Dagblaðið Vísir - DV - 13.03.1982, Blaðsíða 4

4
DV. — HELGARBLAÐ. LAUGARDAGUR 13. MARZ 1982.
Fréttaljós — Fréttaljós — Fréttaljós
FLUGLEYFISELD TtL
AÐ BJARGAISCARGO?
— Keypti Arnarflug velvilja framsóknarmanna?
HöfuðstöOvar Itcargo 6 RaykJavíkurfíugvaMi. GJaman er taiað um skúra eóa kofaþegar mlnmt er á húsoignlrþessar. DV-myndEinar Ólason.
„Það er undarlegur kapall að tvö
leyfi, og hið þriðja á leiðinni, komi
um leið og kaup á allt of háu veröi
eru gerð,” sagði Vilmundur Gylfa-'
son, þingmaður Alþýðuflokksins, i
umræðum á Alþingi í fyrradag.
Vilmundur var ekki sá eini af þeim
þingmönnum sem til máls tóku sem
hafði grunsemdir um að ekki hefði
verið allt með felldu í sambandi viö
kaup Arnarflugs á Iscargo fyrir 29
milljónir króna.
Mörgum þingmönnum þótti
„vond lykt” af máli þessu, en sam-
flokksmenn flugmálaráðherra, Stein-
gríms Hermannssonar, hann sjálfur
og Albert Guðmundsson sögðu að
þarna hefðu ekki komið til nein af-
skipti ráðherra. Ekki hefði- verið
verzlað með flugleyfi.
í umræðunum taldi Árni
Gunnarsson sig hafa upplýsingar um
að skuldir Iscargo næmu samtals 32
milljónum króna. Eignir félagsins
taldi Árni að verðmæti 17 milljónir,
þar af væri flugvélin 15 milljóna
króna virði.
Ýmsir þingmenn töldu að þarna
hefðu flugleyfi verið verðlögð. Mis-
muninn á milli kaupverðsins, 29
milljónanna, og raunvirðis taldi Árni
Gunnarsson og aðrir sem tóku undir
mál hans að væri það verð sem flug-
leyfin kostuðu.
Þeir sem andmæltu Árna og
félögum töldu það mál stjórnar
Arnarflugs á hvaða verði félagið
keypti Iscargo. Þeir yrðu að gefa
sínar skýringar.
C Hvað segir
stjómarformaður
Arnarfíugs?
„Þetta er keypt sem einn pakki og
ég treysti mér ekki til að sundurgreina
þetta,” sagði Haukur Björnsson,
stjórnarformaður Arnarflugs, er
hann var spurður um álit sitt á verð-
mæti einstakra eigna sem félag hans
hefur keypt af lscargo.
Á Alþingi hafa margir dregið
mjög í efa að þessar eignir nálguðust
það verð sem Arnarflug hefur keypt
þær á. Hvert er álit Hauks á þessum
skoðunum?
„Þetta er bara mat þessara manna
sem ég held að sé ekki byggt á neinum
faglegum athugunum. Ég allavega
gat ekki heyrt það. Menn voru að
nefna tölur allt niður I svo ótrúlega
lágar upphæðir að ég efast um að
þeir hafi nokkuö fyrir sér. Ég held að
þær tölur sem nefndar hafa verið, séu
algerlega úr lausu lofti gripnar og ég
leyfi mér að draga í efa að þeir hafi
nokkrar raunhæfar heimildir fyrir
þessu.”
— Hefur þú heimildir fyrir þvi að
Electran sé dýrari en menn nefndu?
„Það sem við höfum heyrt um
verðmæti á Electru er á töluvert öðru
spani.”
—’Hvaða „spani”?
„Ég hef þetta nú ekki ná-
kvæmlega hjá mér. Það eru
tæknimenn hjá okkur sem kunna
betri skil á þessu, sérstaklega Gunnar
Þorvaldsson framkvæmdastjóri.”
— Hvernig ætlið þið að borga?
Eigið þið 29 milljónir?
„Við raunura eiga það þegar að
greiðsludögum kemur. Lítið af þessu
greiðist út, en svo mjatlast þetta út á
næstu árum.”
— Mörgum árum?
„Um þetta atriði verð ég að vísa
til blaðamannafundar sem við gerum
ráð fyrir að halda eftir um það bil
vikutíma.”
— Hver er útborgunin?
„Hún er tiltölulega óveruleg. Ég
hef þá tölu ekki í kollinum.”
— Tölur hafa verið nefndar, 3,5
milljónir króna og 1 milljón í víxlum?
„Ég held að þetta séu nokkuð há-
ar tölur miðað við raunveruleikann.”
— Hvað vilt þú segja um ásakanir
um að þið séuð að kaupa velvilja ráð-
herra og flugleyfi í leiðinni?
„Ég held að hver og einn verði
bara að hafa sínar getsakir um þetta.
Það gefur auövitað auga leið að
menn hafa mjög misjafnt mat á verð-
mæti því sem þarna skiptir um
eigendur, eins og fram kom í um-
ræðunum. Að sama skapi geta
náttúrlega, komið fram mismunandi
tölur sem menn vilja ætla okkur að
hafa keypt þetta á sem
umframverð.”
— í umræðunum á sameinuðu
þingi kom fram að Útvegsbankinn
mæti Electruvélina á eina milljón
dollara.
„Ég veit ekkert hvað liggur að
baki þeirri tölu. Ég get ekki séð að
hún sé raunhæf að neinu leyti. ”
— En getur þú nefnt raunhæfari
tölu?
„Faglega séð er raunhæft verð-
mæti eignarhlutar, eins og einnar
flugvélar, það verð sem þú færð fyrir
vélina þegar þú selur hana. Þannig að
það er alls ekki hægt að tala um neitt
annað verð.”
— Með skynsamlegum rökum,
hvað má ætla að þið getið fengið
fyrir flugvélina í dag?
„Ég treysti mér ekki til að nefna
þá tölu.”
— Má búast við frekari sundur-
greiningu á verðmæti eignanna síðar
frá ykkur?
„Við erum núna sem óðast að
taka við þessum eignum. Síðan
munum við fara í frekari vinnu við
áætlanagerð og verkefnaskipan og ég
vona að eftir um það bil viku verði
hægt að halda blaðamannafund þar
sem við getum greint frá þessum
hlutum sem nánast. En á þessu stigi
málsins þá er . . Það koma allar
fréttir varðandi þetta mál í fréttatil-
kynningunni sem við sendum. Hún
var af ásettu ráði samin þannig að
það kom allt fram.”
— En það kemur ekki fram
hvernig þið sundurgreinið þessar 29
milljónir króna og hvernig þið metið
einstakar eignir. Það vekur
óneitanlega tortryggni að þið skuluð
ekki vilja meta Electra-vélina sér-
staklega, húseignirnar sérstaklega og
tækjabúnaðinn.
„Af hverju vekur það tortryggni?
Hver maður gerir sína áætlun og
engir tveir fá sömu útkomuna.”
— Reynduð þið ekki að átta ykkur
á verðmæti hvers hlutar?
„Jú, auðvitað gerðum við það. En
ég held að það sé ekki rétt af mér að
telja mínar tölur fram í fjölmiðlum.”
— Hafði stjórnin ekki saman
einhverjar tölur?
„Jú, jú. Þetta hefur verið rætt
mjög náið á stjórnarfundum.”
— Hverjar eru þessar tölur?
„Ég held að ég mundi vilja geyma
þær þangað til við höldum ærlegan
fréttamannafund og greinum frá
þessu máli sem nánast. Ég held að
það sé heppilegra vegna þeirra
vinnubragða sem við ástundum að
reyna að gera þetta sem vandaðast og
bezt.”
— Hvað er að segja af fyrir-
greiðslu íslenzkra banka vegna þess-
ara kaupa?
„Það eru yfirteknar áhvílandi
skuldir meðal annars. Það var mikið
rætt um þetta áAlþingi.”
— Þú óttast ekki að Arnarflug
fari á hausinn vegna þessara kaupa?
„Nei, ég tel þetta góð kaup og er
fyllilega ánægður með þau. Ég tel
líkurnar þær að félaginu muni
farnast betur eftir en áður,” sagði
Haukur Björnsson, stjórnarfor-
maður Arnarflugs.
Útvegsbankinn
ogAibert
Útvegsbanki fslands kemur
nokkuð við sögu í máli Iscargo og
Arnarflugs. Ástæðan er sú að Iscargo
hefur haft viðskipti við Útvegsbank-
ann í 15 ár eða frá því það var stofn-
að.
Albert Guðmundsson, formaður
bankaráðs Útvegsbankans, sagði á
Alþingi í fyrradag að í þessi 15 ár
hefði bankinn ekki undan ncinu að
kvarta í sambandi við viðskipti hans
við Iscargo.
Albert sagði það ósæmilegt að bera
á borð að viðskipti og stjórnmál,
hefðu blandazt inn í mál þessi og tók
upp hanzkann fyrir Steingrím Her-
mannsson. Þá furðaði Albert sig á
því að gögn, sem afhent hefðu verið
bankaráðsmönnum sem trúnaðar-
mál, skyldu hafa komið fyrir alþjóð.
Átti Albert við það samkomulag sem
Árni Gunnarsson skýrði frá og er á
milli flugfélaganna tveggja og Út-
vegsbankans. Er samkomulagíð birt
hér á síðunni.
í ræðu sinni rakti Albert viðskipti
Útvegsbankans og Iscargo síðustu
tvo mánuði en þá munu ábyrgðir
vegna skulda félagsins hafa fallið á
bankann. Iscargo gat ekki staðið við
greiðsluskuldbindingar vegna þess að
sala Electravélarinnar til Perú brást.
Bankinn veitti félaginu þá hálfs-
mánaðarfrest og síðan vikufrest til
viðbótar og framhaldið varð það að
Arnarflug tók við skuldunum.
Bankinn hefði því fengið betri skuld-
ara með ekki síðri veð og því hefði
hagsmuna bankans verið gætt fylli-
lega. Ennfremur hefði tekizt að forða
sjö til tíu fjölskyldum frá gjaldþroti.
Mótmælti Albert því að vond lykt
væri af máli þessu. Frjáls félög í
frjálsu landi hefðu átt með sér við-
skipti. Kvaðst Albert ekki hafa orðið
var við afskipti ráðherra áf þeim.
Forstjóri Flug/eiða
inntur álits
„Beðið var um að við ræddum við
Arnarflug undir forystu flugmála-
stjóra. Við höfum að sjálfsögðu al-
drei neitað að ræða við einn eða
neinn. Við erum lilbúnir til við-
ræðna,” sagði Sigurður Helgason,
forstjóri Flugleiða, er hann var innt-
ur eftir fundi Flugleiðamanna með
Steingrími Hermannssyni samgöngu-
ráðherra i gærmorgun.
„Rætt var um nýja flugmálastefnu
eða eitthvað slíkt. Ætli það sé ekki
hægt að lýsa þessari stefnu þannig að
Amarflug eigi að fljúga áætlunarflug
erlendis við hliðina á okkur.
Við fljúgum í samræmi við þær
áætlanir sem við gáfum út í október
sl. Við munum fljúga á Amsterdam
og Dússeldorf í sumar. Það verður
engin breyting á því.
Ég hef ekki trú á því að það sé til í
myndinni að við bökkum með þetta
flug einfaldlega vegna þess að við er-
um búnir að bóka þarna verulega.
Tölurnar sem ég fékk í gær eru i
kringum átta þúsund farþegar, sem
eru bókaöir nú þegar á þessar tvær
leiðir í sumar. Svoleiðis að við höfum
enga möguleika á því að snúa til baka
með það.”
— Hefurðu trú á því að þið verðið
sviptir flugleyfum?
„Ég hef ekki trú á því. Við erum
með flugleyfi á þessi lönd til ársins
1984 þannig að við teljum að það sé
mjög hæpið að hægt sé að svipta
okkur flugleyfi áþessa staði.”
— Hvert er álit ykkar á kaupverði
Arnarflugs á Iscargo?
„Þetta mál var rætt á stjórnar-
fundi hjá okkur í gær. Niðurstaðan
af þeim umræðum var að með tilliti
til þess að okkar menn í stjórn Arnar-
flugs telja vafasamt að þarna sé um
þessi verðmæti að ræða sem kaup-
verðið hljóðar upp á, þá væri eðlilegt
að hlutlaust mat færi fram á þessu.”
— Hefur þú ákveðnar hugmyndir
um hve verðmæt Electra - vélin er?
„Nei, ég hef nú ekki neinar
ákveðnar tölur um það en við fengum
upplýsingar um það að svona vélar
gætu verið frá sjö milljónum króna
og upp í 19 milljónir. En það eru
nítján flugvélar til sölu og það er
náttúrlega ekki mjög uppörvandi að
vera með svona vél á markaði.”
— En hvað um hinar eignirnar?
„Þar er örugglega ekki um niikfl
verðmæti að ræða. Ég efast um að
þetta sé mikið meira en milljón krón-
ur,” sagði Sigurður Helgason. -KMU.
Samkomulag milli Arnarflugs hf., IscarRO hf., op
Ötvepsbanka Islands vegna kaupa Arnarflugs hf. á hluta-
bráfiui_i íscargo hf.
Iscargo hf. og Arnarflug hf. taka eftirtalin lán
hjá Otvegshflnka-Islands , sem varift verði tj]—fuXlnaóar-
wle'
greiöslu á núverandi skuldum íscargo hf. vift bankann:
Arnarflug hf. taki lán, a6 upphæ6 kr.' 2.5 millj .
ísl. og íscargo hf. taki lán a6 upphæö kr. «4.5 millj.
ísl., sem greiöist á 29 mánuðum á 3ja mánaöa fresti,
fyrst l.ágúst 1982. Vextir veröi hæstu löglegu vextir
Cnú 40% p.a.). Heimilt er a6 grei6a afborganir op vexti a
láni þessu meÖ 2 1/2 árs fasteignatryggöum skulda
bréfum, sem beri hæstu löglega vexti.
2. Iscargo hf. taki lán í erl. mynt, a6 upphæö 17.2.
millj. kr. (miöaö viö gengi 12. febrúar s.l.), sem
greiöist á 7 árum á 6 mánaöa fresti, fyrst l.septem-
ber 1982.
Lántökukostnaöur greiöist af lántakanda.
Otvegsbankinn haldi þeim tryggingum, sem hann nú hefir
meö þeirri breytingu, aö handveö, sem Kristinn Finnbopason
hcfir sett bankanum veröi lakkaö í 2.0 m.kr. Arnarflup hf.
setur handveö í fasteignatryggðum skuldabréfum aö upphæö
1.0 m.kr. og tekst á hendur sjálfskuldarábyrpö á allt aö
US$ 100.000.-.
Handveö Kristins Finnbogasonar veröur leyst, þepar
lánin skv. tl. 1 hafa veriö greidd aö fullu, enda sé þá
lániö skv. tl. 2 í skilum.
Skuld Iscargo hf. viö Almennar Tryggingar h'f. , sem
Otvegsbankinn hefir ábyrgst vepna trygginpar á TF-ISC frá
s.l. áramótum veröi greidd af Iscarp.o hf.

kLviCuia UuM ocuwvþ
QAfNtiC^Loxjji VvY
Reykjavík, 26. febrúar 1982.
Samkomulagið sem Amarfíug, Iscargo og Útvegsbankinn geröu 26.
febrúar sl., er tH stóð að Amarfíug keyptí hlutabróf i Iscargo. llndir sam•
komulagið rha Gunnar Þorvaldsson, f.h. Arnarflugs, Árni Guðjónsson og
Kristinn Finnbogason, f.h. Iscargo, og bankastjórararnir Bjarni Guð-
björnsson, Ármann Jakobsson og Jónas ftafnar.