Tölvumál - 01.03.1998, Blaðsíða 6

TÖLVUMÁL

félagsins þannig að hann geti beitt
sér að eiginlegum verkefnum fé-
lagsstarfseminnar og þurfi ekki að
vera að fást við bókhalds- og inn-
heimtustörf.
Erlent samstarf
Erlent samstarf var lítið á liðnu
ári en var þó vaxandi. I September
1996 sótti formaður fund NDU til
Helsinki. A þeim fundi kom fram
að eini raunhæfi mögulegi sam-
starfgrundvöllur skýrslutæknifé-
laga á Norðurlöndum er einhvers-
konar samvinna á evrópska vísu. I
framhaldi af því var ákeðið að SI
sækti um aðild að CEPIS - Evrópu-
samtökum Skýrslutækinfélaga. Öll
systurfélög okkar á Norðurlöndum
eru í þeim samtökum.
Það var í upphafi starfsárs nú-
verandi stjórnar að samþykkt var
formlega að félagið gerðist aðili
að CEPIS. Formaður sótti stjórn-
arfund CEPIS í byrjun maí alla
leið til Kraká í Póllandi og vara-
formaður sótti fund til Stokk-
hólms í september.
Eins og áður hefur komið fram
í ræðum mínum og greinun þarf
samstarf að hafa einhvern tilgang
og þjóna einhverjum hagsmunum.
Ef þessir þættir eru ekki til saðar á
ekki að vera með samstarf því þá
er það tíma- og peningaeyðsla. Við
höfum ákveðið að á sviði sam-
starfs við erlend systurfélög að
einbeita okkur að starfi að sameig-
inlegum hagsmunum Skýrslu-
tæknifélagsins og systurfélaganna
í Evrópu og reyna eftir fremsta
megni að læra af reynslu þeirra.
Mér er engin launung á því að
ég bind miklar vonir við samstarf-
ið innan CEPIS þrátt fyrir að stað-
setning stjórnarfundar á jafn af-
skekktum stað og Kraká í Póllandi
beri ekki vott um aðhald og ráð-
deildarsemi. Ég vona að komandi
stjórnir félagsins verði stöðugt á
verði um gildi samstarfs - meti af
kostgæfni kosti þess og galla.
Útgáfumál
Það voru þeir Douglas og Gísli
Ragnarsson ritstjóri Tölvumála
sem tóku að sér endurskoða út-
gáfumál félagsins. Ástæður þess-
arar endurskoðunar voru aðallega
tvær: annarsvegar var það sú stað-
reynd að verulegt tap hafði verið
á útgáfu tölvumála og hinsvegar
tilkoma nýs semí-íslensks tíma-
rits um upplýsingatækni. Að
mínu mati hafa Tölvumál verið
ein af kjölfestunum í starfi félags-
ins og því nokkuð alvarlegt mál á
ferðinni að gera verulegan upp-
skurð á útgáfunni eða jafnvel
hætta henni alveg.
Eftir nokkrar vangaveltur var
loks ákveðið að gera könnun á við-
horfi félagsmanna til Tölvumála
sem og til allrar starfsemi félags-
ins. Von er á niðurstöðum innan
nokkurra daga. Það verður spenn-
andi að sjá hverjar niðurstöðurnar
verða en það mun að sjálfsögðu
koma í hlut nýrrar stjórnar að
draga ályktanir af niðurstöðunun-
um og ákveða hvað gera skuli.
Internet
Segja má að útlit félagsins á
Internetinu hafi verið félaginu til
vansa og var því ákveðið að gera
bragarbót í þeirn málum og ljúka því
starfi sem þegar var hafið. Það voru
þau Eggert, Laufey og Svaný sem
tóku að sér að sjá um endurskoðun
þessara mál. Verkinu lauk um mitt
sumar með því að opnuð var ný
heimasíða félagsins sem er allt önn-
ur og meira í takt við nútímann.
Við verkið nutum við góðrar
aðstoðar Skýrr hf. sem gaf bæði
vinnu við hönnun og uppsetn-
ingu. Þá hefur Skýrr hf. nú nýlega
sent félaginu gjafabréf þar sem fyr-
irtækið býður að vista heimasíður
félagsins því að kostnaðarlausu.
Ég vil fyrir hönd félagsins nota
þetta tækifæri til að þakka Skýrr
hf. fyrir þetta frábæra framlag.
Áherslurnar
Eins og áður sagði var það al-
mennur ásetningur okkar að leggja
enn frekari áherslu á sýnileika fé-
lagsins og varpa þannig ljósi á það
mikla starf sem fer fram á vegum
þess. Ég tel að vel hafi til tekist því
umræða um félagið og kynning á
störfum þess hefur aldrei verið
meiri en á liðnu ári. Það að gera
fjölmiðlatengsl að sérstöku við-
fangsefni við ráðstefnu og funda-
hald hefur skilað miklum árangri.
Okkur ber að halda lengra á
þessari braut og halda svo lengi
áfram sem okkur sýnist við vera
að gefa raunsanna mynd af starfi
okkar. Það er enginn vafi á því að
hófleg og góð umræða um starfið
skilar okkur miklu hvað varðar
ímynd og ánægju félagsmanna
með félagið.
Almenna starfið
Ráðstefnu- og fundahald hefur
verið með miklum blóma. Alls
voru fundir og ráðstefnur félagsins
8 á árinu. Haldnir voru 2 hádegis-
verðarfundir og 6 ráðstefnur. I sam-
anburði við árið áður fækkaði há-
degisverðarfundum úr 6 í 2 en ráð-
stefnum fjölgaði úr 5 í 6. Aðsókn
verður að teljast hafa verið góð - að
meðaltali komu hvorki fleiri né
færri en 96 á þessa viðburði eða í
heildina 767. Þrátt fyrir að heildar-
fjöldi þátttakenda sé lítið eitt
minni en árið áður, sem var metár,
þá var meðalþátttakan meiri.
Þegar á heildina er litið getum
við verið nokkuð ánægð með ofan-
talið en þó er það vissulega ekki
alveg í takt við þá stefnu okkar að
fjalla um dægurmál á hádegisverð-
arfundum að fækka þeim úr 6 í 2.
Alls voru það 32 fyrirlesarar
innlendir og erlendir sem héldu
framsögu á ráðstefnum og fund-
um. Þar af voru 10 erlendir fyrir-
lesarar og hafa þeir aldrei verið
fleiri. Eins og okkur sem hér eru
samankomin er ljóst þá var fram-
lag þessara erlendu fýrirlesara æði
misjafnt. Það er vissulega nauð-
synlegt að fá sem allra hæfasta fólk
til að hafa framsögu á ráðstefnum
og fundum en það verður að vanda
til valsins. Ég tel að sá tími sé lið-
inn að erlendir fyrirlesarar tryggi
bæði gæðin og aðsóknina.
6 - MARS 1998