Morgunblaðið - 15.01.1997, Blaðsíða 4

4 MIÐVIKUDAGUR 15. JANÚAR 1997
MORGUNBLAÐIÐ
FRÉTTIR
Fyrrum yfirmenn á Stöð 2 kærðir til RLR á laugardag
Voru upplýsingar um at-
vinnuleyndarmál veittar?
FJÓRIR fyrrum stjómendur hjá
Stöð 2, sem réðu sig til starfa hjá
keppninautnum Stöð 3 síðastliðinn
föstudag, voru yfirheyrðir hjá RLR
í gær vegna kæru sem lögmaður
Islenska útvarpsfélágsins sendi
RLR á hendur mönnunum síðast-
liðinn laugardag. Samkvæmt upp-
lýsingum Morgunblaðsins hafa
lögmenn Stöðvar 3 nú til skoðunar
hvort forsvarsmenn Stöðvar 2
verði kærðir fyrir rangar sakar-
giftir vegna þessarar kæru.
Samkvæmt upplýsingum Morg-
unblaðsins voru teknar ítarlegar
skýrslur af fjórmenningunum,
Magnúsi E. Kristjánssyni, Thor
Ólafssyni, Magnúsi Víði Sigurðs-
syni og Jóni Axel Ólafssyni hjá
RLR í gær.
Stöð 3 íhugar
kæru vegna
rangra sakargifta
Kæran var send RLR á laugar-
dag, daginn eftir að mennirnir
iétu af störfum og sama dag og
þeim var send bréfleg áskorun um
að mæta aftur til starfa hjá Stöð 2.
í henni mun m.a. vera farið
fram á að rannsakað verði hvort
mennirnir hafi gerst sekir um brot
á ákvæðum hegningarlaga, m.a.
um þjófnað, og einnig nytjastuld
og eignarspjöll, auk brota á 27.
grein samkeppnislaga, sem kveð-
ur á um að starfsmenn megi ekki
veita upplýsingar sem geti talist
atvinnuleyndarmál vinnuveitenda.
Framhald rannsóknar
óákveðið
í kærunni mun einkum vísað
til ótiltekinna gagna auk muna
sem starfsmennirnir segja vera
persónulegar eignir sínar en þar
á meðal er kæliskápur merktur
kóka-kóla, sem var á skrifstofu
Magnúsar E. Kristjánssonar.
Hjá RLR fengust ekki upplýs-
ingar um gang málsins og fram-
hald rannsóknarinnar, en sam-
kvæmt upplýsingum Morgun-
blaðsins á m.a. eftir að ákveða
hvort um frekari rannsókn af
hálfu embættisins verður að
ræða.
Magnús E. Kristjánsson
Með algjörlega
hreina samvisku
MAGNÚS E. Kristjánsson, nýráð-
inn sjónvarpsstjóri Stöðvar 3, seg-
ist hafa átt von á því að forráða-
menn íslenska útvarpsfélagsins
myndu bregðast við uppsögnum
þeirra fimmmenninga með því að
leggja fram kæru. „Það kom i
sjálfu sér ekkert á óvart. Við erum
hins vegar alveg rólegir yfir því
vegna þess að við erum með algjör-
lega hreina samvisku í þeim efn-
um.
Ég hef engin gögn undir hönd-
um frá Stöð 2 og tók engin gögn
með mér af skrifstofunni sem
flokka má undir trúnaðargögn.
Aftur á móti voru gögn heima hjá
mér sem Sigurður G. Guðjónsson
vissi um áður en kæran var send.
Það er búið að gera full skil á
þeim gögnum."
„Enginn okkar hefur haft hug
á að skaða félagið. Okkur langaði
til að grípa þetta tækifæri sem
bauðst til að vinna að nýjum verk-
efnum, meira á okkar eigin for-
sendum heldur en mögulegt var á
okkar fyrri vinnustað. I þessu felst
þó engin gagnrýni á íslenska út-
varpsfélagið. Þegar svona tækifæri
kemur upp og menn eru í sam-
keppnisstellingum, þá gátum við
raunverulega ekki staðið að upp-
sögnunum með öðrum hætti. Það
leið í mesta lagi ein klukkustund
frá því endanleg ákvörðun var tek-
in um að hefja störf hjá íslenskri
margmiðlun, þangað til við til-
kynntum uppsögn. Við hurfum
strax af vettvangi og töldum það
eðlilegt vegna hagsmuna Íslenska
útvarpsfélagsins.“
Lögmaður starfs-
manna Stöðvar 3
Fordæmi
fyrir skjótri
brottför
„MENN verða að hafa í huga að við
erum að tala um tvo raunverulega
keppinauta á þessum markaði, Stöð
2 og Stöð 3. Þegar starfsmaður fer
frá öðrum yfir til hins held ég eðli
málsins samkvæmt að vinnuveitand-
inn sem farið er frá vilji ekki að við-
komandi vinni fyrir sig áfram,“ sagði
Aðalsteinn Jónasson, hdl., lögmaður
Stöðvar 3, aðspurður um viðhorf
þeirra starfsmanna Stöðvar 3, sem
sögðu upp hjá Stöð 2, til þess hvort
starfslok þeirra hjá Stöð 2 hefði bor-
ið að með ólögmætum hætti.
„Það á sér fordæmi að starfsfólk
Stöðvar 2 fari yfir til Stöðvar 3 og í
þeim tilvikum hefur tíðkast að óska
eftir að það fari strax og komi ekki
aftur; fyrrverandi starfsmanni Stöðv-
ar 2 hefur m.a.s. verið fylgt út úr
húsi strax og hann tilkynnti að hann
ætlaði til starfa hjá Stöð 3.
Menn hafa þama eðlilega horft á
þessi fordæmi, sem eiga sér skiljan-
legar ástæður," sagði Aðalsteinn.
„Þannig að ég tel eðlilegt við þessar
aðstæður að menn hafi borið sig svona
að; ég held að það hafi verið bæði
heiðarlegt og sanngjamt að tilkynna
að þeir hafi ráðið sig til keppinautar
og óska eftir að verða leystir strax
frá störfum og taka ekki laun í upp-
sagnarfresti."
Morgunblaðið/Rax
Tveir karlar
MILT hefur verið í veðri víðast á landinu að gatnamálastjóra hafa notað blíðuna til þess að
undanförnu á sama tíma og geisað hefur harð- sinna sínum verkum, eins og að þvo framan
ur vetur vestan hafs og austan. Starfsmenn úr körlunum á Ijósavitum borgarinnar.
Sigurður G. Guðjónsson
Viljum rann-
sókn á hvarfi
skjala
SIGURÐUR G. Guðjónsson, vara-
formaður íslenska útvarpsfélags-
ins, segir að Gunnar Jónsson lög-
maður hafí skrifað Rannsóknar-
lögreglu ríkisins bréf vegna við-
skilnaðar fjögurra starfsmanna
íslenska útvarpsfélagsins og óskað
lögreglurannsóknar á honum.
Gunnar og Gestur Jónsson lög-
maður fara með þetta mál fyrir
hönd íslenska útvarpsfélagsins og
sagði Sigurður að farið væri að
þeirra ráðum í málinu.
„Við viljum láta rannsaka hvarf
skjala úr fórum fyrirtækisins og
annarra skráa og gagna sem til-
heyra félaginu og virðist sem farið
hafí verið með úr húsi. Við sjáum
ekki alveg nauðsyn þess að menn
rými herbergin þó þeir séu að segja
upp án þess að láta kóng eða prest
af því vita. Sérstaklega ekki þegar
menn hafa undir höndum trún-
aðarupplýsingar félagsins. Fyrst
þeir höfðu áhuga á að hreyfa sig
í starfi áttu þeir bara að tilkynna
okkur það og afhenda okkur lykl-
ana að herbergjunum og taka sín
gögn að okkur viðstöddum, en
ekki taka þau svona á bak við
okkur,“ sagði Sigurður.
Sjávarútvegsráðherra skípar starfshópa um breytíngar í sjávarútvegsmálum
Reglur um eignaraðild,
kvótaviðskipti og skatta
ÞORSTEINN Pálsson sjávarútvegs-
ráðherra hefur ákveðið að skipa
þijá starfshópa sem er m.a. ætlað
að gera tillögur um reglur um
dreifða eignaraðild útgerðarfyrir-
tækja, um viðskipti með aflaheim-
ildir og endurnýjunarreglur fiski-
skipa og jafnframt hefur verið lagt
til við fjármálaráðherra að hann
skipi fjórða starfshópinn, sem fjalla
skuli um skattalega meðferð við-
skipta með veiðiheimildir.
Aðspurður sagði ráðherra að ekki
væri stefnt að grundvallarbreyting-
um á fiskveiðistjórnunarkerfinu en
hópunum væru falin mjög stór verk-
efni með það að markmiði að þróa
starfsumhverfi sjávarútvegsins og
laga það að nýjum aðstæðum. „Það
er ekki hægt að alskapa reglur um
þetta í eitt skipti fyrir öll. Menn
verða alltaf að fara eftir aðstæðum
og taka tillit til nýrra viðhorfa. Við
erum að varða veginn fram á við
fyrir slíka þróun,“ segir Þorsteinn.
Kanna hvort setja á hámark á
aflahlutdeild skipa
Starfshópi sem falið er að gera
tillögur um reglur varðandi dreifða
eignaraðild ber m.a. að fjalla um
hvort ástæða sé til að setja há-
mark á hve mikla aflahlutdeild
skip í eigu einstakra aðila geta
haft og hvort gera eigi kröfu til
að eignaraðild að félögum, sem
hafa forræði yfir aflahlutdeild
umfram tiltekin mörk, skuli dreifð
og félögin opin, t.d. skráð á Verð-
bréfaþingi.
„Við höfum alltaf lagt mikið upp
úr því að það sé sem dreifðust eign-
araðild í sjávarútvegi. Þróunin á
undanförnum árum hefur verið sú
að það hafa komið fjöldamargir
nýir eignaraðilar inn í sjávarút-
vegsfyrirtækin, en um leið hefur
verið mikið um samruna fyrir-
tækja. Þó að við stöndum ekki
frammi fyrir fyrirtæki af þeirri
stærðargráðu að það geti talist
óeðlilegt, þá þykir okkur rétt að
hefja vinnu við þetta áður en menn
standa hugsanlega frammi fyrir
einhverri þeirri þróun sem erfiðara
yrði að snúa við eftirá,“ segir Þor-
steinn.
Viðskipti með kvóta skjalfest
og kaupverð og sala skráð
Öðrum starfshópi verður falið
að gera tillögur um reglur um við-
skipti með aflaheimildir, m.a. um
hvemig staðið skuli að slíkum við-
skiptum og miðlun upplýsinga um
þau og ennfremur um þær kröfur,
sem gera skuli til þeirra, sem ann-
ast milligöngu í slíkum viðskiptum
eða kvótamiðlun.
Sjávarútvegsráðherra segir
brýna þörf á að setja fastar reglur
um hvernig standa eigi að viðskipt-
um með aflaheimildir. „Aðalatriðið
er að það séu skýrar reglur, við-
skipti af þessu tagi verði að vera
skjalfest, kaupverð og sala sé
skráð, gerðar séu ákveðnar kröfur
til þeirra sem annast milligöngu
um slík viðskipti með sambærileg-
um hætti og á öðrum sviðum, þann-
ig að þetta sé gegnsætt og í sam-
ræmi við þær kröfur sem gerðar
eru til nútímaviðskiptahátta,“ segir
Þorsteinn.
Þriðja starfshópnum verður falið
að gera tillögur um breytingar á
endurnýjunarreglum fiskiskipa,
m.a. til samræmingar á þeim regl-
um, sem gilda annars vegar um
breytingar og hins vegar um ný-
smíði. Ennfremur að leggja mat á
kosti og galla þess að heimila al-
mennt ákveðna stækkun skipa við
endurnýjun án þess að sami fjöldi
rúmmetra sé tekinn úr rekstri.
Lagt er til að starfshópi íjár-
málaráðherra verði falið að fjalla
um meðferð aflahlutdeildar, afla-
marks og hliðstæðra aflaheimilda
með tilliti til reglna um gjald-
færslu, fyrningu, söluhagnað og
önnur atriði, sem máli skipta við
álagningu tekju- og eignarskatts.
„Það er ljóst að ágreiningur hef-
ur verið um ýmis atriði varðandi
skattalega meðferð viðskipta með
aflaheimildir. Sum þeirra hafa
komið fyrir dómstóla og við teljum
að það sé fyllilega tímabært að
móta skýra stefnu um þetta og að
taka með sjálfstæðum hætti á þess-
um álitaefnum í skattalögum,"
segir Þorsteinn.
Gert er ráð fyrir að starfshóp-
arnir ljúki störfum á þessu ári.