Dagblaðið Vísir - DV - 28.11.1981, Qupperneq 33

DAGBLAÐIÐ & VÍSIR. LAUGARDAGUR 28. NÓVEMBER 1981.
33
Jose Antonio Mellado Campos ber
kræsingar i gesti f lokahófinu.
Spánska
■ ■ ■
vistm
nýtur
vinsælda
— Frá lokahófi þáfftakenda
í síðustu keppni í H100
Sigurvegararnir, Guðrún Jónasdóttir og Rósa Óskarsdóttir, taka við sigurlaununum,
helgarferð til Reykjavikur, úr höndum Antonió. Kynnir er Guðbergur Ellertsson.
Spenningurinn i hámarki, úrslitaspilið haGð. F.v. Hallur Ellertsson, Guðrún
Jóhannesdóttir, Ellert Kárason og Rósa Óskarsdóttir. Úrslit fengust eftir 3 spil en þá
höfðu konurnar 15 slögum betur en herramennirnir.
Hjónin Birna Egilsdóttir og Sigurður Sigmarsson fiuttu bráðsmellna skemmtiþætti
en þau tóku jafnframt þátt f spilavistinni.
Þó spilakeppninni væri lokið gátu gestirnir f lokahóGnu ekki sctið á sér með að grípa f
spil. Hér eru þau Lilja Jóhannsdóttir, Regfna Siguróladóttir og Stefán örn Jónsson
grafalvarleg yfir spilunum. Það mun vera Eyrún Gunnarsdóttir sem fellur f skugga
Stefáns á myndinni.
Áður fyrr á árunum naut svonefnd
„framsóknarvist” mikilla vinsælda hjá
landanum. Margt eitt kvöld var setið
borð við borð i samkomusölum víðs-
vegar um landið og spilað. Voru fram-
sóknarvistirnar drjúg tekjulind hjá
mörgum félögum. Meira að segja sjálf-
stæðisfélögin efndu til framsóknarvista
og var afbrigðið þá nefnt félagsvist. En
vinsældir framsóknarvistarinnar dvín-
urðu, að þvi er talið var vegna þess hve
opin hún var í báða enda, litlaus og
lítið spennandi til lengdar.
En vist kemur í vistar stað, segir mál-
tækið. Fyrir tæpum tveim árum fluttist
Spánverji til Akureyrar og heitir hann
hvorki meira né minna en Jose Antonio
Mellado Campos. Hann fór að vinna í
skemmtistaðnum H-100. Hvatti hann
eigendur staðarins til að efna til spila-
kvölda. Það var gert og spiluð „spönsk
vist” undir stjórn Antonios. Nutu
spilakvöldin mikilla vinsælda í fyrra-
vetur og í haust var þráðurinn tekinn
upp að nýju. Lauk annarri keppninni í
vetur með heljarmiklu lokahófi á
sunnudagskvöldið fyrir verkfall þar
sem meðfylgjandi myndir eru teknar.
Það var um leið kveðjuhóf fyrir
Antonio sem er að kveðja Akureyri á
næstunni. Ætlar hann ásamt konu
sinni, Fanneyju Jónasdóttur, sem er frá
Akureyri, heim til föðurlandsins. Þar
hefur Antonio hug á að setja upp veit-
ingastað, sennilega á nágrenni við
Enska barinn á Costa de sol. Er ekki
ólíklegt aðstaðurinn fái nafnið H-100.
Spánska vistin er að því leytinu til
frábrugðin framsóknarvistinni að
sama parið spilar saman alla keppnina
sem stendur fimm kvöld. Ekki er
skipt um borð eftir hvert spil heldur eru
spiluð 12 spil í röð við sama borð.
Hvert kvöld eru spilaðar 4 umferðir.
Hafa spilakvöldin í H-100 verið mjög
vel sótt og kjarninn af mannskapnum
sem var með í síðustu keppni hefur
verið með frá upphafi spönsku vist-
anna.
í lok siðustu keppni voru tvö pör
jöfn í efsta sætinu. Annars vegar voru
það feðgarnir Hallur Ellertsson og
Ellert Kárason, hins vegar Rósa
Óskarsdóttir og Guðrún Jónasdóttir.
Spiluðu þau 4 spil til úrslita. Þegar
spiluð höfðu verið 3 spil höfðu Rósa og
Guðrún 15 slagi í forskot og þvi von-
laust fyrir Ellert og Hall að jafna metin
í síðasta spilinu. Hlutu þær helgarferð
til Reykjavíkur í sigurlaun.
-GS.
Rúnar Gunnarsson með lambasteikina.
Rögnvaldur Rögnvaldsson, ráðhúsherra Akureyringa, yrkir liðiega um nianna-
ráðningar bæjarstjórnarinnar.
Þau sitja í
sandkassaleik
Ekki alls l'yrir löngu var frá því
greint i Visi hvernig bæjarstjórn
Akureyrar bar sig til við að ráða
starfsmann á félagsmálastofnun og
vinnumiölunarstjóra. Rögnvaldur
Rögnvaldsson, ráðhúsherrann okkar
Akureyringa, gerði um þetta heil-
mikinn brag. Fyrst segir Rögnvaldur
frá Soffiu Guðmundsdóttur og Sig-
urði Óla Brynjólfssyni, fulltrúum
vintri meirihlutans í bæjarstjórninni,
en sá 8 manna meirihluti virkaði ekki
í þessum mannaráðningum. Þá segir
Rögnvaldur frá ráðningu starfs-
manns á félagsmálastofnun. Þar
kepptu sálfræðingur og félagsfræð-
ingur um hnossið. Sálfræðingurinn
var ýmist fastráðinn, lausráðinn eða
ekki ráðinn á meðan fundur bæjar-
stjórnar stóð. Lokin urðu þau að
hann var ráöinn en beðið með að
ráða félagsfræðinginn þar til hann
lyki prótl.
Síðan segir Rögnvaldur l'rá ráðn-
ingu vinnumiðlunarstjóra. Margir
voru um hnossið. Framsókti studdi
einn, A-flokkarnir annan og íhaldið
þann þriðja. Urðtt tveir umsækjend-
anna jafnir i atkvæðagrciðslunni og
var þá dregið um hvor þeirra hlyti
hnossið. Varð kandidat A-fiokkanna
hlutskarpari þar en sá er talinn krati.
Að öðru leyti ætti bragurinn að skýra
sigsjálfur.
Þau sitja í sandkassaleik,
Soffía Guðmunds er keik
en Sigurður Óli
er sífellt á róli,
það sýnir hvað staðan er veik.
Fellt var að fastráða mann,
fljóðið ei náð heldur fann.
Þau lausréðu manninn,
hann leysti af svanninn,
lausnina stjórnin þar fann.
Forstjórastarf eitt erfalt,
Framsókn að máli stóð hallt.
Kommar með krötum
þar komu að jötum
krata sem allt að því svalt.
Atkvæði urðu þó jöfn,
úfin og straumþung er dröfn.
Kratinn vardreginn,
kaldur og leginn,
kominn I örugga höfn.
Framsóknarforustan brást,
frammámenn nú um það slást
hvort hér eigi að ríkja
kaupfélagsklíka
krata eða sjálfstœðisást.