BFÖ-blaðið - 01.04.1984, Blaðsíða 24

Fornbílaklúbburinn í Hóp-
ferð 1982 staddur í Borg-
arnesi.
geymdur. Þá er starfandi innan klúbbsins Ijós-
myndanefnd, sem annast söfnun og skráningu
Ijósmynda og kvikmynda, er tengjast sögu bílsins
og klúbbsins á íslandi. Hefur einn félagi klúbbsins
veriö sérstaklega ötull við aö safna gömlum
myndum og afla fróðleiks um fyrstu áratugi
bílaaldar á íslandi. Auk fyrrnefndra nefnda eru
starfandi varahlutanefnd, ritnefnd, flakanefnd og
tollanefnd.
Rit klúbbsins, Fornbíllinn, hefur komið nokkrum
sinnum út, en fyrirhuguð er reglulegri útgáfa þess.
SÝNINGAR
Fyrsta sýning klúbbsins á fornbílum var haldin
17. júní 1977 í porti Austurbæjarskólans og vakti
mikla athygli. 20. júní 1979 voru liðin 75 ár frá
komu fyrsta bílsins til landsins. Upp á það afmæli
hélt klúbburinn með veglegri sýningu í Laugar-
dalshöll. Fyrirhugað er að efna til sýningar í tilefni
80 ára afmælis bílsins í aprílmánuði í samvinnu
við Bílgreinasambandið.
17. JÚNÍ
Það hefur verið fastur liður í starfsemi klúbbsins
að taka þátt í hátíðarhöldunum á þjóðhátíðardag-
inn með hópakstri fornbíla. Árin 1978, 1980 og
1983 og var háð akstursþrautakeppni með léttu
ívafi á Melavelli í samvinnu við Bindindisfélag
ökumanna. Mikill fjöldi fornbíla hefur jafnan tekið
þátt í þessum þjóðhátíðarakstri og árið 1983 voru
rúmlega 40 bílar frá árgerðum 1923 til 1966 sem
óku um bæinn og í kring um tjörnina í Reykjavík.
BÓKIN BÍLAR Á ÍSLANDI
í MYNDUM OG MÁL11904-1922
Fornbílaklúbburinn hefur eignast mikið og gott
safn mynda af gömlum bílum, sem einn af
stofnendum klúbbsins, Bjarni Einarsson, er upp-
hafsmaður að. Hann hefur alla tíð safnað efni að
safninu af mikilli elju og ósérhlífni og er nú safnið
orðið frábært að heimildargildi um íslenska
bifreiðasögu fyrr og nú.
Stjórn klúbbsins fannst full ástæða til að gefa
alþjóð kost á að kynna sér þessar myndir ásamt
sögu þeirra og því varð að ráði á útmánuðum
1983 að klúbburinn gekk til samvinnu við Bóka-
útgáfuna Örn og Örlyg, þannig að klúbburinn lagði
til efni í bók um bíla, sem bókaútgáfan gæfi út.
Einn klúbbfélaginn, Kristinn Snæland, réðst til
að rannsaka samtíðarheimildir og rita meginmál-
ið. Kom bókin síðan út um mánaðarmót nóvem-
ber/desember s.l. og gekk sala hennar allvel fyrir
síðustu jól, enda er hér um að ræða kjörgrip allra
bílaáhugamanna.
Fyrirhugað er að gefa út fleiri bækur um sama
efni, er spanna tímabilið allt til vorra daga.
FÉLAGSMENN
Allir þeir, sem eru eigendur gamalla vélknúinna
ökutækja, 15 ára og eldri eiga rétt á að verða
félagsmenn. Aldur ökutækis skal þó vera minnst
20 ár til þess að það falli undir skilgreininguna
fornbíll og minnst 40 ár til að um antikbíl sé að
ræða, enda sé bíllinn sem mest í upprunalegri
mynd.
Áhugamenn um gamla bíla geta einnig gerst
félagsmenn, þótt þeir eigi ekki fornbíl. Nú eru
skráðir í klúbbinn um 300 íélagar.
STJÓRNARMENN
Stjórn klúbbsins skipa 7 menn:
Jóhann E. Björnsson, formaður
Helgi Magnússon, ritari
Eyjólfur Brynjólfsson, gjaldkeri
Bjarni Einarsson
Gunnar Þórisson
Kristján Jónsson
Þorsteinn Baldursson
Þrír þeir fyrst töldu skipa framkvæmdaráð
klúbbsins.
24