Morgunblaðið - 15.01.1997, Síða 1
64 SÍÐUR B/C/D
HTBL. 85.ÁRG.
MIÐVIKUDAGUR 15. JANÚAR 1997 PRENTSMIÐJA MORGUNBLAÐSINS
Reyna að
koma
Jeltsín frá
Moskvu. Reuter.
RÚSSNESKIR þingmenn ákváðu
í gær að kanna hvernig þeir gætu
komið Borís Jeltsín, forseta Rúss-
lands, frá völdum vegna heilsu-
brests en viðurkenndu að ólíklegt
væri að þeim tækist það.
Kommúnistinn Viktor Íljúkhín,
formaður öryggismálanefndar
Dúmunnar, neðri deildar þingsins,
sagði að nefndin hefði hvatt þingið
til að víkja Jeltsín frá þar sem
hann gæti ekki gegnt embættis-
skyldum sínum vegna heilsubrests.
„Þetta merkir að Jeltsín verður
rekinn,“ sagði Íljúkhín.
Flokksbróðir hans og forseti
Dúmunnar, Gennadí Seleznjov,
viðurkenndi hins vegar að stjórnar-
skrárákvæði um nýjar kosningar
vegna heilsubrests forseta landsins
væru „mjög óskýr“ og hann spáði
því að samþykkt öryggismála-
nefndarinnar hefði engin áhrif.
„Hún verður þó rædd innan laga-
deildar Dúmunnar áður en hún
verður lögð fyrir þingflokkana eft-
ir um það bil viku.“
Stjórnlögin óljós
I ályktun þingnefndarinnar sagði
að Viktor Tsjernomyrdín ætti að
gegna embættisstörfum forsetans
í þijá mánuði, eða þar til nýr for-
seti yrði kjörinn, eins og kveðið
væri á um í stjórnarskránni. Alex-
ander Kotenkov, fulltrúi Jeltsíns í
Dúmunni, sagði að samþykkt
nefndarinnar styddist ekki við lög
og væri aðeins tilraun til að valda
„pólitísku hneyksli". Hann sagði að
samkvæmt stjórnarskránni frá
1993 gæti aðeins forsetinn skorið
úr um það hvort hann væri of veik-
ur til að gegna embættinu.
í stjórnarskránni segir aðeins
að forsetinn láti af störfum ef
heilsa hans sé svo slæm að hann
geti ekki gegnt skyldum sínum.
Oljóst er hins vegar hversu alvar-
leg veikindin þurfa að vera og
hver eigi að ákveða hvort forsetinn
skuli fara frá.
Reuter
38 biðu
bana er
strætisvagn
ók út af brú
STRÆTISVAGN sneisafullur af
farþegum ók fram af brú í Kaíró
í gær og hafnaði í leðju við bakka
árinnar Níl með þeim afleiðing-
um að 38 manns biðu bana og
a.m.k. 29 slösuðust. Sjónarvottar
sögðu að vagnstjórinn hefði
misst stjórn á rútunni sem tekið
hefði sveig yfir á rangan vegar-
helming og út af Sahel-brúnni í
hverfinu Rod al-Farag. Líkleg
ástæða er glannaskapur þvi al-
gengt er að strætisvagnabílstjór-
ar reyni að stytta sér leið er
þeir aka inn á eða út af brúnni.
Rannsakað verður þó hvort bilun
hafi hugsanlega átt sér stað í
stýris- eða bremsubúnaði vagns-
ins. Á myndinni hefur flak bif-
reiðarinnar verið híft upp á ár-
bakkann.
Leiðtog-
ar í loka-
glímu
Erez. Reuter.
BENJAMIN Netanyahu, for-
sætisráðehrra Israels, og Yass-
er Arafat, forseti Palestínu-
manna, freistuðu þess, að
útkljá deiluna um framtíð
Hebron á Vesturbakkanum á
fundi, sem hófst upp úr mið-
nætti að staðartíma í gær-
kvöldi.
Edward Abington, sendi-
herra Bandaríkjanna í Jerúsal-
em, var mjög bjartsýnn seint í
gærkvöldi á að leiðtogunum
tækist að höggva á hnútinn.
Hermt var, að einungis nokkur
útfærsluatriði samkomulags
væru eftir og endanlegt orðalag
tryggingar, sem Bandaríkja-
menn ætla veita til þess að
samkomulag haldist.
Sigur Zajednos í
Belgrad staðfestur
Bel^rad. Reuter.
KJÓRSTJÓRNIN í Belgrad, höfuð-
borg Serbíu, lýsti í gær yfir sigri
stjórnarandstöðuflokka í kosningum
til borgarstjórnarinnar sem fram
fóru í nóvember. Ógilti kjörstjórnin
fyrri úrskurð héraðsdóms sem lýsti
kosningarnar ólöglegar. Er þetta
mikill sigur fyrir stjórnarandstöð-
una, sem fagnaði fréttunum og
sagði þær „fyrsta skrefið í átt að
því að menn sjái að sér,“ eins og
Vuc Drascovic, einn leiðtoga stjórn-
arandstöðunnar komst að orði.
Vesna Pesic, annar leiðtoga hennar,
varaði við of mikilli bjartsýni, þar
sem áfrýja mætti úrskurði kjörnefn-
ar næstu tvo sólarhringa. Þá yrði
fyrst ljóst hvort sigur stjórnarand-
stöðunnar væri vís.
Radomir Lazarevic, formaður
kjörstjórnarinnar, sagði að með
ógildingu fyrri úrskurðar, væru úr-
slit borgar- og sveitarstjórnarkosn-
inganna 17. nóvember í raun stað-
fest. Stjórn Slobodans Milosevics
Serbíuforseta lét ógilda kosningarn-
ar og hófust þá fjöldamótmæli sem
staðið hafa í tæpa tvo mánuði. í
síðustu viku viðurkenndi Milosevic
sigur stjómarandstöðunnar í meiri-
hluta þeirra borga og bæja sem
heyra undir Belgrad.
í gær var hins vegar um að ræða
kosningar til sjálfs borgarráðsins
og hlaut stjórnarandstaðan 60 af
110 sætum til þess en bandalag
Sósíalistaflokks Milosevics og Sam-
einuðu vinstrifylkingarinnar, flokks
Mirjönu Markovic, eiginkonu forset-
ans, hlaut 23 fulltrúa. Tveir stuðn-
ingsflokkar stjórnarinnar hlutu 17
sæti. Kjósa þarf að nýju um 10
sæti en ekki er talið að það muni
breyta neinu fyrir stjórnarandstöð-
una.
Þá staðfesti kjörstjórnin í Nis í
gær sigur stjórnarandstöðunnar þar
og fylgdi eftir úrskurði dómstóla frá
í síðustu viku.
Þrýstingur frá Grikkjum
í gær var fullyrt að ágreiningur
innan flokkafylkingarinnar að baki
stjórn Milosevics væri ástæða þess,
að kjörstjórnirnar viðurkenndu sigur
Zajednos í Belgrad og Nis. Þá er
forsetinn orðinn hikandi og pólitísk
óvissa, sem það hefur skapað, hefur
orðið stjórnarandstæðingum að
vopni.
Einn á ferð í hnattflugi
Chicago. Reuter.
BELGFAR bandaríska ofurhugans
Steves Fossetts, Andi einsemdar, sveif í
gærkvöldi á 100 kílómetra hraða út yfir
Atlantshaf en það hóf sig til flugs á
íþróttavelli í miðborg St. Louis í Misso-
uri-ríki á mánudagskvöld.
Fossett freistar þess að komast um-
hverfis jörðina án viðkomu á leiðinni en
það hefur engum tekist. Mistókust tvær
tilraunir af því tagi í síðustu viku, en
ólíkt þeim leiðöngrum flýgur hann einn
síns liðs.
Hitabúnaður bilaði skömmu eftir flug-
tak en komst síðar í lag. Kyndir hann
klefann, sem Fossett dvelst í, en hann
er aðeins rúmur metri í þvermál, innan
við tveir metrar á hæð og ekki búinn
jafnþrýstibúnaði.
Fossett er 52 ára ævintýramaður sem
auðgaðist gífurlega á sölu viðskipta-
samninga á verðbréfamarkaði í Chicago.
Sneri hann baki við fjármálavafstri svo
ævintýraþráin gæti fengið útrás. Reyndi
þrisvar að klífa Everest-fjallið, keppti í
Iditarod-hundasleðakeppninni í Kanada
og synti loks yfir Ermarsund áður en
hann sneri sér að hættulegasta viðfangs-
efninu; að bijóta niður belgflugsmúra.
Setti hann í hittiðfyrra heimsmet í við-
stöðulausu einliða belgflugi, flaug 8.747
kílómetra leið frá Suður-Kóreu til
Kanada.
I gærkvöldi stefndi Andi einsemdar í
norðaustur í átt til Bretlands. Hægt er
að fylgjast með ferð Fossetts á alnetinu
á slóðinni: http://www.luc.edu/soIo.
Gangi allt að óskum er gert ráð fyrir
að hann ljúki hnattfluginu á 15-18 dög-
um. Hefur hann heimild til yfirflugs í
tugum ríkja í 18-24 þúsund feta hæð eða
rétt undir skotvindum háloftanna.
STEVE Fossett lxugar að búnaði belg-
farsins rétt fyrir flugtak í fyrrakvöld.
Mikilvæg-
ur sigur
Majors
London. Reuter.
JOHN Major, forsætisráðherra Bret-
lands, vann mikilvægan pólitískan
sigur í gærkvöldi er breytingartil-
laga við fjárlagafrumvarp ríkis-
stjórnar hans var felld.
Stjórn Majors niissti þingmeiri-
hluta í síðasta mánuði og hefði hún
beðið lægii hlut í gærkvöldi hefði
forsætisráðherrann vart átt annarra
kosta völ en flýta kosningum, sem
ella fara ekki fram fyrr en í maí.
Stjórnmálaskýrendur álíta, að tíminn
vinni með Major. ÁVinningur efna-
hagsbata komi æ betur í ljós og því
reyni hann að sitja út kjörtímabilið.
Tillaga Verkamannaflokksins,
sem sett hefði fjárlögin í uppnám,
var felld með 322 atkvæðum gegn
287, eða 35 atkvæða mun.