur
farið fram. Það er rangt. Það hefur
enginn sagt það. En við ætlum
okkur að berjast fyrir breytingum
á stjórn fiskveiða, hvernig svo sem
þeirri baráttu lýkur. Það getur eng-
inn sagt um og það hefur enginn
sagt nokkm sinni. En þessi skoðun
fer nú fram og á grundvelli hennar
munum við breyta fiskveiðilögum
eða ekki, eftir því hver verður ofan
á. Ef þau sjónarmið verða ríkjandi
að það eigi ekki að breyta þeim þá
er ekkert annað að gera en að hlíta
því. Minnihlutinn getur ekkert ann-
að gert, það liggur fyrir“ sagði Ein-
ar Oddur.