Bókasafnið - 01.07.1984, Blaðsíða 33

Úr ýmsum áttum
Bókaskrá 1944-1973
í 2. útg.
Bókaskrá 1944—1973 er byggð
á upplýsingum um íslensk rit sem
birtust í Árbók Landsbókasafns
íslands á árunum 1944—1973.
Upprunalega stóð hópur áhuga-
fólks, aðallega bókasafnsfræðing-
ar, að því að gera samsteypuskrá
yfir alla úgáfu þessara ára, en síðan
voru valin úr henni 10.000 rit, og
endurflokkuð og endurskráð.
Sleppt var öllu smáprenti,
flestum kennslubókum, skýrslum
og tímaritum. Rétt þótti að tölvu-
vinna skrána til þess að auðveldara
væri að bæta inn í hana síðar og
leiðrétta færslur. Auk þess gefur
tölvuunnin skrá ýnrsa möguleika,
nr.a. til rannsókna á íslenskri
bókaútgáfu.
Skráin er flokkuð samkvæmt
flokkunarkerfi Dewey eins og
gert er í íslenskri bókaskrá.
Skráin hcfur reynst fjölda bóka-
safna ómetanlegt hjálpartæki við
flokkun, bókaval og sem almennt
heimildarit. Hún á einnig erindi til
bóksala, útgefenda og bókasafn-
ara.
Bókaskrá 1944-1973 kemur nú
út í 2. útgáfu. Skráin liefur verið
endurskoðuð og breytingar
gerðar á henni, sem auka mjög
notagildi hennar. Mikilvægustu
breytingar eru:
1. Skráin er nú bæði höfunda-
og titlaskrá.
2. Aðalfærslur eru feitletraðar.
3. Bætt hefur verið inn í hana
ýmsum ritum sem ekki voru
í fyrri skrá.
4. Flokkun hefur verið endur-
skoðuð í samræmi við ýmsar
breytingar á Deweyflokkun-
arkerfinu.
5. Pöntunarnúmerum hefur
verið sleppt.
Fyrirhugað er að gefa skrána út
raðaða eftir flokkum og er ekki
vafi á að sú útgáfa kemur að miklu
gagni við heimildaleit og upplýs-
ingaþjónustu, svo og við upp-
byggingu safnkosts. Verið er að
vinna að hliðstæðri skrá yfir
helstu bækur útgefnar 1844—1943
og útgáfu spjaldskrárspjalda fyrir
sömu rit. pj_j
Samkeppni um létt
lesefni
Námsgagnastofnun gengst nú
fyrir samkeppni um létt lesefni
fyrir nemendur sem náð hafa valdi
á lestri en skortir þjálfun. Þetta er
í samræmi við niðurstöður
nefndar sem fjallaði um þörf á
námsgögnum fyrir nemendur
með sérþarfir, en þar kom m.a.
fram að skortur væri á efni sem
þessu.
í auglýsingu frá Námsgagna-
stofnun segir að æskilegt sé að
efnið tengist á einhvern hátt
reynslu og umhverfi barna. Þá
kemur fræðandi efni, sögur og
ævintýri einnig til greina. Stærð
bókanna er áætluð frá 16-48 bls.
miðað við skýrt letur.
Skilafrestur handrita og tillagna
um myndefni er til 1. ágúst n.k.
og skulu þau merkt með dulnefni
en nafn og heimilisfang fylgi í lok-
uðu umslagi.
Námsgagnastofnun skipar
dómnefnd sem metur innsent
efni. Veitt verða þrenn verðlaun:
1. verðlaun kr. 18.000
2. verðlaun kr. 14.000
3. verðlaun kr. 10.000
Að auki verða ritlaun greidd
fyrir það efni sem út verður gefið,
en Námsgagnastofnun áskilur sér
rétt til að gefa út öll innsend
handrit.
Lög um bókasalns-
fræðinga
Lög um bókasafnsfræðinga
voru samþykkt á Alþingi 14. maí
s.l. Lögverndun starfsheitis hefur
af og til verið til umræðu innan
Félags bókasafnsfræðinga (FB)
allt frá stofnun þess. Nánasta for-
saga málsins er sú að í nóvember
s.l. gekk formaður félagsins á
fund menntamálaráðherra, sem
tók vel í hugmyndir þessa efnis og
fól lögfræðingi í menntamála-
ráðuneytinu að semja endanlegt
frumvarp um málið í samráði við
sig og FB. í febrúar lagði mennta-
málaráðherra frumvarpið fram á
Alþingi og var það samþykkt
óbreytt.
í lögunum er kveðið á um
menntunarkröfur sem menn
þurfa að uppfylla til að geta öðlast
rétt til að kalla sig bókasafnsfræð-
inga að fengnu leyfi menntamála-
ráðherra. Þær eru sambærilegar
þeim skilyrðum sem verið hafa
fyrir inngöngu í FB. í lögunum
eru engin ákvæði sem hafa áhrif á
ráðningu þeirra sem nú gegna
störfum bókavarða, en uppfylla
ekki áðurgreindar menntunar-
kröfur enda var slíkt aldrei ætlun-
in. í bókun með nefndaráliti
menntamálanefndar neðri deildar
um frumvarpið er þessa getið og
jafnframt lögð áhersla á, að greitt
sé fyrir viðbótarmenntun þeirra
sem nú gegna bókavarðarstörf-
um.
Með setningu laga um bóka-
safnsfræðinga er fengin aukin
viðurkenning á gildi þeirra starfa
sem unnin eru á bókasöfnum.
Slíkt ætti ekki aðeins að verða
bókasafnsfræðingum til góðs
heldur einnig bókavörðum
almennt, söfnunum sjálfum og
síðast en ekki síst lánþegum
þeirra.
SigurðurJ. Vigfússon
formaður FB
Til umhugsunar
Bókasafn sem lætur greiða
afnotagjald, mun hneigjast til að
treysta of mikið á þetta gjald sem
tekjulind og jafnframt til að láta
það sitja fyrir að kaupa bækur,
sem skila mestum tekjum. Þannig
verður það við óskum um
„vinsælt“ lesefni í stað lesefnis,
sem hefur meira gildi, en er minna
eftirsótt.
(Ályktun alþjóðlegs bókasafna-
þings í Brussel árið 1955)
Ur Bok og bibliotek, nr. 7,
1983.
BÓKASAFNIÐ
33