Morgunblaðið - 07.10.1998, Side 27

MORGUNBLAÐIÐ
MIÐVIKUDAGUR 7. OKTÓBER 1998 2 7
_____________________HSTIR
Fyrst núna sátt við
það sem ég er að gera
Sólrún Bragadóttir og Margaret Singer bera saman nótur sínar.
NÝLEGA er lokið upptökum á
geisladiski þar sem Sólrún
Bragadóttir sópransöngkona
syngur íslenska ljóðatónlist. Hér
er um að ræða fyrsta einsöngs-
disk Sólrúnar, en áður hafa
hljóðritanir með henni verið
gefnar út á safndiskum sem
Menningarmiðstöðin Gerðuberg
hefur staðið að auk hljómplötu
með Bergþóri Pálssyni og Jónasi
Ingimundarsyni frá árinu 1986.
Bræðurnir Hrólfur og Haukur
Vagnssynir sáu um vinnslu disks-
ins, sem fram fór í hljóðveri
Hrólfs í Hannover í Þýskalandi,
Tonstudio Vagnsson. Hrólfur
sljórnaði sjálfur upptökum og
eftirvinnslu þeirra. Fyrirtæki
Hauks, Vagnsson Grafík, sá um
gerð bæklings. Þýska útgáfufyr-
irtækið CordAria, sem einnig er í
eigu Hrólfs, gefur diskinn út og
er útgáfan hugsuð fyrir alþjóð-
legan markað. Japis mun sjá um
dreifíngu disksins á íslandi.
„Þetta var vandasamt val,“
sagði Sólrún um lagavalið á disk-
inum. „Eg var búin að fá margar
hugmyndir um uppbyggingu efn-
isskrárinnar áður en endanleg
niðurstaða lá fyrir. Það hefur
verið ótrúlega erfítt að velja
saman lög þannig að mér fínnist
valið ganga upp.“ A diskinum er
að finna úrval íslenskra söng-
laga, þar á meðal lög eftir Þorkel
Sigurbjörnsson, Karl O. Runólfs-
son og Sveinbjörn Sveinbjöms-
son og einnig syngur Sólrún lög
eftir Atla Heimi Sveinsson,
Tryggva Baldvinsson, Jón As-
geirsson og Sigvalda Kaldalóns.
Sólrún hefur farið sér hægt og
hafnað tilboðum um að hljóðrita
geisladiska. „Ég hef sjálf hingað
til ekki talið mig vera tilbúna að
senda frá mér slíka diska,“ segir
hún. „Mér fínnst ég fyrst núna
vera sátt við það sem ég er að
gera. Ég er orðin þroskaðri í
túlkun og vinnubrögðin þjálfaðri.
Ég er því betur í stakk búin til að
gefa af mér þannig að útkoman
standist tímans tönn og að ég
verði sjálf ánægð eftir því sem
árin líða.“
Frá árinu 1987 hefur Sólrún
Bragadóttir starfað við
óperusöng á alþjóðlegum vett-
vangi. Hún hefur sungið flest
stærstu hlutverkin og komið
fram í hundruðum óperusýninga
víðs vegar um heim, þar sem
dagsformið getur skipt sköpum.
„Það sem mér finnst kannski erf-
iðast við þessa vinnu í hljóðverinu
er að dagsformið þessa þrjá daga
sem upptökur standa yfir hefur
svo mikið að segja um útkomuna.
Þar spila inn í atriði eins og
svefn, mataræði og andlegt jafn-
vægi. Þetta hefur reynsla síðustu
tólf ára í óperuheiminum kennt
mér, að þekkja hljóðfærið mitt,
sem er líkaminn. Það var lengi að
lærast en nú bý ég að þessari
reynslu og hún nýtist mér vel,
hvort sem er við vinnuna í
hljóðverinu, Ijóðatónleika eða
annars konar uppákomur."
Við gerð geisladisksins fékk
Sólrún til liðs við sig amerískan
píanóleikara, Margaret Singer,
sem hún hefur unnið mikið með
undanfarin ár. „Ég velti því Iengi
fyrir mér að fá útlending til að
taka þátt í flutningi á þessum
aiíslensku perlum sem Islending-
ar þekkja og gera svo miklar
kröfur til,“ sagði Sólrún. „Ég er
núna ánægð með ákvörðunina
því það hefur verið mikil upplif-
un að vinna þetta með Margaret.
Hún bar svo mikla virðingu fyrir
verkefninu og var svo áhugasöm
að ég fór að sjá alveg nýja hlið á
lögunum.
Hún þekkir auðvitað ekki
þennan hefðbundna flutnings-
máta sumra laganna. Ég þýddi
alla textana fyrir hana og lýsti
stemmningu laganna og þær
ábendingar, sem hún kom með,
til dæmis varðandi hraða og
hrynjandi, var ný upplifun fyrir
mig. Á íslandi er flutningur ís-
lenskra sönglaga mikið fastur í
sama mótinu og þeim oft tekið
sem sjálfsögðum hlut, ekki það
að þau séu ekki vel flutt heldur
vantar stundum að velt sé upp
nýjum hliðum á tónlistinni."
Auk Margaret leika einnig
Franz Bumann, Ladislaus Kosak
og Júrgen Norman með í lögum
eftir Atla Heimi.
Geisladiskur Sólrúnar kemur
út samtimis á íslandi og í Evrópu
og verður hann fáanlegur í versl-
unum frá miðjum nóvember.
Sólrún Bragadóttir og Margar-
et Singer munu halda tónleika f
tilefni útgáfunnar víða um Iand
seinnipart nóvembermánaðar,
19. í Bolungarvík, 21. á Akureyri,
23. á Stykkishólmi og 25. í Hafn-
arborg í Hafnarfirði.
Morgunblaðið/Gunnlaugur Árnason
SNÆFELLINGAKÓRINN í Reykjavík ásamt kirkjukór Stykkishólmskirkju og stjórnandanum Friðriki S.
J mam S®? fl
iri« II 1
Kristinssyni og Peter Máte píanóleikara.
Snæfellingakórinn
heimsækir Snæfellsnes
Morgunblaðið. Stykkishdlmur.
SNÆFELLINGAKÓRINN í
Reykjavík hefur starfað í 20 árum
um þessar mundir. Til að minnast
þeirra tímamót hélt kórinn vestur á
Snæfellsnes laugardaginn 3. október
sl. og hélt tvenna tónleika. Fyrri
tónleikarnir voru í Ólafsvíkurkirkju.
Þar sungu með kórnum kórar
Ólafsvíkurkirkju og Ingjaldshóls-
kirkju. Seinni tónleikarnir voru í
Stykkishólmskirkju og þar söng kór
Stykkishólmskirkju með Snæfell-
ingakórnum. Tónleikarnir tókust vel
og voru áheyrendur mjög hrifnir af
söng kóranna. I lok tónleikanna
sungu kórarnir saman þrjú lög.
Undirleikari á tónleikunum var Pet-
er Máté. Stjórnandi Snæfellinga-
kórsins er Hólmarinn Friðrik S.
Kristinsson og hefur hann stórnað
kórnum í 12 ár af þessum 20 árum.
Fyrsti kórstjórinn var Jón ísleifs-
son.
Um kvöld var haldinn afmælis-
fagnaður á Hótelinu í Stykkishólmi.
Auk kórfélaga mætti kórfólk af Snæ-
fellsnesi. Þetta var erfíður og
strangur dagur íyrir félagana í Snæ-
fellingakórnum, en ánægjulegur og
tímamótin lifa í minningunni.
V er ðlaunasaga
BÆKUR
Unglingasaga
HELJARSTÖKK AFTUR Á BAK
eftir Guðmund Ólafsson Vaka -
Helgafell. 1998 -174 bls.
UNGLINGSÁRIN eru mörgum
unglingi erfið. I kjölfarið á líkam-
legum breytingum og breytingum
á félagslegri stöðu skapast óvissa
um eigin stöðu, sjálfstraustið
veiklast, ekki síst gagnvart hinu
kyninu og stundum
eru unglingar hel-
teknir af óþarfa
spéhræðslu. Á þessu
tímabili ævinnar taka
menn hins vegar út
mestan þroska og
læra hægt og hægt að
takast á við eigið kyn-
ferði, eigin sérkenni,
kosti og galla. Um
þetta efni öðru fremur
fjallar Guðmundur
Olafsson í bók sinni
Heljarstökk aftur á
bak sem út kom fyrir
skömmu. Guðmundur
hlaut íslensku barna-
bókaverðlaunin fyrir
þessa bók. Hana prýða líka ótal
margir kostir enda þótt hún sé
ekki með öllu laus við veikleika.
Guðmundur tekst vafningalaust
á við efni sitt. Sagan er skýr og ein-
fóld í uppbyggingu. Hér segir frá
Jóni Guðmundssyni, busa í MR,
fjölskyldu hans, vinum og stelpu
sem hann er skotinn í og svo líka
átökum hans við annan pilt og vini
hans. Sagan er sögð á lipran en
hófstilltan hátt og hún fer aldrei út
af sporinu ef svo mætti segja. Sögu
Jóns er fylgt útúrdúralaust enda
nægir hún til að halda athygli okk-
ar vakandi.
Einn helsti kostur bókarinnar
er hversu margar persónur sög-
unnar eru eftirminnilegar og vel
upp dregnar. Bæði á þetta við um
aðalpersónuna sem býr yfír
óvæntum hæfileikum og ýmsar
aukapersónur sögunnar, svo sem
Hreggvið menntaskólakennara,
andstæðing Jóns, Drauminn, og
fleiri. Nokkuð byggir Guðmundur
frásögn sína á samtölum sem eru
fjörleg og innihalda ýmsar hnittn-
ar glósur sem gera hana skemmti-
lega.
Það hefur löngum verið mæli-
kvarði á unglingabækur hversu vel
tekst til í þeim að takast á við
málefni unglingamenningarinnar.
Guðmundur leitast við að takast á
við þau. Víða drepur hann á ýmis
málefni sem tengjast unglingum í
texta sínum, svo sem unglinga-
drykkju, lærdóm og anorexíu, þótt
þau íþyngi textanum aldrei um of. Á
bak við umfjöllun þessara málefna
er vitaskuld fahnn siðferðislegm-
boðskapur sem ég held
að komist vel til skila.
Ef til vill hefði Guð-
mundur mátt fara
dýpra ofan í sumt sem
þama er á ferð. Það er
oft eins og hann rétt
tæpi á vandamálunum
eins og af skyldurækni.
Aðalveikleikar sög-
unnar eru þó að mínu
mati hversu lítið vægi
sú persóna, sem er þó
að mörgu leyti aflvaki
sögunnar, hefur í
henni. En það er
rauðhærða draumadís-
in sem verður kveikj-
an að því að Jón fer í
MR. I sögunni er hún fyrst og
fremst íjarlægt viðfang hugsana
Jóns og einhvern veginn tekst ekki
að klæða hana holdi og blóði. Á
sama hátt hefði Guðmundur mátt
eyða meira púðri í sögufléttuna
sem ekki er áberandi fyrirferðar-
mikil. Mjög margar prýðilegar sög-
ur hafa verið skrifaðar um svipað
efni og því þörf á mörgum frumleg-
um og óvæntum hugmyndum til að
bókin skeri sig úr. Slíkar hug-
myndir eru fyrir hendi í bók Guð-
mundur og gefa bókinni mikið
gildi. En þær hefðu að ósekju mátt
vera fleiri.
Langstærsti kostur bókarinnar
er þó lipur texti sem er hlaðinn
kímni sem kallar fram bros og hlát-
ur. Hún er fyrst og fremst
skemmtileg lesning og uppbyggi-
leg fyrir sálina. Hér er því á
ferðinni góð bók og ánægjuleg og í
flesta staði vönduð og víst að Guð-
mundur er vel að Islensku barna-
bókaverðlaununum kominn.
Skafti Þ. Halldórsson
Guðmundur
Olafsson
Hjá Heimsferðum
finnur þú
sérfræðinga
í sérhúpum
Hjá Heimsferðum starfar starfsfólk með áralanga reynslu af skipulagn-
ingu hópferða um allan heim. Hvort sem um er að ræða ráðstefnu, árs-
hátíðarhóp, skólahóp eða fyrirtækjaferð, þá getur þú treyst því að hjá
okkur fínnur þú hagkvæmustu leiðina.
Við nefnum hér nokkra af þeim áfangastöðum sem við höfum skipulagt
ferðir til, fyrir hópa, á síðustu árum.
Hafðu samband og við gerum þér tilboð í ferðina.
Acapulco
Austurríki
Bahamas
Barbados
Barcelona
Benidorm
Boston
Brasiiia
Cancun
Costa del Sol
Hawaii
Jamaica
Japan
Kanari
Kúba
London
Los Angeles
Madrid
Malasía
Mallorca
Mexico Clty
New York
Paris
Prag
San Franclsco
Singapore
Thailand
Austurstræti 17, 2. hæð ♦ sími 562 4600. www.heimsferdir.is