Morgunblaðið - 15.01.1997, Blaðsíða 12

12 MIÐVIKUDAGUR 15. JANÚAR 1997
MORGUNBLAÐIÐ
AKUREYRI
Stefnt að stofnun
leigjendasamtaka
FYRIRHUGAÐ er að stofna Leigj-
endasamtök Norðurlands á næst-
unni, en ætlunin er að efna til
kynningarfundar í byrjun febrúar.
Bræðurnir Sigurjón og Guð-
laugur Pálmasynir ásamt Hall-
grími Fr. Sigurðssyni hafa unnið
að undirbúningi málsins og sagði
Siguijón að fyrir um tveimur árum
hafi þeir verið að leita sér að leigu-
húsnæði á Akureyri og rekið sig
á að engin þjónusta var fyrir hendi
á Norðuriandi, hvorki fyrir leigu-
sala né leigutaka.
„Okkur þótti mikil þörf fyrir
þjónustu á þessu sviði,“ sagði
Siguijón, en þeir hafa notið að-
stoðar Iðnþróunarfélags Eyja-
fjarðar, Atvinnumálaskrifstofu
Akureyrarbæjar og Leigjendasam-
takanna í Reykjavík við undirbún-
ing málsins.
Þörf fyrir þjónustu
Sigurjón sagði að með mikilli
uppbyggingu í atvinnu- og
menntamálum á Norðurlandi hafi
umfang leigumarkaðarins aukist
og um leið þörf fyrir þjónustu og
hagsmunagæslu þeirra einstakl-
inga og fyrirtækja sem hana
sækja. Fram að þessu hefði allur
sá fjöldi skólafólks sem er á leigu-
markaði verið þjónustulaus, utan
þá þjónustu sem Félagsstofnun
stúdenta hefur veitt þeim sem
leigja húsnæði á hennar vegum.
Samtökin myndu veita öllum
sem óska þjónustu og yrði rekin
og starfrækt með það í huga að
veita leigutökum- og sölum ráðgjöf
og lagaaðstoð og einnig verður
lögð áhersla á að vinna að úrbótum
á húsnæðisvanda á leigumarkaðn-
um. Síðar meir er þess vænst að
hægt verði að koma á fót leigu-
miðlun á vegum samtakanna.
Knattspyrnufélag Akureyrar
Vernharð íþróttamaður
ársins í fjórða sinn
Morgunblaðið/Kristján
SIGMUNDUR Þórisson, formaður KA, Róbert Julian Duranona,
Vernharð Þorleifsson, íþróttamaður KA 1996, og Magnús Gísla-
son, sem tók við verðlaunum fyrir Kristin son sinn.
Könnun á vínbirgðum
vínveitingastaða
Barþjónn
hafði þynnt
út vín
SÝSLUMANNSEMBÆTTIÐ á Ak-
ureyri kannaði nýlega vínbirgðir
allra veitingastaða í bænum. Að
sögn Þorsteins Péturssonar, eftirlits-
manns vínveitingastaða, kom í ljós
við þá að skoðun að barþjónn á ein-
um vínveitingastað hafði þynnt vín
út og á öðrum stað er mál í rann-
sókn vegna áfengis sem þar var.
Þorsteinn vildi að öðru leyti ekki tjá
sig um þessi tvö ákveðnu mál.
Vínmenningin lítið breyst
Þorsteinn hefur starfað sem
eftirlitsmaður vínveitingastaða á
Akureyri í 8 ár og hann segir að
stöðunum hafi fjölgað mikið á því
tímabili. „Vínmenningin hefur lítið
breyst á þessum tíma og við íslend-
ingar erum ennþá staddir í 1. bekk.
Ég sé ekki fyrir mér hvenær við
komust í 2. bekk en óskandi væri
að það tækist, hvað þá í 3. bekk.
Ein leiðin væri þá að færa áfengis-
aldurinn niður í 18 ár, því hann er
þar. Alla vega er þetta útilokuð
framkvæmd að leyfa 18 og 19 ára
ungmennum að fara inn á vínveit-
ingastaði, þar sem þau þurfa að
vera orðin 20 ára til að fá af-
greiðslu."
I starfi sínu er Þorsteinn mikið
á ferðinni í miðbænum á kvöldin
og nóttunni um helgar og hann
segir að nú mun minna um að ungl-
ingar séu með brugg undir höndum
en áður.
VERNHARÐ Þorleifsson, júdómað-
ur, var kjörinn íþróttamaður KA
1996 og er þetta fjórða árið í röð
sem hann hlýtur þessa nafnbót.
Hann hefur jafnframt verið valinn
íþróttamaður Akureyrar sl. fjögur
ár. Handknattleiksmaðurinn Róbert
Julian Duranona hafnaði í öðru sæti
í kjörinu og skíðamaðurinn Kristinn
Magnússon í því þriðja. Kjörinu var
lýst í afmælishófi KA í KA-heimilinu
sl. sunnudag.
Vernharð Þorleifsson var einnig
útnefndur júdómaður ársins 1996
af Júdósambandi íslands. Hann varð
þrefaidur íslandsmeistari á sl. ári
og tvöfaldur Norðurlandameistari.
Vernharð tók þátt í 7 af 10 A-mótum
í júdó í Evrópu á árinu og hafnaði
aldrei neðar en í 9. sæti. Þá tók
hann þátt í Ólympíuleikunum í Atl-
anta sl. sumar.
Róbert Julian Duranona varð
markakóngur í 1. deildinni í hand-
bolta á sl. keppnistímabili og var
valinn besti sóknarleikmaðurinn. Þá
var Duranona valinn í íslenska
landsliðið eftir að hann fékk íslensk-
an ríkisborgararétt. Kristinn Magn-
ússon varð fjórfaldur íslandsmeistari
unglinga í alpagreinum skíðaíþrótt-
anna á sl. ári og þykir einn efnileg-
asti skíðamaður landsins.
Hættur við að hætta
Vernharð, sem nú er búsettur í
Reykjavík, hefur ákveðið að hætta
við hætta í íþrótt sinni og hefur
hafið æfingar með Júdódeild Ár-
manns. Hann hyggst þó keppa áfram
undir merki KA og hefur sett stefn-
una _á að komast í landsliðið á ný.
„Ég sá ekki fram á að geta borg-
að niður þær skuldir sem ég hef
safnað á síðustu tveimur árum ef
ég héldi áfram æfingum og keppni
en nú hefur aðeins ræst úr þeim
málum. Um jólin heimsótti ég fyrir-
tæki á Akureyri og leitaði eftir
stuðningi og viðbrögðin voru það góð
að forsendur mínar hafa breyst.
Hins vegar skulda ég tæpa eina
milljón króna og það hefur gífurleg
áhrif að geta ekki látið enda ná sam-
an í fjármálum. Ég er aðeins 23 ára
en hef öðlast mikla reynslu í íþrótt-
inni og er auk þess farinn að vinna
til verðlauna á stórmótum. Það er
því ömurlegt að þurfa að hægja á
eða hætta í íþróttinni vegna fjár-
skorts.“
Vernharð hafði ekki farið í búning
frá því hann tók þátt í Ó1 í Atlanta
í sumar, þar til hann tók þátt í
sveitakeppninni með KA í desember
sl. Hann á nú við hnémeiðsli að stríða
og fer í aðgerð á föstudag en von-
ast til að komast aftur á fulla ferð
áður en langt um líður.
Líf og fjör
á skauta-
svellinu
SKAUTASVELLIÐ á Akureyri
iðaði af lífi um helgina en þar
fór fram Brynju-ísmótið í íshokkí
í fjórða sinn. Til leiks mættu vel
á annað hundrað leikmenn frá
Skautafélagi Akureyrar, Skauta-
félagi Reykjavíkur og Birninum
og var keppt í öllum unglinga-
flokkum. Alls voru leiknir 22
leikir í fjórum aldursflokkum og
var yngsti leikmaðurinn 5 ára
en þeir elstu 17 ára. Hart var
barist í öllum flokkum enda voru
þarna á ferðinni framtíðarleik-
menn félaganna í meistaraflokki.
Myndin var tekin í leik SA og
Bjarnarins í elsta unglinga-
flokknum. Nánar verður fjallað
um mótið á íþróttasíðu blaðsins
fljótlega.
Æfingar
Mánakórsins
MÁNAKÓRINN hefur nú starf
eftir jólafrí. Á efnisskrá fyrir
vortónleika verða lög úr söng-
leikjum, svo sem West Side
Story og Oklahoma, ásamt
fleiru. Fjölbreytt starf er fram-
undan, m.a. er stefnt að utan-
landsferð með haustinu.
Fyrsta æfing verður á Mel-
um, annað kvöld, fimmtudags-
kvöldið 16. janúar kl. 20.30.
Nýir félagar eru velkomnir og
geta þeir mætt á æfinguna eða
haft samband við Kristínu
Páisdóttur, Einholti 4e á Akur-
eyri.
Umsóknir um styrki frá nefndum
á vegum Akureyrarbæjar.
Á næstunni fer fram úthlutun eftirfarandi styrkja:
• Styrkir félagsmálaráðs til félaga, er vinna að félags- og mann-
úðarmáhim sem snerta verksvið ráðsins.
Styrkir íþrótta- og tómstundaráðs til félaga v/rekstrar, einnig
námskeiða og sumarbúöa íyrir börn.
• Sty'rkir Menningarmálanefndar til félaga á sviði lista og menn-
ingarmála.
• Styrkir úr Menningarsjóði til einstaklinga og félaga v/einstakra
verkefna.
Við styrkveitingar þessa árs verður sérstaklega horft til fyrirbyggj-
andi starfs vegna markmiðs bæjarstjórnar Akureyrar að útrýma
notkun grunnskólabarna á hvers kyns vímuefnum fyrir árið 2000.
Umsóknir á þar til gerðum eyðublöðum skulu berast íyrir
5. febrúar nk. til móttöku- og upplýsingafulltrúa Félags- og
fræðslusviðs Akureyrarbæjar á Glerárgötu 26,
sími 460 1400.
Félagsmálastjóri.
Hafnarstræti opnað fyrir
umferð og gert að vistgötu
GÖNGUGATAN í Hafnarstræti
verður opnuð fyrir umferð á
morgun, fimmtudaginn 16. janúar
kl. 14. Um er að ræða tíma-
bundna tilraun sem stendur til
30. maí næstkomandi og verður
gatan á þessu tímabili gerð að
vistgötu og reglur umferðarlaga
um þær munu gilda.
I umferðarlögum segir um vist-
götur: „Heimilt er að dveljast og
vera að leik á vistgötu. Þar ber
að aka mjög hægt, að jafnaði eigi
hraðar en 15 km á klst. Ef gang-
andi vegfarandi er nærri má eigi
aka hraðar en á venjulegum
gönguhraða. Ökumaður skal sýna
gangandi vegfaranda sérstaka til-
litssemi og víkja fyrir honum.
Gangandi vegfarandi má eigi
hindra för ökutækis að óþörfu.
Eigi má leggja ökutæki nema á
sérstaklega merktum stæðum.
Ákvæði þetta gildir ekki um reið-
hjói.“
Einstefna
til norðurs
í götunni verður einstefnuakst-
ur til norðurs og til austurs sunn-
an við Ráðhústorg. Ekki verður
hægt að aka úr götunni áfram til
norðurs vestan við torgið. Komið
verður fyrir steinsteyptum um-
ferðarpollum sem marka aksturs-
leið um götuna. Bifreiðastæði
verða á tveim stöðum, annars
vegar þijú stæði framan við
Hafnarstræti 99-101, þar af tvö
stæði fyrir fatlaða og eitt fyrir
gesti heilsugæslustöðvar, og hins
vegar þrjú stæði fram við Hafnar-
stræti 107 og verða tvö fyrir fatl-
aða og eitt með 10. mín. hámarks-
stöðu.
í Kaupvangsstræti við suður-
enda Hafnarstrætis er biðstöð
SVA og á meðan vagnar stansa
þar verður ekki hægt að aka inn
í götuna.
Norðan og vestan Ráðhústorgs
verða áfram sömu reglur í gildi
og nú, þ.e. aðeins er heimil um-
ferð fatlaðra og vegna vörulosun-
ar. Akstur inn á svæðið verður
upp með torginu að norðan og
brottakstur um Brekkugötu.
Vonast er til að þessar reglur
verði virtar, svo hægt verði að
leggja raunhæft mat á það hvern-
ig haga beri umferð um götuna í
framtíðinni.
t