Tölvumál - 01.02.1992, Blaðsíða 17
Febrúar 1992
hjá notendunum sjálfum. Þetta
kerfi uppfyllir þær kröfur sem
gerðar voru hér að framan þ.e.
það eru margir sem geta haft
aðgang að mænunni, hún býður
meiri hraða en Gagnanetið og
hefur að auki mikinn
sveigjanleika.
I upphafi er gert ráð fyrir að
hraðinn á mænunni sjálfri þ.e. á
milli símstöðva verði 2Mbit/sek
en hraðinn á leggjunum út til
notenda geti verið 64k til 2Mbit/
sek.
Þannig má takmarka
umferö inn á
staðarnet við útibú
0 fyrirtækis eða
viðskiptavini þó
mæna Pósts og síma
sé notuð
Uppbygging netsins verður í
fyrstu með aðaltengipunkta í
símstöðvum í Landssímahúsi,
Múlastöð, Rauðarárstíg, Arbæ,
Hvolsvelli og Akureyri. Þaðeru
fleiri en ein leið til sumra staða,
t.d. á milli Landssfmahúss og
Múlastöðvar. Það er gert til
þess að auka rekstraröryggi
kerfisins. Auk þess að vera
varaleiðir þá gefur þetta einnig
möguleika á að stýra umferð inn
á mismunandi leiðir eftir álagi.
Mænan verður sett upp til að
byrja með eins og mynd 2 sýnir,
en varaleiðum verður bætt inn
þegar fram líða stundir auk þess
sem settar verða upp nýjar
tengingar í símstöðvum eftir því
sem þörf er á bæði á stór-
Reykjavíkursvæðinu og einnig
úti á landsbyggðinni.
Ef notkunin verður mikil og
álagið á mænunni fer að valda
töfum þá er eins og áður er nefnt
hægt að bæta inn fleiri 2 Mbita
leiðum eða að auka hraðann á
mænunni að hluta eða á henni
allri til þess að fá meiri afköst.
Beinarnir sem notaðir eru á
mænunni eru frá Bandaríska
fyrirtækinu Cisco. Beinar af
AGS+ gerð verða í símstöðv-
unum en afkastaminni beinar hjá
notendum.
I upphafi verður boðið upp á
tvær tegundir tengiskila fyrir
staðarnet hjá notendum þ.e.
- Ethernet
- Token Ring
(4 og 16 Mbit/sek)
Ethernet og Token Ring eru lang-
algengustu staðarnetin á Islandi
og ættu því flest staðarnet í
landinu að geta tengst mænunni.
Helstu samskiptareglur sem
boðin verður beining á eru:
- TCP/IP
(Transport Control
Protocol/Internet Protocol)
- IPX (Internetwork Packet
Exchange)
- DEC-net
- SDLC Transport
Staðarnetin eru
yfirleitt á hraðanum
4-16 Mbit/sek
en það er ekki boðið
upp á meira en
64 kbit/sek í
Gagnanetinu
TCP/IP hefur til skamms tíma
mest verið notað við samteng-
ingar á stærri tölvum en notkun
þess í einkatölvuheiminum hefur
aukist mjög og sérstaklega á þeim
stöðum þar sem um er að ræða
Ákveðið var að
byggja upp mænu
með beinum sem
tengjast saman með
núverandi
fjölsímakerfi
net sem eru sambland af einka-
tölvum og stærri vélum.
IPX frá NOVELL eru útbreidd-
ustu samskiptareglur á staðar-
netum í dag og því þekktastar af
þessum reglum.
DEC-net eru samskiptareglur frá
Digital og eru allnokkuð notaðar
í DEC umhverfi. í dag er notuð
útgáfa sem heitir fasi IV en von er
á breytingu yfir í fasa V og er það
stefnan að bjóða upp á fasa V
þegar þar að kemur. SDLC
Transport er lausn Cisco á því
hvernig SDLC skjátengingar frá
IBM eru tengdar yfir mænuna.
Auk þess verður boðið upp á
Token Ring brúun fyrir SNA eða
Netbios (Source Route Bridging).
Það verður þó væntanlega ekki í
fyrstu en ætti að verða mögulegt
fljótlega.
Netstjórnun verður í höndum
Pósts og síma og hefur síminn
eftirlit með netinu allan sólar-
hringinn allt árið urn kring sem á
að tryggja rekstraröryggi þess.
Við netstjórnun er notað SNMP
(Simple Network Management
Protocol) sem er netstjórnunar-
kerfi sem keyrir á TCP/IP.
Til þess að tryggja að
óviðkomandi aðilar komist ekki
17 - Tölvumál