Tölvumál - 01.03.1998, Qupperneq 15

TOLVUMAL
Undirbúningur og vinna við
Evrópuverkefni
Nýir möguleikar til fjár-
mögnunar þróunarverkefna
Á undanförnum árum hefur
það færst í vöxt að íslensk fyrir-
tæki leiti eftir þátttöku í
„Evrópuverkefnum“, þ.e. verk-
efnum styrktum af ESB, með það
fyrir augum að fjármagna stærri
rannsóknar- og þróunarverkefni,
enda skortir töluvert á að inn-
lendir sjóðir hafi bolmagn til að
styrkja að fullu slík verkefni. Inn-
lendir styrkir nýtast þó vel til for-
kannana, frumvinnslu, og til þess
að undirbúa Evrópuverkefni.
Þróunarfélag Vestmannaeyja er
nú verkefnisstjóri Information
Technology for Food Production
(IT FOR FOOD) verkefnisins.
Verkefnið er tækniyfirfærsluverk-
efni styrkt af ESB og miðar að því
að innfæra upplýsingatækni í
matvælaframleiðslu, með sér-
stakri áherslu á fiskvinnslu. Þátt-
takendur verkefnisins eru auk
Þróunarfélags Vestmannaeyja (IS),
Hólmadrangur (IS), ísfélag Vest-
mannaeyja (IS), Nord Morue (F),
Royal Greenland (DK), SINTEF
(N), Sæunn Axels (IS), Tæknival
(IS), og Vinnslustöðin (IS).
Auk þess að stýra verkefninu
sá Þróunarfélag Vestmannaeyja
um undirbúning verkefnisins,
umókn til ESB, og samningagerð
eftir að verkefnið var samþykkt.
Hér að neðan verður reynt að
miðla nokkru af reynslu félagsins
af þessari vinnu með það fyrir
augum að hún nýtist aðilurn sem
hyggjast leita á sömu mið. Þróun-
arfélag Vestmannaeyja mun
einnig aðstoða aðila sem til þess
leita við vinnu af þessu tagi.
tir Dr. Biarka A. Brvniarsson
Skilgreining verkefnis og
val samstarfsaðila
Góður unirbúningur er lykill-
inn að góðri umsókn og að vel
heppnuðu verkefni. Mikilvægt er
að skilgreina verkefnið ítarlega
strax í byrjun og þannig gera sér
grein fyrir umfangi þess, hvaða
aðila skuli leitað til um samstarf
og hvaða deildar innan ESB skuli
leitað til. Á þessu stigi er gott að
ráðfæra sig við Kynningarmiðstöð
EvrópuRannsókna (KER), en
tengiliðir KER geta m.a. veitt upp-
lýsingar um mikilvæg atriði sem
ekki lúta beint að tæknilegum at-
riðum umsóknarinnar t.d. hversu
miklu fé eigi eftir að úthluta inn-
an ákveðinnar deildar, hvaða
lönd hafa fengið marga styrki,
hver eru áhersluatriði deilda,
m.ö.o. hvar er líklegast að við-
komandi verkefni fái jákvæða af-
greiðslu.
Við val á samstarfaðilum er
auðvitað höfuðatriði að markmið
verkefnisins náist. Hinsvegar
verður einnig að hafa í huga að
við mat á umsókninni eru gerðar
kröfur um að verkefnið hafi nægi-
lega evrópska vídd (nægilega
mörg lönd og „réttu“ löndin) og
að takmörk geta verið sett á stærð
fýrirtækja í tilteknum deildum.
Einnig ber að huga að því hvort
þátttökuaðilar séu í beinni inn-
byrðis samkeppni, en slíkt getur
auðvitað hindrað framgang verk-
efnisins. Stórir verkefnahópar
krefjast meiri vinnu við verkefn-
isstjórn en minni og oft á tíðum er
mikil vinna að tryggja að þátt-
tökuaðilar skili þeirri vinnu sem
til er ætlast. Þetta á sérstaklega
við þegar hagsmunir þátttökuað-
ila eru ekki nægjanlegir.
Umsóknarferliö
Vinna við gerð umsóknar tek-
ur venjulega nokkra mánuði og er
oftast unnin af þeim aðila sem
síðar verður verkefnisstjórinn. í
henni felst að sækja upplýsinga-
pakka frá þeirri deild ESB sem
sækja á í, afla upplýsinga frá þátt-
tökuaðilum og ritun umsóknar-
innar.
I upplýsingapakkanum er ná-
kvæmlega skilgreint hvaða upp-
lýsingar skuli koma fram í um-
ókninni. Umsóknirnar eru gjarn-
an í tveimur meginhlutum, ann-
ars vegar eyðublöð þar sem fram
koma upplýsingar um þátttakend-
ur og fjármálahlið verkefnisins,
hins vegar lýsing verkefnisins.
Lýsing verkefnisins inniheldur
venjulega eftirfarandi kafla (eða
sambærilega): Samantekt; Mark-
mið, nýbreytni og niðurstöður;
Evrópsk vídd; Verkáætlun; Verk-
efnisstjórn; Þátttakendur. Mikil-
vægt er að samantektin sé hnit-
miðuð og vel orðuð, enda er hún
það sem matsmenn lesa fyrst og
mynda sér gjarnan skoðun á verk-
efninu strax í upphafi. Helst vefst
fyrir tæknifólki að vinna kaflana
um markmið, nýbreytni og evr-
ópska vídd, en þessir kaflar þurfa
að sýna fram á að verkefnið sé í
samræmi við stefnu ESB á því
sviði sem sótt er um.
Gott er að fá nokkra aðila til að
lesa umsóknina yfir, helst aðila
með reynslu af umsóknarvinnu.
Þess ber þó að gæta að það getur
verið nokkuð tímafrekt fýrir við-
MARS 1998 - 1 5