BFÖ-blaðið - 01.04.1984, Blaðsíða 7
„Forsetarnir fimm". Frá
vinstri: Gunnar, Brynjar,
Helgi, Sigurdur og Sveinn.
og árið 1979 voru þær orðnar 14, en það var fyrsta
árið sem við áttur samstarf við Dagblaðið
varðandi framkvæmd keppnanna. 1978 fór fyrsti
fulltrúi BFÖ út til að taka þátt í lokakeppni
sigurvegara keppnanna í Noregi og Svíþjóð.
Okkar fulltrúi var Einar Guðmundsson, síðar
framkvæmdastjóri BFÖ.
Mikill hluti starfsins þessi fjögur ár fór að
sjálfsögðu í mótun ökuleikniskeppnanna. Hins
vegar var einnig mikið gert til að hleypa lífi í deildir
og stofna nýjar. Við sáum t.d. í ökuleikniskeppn-
unum verkefni fyrir deildirnar. Einnig var reynt að
sinna deildunum á margvíslegan annan hátt.
Þetta starf bar nokkurn árangur með betra starfi
deilda og félagafjölgun.
Ég minnist mjög ánægjulegs verkefnis er
framkvæmt var sumarið 1976. Það var er við
fengum til okkar Svía er hélt námskeið í meðferð
vélhjóla á sex stöðum um landið, fyrir unglinga
15-16 ára. Framkvæmd námskeiðanna var í
samvinnu við skóla og lögreglu á stöðunum og
einnig aðstoðaði Umferðarráð okkur. Mér er
ógleymanlegur sá áhugi er velunnari BFÖ, Sigurð-
ur Ágústsson, sýndi námskeiðum þessum. Hann
leiðbeindi og hvatti í undirbúningnum og þegar að
framkvæmdinni kom fylgdist hann vel með og
gætti þess að ekkert færi úrskeiðis. Vélhjólanám-
skeið eru verkefni verðug þess að taka upp á
nýjan leik. Þar er þeim sinnt sem eru að hefja veru
sína á götunni í þeim frumskógi sem umferðin er.
Þar er virkilega hægt að vinna fyrirbyggjandi starf.
Margt væri hægt að minanst á, svona þegar litið
er með leiftri til baka til þessara fjögurra ára
minna sem forseta BFÖ. Ég læt þetta samt nægja,
enda er þessi greinarstúfur eflaust þegar farinn að
teygja á velvild ritstjóra, allavega hvað lengd
snertir.
Ég vil segja það að lokum að starfið fyrir BFÖ
hefur gefið mér mikið. Ég kynntist frumherjunum.
Sumir þeirra eru nú látnir, en allt voru það
óvenjulega hæfir menn. Helgi Hannesson er
líklega sá maður sem ég hef lært hvað mest af í
mínu félagsmálastarfi, enda óvanalega hæfur
félagsmálamaður og sterkur persónuleiki. Ég var
svo lánsamur að starfa með mjög samhentum
stjórnum. Allir voru fullir áhuga og tilbúnir til að
takast á við verkefnin. Við slik skilyrði hlýtur
einhver árangur að skila sér. Síðast en ekki síst
þá gáfu þessi ár mér góða vini, jafnt innlenda sem
erlenda og vinir eru ef til vill það sem er manninum
mest virði þegar upp er staðið.
Núverandi stjórn BFÖ: Aftari röð f. v.: Hákon H. Krist-
jónsson, Reynir Ingason, Ingvar Ágústsson og Kristinn
Breiðfjörð. Fremri röð f.v.: Elsa Haraldsdóttir, Brynjar
Valdimarsson, forseti og Sigurður R. Jónmundsson. Á
myndina vantar: Hauk Isfeld, Reyni Sveinsson, Jón S.
Halldórsson, Stefán Friðriksson og Björn Kristjánsson.
7