Morgunblaðið - 04.07.1998, Blaðsíða 15

MORGUNBLAÐIÐ
LAUGARDAGUR 4. JÚLÍ 1998 15
LANDIÐ
Fjölbreytt dagskrá
í tilefni 25 ára frá
goslokum í Eyjum
^ Morgunblaðið/Sigurgeir Jónasson
ANDRÉS Sigurvinsson og Ásta Guðmundsdóttir hafa séð um undirbúning og umgjörð há-
tíðarhaldanna vegna 25 ára goslokaafmælisins.
Vestmannaeyjum - Um helgina verður
þess minnst að 25 ár eru liðin frá því eld-
gosinu á Heimaey lauk formlega en hinn
3. júlí 1973 var gefin út formleg tilkynn-
ing um að eldgosinu, sem hófst 23. janú-
ar, væri lokið. í tilefni þess að aklarfjórð-
ungur er liðinn frá þessum gleðitfðindum
ætla Vestmanaeyingar að efna til mikillar
hátíðar um helgina. Dagskrá sem stendur
alla helgina hefst síðdegis í dag og stend-
ur nær samfelt til sunnudagskvölds.
Nefnd á vegum Vestmannaeyjabæjar
hefur undanfarna mánuði unnið að undir-
búningi hátiðarhaldanna og fékk hún
Eyjamanninn Andrés Sigurvinsson leik-
stjóra til liðs við sig við undirbúning og
skipulagningu hátiðarhaldanna. í samtali
við Morgunblaðið sagði Andrés að dag-
skrá helgarinnar byggðist á Eyjastemmn-
ingu í karnivalstíl þar sem mottóið væri
að maður væri manns gaman og fólk ætti
að taka þátt í að skemmta sér og öðrum.
Andrés sagðist hafa fengið Ástu Guð-
mundsdóttur, búninga-, fata- og skrímsla-
hönnuð, til liðs við sig í undirbúningnum
og saman hefðu þau mótað umgjörð há-
tíðarhaldanna.
Dagskrá hátíðarhaldanna hefst í dag
kl. 17 með skrúðgöngu frá Friðarhöfn að
Stakkagerðistúni við undirleik hljóm-
sveitarinnar Stalla-Hú en ýmsar uppá-
komur verða á þeirri leið sem skrúðgang-
an fer um. Myndlistarsýning Vilhjálms
Vilhjálmssonar verður opnuð í Akóges og
samsýning Bjarna Ólafs Magnússonar,
Hallsteins Sigurðssonar, Sylvie Achard
og Sjafnar Sigfúsdóttur verða opnaðar í
Gallerý Prýði. Metukróin, kró Emils And-
ersen, Malla á Júlíu, verður opnuð fyrir
almenning en þar hafði Malli komið upp
vísj að sjóminjasafni.
í kvöld verður svo gjölbreytt tónlistar-
dagskrá í Kiwanishúsinu í umsjá Haf-
steins Guðfinnssonar þar sem flutt verður
tónlist eftir Oddgeir Kristjánsson við ljóð
Ása í Bæ og fleiri og sjá margir flytjend-
ur um að koma því efni til skila. Húsið við
Hilmisgötu verður formlega opnað þar
sem boðið verður upp á unglist og götu-
leikhús og veitingatjaldi þjóðhátíðar verð-
ur komið upp við Vesturveg þar sem
söngvar og dansar verða fluttir en einnig
verður þar Eyjastemmning við undirleik
margra valinkunnra Eyjamanna. Ung-
Iingatónleikar verða síðan á Stakkagerð-
istúni en í Skvísusundi verður líf og fjör
þar sem boðið verður upp á Ieiklist,
myndasýningar og ýmsar veitingar auk
þess sem Iagið verður tekið að Eyja-
mannasið.
Á laugardagsmorgun kemur víkinga-
skipið fslendingur, undir skipstjórn Eyja-
peyjans Gunnars Marels Eggertssonar, í
heimsókn til Eyja og verður það almenn-
ingi til sýnis. Söfnin í Eyjum verða opin
en þar verða yfirlitssýningar sem tengj-
ast eldgosinu. Klukkan 14 hefst síðan há-
tíðardagskrá á Stakkagerðistúni, þar
mun Davíð Oddsson forsætisráðherra
flytja ávarp en einnig verður boðið upp á
ýmiskonar léttmeti. Myndlistarsýning Jó-
hönnu Bogadóttur verður opnuð síðdegis
í Listaskólanum og þar fyrir utan verður
Slökkvilið Vestmannaeyja með uppákomu
en kl. 16.30 býður Herjólfur upp á hring-
siglingu kringum Eyjar. Á laugardags-
kvöldið verður síðan dagskrá í Kiwanis-
húsinu, á Stakkó, í tjaldinu við Vesturveg,
í Skvísusundi og í Húsinu.
Á sunnudag hefst dagskráin kl. 10 við
Landakirkju en þaðan verður gengið að
krossinum við eldfell þar sem fram fer
göngumessa. í hádeginu býður bæjar-
stjórn siðan til grillveislu í Skansfjöru þar
sem fram fer fjölbreytt skemmtidagskrá
og boðið verður upp á óvissuferðir úr
fjörunni bæði á sjó og landi. Dagskrá í
Skansfjöru stendur fram eftir degi en þar
lýkur síðan þessari hátíðardagskrá vegna
25 ára frá iokum eldgossins.
Andrés Sigurvinsson sagði að leitast
hefði verið við að hafa dagskrána sem
skemmtilegasta og líflegasta. Allir ættu að
vera í stuði og fagna enda væri hér um
fagnaðarhátíð að ræða. Hann sagði að allir
skemmtikraftar væru Eyjamenn og ekkert
væri sótt upp á land í þeim efnum. Hann
sagði að eitt atriði stæði til sem ekki hefði
verið sett inn á dagskrána en það væri sig
úr Dönsku tó í Heimakletti niður í bát sem
þar yrði fyrir neðan. Ekki væri búið að
ganga endanlega frá hvort hægt yrði að
koma því við en vonir stæðu til þess og
yrði það frábær sýning ef af yrði.
Andrés sagðist vonast til að Eyjamenn
tækju virkan þátt í hátíðardagskránni og
að fólk fjölmennti til Eyja til að taka átt í
þessum viðburði sem yrði án efa öllum
ógleymanlegur því Eyjamenn kynnu að
skemmta sér og halda hátíðir og þegar
þeir væru í stuði væri hægt að lofa góðri
skemmtun.
Morgunblaðið/Jenný Jensdóttir
KRAKKARNIR frá Sómalíu, Ghana og Eþíópíu í góðum félags-
skap Islendinga.
Sómalskir ung-
lingar í heimsókn
í Bjarnarfirði
Drangsnesi - Þessa dagana
dvelur hópur afrískra flótta-
manna frá Danmörku að
Bakka í Bjarnarfirði. Þetta eru
8 unglingar á aldrinum 16-19
ára.
Flestir eru frá Sómalíu en
einn drengur er frá Eþíópíu og
ein stúlkan er frá Ghana. Auk
þeirra eru með í för umsjónar-
menn þeirra eða fararstjórar;
einn Sómali, Dani og íslensk
kona, Vigdís, en þau vinna öll á
heimilinu sem þessir krakkar
búa á í Danmörku. Með í hópn-
um eru líka dætur þeirra Vig-
dísar og Danans, þ.e. ein ís-
lensk stelpa og önnur dönsk.
Sannarlega fjölþjóðlegur hóp-
ur samankominn á Ströndum.
Þessir unglingar hafa búið
nokkur ár í Danmörku en
höfðu áður dvalið í flótta-
mannabúðum við misjafnan
kost í einhvern tíma.
Til að hafa einhverja vasa-
peninga meðan á íslandsdvöl-
inni stendur hafa þau fengið
vinnu hjá ýmsum aðilum á
svæðinu. Sveitarstjórn Kald-
rananeshrepps tók á móti þess-
um góðu gestum og bauð þeim
ásamt unglingum úr Kaldrana-
neshreppi upp á kakó og
pönnukökur. Byrjuðu krakk-
arnir kvöldið með að spila sam-
an fótbolta og fór strax vel á
með þeim. Þau fengu svo að
vera með í unglingavinnunni
hjá Kaldrananeshreppi í tvo
daga við að leggja þökur og rífa
niður gamlar girðingar. Og eft-
ir vinnu var farið saman í sund
og fótbolta. Hefur hópurinn
náð mjög vel saman og góð vin-
átta tekist milli unglinganna.
Sundlaug opn-
uð á tjaldstæð-
inu í Vík
Fagradal - Opnuð hefur
verið sundlaug á tjald-
stæðinu í Vík. Er þetta 10
metra löng og 5 metra
breið laug sem er klædd
innan með segldúk.
Það var Reynir Ragn-
arsson, lögreglumaður í
Vík, sem dreif í því að
sundlaugjn væri fengin
hingað. í mörg ár hefur
verið rætt um að byggja
þyrfti sundlaug í Vík og er
því von íbúa í Mýrdalnum
að þetta framtak Reynis
verði til þess að byggð
verði alvörusundlaug í
Vík.
Vatnið sem fékkst þeg-
ar borað var eftir heitu
vatni í Vík rennur að hluta
til í laugina en í sumar
hefur Mýrdalshreppur
dælt úr holunni í tilrauna-
skyni og hefur hitinn í
lauginni farið upp í 39
gráður á celsíus sem er
vel viðunandi hiti í sund-
laug.
Sundlaugin er í fallegu
umhverfi og í skjóli frá
náttúrunnar hendi. Bún-
ingsaðstaða og sturtur
eru í þjónustuhúsi á tjald-
svæðinu. Sundlaugin
verður opin í sumar.
Morgunblaðið/Jónas Erlendsson
SUNDLAUGIN í Vík í Mýrdal.
Morgunblaðið/Jónas Erlendsson
MARGRÉT Harðardóttir og Steinþór Vigfússon,
eigendur Hótels Dyrhólaeyjar.
Hótel Dyr-
hólaey opnað
í Mýrdalnum
Fagradal - Nýlega var
opnað nýtt hótel á Brekk-
um í Mýrdal og hlaut það
nafnið Hótel Dyrhólaey.
Hótelið er skammt frá
þjóðveginum og stendur
uppi á hæð. Ötsýnið er
geysifallegt því í suðri sést
Dyrhólaey, í austri Reynis-
drangar og í norðri gnæfir
Búrfell og Mýrdalsjökull.
Eigendur hótelsins eru
Steinþór Vigfússon og
Margrét Harðardóttir og
hafa þau í nokkur ár rekið
sveitagistingu í íbúðarhúsi
sínu á Brekkum en þar eru
4 tveggja manna herbergi.
Þetta nýja hótel hefur 14
tveggja manna herbergi
með sturtu og tvö eins
manns herbergi. Þar er
einnig mjög rúmgóður
matsalur og í boði er morg-
unverður og kvöldverður.
Hönnuður hótelsins er
Sveinn Pálsson verkfræð-
ingur í Vík. Hægt er að
komast í veiði í Oddnýjar-
tjöm skammt frá bænum.
Einnig eru mjög fallegar
gönguleiðir í kring um hót-
elið.
www.mbl.is