Morgunblaðið - 26.02.1997, Page 4

4 MIÐVIKUDAGUR 26. FEBRÚAR 1997
MORGUNBLAÐIÐ
FRÉTTIR
Starfsfólk Stöðvar 3 fær uppsagnarbréf fyrir lok þessarar viku
Kannað hvernig nýta megi
tæki og sjónvarpsefni
Morgunblaðið/Ásdís
STARFSFÓLK Stöðvar 3 bak viö luktar dyr eftir fund í hús-
næði stöðvarinnar í gærmorgun.
STARFSFÓLKI Stöðvar 3 var til-
kynnt á fundi í gærmorgun að því
myndi berast uppsagnarbréf fyrir
lok þessarar viku. Hreggviður
Jónsson, framkvæmdastjóri fjár-
mála- og rekstrarsviðs Stöðvar 2
og stjómarformaður íslenskrar
margmiðlunar hf., sem rak Stöð
3, sagði að það tæki nokkra daga
að átta sig á stöðu mála og enn
væri óvíst hve margir starfsmanna
Stöðvar 3 ættu kost á starfi hjá
Stöð 2.
Hreggviður fundaði með starfs-
mönnum Stöðvar 3 klukkan 9 í
gærmorgun. „Starfsfólki var sagt
að formsins vegna fengi það upp-
sagnarbréf fyrir lok vikunnar. Við
erum að skoða ráðningarsamning-
ana, en þeir eru mjög mismun-
andi. Sumir eru með þriggja mán-
aða uppsagnarfrest, aðrir eru með
verktakasamninga og við suma
hefur enginn samningur verið
gerður. Ég á ekki von á að neitt
skýrist í hugsanlegum ráðningum
fólks til Stöðvar 2 á næstunni,"
sagði Hreggviður.
Húsaleigu-
samningar skoðaðir
Aðspurður um hvort Stöð 2 eða
Sýn gæti nýtttækjabúnað Stöðvar
3 sagði Hreggviður að reynt yrði
að nýta sem mest af tækjum stöðv-
arinnar. Þá þyrfti að kanna húsa-
leigusamning stöðvarinnar, sem
hefur verið á jarðhæð Húss
verslunarinnar og á 11. hæð húss-
ins. „Stöð 3 hafði byggt upp ágæta
móttöku og það er spurning hvort
það húsnæði gæti nýst okkur að
einhveiju leyti áfram. Allt fer
þetta eftir leigusamningum. Ef við
getum ekki nýtt húsnæðið gæti
komið til greina að framleigja
það.“
Hreggviður var inntur eftir því
hvernig brugðist yrði við breyting-
um gagnvart áskrifendum Stöðvar
3. „Við byijuðum á því á mánudag
að senda efni Sýnar út á rás Stöðv-
ar 3, til að koma til móts við þá
sem hafa greitt áskriftargjald út
þennan mánuð. Þá eru þess einnig
dæmi, að áskrifendur hafi þegar
greitt fyrir mars og við munum
gera þeim tilboð um að fá aðgang
að þeim rásum sem við höfum
yfir að ráða. Fólk hefur hringt til
Stöðvar 2 og Stöðvar 3 til að spyij-
ast fyrir um framhaldið og við
vonumst til að málin skýrist mjög
fljótlega.“
Ekki hægt að
nýta allt efni
Hreggviður sagði að eitt þeirra
verkefna, sem nú blasti við, væri
að fara yfir samninga þá sem Stöð
3 hafði gert um kaup á sjónvarps-
efni. „Það er ljóst, að hluti þess
efnis verður sýndur á Stöð 2 og
hluti á Sýn, en við höfum ekki
tækifæri til að nýta allt efnið.
Þetta efni er að miklu leyti keypt
frá sömu birgjum og Stöð 2 á við-
skipti við, svo við munum semja
við þá um að fá að skila því.“
Aðspurður hvort Stöð 2 myndi
rifta samningum og reyna að
kaupa efnið á lægra verði á ný,
þar sem samkeppni við Stöð 3
hefði hækkað innkaupsverð á sjón-
varpsefni, svaraði Hreggviður að
hann reiknaði ekki með slíku.
„Við virðum okkar samninga, en
reynum að semja upp á nýtt þegar
þeir renna út.“
3.000 afrugl-
arar á leiðinni
Um tvö þúsund afruglarar, sem
Stöð 3 keypti frá Sviss, eru ný-
komnir til landsins og sagði
Hreggviður að þijú þúsund til við-
bótar væru á leiðinni. „Það gildir
það sama um afruglarana og ann-
að, við þurfum að kanna hvaða
skuldbindingar liggja þar að baki.
Hlutirnir hafa gerst hratt, ég kom
í fyrsta skipti inn í Stöð 3 á
stjórnarfund í gær og býst við að
það líði 1-2 mánuðir áður en
málin skýrast," sagði Hreggviður
Jónsson.
Internet á íslandi
Þjónustu-
aðilar hafa
ekki lög-
regluvald
FYRIRTÆKIÐ Intemet á ís-
landi, INTIS, segir að þjónustu-
aðilar á netinu hafí ekki lög-
regluvald og geti ekki að eigin
geðótta ritskoðað efni á alnet-
inu og tékið ákvarðanir um að
útiloka skuli notendur frá til-
teknu efni sem þeir hafa haft
aðgang að og getað sótt sér.
„Til slíkra aðgerða þarf al-
mennt lagaheimild eða dóms-
ákvörðun," segir í yfírlýsingu
frá fyrirtækinu, sem send er
út vegna umræðu um sak-
næmt efni á alnetinu.
„INTIS hyggst óska eftir
viðræðum við þá sem með lög-
regluvald fara um viðbrögð af
hálfu félagsins, en þau gætu
meðal annars verið fólgin í því
að koma á framfæri við lög-
regluyfirvöld upplýsingum um
efni, sem íslenskir notendur
hafa aðgang að. Í þessu sam-
bandi er rétt að geta þess, að
þær útilokunaraðferðir, sem
tiltækar eru, koma ekki í veg
fyrir að notendur nálgist sama
efni eftir öðrum leiðum.“
Þá segir að Bandaríkjaþing
hafi samþykkt lög á síðasta
ári í því skyni að vinna gegn
barnaklámi á alnetinu en dóm-
stóll hafi talið lögin stangast
á við stjórnarskrá landsins og
sé nú beðið niðurstöðu Hæsta-
réttar Bandaríkjanna. Þessi
dómur hafí byggst á því að
alnetið sé einstakur sam-
skiptamiðill og því sé talið rétt
að það njóti ekki síðri verndar
samkvæmt reglum um tján-
ingarfrelsi en prentmiðlar.
• •
Onnur umræða um umdeilt frumvarp til laga um atvinnuleysistryggingar á Alþingi í gær
i
I
.

I
f
I
Fjölmargar breyt-
ing'ar teknar til baka
BREYTINGARTILLÖGUR meiri-
hluta félagsmálanefndar við frum-
varp til laga um atvinnuleysis-
tryggingar sem komu til annarrar
umræðu á Alþingi í gær eru veru-
legar og ganga að mörgu leyti til
baka til núverandi fyrirkomulags.
Siv Friðleifsdóttir, framsögumaður
meirihlutans, sagði að tekið hefði
verið tillit til fjölmargra athuga-
semda frá ýmsum aðilurn. Grétar
Þorsteinsson, forseti ASÍ, segir að
fallist hafi verið efnislega á nánast
allar athugasemdir sem Alþýðu-
sambandið gerði við frumvarpið.
Pétur Blöndal, einn nefndarmanna
í meirihluta félagsmálanefndar,
gagnrýndi harðlega á Alþingi í gær
það sem hann nefndi valdaafsal
löggjafarþingsins til þrýstihópa
sem látnir væru um að semja laga-
frumvörp. Hann telur það niður-
lægingu fyrir Alþingi að verkalýðs-
félögin hafi verið látin hafa svo
mikil áhrif á frumvarpið um at-
vinnuleysistryggingar.
í kröfum landssambanda ASÍ á
hendur stjórnvöldum 14. febrúar
var þess m.a. krafist að umrætt
frumvarp yrði tekið út af borðinu.
Eftir meðferð frumvarpsins í fé-
lagsmálanefnd hafa nú verið gerð-
ar breytingar sem Alþýðusam-
bandið fellst á en þær fela m.a. í
sér að lagt er til að neðri aldurs-
mörk þeirra sem geta átt rétt á
atvinnuleysisbótum verði 16 ár í
stað 18 eins og gert hafði verið ráð
fyrir í frumvarpinu.
Tekjutenging
afnumin
Einnig er lögð til sú breyting
að sá sem skráð hefur sig atvinnu-
lausan þurfi einungis að bíða í þijá
daga eftir að réttur hans til bóta
verði virkur en ekki tvær vikur
eins og var { frumvarpinu. Lögð
er til sú breyting að tekjutenging
bóta verði afnumin en í frumvarp-
inu var miðað við að tekjur ein-
staklings sem öðlast hefur bótarétt
hafi ekki á síðustu tólf mánuðum
fyrir skráningu verið hærri að
meðaltali en sem nemur tvöföldum
atvinnuleysisbótum á mánuði.
Þannig munu tekjur einstaklings
áður en hann hefur töku bóta ekki
fresta rétti til bóta.
Meðal annarra breytinga er til-
laga varðandi fjárhæð bóta, sem
komi til endurskoðunar við af-
greiðslu fjárlaga ár hvert með til-
liti til þróunar launa, verðlags og
efnahagsmála. Þá er lagt til að
árlega skuli veija ákveðinni fjár-
hæð úr Atvinnuleysistrygginga-
sjóði til að styrkja starfsmenntun
í atvinnulífinu. Lagt er til að frest-
ur til að skjóta ákvörðun úthlutun-
arnefndar um bætur og missi bóta-
réttar til úrskurðarnefndar verði
lengdur og að hver úthlutunar-
nefnd fyrir sig ákveði fyrirkomulag
á greiðslu bóta og að kostnaður
af starfi nefndanna skuli greiddur
af Atvinnuleysistryggingasjóði.
Nýtt ríkisbákn
en engin framför
Stjórnarandstæðingar í félags-
málnefnd skiluðu séráliti. Þeir
fagna þar flestum breytingum sem
meirihlutinn leggur til en lýsa eftir
sem áður yfir andstöðu sinni við
frumvarpið í heild. Þeir telja að
réttindi atvinnulausra séu þar ekki
varin og raun sé verið að hverfa
áratugi aftur í tímann til ölmusu-
stefnunnar. Einnig gagnrýna þeir
að verið sé að flytja vald frá
sveitarfélögum til ríkis. Með breyt-
ingunum séu sparnaðaráform rík-
isstjórnarinnar á þessu sviði fyrir
bí og eftir standi ekki nema „um-
gjörð um eitthvað sem aldrei varð“,
eins og segir í nefndaráliti minni-
hlutans. Því telur minnihlutinn rétt
að taka frumvarpið til baka og
skoða málin frá grunni.
Beita sem hægt
er að taka til baka
Margrét Frímannsdóttir, for-
maður Alþýðubandalagsins, sem
var einn nefndarmanna í minni-
hlutanum, sagði við umræðurnar í
gær að haft hefði verið samráð við
ASÍ, eitt verkalýðsfélaga, til þess
eins að liðka fyrir kjarasamning-
um. Hún taldi þó eins víst að þessi
„beita“ yrði tekin til baka að lokn-
um samningum og engin trygging
væri fyrir öðru. Hún sagði það
umhugsunarefni að ASÍ hafi ekki
gert þá kröfu að frumvarpið væri
tekið af borðinu enda væru í því
engar réttarbætur til atvinnu-
lausra.
Páll Pétursson félagsmálaráð-
herra sagði að fulltrúar ASÍ hefðu
tjáð sér að BSRB væri sammála
þeim breytingartillögum sem ASI
hefði lagt til.
Kristín Ástgeirsdóttir, fulltrúi
Kvennalista í nefndinni, sagði að
frumvarpið gengi í raun gegn
stefnu ríkisstjórnarinnar, því verið
væri að færa verkefni frá sveitarfé-
lögum til ríkis og koma fót nýrri
ríkisstofnun sem kostaði á annað
hundrað milljóna króna á ári að
reka. Hún benti á að Sjálfstæðis-
flokkurinn hefði lengi rekið áróður
undir slagorðinu „báknið burt“ en
væri nú að koma á fót miklu bákni
sem næði til alls landsins. Pétur
Blöndal, þingmaður Sjálfstæðis-
flokksins, svaraði því til að verið
væri að færa ákvörðunarvaldið til
þess sem borgaði, það er að segja
ríkisins.
Á
morgun
á Shellstöðinni
við Vesturlandsveg
Select
AUTAF FERSKT
í
i
í
»
©
m
»