Norðurljósið - 01.01.1983, Page 98

98
NORÐURLJÓSIÐ
vatn, að þann, sem drykki það, mundi ekki þyrsta aftur. Þyrst
vorum við líka mörg, því að heitur var dagurinn, og fengum að
drekka. Vatnið var hreint, tært og svalandi. Lítinn mun fann ég
á því og vatninu hér heima. Ekki er brunnur þessi smátt
mannvirki. Hann er 27 metra djúpur og rúmir 2 m. í þvermál.
Líka held ég, að nokkrir metrar séu niður að vatninu. Vatniðer
halað upp með vindu. Nokkur drykkjaríláteru í kringum hann.
Allir, sem vilja stansa til að borða, geta fengið vatn að drekka.
Eins er því farið með lifandi vatnið, sem Jesús býður:
„Hver, sem vill, hann komi og taki ókeypis lífsvatnið“. (Opinb.
bók 22. 17.)
Ekki eru allir jafnfúsir að taka á móti lífsvatninu, lífsins orði
Jesú Krists. Það fékk ég að reyna í þessari ferð. Eins og ég gat
um áður fórum við nokkuð snemma á morgnana í skoðunar-
ferðirnar. Komum við ekki heim í gistihúsið fyrr en ákvöldin.
Þurftum við þá að fá okkur að borða eða drekka á ýmsum veit-
ingastöðum, en nóg er af þeim. Þá var það stundum fyrir
dyrum úti, að ég reyndi að gefa smárit. Kom ég þá eitt sinn að
borði. Þar sátu þrír ungir menn. Bauð ég þeim þá rit. Einn
þeirra spurði mig, til hvers ég væri að gefa þessi rit? Sagði ég
honum, að það væri í þeim tilgangi, að menn færu að trúa á
Jesúm Krist. Virtist þá einn þeirra verða mjög æstur og
mótfallinn því, og reyndi að hindra það, að ég gæfi hinum ritin.
En einn þeirra, hinn yngsti, kom til mín á eftir og vildi þiggia
ritin. Þar að auki spurði hann, hvort hann mætti ekki bjóða mér
eitthvað, en ég var þá búinn að fá mér mat og drykk. Ritin voru
á ensku, og sum voru á máli líku hebresku.
Á þessum sama skoðunardegi komum við til Megiddó. Það
er staður, sem mikið kemur við sögu fortíðar og framtíðar. Þar,
á syðri hluta Jesreel-sléttunnar, lá vegurinn milli Egiftalands
og Mesópótamíu. Hún hefur því frá upphafi verið
hernaðarlega mikilvæg. Hún varð einhvern veginn táknmynd
styrjalda. Biblían segir, að þar muni síðasta úrslita orrustan
fara fram, síðasta heimsstyrjöld. „Og þeir söfnuðu þeim saman
á stað, sem á hebresku kallast Harmagedon“. (Opinb. bók 16-
16.)
Um 10 ára skeið hefur farið fram uppgröftur í Megiddo.
Ekki færri en 20 rústir hafa fundist. Þær elstu eru frá 4000 f-