BFÖ-blaðið - 01.04.1984, Blaðsíða 35

aukaþægindi í GLE bílnum. í honum er aö finna
rafdrifnar rúöur og rafdrifnar læsingar. Þessa
aukahluti má einnig panta sér í GLT bílinn.
Mælaboröiö er mjög stílhreint og auðvelt fyrir
ökumann að lesa á þá. ( mælaborði er auk
hraöamælis, snúningshraðamælir, hitamælir og
klukka. Gjarnan hefði mátt vera smurþrýstimælir
og hleðslumælir í svo vönduðum bíl, en þar var
aðeins Ijós.
Báðir bílarnir voru með sambyggt útvarp og
kasettutæki frá Volvo tengd við 4 hátalara í
bílnum. Þessi tæki eru mjög nýtískuleg með
fljótandi kristal, sjálfvirkum leitara og 6 rása
stillanlegum stöðvum. Innbyggður kraftmagnari
gerði það af verkum að FM þylgjan var mjög tær
og stöðug, auk þess sem hljómgæði jukust
verulega.
GLT bíllinn er svokölluð Hatchback gerð og er
þá skottið og farþegarýmið samtengt. Þetta
auðveldar alla flutninga því hægt er að leggja
aftursætið niður og framsætið farþegamegin og er
þá mjög rúmgott plass til hvers konar vöruflutn-
inga.
GLE bíllinn er hinsvegar svo kölluð sedan gerð.
Hann hefur lengra skott en GLT bíllinn og er það
ekki opnanlegt inn í farþegarýmið. Það er þó mjög
rúmgott og tekur 362 lítra. Því er hægt að opna
miðju baksins í afturstætinu og stinga þar inn
löngum mjóum hlutum sem flytja þarf.
í bæjarakstri eru báðir bílarnir mjög liprir og
hafa ekki nema 4.20 metra beygjuradíus, sem
þykir vist mjög gott. Hópurinn reyndi bílana í
þrautaakstri ekki ósvipuðum Ökuleikni og va
hópurinn sammála því að þar fengi hann góða
'dóma fyrir lipurð og gott útsýni út um alla glugga.
Vegna þess að gírkassinn er við afturhásingu, er
bíllinn ekki eins léttur að aftan og aðrir sem eru
svipaðir að gerð. þetta gerir bílinn stöðugri í akstri
úti á vegi og gerir það að verkum að bíllinn dansar
ekki með afturendann.
Eins og margir bílar í dag er Volvo 360 bíllinn
með sérstök Ijós til notkunar á hraðbrautum í
lélegu skyggni og þoku. Þessi Ijós eru annars
vegar sérstakir kastarar innbyggðir í „spoiler"
undir stuðara að framan og skær rauð Ijós að
aftan.
Miðstöðvarkerfið er mjög gott. Sterkur blásari
og gott loftræstikerfi eykur mjög vellíðan ökumanns
og farþega og ef fólk vill er hægt að skipta um loft
inni í bílnum þrisvar á mínútu. í ökumannssætinu
er innbyggður rafmagnshitari sem fer sjálfkrafa í
gang þegar bíllinn er settur kaldur í gang.
Ökumannssætið er því heitt fljótlega eftir gang-
setningu og er það til að auka vellíðan.
Eins og fyrr sagði þá var bílunum ekið eftir
hraðbrautum Hollands, Þýskalands og til Vínar í
Austurríki, og afturtil baka til Hollands. Og eftirað
hafa ekið samtals 6000 km á báðum bílunum voru
allir í hópnum sammála því að vart fengjust
þægilegri bílar í akstri á svo langri leið. Þegar
hópurinn kom aftur á Schipool flugvöll í Amster-
dam, voru bílarnir skildir þar eftir og umboðsmenn
Volvo í Amsterdam komu og sóttu þá.
Einar Guðmundsson
Volvo 360 GLE. Glæsilegur bíll.
35