Morgunblaðið - 10.11.2000, Blaðsíða 32

32 FÖSTUDAGUR 10. NÓVEMBER 2000
MORGUNBLAÐIÐ
LISTIR
„Ekki eingöngu
Chopin“
PÓLSK tónlist á 19. öld verður
ílutt í Menningarmiðstöðinni
Gerðubergi á morgun, laugardag,
kl. 17.
Flytjendur: Mariola Kowalczyk,
mezzósópran, Elzbieta Kowalezyk,
píanó, Szymon Kuran, fiðla og
Jacek Tosik-Warszawiak, píanó.
Hversu vel þekkja Islendingar
pólska tónlist? Flestir þekkja tón-
listarsnillinginn Chopin en Pól-
veijar eiga mörg önnur þekkt tón-
skáld. Á tónleikunum 11.
nóvember verður fjölbreytt dag-
skrá þar sem stefnt er að því að
veita áheyrendum betri innsýn í
pólskt tónlistarlíf 19. aldar en þar
verða flutt verk eftir Wieniawski,
Oginski, Statkowski, Moniuszko,
Karlowicz, Zelenski og Noskowski.
Henryk Wieniawski var dáður
fiðlusnillingur og hefur verið spil-
aður á íslandi áður en pólonesur og
mazúrkar eftir Michal Kleofas Og-
inski og fallegir söngvar eftir Stan-
islaw Moniuszko, Zygmunt Nos-
kowski og Mieczyslaw Karlowicz
hafa sjaldan verið flutt hérlendis.
Þær systur Mariola Kowalczyk,
mezzósópransöngkona og Elzbieta
Kowalczyk píanóleikari flytja fyrri
hluta dagskrárinnar. Þær hafa ver-
ið búsettar á Islandi í nokkur ár en
eru báðar virtar tónlistarkonur í
sínu heimalandi og hefur Mariola
starfað við óperuhús í Kraká og
Systurnar Mariola Kowalczyk
mezzósópran og Elzbieta
Kowalczyk sem leikur á píanó.
Bytom og komið fram sem ein-
söngvari víða um heim. Szymon
Kuran, fiðluleikari og Jacek Tosik-
Warszawiak, píanóleikari sjá um
seinni hluta dagskrárinnar. Sá síð-
arnefndi hefur búið hér á landi síð-
an 1992 en haldið tónleika víða um
heim. Szymon Kuran þarf vart að
kynna enda einn ástsælasti fiðlu-
leikari þjóðarinnar.
Tónleikamir, sem eni í sam-
vinnu við Vináttufélag íslendinga
og Pólverja, eru haldnir þennan
dag til að halda upp á að 11. nóvem-
ber 1918 öðlaðist Pólland sjálf-
stæði á ný, en tónlistin átti stóran
þátt í því að viðhalda þjóðarvitund
Pólverja á 19. öld.
Sýning í Sparisjóði Garðabæjar
Afmælistón-
leikar á Egils-
stöðum
Á ÞESSU ári eru þrjátíu ár liðin frá
stofnun tónlistarskóla á Fljótsdals-
héraði, sem eftir sameiningu sveitar-
félaga heitir Austur-Hérað. I tilefni
þess verður óvenju mikið um tón-
leikahald á þessu skólaári undir heit-
inu Tónleikar á afmælisári.
Þeir fyrstu verða í Egilsstaða-
kirkju í kvöld, föstudagskvöld, kl. 20.
Þar munu nemendur með aðstoð
kennara flytja fjölbreytta tónlist frá
mismunandi tímabilum tónlistarsög-
unnar.
Aðgangur að öllum tónleikum
skólans er ókeypis.
Erlingur Jónsson með nokkur
verka sinna.
Trú og saga
SÝNING á nokkrum verkum Erl-
ings Jónssonar verður opnuð í sal
Víðistaðakirkju í Hafnarfirði á
morgun, laugardag, kl. 14. I
fréttatilkynningu segir: „Tilefni
sýningarinnar er 1000 ára afmæli
kristni á íslandi.
Erlingur Jónsson hefur verið
búsettur í Noregi undanfarin ár
og starfað hin síðustu ár sem
lektor við Háskólann í Ósló auk
þess að vinna að list sinni. Hann
er félagi í samtökum norskra
myndhöggvara og verk hans er
m.a. að finna við opinberar bygg-
ingar bæði hér heima og í Nor-
egi.“ Sýningin stendur til 22. nóv-
ember og er opin kl. 14-17 um
helgar en kl. 16-18.30 á virkum
dögum.
SÝNING á verkum Bubba (Guð-
bjöms Gunnarssonar) myndhöggv-
ara og Jóhanns G. Jóhannssonar
myndlistarmanns í Sparisjóðnum í
Garðabæ, Garðatorgi 1, verður opn-
uð á morgun, laugardag, kl. 13-15.
Bubbi er fæddur í Reykjavík 17.
apríl 1948. Hann útskrifaðist úr
Myndlista- og handíðaskóla Islands
1988, árin 1990-1993 var hann í námi
í The Nothingham Trent University
England, fine art BA (hons). Megin-
þema í verkum Bubba eru andstæð-
ur íslenskrar náttúru í deiglu tímans,
jarðlögin, eldur og ís, atvinna, saga
landnáms. Hann notar sem megin-
uppistöðu í verkum sínum efni eins
og járn, stein og timbur og reynir að
höfða til margbreytileikans sem býr í
íslenskri náttúra. Bubbi hefur haldið
nokkrar einkasýningar og tekið þátt
í samsýningum heima og erlendis, nú
síðast í Strandlengjunni 2000.
Jóhann er fæddur í Keflavík 22.
febrúar 1947. Hann útskrifaðist frá
Samvinnuskólanum að Bifröst í
Borgarfirði árið 1965. Jóhann gerð-
ist tónlistarmaður að atvinnu 1966
með stofnun hljómsveitarinnar Óð-
menn, sem söngvari og bassaleikari.
1971 hélt hann sína fyrstu mynd-
listarsýningu í Casa Nova M.R. og
upp frá því hefur hann unnið jöfnum
höndum að myndlist og tónlist. Jó-
hann hefur haldið yfir 20 einkasýn-
ingar og tekið þátt í nokkrum sam-
sýningum. I myndlistinni hafa
hughrif íslenskrar náttúru verið að-
alviðfangsefni hans undanfarin ár.
Sýningin verðui’ opin á afgreiðslu-
tíma Sparisjóðsins kl. 8.30-16 alla
virka daga til 21. desember.
Karlakór
Eyjafjarðar í
Ýdölum
SKEMMTUN Karlakórs Eyja-
fjarðar verður í Ýdölum annað
kvöld, laugardagskvöld, kl. 20.30.
Söngdagskráin er byggð upp á
lögum sem kórinn hefur flutt á síð-
ustu 2-3 árum. Fimn einsöngvarar
úr röðum kórfélaga koma fram,
þeir Bryngeir Kristinsson, Har-
aldur Hauksson, Snorri Snorrason,
Stefán Birgisson og Þorsteinn Jós-
epsson. Undirleikari verður Daníel
Þorsteinsson.
Starfandi kórfélagar era nú í
upphafi vetrar liðlega fjörutíu.
Fyrirhuguð er söngferð á Suður-
land næsta vor, og heimsóttir
verða tveir karlakórar, á Selfossi |
og í Ai’atungu. Þá er framtíðar- |
mark ferð til Danmerkur vorið
2002.
Stjórnandi kórsins er Björn
Leifsson og formaður Páll E. Jó-
hannsson.
------UH--------
Nýjar
geislaplötur
• ÚT er komin geislaplatan Sum-
arkvöld. Eiríkur Hreinn Helga-
son, baríton syngur.
Tónlistin á geislaplötunni er
mestmegnis íslensk einsöngslög. Á
plötunni er eitt erlent lag, fær-
eyska lagið Sumarkvöld við sæinn
sem diskurinn dregur nafn sitt af
en texti þess lags er þýðing texta-
skáldsins góðkunna, Gunnlaugs V.
Snævarr á færeyska textanum eft-
ir Chr. Matras. Þá er þess að geta
að einnig er að finna á diskinum
tvo dúetta sern Garðar Thor Cort-
es, tenór, syngur með Eiríki. Þá
eru á diskinum þrjú lög sem tekin
voru upp með karlakór sem var
skipaður atvinnusöngvurum og
vönum kórmönnum.
Upptökur fóru fram í Lang-
holtskirkju. Meðleikari var Bjarni
Jónatansson, píanóleikari, og Jón
Stefánsson, organisti stjórnaði
karlakórnum. Bjarni útsetti tvö af ;
lögunum sem sungin voru með
karlakórnum, Ætti ég hörpu og
Sumarkvöld í Færeyjum.
Utgefandi er Eiríkur Hreinn
Helgason. Skífan dreifir diskinum.
Morgunblaðið/Þorkell
Katrín Þorvaldsdóttir, sem gerði leikbrúðurnar, er hér ásamt leikend-
unum Erling Jóhannessyni, Gunnari Helgasyni og Björk Jakobsdóttur.
Jólaandakt í Hafnar-
fj ar ðarleikhúsinu
HAFN ARF JARÐ ARLEIKHÚ SIÐ
Hermóður og Háðvör, í samstarfi
við Fríkikjuna í Hafnarfírði frum-
Ilytur Jólaandakt nk. laugardag kl.
14. Andaktin hefst á því að tekið
verður á móti börnunum með falleg-
um söng sem þau öll geta tekið þátt í
og siðan verður spjallað við börnin
um jólaundirbúninginn. Þá verður
lagt út af jólaguðspjallinu í formi
sögustundar þar sem minnt verður á
boðskap jólanna og verður sú stund
skreytt fallegum myndum.
Hápunktur andaktinnar verður
svo þegar sögð verður, í máli og
myndum, og með brúðuleik hin sí-
gilda saga Litla stúlkan með eld-
spýturnar eftir H.C. Andersen.
Verður þar sérstök áhersla lögð á
afskiptaleysi manna. Ætlunin er að
eiga fallega og lágstemmda stund
með sem flestum börnum á aldrinum
3ja til 10 ára án þess að til jólasvein-
anna, Grýlu og jólakattarins komi.
Leikstjóri er Hilmar Jónsson.
Leikmyndahönnuður: Finnur Amar
Arnarsson. Brúðugerð: Katrín Þor-
valdsdóttir. Leikendur: Erling Jó-
hannesson, Gunnar Helgason og
Björk Jakobsdóttir. Prestur: Séra
Sigríður Kristín Helgadóttir.
Sýningar verða laugardaga og
sunnudaga til jóla og fyrir hópa eftir
samkomulagi á virkum dögum.
Tónleikar unglingakóra
í Dómkirkjunni
UNGLINGAKÓR Selfosskirkju og
Drengjakór Laugai-neskirkju munu
halda sameiginlega tónleika í Dóm-
kirkjunni í Reykjavík nk. sunnudag
kl. 17. Tónleikarnir eru liður í tón-
listardögum Dómkirkjunnar sem nú
standa yfír.
Unglingakór Selfosskirkju skipa
33 stúlkur á aldrinum 13-19 ára.
Kórinn hefur starfað frá árinu 1993
og er framhald af starfi Barnakórs
Selfosskirkju sem Glúmur Gylfason
organisti stofnaði árið 1988.
Margrét Bóasdóttir hefur verið
stjórnandi Unglingakórsins frá
haustinu 1997 og hefur hún m.a. lagt
sérstaka áherslu á raddþjálfun og
söngkennslu kórfélaga. Kórinn tek-
ur þátt í helgihaldi kirkjunnai' með
kórsöng, forsöng og einsöng við
messur og aðrar athafnir. Einnig
heldur hann sjálfstæða tónleika og
hefur farið í tónleikaferðir, bæði inn-
an lands og utan. Á síðasta starfsári
flutti kórinn Ceremony of Carols eft-
ir Benjamin Britten, tók þátt í jóla-
tónleikum Sinfóníuhljómsveitar Is-
lands og söng við jólaguðsþjónustu
Sjónvarpsins á aðfangadagskvöld.
Kórinn fór í tónleikaferð til Banda-
ríkjanna síðastliðið vor og söng m.a. í
boði Landafundanefndar í Washing-
ton og í höfuðstöðvum Sameinuðu
þjóðanna í New York. Einnig tók
hann þátt í Kristnihátíð á Þingvöll-
um í júlí, ásamt fjölmörgum barna-
og unglingakórum landsins. Kórinn
gaf út geisladiskinn „Söngur í Sel-
fosskh'kju“ fyrir síðustu jól.
Á efnisskrá kórsins nú era m.a.
verk fyrir kór og orgel eftir l’rvggva
Baldvinsson, Johannes Brahms og
Gabriel Fauré en einnig sálmalög og
útsetningar eftir Þorkel Sigur-
björnsson, Elínu Gunnlaugsdóttur
og Hjálmar H. Ragnarsson.
Drengjakór Laugarneskirkju er
10 ára um þessar mundir. Kórinn var
fonnlega stofnaður 6. október 1990
af Bandaríkjamanninum Ronald V.
Tumer sem þá var organisti Laugar-
neskirkju. Kórinn skipa í dag 35
drengir á aldrinum 7-14 ára auk
deildar eldri félaga sem skipa níu
ungir menn á aldrinum 16-22 ára.
Friðrik S. Kristinsson hefur verið
stjórnandi kórsins undanfarin sex ár
en auk hans hefur Björk Jónsdóttir
annast raddþjálfun. Kórinn tekur
þátt í helgihaldi kirkjunnar með því
að syngja við messur einu sinni í
mánuði og stundum við önnur tæki-
færi. Einnig heldur hann bæði jóla-
tónleika og vortónleika. Kórinn hef-
ur ferðast til Bandaríkjanna,
Skandinavíu, Englands og síðastliðið
sumar var farið til Austurríkis. Þar
tók kórinn þátt í mikilli tónlistarhá-
tíð og keppni.
Drengjakórinn hefur komið fram
við margvísleg önnm- tækifæri. Má
þar nefna að árið 1991 söng hann í
jólamessu biskups íslands í sjón-
varpinu og hjá Forseta íslands á
Bessastöðum. Þá söng kórinn á jóla-
tónleikum með Karlakór Reykjavík-
ur í Hallgrímskirkju 1995 og í beinni
útsendingu á Evi'óputónleikum Rík-
isútvarpsins í Hallgrímskirkju
haustið 1997, sem útvarpað var sam-
tímis til allra útvarpsstöðva í
Evrópu. Árið 1998 söng kórinn á
jólatónleikum Sinfóníuhljómsveitar
Islands í Háskólabíói. Haldið var
upp á 10 ára afmæli kórsins með
glæsilegum afmælistónleikum í
Langholtskirkju hinn 18. mars og
loks má geta þess að kórinn tók þátt í
viðhafnardagskrá kristnihátíðar-
nefndar á Þingvöllum hinn 1. júlí síð-
astliðinn.
Drengjakór Laugarneskirkju hef-
ur gefið út tvo geisladiska. Fyrri I
diskurinn sem ber nafnið „Drengja-
kór Laugarneskirkju" kom út haust-
ið 1994 en síðari diskurinn „Hvað vit-
ið þér fegra“ kom út fyrir jólin 1998.
Á tónleikunum nú mun kórinn flytja
undh' stjórn Friðriks S. Kristinsson-
ar lög eftir G. Fauré, Mozart, E. Elg-
ar, Þorkel Sigurbjörnsson og íleiri.
Píanóleikari með kórnum er sem
fyrr Peter Máté. Einsöngvari með
kórnum að þessu sinni er Tryggvi
Valdimarsson sópran.