Morgunblaðið - 08.12.1996, Síða 40

40 SUNNUDAGUR 8. DESEMBER 1996
MORGUNBLAÐIÐ
Tommi og Jenni
Ljóska
THATS
RIDICI/LOUS!
"U
I A6REE..UNLE5S
TOU STOP TO
THINK ABOUT IT..
"'ð'
Hvernig getur hundur unnið
litasamkppni?
Það er fárán-
legt!
Ég er sammála..
nema maður staldri
við og íhugi það...
BREF
TIL BLAÐSINS
Kringlan 1 103 Reykjavík • Sími 5691100 • Símbréf 569 1329
• Netfang: lauga@mbl.is
Stopp
Svar við grein Rögnu Engilbertsdóttur
Frá Hrund og Sunnu:
RAGNA Engilbertsdóttir ritar
grein í Morgunblaðið þann 3. des-
ember 1996, Ólæti á hæfileika-
keppni. í greininni erum við Hag-
skælingar sagðir barnalegir og
leiðinlegir. Kannski erum við það,
en þá eru nemendur Árbæjarskóla
nú ekki hótinu betri. í fyrra unnum
við þessa keppni og komum með
góðu hugarfari á hana í þetta
sinnið. Við skemmtum okkur vel
og hvöttum okkar fólk óspart. Þeg-
ar nemendur Árbæjarskóla hins
vegar stigu á svið og byrjuðu að
sýna atriðið sitt urðum við ansi
reið og eins og Ragna komst svo
skemmtilega að orði: „Allt varð
vitlaust og við sökuðum þau um
þjófnað og öskruðum: „Stolið, stol-
ið“. Við kölluðum „stolið, stolið",
en við höfðum rétt á því! Atriði
Árbæjarskóla var nánast alveg
eins og vinningsatriðið okkar frá
í fyrra og getur hver og einn gert
það upp við sig hvort hann sé ekki
sammála okkur í því máli. Enda
sagði Ragna í grein sinni: „Eins
og stelpurnar höfðu lagt hart að
sér við undirbúning atriðisins" en
sagði ekki við gerð atriðisins.
Kannski veit hún upp á sig sökina
eftir allt saman! I bréfinu talar
Ragna líka um mannasiði. Við
ætlum þess vegna hér með að biðj-
ast afsökunar á okkar hlut máls-
ins. Hins vegar ber það ekki vott
um góða mannasiði Árbæjarskóla
að stela fyrst atriðinu okkar,
ákveða svo að það hafi verið við
sem köstuðum flöskum á sviðið,
sem er tómur uppspuni. Það segj-
um við því í fyrsta lagi sátum við
í efri stúkunni svo að það bæri þá
vott um ótrúlega líkamshreysti
okkar Hagskælingja ef við gætum
kastað þessum flöskum „sem voru
ekki einu sinni tómar“ alla leið inn
á sviðið. í öðru lagi höfðum við
engar flöskur. Bara dósir, því um
morguninn fengum við dósir á
kennarastofunni og útbjuggum
okkar hristur úr því. Einnig sagði
hún að aðrir skólar hefðu hagað
sér betur en við en hún gerir sér
bara ekki grein fyrir því hvað við
erum mörg, og þess vegna mjög
eðlilegt að vel hafí heyrst í okkar
fólki. Er hún öfundsjúk, eða hvað?
En það var ekki búið. Hún ásak-
aði okkur líka um að hafa verið
með frammíköll í atriði annarra
skóla en í skólanum þennan um-
rædda dag var okkur sagt að dreg-
ið væri niður fyrir slæma hegðun
svo að við pössuðum öll hvert
annað vel í þessu sambandi. Að
lokum viljum við, því að hún sagði
okkur vera barnaleg, segja að
okkur finnst ekki mjög þroskað
af Rögnu, þó að við förum augljós-
lega mjög í taugarnar á henni,
að skella bara á okkur allri skuld-
inni og hlaupa svo með þennan
óhróður í víðlesnasta blað lands-
ins.
Nú höfum við leiðrétt okkar hlut
málsins og vonum að Ragna sjái
að sér og breyti áliti sínu á okkur
Hagskælingum.
Árbæjarskóii. Til hamingju með
2. sætið í Skrekk.
Með kveðju.
Fyrir hönd Hagskælinga,
HRUND og SUNNA,
10. bekk í Hagaskóla.
Var þetta grín
hjá Einari?
Frá Gísla Júlíussyni:
ATHUGASEMD vegna greinar
Einars Þorsteins í Morgunblaðinu
sunnudaginn 17. nóvember sl. um
vatn sem orkugjafa.
Ég hef oft fylgst með skrifum
Einars Þorsteins í Morgunblaðinu
og oftar en ekki með áhuga, þar
sem skrifin hafa oftast verið áhuga-
verð.
En í skrifum sínum í Morgun-
blaðinu 17. nóvember finnst mér
hann ganga heldur langt í einföldun
máia, nema að þetta sé grín. Grein
hans um vatn sem orkugjafa er
hreinlega út í hött.
Það sem þarna er á ferðinni er
vinnsla vetnis með raforku. Hann
felur það atriði með því að minn-
ast rétt aðeins á rafgeymi, eins og
hann sé algert aukaatriði, en hann
er, að sjálfsögðu, aðalatriðið.
Vinnsla vetnis er mjög kostnaðar-
söm og orkukrefjandi, en að sjálf-
sögðu má nota það á sprengivélar,
en ekki án tapa, eins og sagt er
með 100% nýtni. Notkun vetnis í
sprengivélar er háð þeim takmörk-
unum, sem Carnot-lögmálið setur,
alveg eins og annað eldsneyti,
nema notuð séu orkuhlöð (power
cells), sem gefa frá sér rafmagn.
En þá er alveg eins hægt að nota
rafmagnið beint frá rafgeymum.
Farartæki, sem ganga fyrir raf-
orku, eru í hraðri framþróun og
verður þess ekki langt að bíða, að
þau verði talin sjálfsögð. íslensk
raforkufyrirtæki ættu að verða
fyrirmynd og fá sér rafbíla til að
markaðsetja framleiðsluvöru sína,
eins og önnur fyrirtæki, þ.e. hina
hreinu íslensku raforku.
GÍSLIJÚLÍUSSON,
verkfræðingur,
Akraseli 17, Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.