Morgunblaðið - 26.02.1997, Blaðsíða 15

MORGUNBLAÐIÐ
MIÐVIKUDAGUR 26. FEBRÚAR 1997 15
VIÐSKIPTI
Nýtt frumvarp um vörumerki auðveldar Islendingum að vernda vörumerki sín í öðrum ríkjum
Alþjóðleg skráning vöru-
merkja möguleg hérlendis
ÍSLENSKUM fyrirtækjum gefst
nú kostur á alþjóðlegri skráningu
vörumerkja sinna, samkvæmt
frumvarpi til laga sem lagt var
fram á Alþingi í síðustu viku. Þar
er kveðið á um að hægt verði að
sækja um skráningu vörumerkja
hjá Einkaleyfastofunni fyrir mörg
lönd, en stofnunin mun síðan
senda umsóknirnar til Alþjóða-
hugverkastofnunarinnar í Genf.
Slík skráning mun auðvelda ís-
lenskum aðilum að vernda vöru-
merki sín í öðrum ríkjum.
ísland gerðist aðili að bókun
við Madrid-samninginn um al-
þjóðlega skráningu vörumerkja
þann 15. janúar sl. sem tekur
gildi þann 15. apríl nk. Að sögn
Astu Valdimarsdóttur, hjá Einka-
leyfastofunni, þarf einungis að
leggja fram eina umsókn um al-
þjóðlega vörumerkjaskráningu á
sérstöku eyðublaði, þar sem hægt
verður að velja þau lönd sem
skráningin á að ná til.
Umsóknir á ensku
Umsóknir verða einungis á
ensku og verður því ekki þörf á
að þýða umsóknir hvert ríki eða
láta sérstaka umboðsmenn hafa
milligöngu um skráningu, ef eng-
ar athugasemdir eru gerðar við
umsókn. „Þetta verður miklu ein-
faldara og ódýrara en áður fyrir
þá aðila sem vilja vernda sín vöru-
merki í öðrum löndum. Mörg ríki
eru að gerast aðilar að Madrid-
samningnum á þessu ári og lík-
legt er að skráningarkerfi ESB
muni tengjast þessu kerfi á næsta
ári,“ sagði Ásta.
Nokkrar breytingar eru einnig
gerðar á fyrirkomulagi vöru-
merkjaskráningar hér innanlands.
Vörumerki skráð strax
Lagt er til í frumvarpinu að
umsókn um vörumerki verði skráð
og birt strax og fyrir liggur að
hún uppfylli skilyrði laganna, en
unnt verði að andmæla skráningu
eftir birtingu. í núgildandi lögum
skal að lokinni rannsókn á umsókn
um skráningu vörumerkis birta
merkið til andmæla og er ekki
heimilt að skrá það fyrr en að liðn-
um tveggja mánaða andmæla-
fresti.
Þá er ekki lengur hægt að skrá
vörumerki fyrir heila vöruflokka
t.d. matvöru, heldur þarf að til-
greina nákvæmlega hvaða vörur
og þjónustu umsækjandi hyggst
auðkenna með merki sínu.
Mikil fjölgun hefur orðið á
skráningum vörumerkja hjá
Einkaleyfastofunni á undanförn-
um árum og voru þær u.þ.b. 1.600
talsins á síðasta ári, borið saman
við rúmlega 1.000 árið 1992. Ásta
segir að fyrirtæki séu að vakna
til vitundar um mikilvægi þess að
vernda sín vörumerki í kjölfar
harðnandi samkeppni.
Könnun á útflutningi 25 hugbúnaðarfyrirtækja sýnir mikla grósku
Utflutningstekjurjuk-
ust um 66% milli ára
Aðalf undur
Nýherja 1997
ÚTFLUTNINGSTEKJUR 25 ís-
lenskra hugbúnaðarfyrirtækja
námu á síðasta ári um 815 milljón-
um króna og höfðu aukist um 66%
frá árinu á 1995, samkvæmt laus-
legri áætlun Seðlabanka íslands.
Þessi útflutningur hefur aukist
hröðum skrefum undanfarin ár, en
tekjur fyrirtækjanna af honum
voru áætlaðar um 10 milljónir árið
1990.
í nýjasta hefti Hagtalna mánað-
arins frá Seðlabankanum kemur
fram að nákvæmar upplýsingar um
útflutningstekjur hugbúnaðarfyrir-
tækja á síðasta ári liggi ekki fyrir.
Mögulegt sé að áætla lauslega tekj-
urnar út frá gjaldeyrisviðskiptum
þeirra við innlenda banka á árinu
1996, en slík áætlun geti haft van-
kanta. Hafi tekjur fyrirtækjanna
ekki farið í gegnum íslenska banka-
kerfið geti það leitt til vanmats, en
reynt var að leiðrétta tölur fyrir
slíkum skekkjum fyrir árið 1996.
Á meðfylgjandi mynd má sjá
útflutningstekjur fyrirtækjanna á
undanförnum árum ásamt skipt-
ingu teknanna eftir svæðum fyrir
síðasta ár. Samkvæmt upplýsingum
sem Seðlabankinn aflaði frá út-
flutningsaðilum bendir ekkert til
annars en að aukning verði á sölu
hugbúnaðar til útlanda á þessu ári.
Nær ekki til útflutnings
hugbúnaðar um alnetið
Seðlabankinn reyndi ekki að
sundurgreina útflutningstekjur eft-
ir því hvort um er að ræða beina
sölu á hugbúnaði, ráðgjöf eða end-
urbætur og viðhald á búnaði sem
þegar hefur verið seldur erlendis.
Þá ná tölurnar ekki til fyrirtækja
sem selja hugbúnað í gegnum alnet-
ið eða fyrirtækja sem eru óbeint í
framleiðslu og sölu á hugbúnaði
eins og sum iðnfyrirtæki. Er bent á
í Hagtölum mánaðarins að tölurnar
lýsi því neðri tekjumörkum greinar-
innar. Er það undirstrikað að töl-
urnar eigi fyrst og fremst að gefa
vísbendingu um þróunina sem átt
hefur sér stað á undanfömum
árum, en ekki endilega nákvæmar
upplýsingar um útflutningstekjur
allra fyrirtækja sem eru í hugbún-
aðarframleiðslu.
Aðalfundur Nýherja hf. verður haldinn
miðvikudaginn 12. mars 1997
Fundurinn fer fram i Ársal
Hótel Sögu og hefst
stundvíslega kl. 16:00
Dagskrá
- Venjuieg aðalfunciarstörf
- Tillaga um heimild féiagsins
til kaupa á eigin hSutum skv.
55. gr. hlutabréfalaga
- Önnur mál, löglega upp borin
Dagskrá, ársreikn-
ingur og skýrsla endur-
skoðenda munu liggja
frammi á skrifstofu
félagsins, hluthöfum
til sýnis, tveimur
vikum fyrir aðalfund.
Atkvæðaseðlar og
fundargögn verða
afhent á fundarstað.
Hluthafar sem ekki
geta sótt fundinn, en
hyggjast gefa umboð,
verða að veita slíkt
skriflega.
NÝHERJI
Skaitahlíð 24 - Simi: 569 7700
Starfíð á ESSO stöðinni tengist
auðvitað bílum að miklu leyti.
Einn mikilvægasti hluti þess
eru þó engu að síður kynni við
þá viðskiptavini sem með viðmóti
sínu hvetja starfsmenn ESSO til
að veita enn betri þjónustu.
E S S O ÞJÓNUSTA - s n ý s t u m þ i g Olíufélagiðhf