Bókasafnið - 01.03.1982, Side 37

Um Þjónustumiðstöð —
Framhald af bls. 14
samvinnu við innlenda og erlenda aðila og
fyrirtæki, m.a. þjónustumiðstöðvar annars
staðar á Norðurlöndum. Hingað hafa komið
fulltrúar frá þessum fyrirtækjum, Jan
Gumpert, forstjóri Bibliotekstjánst í Sví-
þjóð, og nú fyrir skömmu kom Villy Rolst,
fulltrúi frá Bibliotekscentralen í Danmörku.
Er sagt frá heimsókn hans á öðrum stað í
blaðinu.
Mjög náin og góð samvinna hefur verið
milli ÞB og skrifstofu bókafulltrúa. ÞB er
stjórnað af fimm manna stjóm. Bókavarða-
félag íslands og Félag bókasafnsfræðinga
skiptast á í yfirstjórn stofnunarinnar. Þrír
starfsmenn eru nú starfandi (2 stöðugildi) í
ÞB. Starfsemin er löngu vaxin upp úr því
húsnæði, sem hún hefur nú og verið er að
leita að öðru hentugra.
Um framtíð ÞB er það að segja, að gert er
ráð fyrir af eigendum hennar, að hún verði
hluti af Námsgagnastofnun ríkisins og haldi
áfram að þjóna öllum tegundum safna. í
lögum um Námsgagnastofnun er heimildar-
ákvæði um að stofnunin taki að sér að ann-
ast alhliða bókasafnsþjónustu við skóla og
almenningsbókasöfn. Vonast er til, að ÞB
flytjist í Víðishús innan fárra ára og verði
þar sá máttarstólpi, sem íslensk bókasöfn
þarfnast.
Heimildir:
Hrafn Harðarson: Hlutverk þjónustumiðstöðva
bókasafna. Sveitarstjórnarmál 39. árg., 1. tbl. 1979,
s. 17—20.
Jón Sævar Baldvinsson: Þjónustumiðstöð bókasafna.
Sveitarstjórnarmál 39. árg., 1. tbl. 1979, s. 16.
Kristín H. Pétursdóttir: Fréttir frá höfuðstöðvum
„stóru skrár“ og spjaldaframleiðslu FB fyrir ís-
lenska útgáfu 1944—1973. Fregnir 1. árg., 1. tbl.
1976, s. 9—10.
Kristín H. Pétursdóttir: Fæðing í kommóðu. Tíminn
62. árg., 12. nóv. 1978, 253. tbl.
Sigrún K. Hannesdóttir: Spjaldskrá og bókaskrá.
Sveitarstjórnarmál 37. árg., 1. h. 1977, s. 54—55.
Þórdís Þorvaldsdóttir: Loksins þjónustumiðstöð.
Fregnir 3. árg., 2. tbl. 1978, s. 3—4.
Þórdís Þorvaldsdóttir: Þjónustumiðstöð fyrir bóka-
söfn á íslandi. Fréttabréf Bókavarðafélags íslands
3. árg., 1. tbl. 1973, s. 13—14.
r
Avarp —
Framhald af bls. 12
ari á næstunni. Þvert á móti er ekki annað
sýnna en ljónin á veginum verði sífellt fleiri.
Bókaútgáfan fylgir sjónarmiðum hagsýni og
gróðahyggju fastar fram en kannski nokkru
sinni fyrr. Erlend áhrif sækja fast að ís-
lenskri tungu, og má þar ýmsu um kenna.
Börn umgangast mest jafnaldra sína og síð-
an eru þau látin hefja nám erlendra tungu-
mála áður en þau hafa náð nokkurri leikni,
sem heitið getur, í eigin máli. Síðan er trúin
á myndmálið, hvort heldur er á skjá, tjaldi
eða í myndabókum, bæði fyrir börn og
unglinga. Þar er mikil hætta á, að nokkurs
konar ólæsis fari að verða vart. Margs konar
ringulreið í þjóðfélagi, sem er ráðvillt og
áttavillt á leið frá miðöldum til tölvualdar á
örskömmum tíma, er ekki heppilegur vett-
vangur fyrir rólega íhugun, sem nauðsynleg
er til þess, að geta notið lestrar góðra bóka.
Því er full ástæða til, að allir bókaverðir,
lærðir og leikir, í stórum söfnum og smáum,
hvar sem er á landinu, taki höndum saman
og geri sitt til, að bókin megi lífi halda, því
það mun mála sannast, að þar er sterkasti
þátturinn í varðveislu íslenskrar tungu, og
þar með íslensks þjóðernis.
Það var drungi í lofti forðum daga þegar
Bókavarðafélagið var stofnað, en nú á
afmælishátíðinni er sólbjart og fagurt. Þetta
er ef til vill dálítið táknrænt. Við, sem
stofnuðum félagið, vildum gjaman gera
eitthvað fyrir bókaverðina og söfnin, en
vorum varla viss um hvað það ætti að vera,
eða hvernig skyldi að málum staðið. Ég
held, að bæði forusta og félagsmenn nú séu
skeleggari og hafi þó einkum betri yfirsýn
yfir hvernig vinna skuli. Því skulum við líta
björtum augum til framtíðarinnar þrátt fyrir
allt, og óska okkur öllum til hamingju með
afmælið.
37