Tölvumál - 01.04.1991, Blaðsíða 4
Apríl 1991
Frá formanni
Halldór Kristjánsson, formaður SÍ
Bitnar glíma tölvurisa
á notendum?
Nú á sér stað sérkennileg glíma
fyrir dómstólum í Bandaríkjunum
á milli tveggja risa á tölvusviði,
Apple og Microsoft. Málið snýst
um hvort Microsoft hafí við smíði
Windows notað eiginleika sem
Appletelur sig eiga höfundarrétt
á. Er talið að Microsoftkunni að
neyðast til að breyta Windows
falli dómur Apple í hag og/eða
greiða Apple leyfisgjöld.
Æ fleiri notendur DOS tölva
taka Windowskerfið í notkun og
kynnast því þægilega og auðlærða
umhverfi sem Macintosh not-
endur hafa þekkt síðan 1984.
Umhverfi sem eykur afköst og
styttir þann tíma sem þarf til að
tileinka sér tölvutækni. Annað
sem notendur vinna við það að
sambærilegt umhverfi er nú á
DOS tölvum og Macintosh (og
UNIX einnig sbr. Motif) er að
ásýnd forrita er eins, óháð því á
hvaðatölvuþauerukeyrð. Not-
endur læra því á ákveðin forrit í
stað þess að áður var þekkingin
bundin ákveðnum tölvugerðum
(Macintosh eða DOS tölvum).
Það eru því miklir hagsmunir
tölvunotenda að þessi glíma tölvu-
risanna um peninga bitni ekki á
þeirri framþróun sem átt hefur
sér stað á liðnum árum.
Því miður bendir margt til að
þetta mál verði ekki einsdæmi ef
markamá grein f 2. tölublaði 16.
árgangs Tölvumála um einkaleyfi
í hugbúnaði. Þar kemur fram að
illmögulegt kann að verða að
smíða nýjan hugbúnað á næstu
árum vegna einkaleyfa á ýmsum
aðferðum við hugbúnaðargerð.
Við þessu verður að sporna!
Flýja íslensk hugbún-
aðarfyrirtæki land?
Framámaður í stóru íslensku
hugbúnaðarfyrirtæki sagðist hafa
kannað svokölluð tæknisvæði í
Belgíu en þau munu vera tíu
talsins.
Að hans sögn geta fyrirtæki fengið
að setja starfsemi sína þar niður
að uppfylltum ákveðnum skil-
yrðum og eru þá undanþegin
sköttum og skyldum í tfu ár.
Taldi hann þetta mjög vænlegan
kost fyrir íslensk hugbúnaðar-
fyrirtæki sem nú eiga á brattan
að sækja vegna sívaxandi sam-
keppni við erlend hugbúnaðarhús.
En hvers vegna fara til Belgíu?
Er ekki hægt að setja upp svona
tæknisvæði hér á landi til þess að
auðvelda íslenskum tæknifyrir-
tækjum að sækja fram á erlendum
mörkuðum og styrkja sig í sam-
keppninni innanlands?
Því miður bendir allt til þess að
slíkt muni ekki verða á næstunni
því svipaðar hugmyndir hafa
margoft komið fram hér á landi
áður án þess að nokkuð hafi
verið gert til að hrinda þeim í
framkvæmd.
Verður kannski niðurstaðan sú
að íslensk stjórnvöld, sem vilja
margt gera til að auðvelda
erlendum fyrirtækjum að ná
fótfestu hér, muni hrekja íslensk
fyrirtæki til útlanda vegna
áhugaleysis á stuðningi við þau?
Það er víst enginn spámaður í
eigin föðurlandi - en verður það
kannski í Belgíu!
Enn af meintri
óleyfilegri afritun
hugbúnaðar
ítrekað hefúr komið fram hjá
tölvusölum að ekki seljast nema
örfáir hugbúnaðarpakkar miðað
við þann mikla Qölda tölva sem
seldur er. Auðvelt er að mæla
þetta þegar stórir aðilar (og smáir)
kaupa í gegnum sérsamninga sem
nú hafa tíðkast um skeið. Þetta
þarf þó ekki að þýða að óleyfileg
afritun hugbúnaðar eigi sér stað
í stórum stíl þó óneitanlega vakni
grunur þar um.
Vera kann að hugbúnaðurinn sé
keyptur utan sérsamninganna, sé
pantaður erlendis frá, að notaður
sé eingöngu sérsmíðaður hug-
búnaður eða þá að tölvurnar séu
notaðar sem stöðutákn og þurfi
því engan hugbúnað!
Þetta leiðir hugann að könnun
sem gerð var á liðnu ári í Bredandi
þar sem fram kom að einmenn-
ingstölvunotendur innan fyrir-
tækja notuðu að jafnaði 2,5
hugbúnaðarpakka hver. Sölutölur
sýna á hinn bóginn að aðeins
einn hugbúnaðarpakki seldist að
meðaltali f Bretlandi fyrir hverja
selda tölvu árið 1989.
Var það mat þeirra sem þessa
könnun unnu að þetta benti til
þess að stórfelldur þjófnaður, í
formi afritunar á hugbúnaði, ætti
sér stað þar í landi og að breskur
tölvuiðnaður tapaði miklum fjár-
hæðum árlega vegna þessa.
Athyglisvert væri að gera sam-
bærilega könnun hér á landi til
þess að kanna hvort fullyrðingar
um víðtæka, óleyfilega, afritun
hugbúnaðar hér á landi eigi við
rök að styðjast.
4 - Tölvumál