Dagur - Tíminn - 23.11.1996, Page 15

©;tgur-®ínmm
Laugardagur 23. nóvember 1996 - 27
Anna F.
Gunnarsdóttir
skrifar um tísku
Þegar konur velja sér
skartgripi eru ýmis atriði
sem þær verða að hafa í
huga. Þær eru misjafnlega
vaxnar, beinabygging er ólík og
litarhaft. Hendur og háls eru
einnig misjafnlega mótuð og er
aldur skiptir ekki síður máli.
Þannig fer betur á því að
grannar konur velji sér fín-
gerða skartgripi en þær sem
eru „frjálslega vaxnar“ velji sér
frekar grófara skart.
Konum með stuttan háls
hentar ekki að vera með hang-
andi eyrnalokka því þeir draga
athygli að hálsinum, sem er
ekki gott. Sérstaklega ef konur
eru farnar að eldast. Að sama
skapi hentar slíkri konu frekar
að vera með hálsfesti sem er
löng með einhveiju meni í. Ef
hálsinn er langur fer betur á að
skarta löngum eyrnalokkum og
stuttum festum. Eyrnalokka má
einnig setja í hatt sem skraut,
eða þar sem ermahnapparnir
eru á skyrtu og jafnvel í slæður.
Hangandi eyrnalokkar hafa
ekki verið mjög í tísku undan-
farið. Þeir eru notaðir meira
spari. Lokkar sem fara beint
upp á eyrað eru vinsælli og
lokkar sem eru úr ekta gulli eru
yfirleitt fínlegri. Stórir eyrna-
lokkar eru oftast nær óekta.
Margir hlutir eru ekki fram-
leiddir úr ekta gulli. Þeir sem
þekkja vöruna sjá þetta eins og
skot en vöruþekking er eitt
þeirra atriða sem fólk hér á
landi má bæta sig í.
Fleira en fegurð skartgrips skiptir
máli. Ekki er síður mikilvægt að
skartgripurinn fari vel við beina-
byggingu, vöxt og litarhaft.
Konum með breiða fingur fer betur
á því að hafa stóran hring sem vís-
ar fram á fingurinn. Ef fingur eru
langir er hinsvegar betra að vera
með kúpta, efnismikla hringi.
Armbönd, nælur og
hringir
Ef kona er „frjálslega vaxin“, til
dæmis með breiðar mjaðmir og
mikinn maga fer ekki vel á því
að vera með gróft armband því
að það dregur athyglina að
þeim líkamshluta þegar hendur
liggja með hliðunum. Stór
brjóst geta skipt máli þegar
konur nota nælur. Þá fer betur
á því að hafa næluna ofar á
barminum til að skapa meira
jafnvægi. Annars hafa nælur
verið frekar á undanhaldi. Næl-
ur fylgja að öðrum kosti beina-
byggingunni hvað stærð varðar.
Konum með breiða fingur fer
betur á því að hafa stóran hring
sem vísar fram á fingurinn. Þá
virkar hann grennri. Þar á við
sama hygmynd og ef hengd er
upp mynd. Lítil mynd er ekki
hengd á stóran vegg
því hún myndi týn-
ast og veggurinn
virðast endalaus. Ef
fingur eru langir er
hinsvegar betra að
vera með kúpta efn-
ismikla hringi, eins
og tískan er í dag.
Þess vegna er ekki
alltaf gott að miða
eingöngu við tísk-
una, heldur út frá
persónuleika hvers
og eins og formi lík-
amans þar sem
skartið er, eða lík-
amshluta tengda
þeim svæðum. Fólk
ætti því að skreyta
sig með það í huga
hvað gefi bestu
heildarmyndina.
Ef hálsinn er langur fer betur að skarta stuttum
festum en löngum.
Skartgripir og
líkamsbygging
Sigurborg Kr.
Hannesdóttir
skrifar
frá Egilsstöðum
„Vel snyrt er
konan ánægð“
✓
dag vil ég biðja karlkyns
lesendur að sýna um-
burðarlyndi, því ég ætla
að gera að umtalsefni hvern-
ig okkur konum tekst að lifa
upp í þá útlitsímynd sem
haldið er að okkur úr öllum
áttum. „Vel snyrt er konan
ánægð“ er ein klassísk aug-
lýsing sem segir okkur að við
getum ekki verið ánægðar
með lífið nema vel snyrtar -
og þá að sjálfsögðu með
þeirri tilteknu snyrtivöru sem
verið er að auglýsa. En
hvernig stendur þá á því að
stundum sjáum við konur
sem eru snyrtar og klæddar
eftir nýjustu forskriftum tísk-
unnar, en virðast samt ekkert
ánægðar. Aftur á móti getum
við séð konur sem geisla af
fegurð og hamingju, jafnvel
þó þær séu ekkert málaðar
og bara klæddar í gallabuxur
og bol. Það er nefnilega ekki
útlitið sem kemur á undan,
heldur hvernig okkur líður.
Hvað okkur finnst um okkur
sjálfar. Ef þér finnst eitthvað
að útliti þínu, rassinn of stór,
brjóstin of lítil eða nefið ekki
nógu fallegt, þá er sama
hvaða snyrtivörur þú reynir
að nota. Hér dugir ekkert
sem hægt er að kaupa í
næstu snyrtivöru- eða tísku-
búð.
Hversu margar konur
skyldu ekki hafa upplifað að
það er árshátíð framundan
og þeim finnst þær ekki eiga
neitt til að vera í. Sparikjóll-
inn frá því í fyrra er orðinn
tveimur númerum of Iítill og
„ég er orðin svo feit“ tilfinn-
ingin allsráðandi. Og hvað
gerum við þá? Ef þú ákveður
að fara að kaupa ný föt,
skaltu ekki hugsa það þannig
að fötin eigi að bæta þig upp.
Þvert á móti skaltu hugsa
það þannig að þú eigir það
skilið að líta vel út, vegna
þess að þú ert sérstök mann-
eskja. Ekki vegna þess að þú
sért ómöguleg - og þurfir að
fela það. Þegar við erum á
þessum neikvæða stað og ríf-
um okkur sjálfar niður, er
allt eins líklegt að við kaup-
um bara það sem hendi er
næst. Þegar við erum ekki í
jafnvægi erum við síður í
tengslum við hvað við virki-
lega viljum. Þegar við förum
hins vegar út að versla glað-
ar og sáttar við sjálfar okkur
og útlit okkar, finnum við
kannski einmitt flíkina sem
við vorum að leita að. Flík
sem á eftir að endast okkur
lengi og vera í miklu uppá-
haldi.
Það er sú afstaða sem þú
hefur til sjálfrar þín sem
kemur á undan. Hvað sem
allar auglýsingar segja. Ef
þér þykir einfaldlega vænt
um þig eins og þú ert, þá
veistu að þú ert falleg, bara
vegna þess að þú ert þú.
Vegna þess að þú ert einstök.
Það er ekki þar með sagt að
þú njótir þess ekki að vera
vel til höfð. Þvert á móti
ferðu að vilja líta vel út
vegna þess að þú berð það
mikla virðingu fyrir sjálfri
þér. Það er áreiðanlega rétt
að vel snyrt sé konan ánægð.
Ef hún er ánægð fyrir.
Slökun í
dagsins önn
Ertu með stífar axlir
og verk í baki?
Er höfuðverkurinn
að fara með þig?
Tíu mínútna slökun
getur gert gæfu-
muninn. Svona
förum við að:
• Dragðu andann djúpt að þér
og frá þrisvar sinnum. And-
aðu alveg niður í maga.
• Hreyfðu axlirnar í þrjá hringi
fram og si'ðan þrjá hringi aft-
ur.
• Beygið höfuðið svo hakan
snerti bringuna, fimm sinn-
um hægt. Hallið síðan höfð-
inu fimm sinniun til vinstri
hliðar svo eyrað snerti öxlina
og gerið hið sama við hægra
eyra og öxl.
• Krossið hendurnar þannig að
hægri hönd sé á vinstri öxl og
öfugt. Notið þumalfingur og
vísifingur til að nudda efstu
axlarvöðvana mjúklega í 30
sekúndur.
• Setjið þumalfingurna fyrir of-
an augnabrýr, nær augnkrók-
unum, og ýtið fast í fimm
sekúndur. Færið þumlana
hægt meðfram augabrúnun-
um, þrýstið og haldið í fimm
sekúndur með vissu millibili.
• Setjið þumlana nú rétt undir
augnabrýrnar og nuddið á
sama hátt og í æfingunni á
undan.