BFÖ-blaðið - 01.04.1984, Blaðsíða 5

Forseti MHF - MOTOR-
FÖRARNAS HELNYKTER-
HEDSFORBUND - Henrik
Klackenberg ríkisráðs-
maður (t.h.) afhendir for-
seta B.F.Ö. Helga Hann-
essyni (t.v.) á Landsfundi
samtakanna í Landskrona
1973 ávísun fyrir fé því, er
félagsmenn MHF söfnuðu
til aðstoðar Vestmanna-
eyingum að upphæð
sænskarkr. 100.000.00.
Á miðri myndinni er Arne
Prytz, aðalræðismaður
Islands í Malmö.
samvinnu við það gaf BFÖ út 1964 merka bók,
varðandi akstur og umferð er heitir „maðurinn við
stýrið" eftir sænska rektorinn Áke Carnelid.
Er æskufólk virkt í starfi hjá BFÖ?
— Þessari spurningu er auðsvarað játandi. Það
hefur ávallt verið talsvert um það, að æskufólk
tæki virkan þátt í störfum samtakanna og á
sambandsþinginu 1979 var sérstök ungmenna-
deild stofnuð innan BFÖ nokkurskonar æskulýðs-
klúbbur fyrir ungt ökufólk, bifhjóla og bifreiða, þar
sem leiðbeint er um umferð og notkun slíkra
ökutækja og aukið öryggi. Ungmennadeildin
hefur efnt til „Góðaksturkeppni" á vélknúnum
hjólum, staðið fyrir ferðalögum o.fl.
Þá hefur verið leitasst við að veita ungmennum
fræðslu um skaðsemi vínnautnar og lögð á það
áhersla að hún á ekki samleið með umferðar-
menningu og öryggi.
Það eru náin tengsl milli BFÖ og Ábyrgðar hf.
— tryggingarfélags bindindismanna, erþað ekki?
— Jú, þau eru mjög náin og góð, enda má líta
á Ábyrgð hf., sem afkomanda BFÖ.
Hvernig þá?
— Eins og áður hefur komið fram er markmið
BFÖ meðal annars að vinna að aukinni bindindis-
semi meðal ökumanna, ásamt aukinni umferðar-
menningu og bættum hag bindindissamra öku-
manna, en þar eru tryggingamálin efst á baugi.
Þess vegna var eitt meðal fyrstu verkefna BFÖ
að leitast við að útvega félagsmönnum BFÖ
hagstæðari tryggingar fyrir ökutæki sín en verið
hafði.
í þessu augnamiði leitaði stjórn BFÖ til Ansvar
International Ltd. í Svíþjóð, er af mikilli hjálpfýsi
veitti okkur alla þá fyrirgreiðslu í máli þessu er að
gagni mátti koma. Ákveðið var að stofna umboðs-
félag Ansvars hér á landi í hlutafélagsformi og
hlaut það nafnið Ábyrgð hf.
Stofnfundur félagsins var haldinn 16. ágúst
1960. Fyrst í stað var starfsemi Ábyrgðar hf.
eingöngu miðuð við bifreiðatryggingar, og fyrsta
tryggingarskírteinið gefið út 14. mars 1961.
En fljótlega jók félagið starfsemi sína og hefur
nú á boðstólum aðrar fjölþættar tryggingar.
Sumar hverjar áður óþekktar hér á landi.
Þá innleiddi Ábyrgð hf. þegar ( upphafi ýmsar
nýjungar í bifreiðatryggingum, sem önnur trygg-
ingafélög hafa svo einnig tekið upp.
Vöxtur og viðgangur Ábyrgðar hf. hefur verið
nokkuð jafn og árleg aukning viðskiptavina. í lok
fyrsta starfsárs var tala tryggðra bifreiða hjá
félaginu 453, en í ár eru bílatryggingar 5.500 og
aðrar tryggingar 4.500.
Þegar til þess er litið að eingöngu bindindis-
menn geta fengið tryggingu hjá félaginu og
markaðurinn því takmarkaður er full ástæða fyrir
BFÖ að vera ánægt með þennan afkomanda sinn.
Árið 1982 var starfsemi Ábyrgðar hf. breytt
þannig að nú er félagið ekki lengur umboðsfélag
fyrir Ansvar, heldur íslenskt tryggingafélag bind-
indismanna.
Hvað viltu svo segja að lokum?
— Það segir sig sjálft að í viðtali eins og þessu
verður á engan hátt rakin saga BFÖ svo vel sé,
heldur stiklað á því helsta, er gefið gæti sem
gleggsta mynd af starfi samtakanna.
Ég vil svo í lokin leggja áherslu á það, að eins
og nú er komið áfengisneyslu þjóðarinnar er þess
knýjandi þörf að mönnum verði Ijóst að til þess að
sigrar vinnist í baráttunni gegn áfengisböli því er
nú flæðir yfir landið, þá þarf fyrst og fremst að
stórauka og treysta alla fyrirbyggjandi starfsemi í
þessum efnum. Bindindi verður ávallt númer eitt.
Það er góðra gjalda vert að gera tilraunir til þess
5