Dagblaðið Vísir - DV - 08.03.1983, Blaðsíða 12

Dagblaðið Vísir - DV - 08.03.1983, Blaðsíða 12
12 DV. ÞRIÐJUDAGUR8. MARS1983. DAGBLAÐIÐ-VISIR Útgáfufélag: FRJÁL5 FJÖLMIÐLUN HF. Stjómarformaður og útgáfustjóri: SVEINN R. EYJÓLFSSON. Framkvæmdastjóriogútgáfustjóri: HÖRÐUR EINARSSON. Rilstjórar: JÓNAS KRISTJÁNSSON og ELLERT B. SCHRAM. Aostooarritstióri: HAUKUR HELGASON. Fréttastiorar: JÓNAS HARALDSSON og ÓSKAR MAGNÚSSON. Auglýsingastjórar: PÁLLSTEFÁNSSON og INGÓLFUR P.STEINSSON. Ritstiom: SÍÐUMÚLA12—14. SÍMI 86*11. Auglýsingar: SÍDUMÚLA33. SÍMI27022. Afgrciösla, áskriftir, smáauglýsingar, skrifstofa: ÞVERHOLTI11. SÍMI27022. Sfmi ritstiórnar: 86611. Setning, umbrot, mynda-ogplötugerö: HILMIR HF.,SÍÐUMÚLA12. Prentun: ÁRVAKUR HF„ SKEIFUNNI19. Áskriftarveröá mánuoi 180 kr. Vero ílausasölu 15 kr. Helgarblað 18 kr. Frá vinstrí tíl hægrí Kosningatölur frá Þýskalandi og Frakklandi leiöa í ljós, að miö- og hægri flokkar eru þar aftur í sókn og fá vóldin í sínar hendur. Fyrir þá, sem fjær standa og fylgjast meö evrópskum stjórnmálum á yfirboröinu, viröist lítill munur á stjórn vinstri- eða hægrimanna í þessum löndum. I utanríkismálum er þar aðeins blæ- brigðamunur á, og jafnvel má fullyrða að Mitterrand haf i að ýmsu leyti verið afdráttarlausari í afstöðu sinni en d'Estaing, Vesturveldunum í hag. Svipað má segja um stóru flokkana í Þýskalandi. Leið- togar jafnaöarmanna hafa ætíö verið dyggir fylgjendur bandarískrar leiðsagnar í utanríkismálum og þeir áttu hugmyndina að meðaldrægu eldflaugunum, sem Banda- ríkjamenn hyggjast setja upp í Evrópu og mest hefur verið deilt um. Vegna þrýstings frá vinstri hefur hinn nýi leiðtogi jafnaðarmanna , Hans-Jochen Vogel, verið eilítið reikulli í rásinni, en kristilegir demókratar hikuðu hinsvegar hvergi í nýafstaðinni kosningabaráttu. Fyrir vikiö var fylgst með kosningunum í Þýskalandi, þar sem þær þóttu barómeter á skoðanir Evrópubúa í varnar- og vígbúnaðarmálum. Sigur kristilegra demókrata var skýlaus traustsyfir- lýsing við þá varnarstefnu, sem Atlantshafsbandalagiö hefur markað, og er það út af fyrir sig f róðleg niðurstaða í ljósi þess mikla áróöurs, sem uppi er haf ður gegn henni. Með því verður auðvitað ekki sagt, að þýska þjóðin sé vopnaglöð og gikkbráö. Þjóðverjar vilja hinsvegar vera við öllu búnir og kjósa enn vopnaðan frið, fram yfir ótímabæran afslátt gagnvart ógninni úr austri. Vonandi er að Sovétríkin dragi réttar ályktanir af þessum kosningaúrslitum, þannig að viðræðurnar í Genf leiði til gagnkvæmrar afvopnunar og niðurskurðar kjarn- orkuvopna. Annað sem athyglisvert má teljast við úrslit kosning- anna í Frakklandi og Þýskalandi, er sú staðreynd, að mið- og hægri flokkar vinna á, við mjög erfiðar og alvar- legar aðstæður í efnahags- og atvinnumálum. Milljónir manna ganga um atvinnulausar og hálfgert kreppu- ástand hefur ríkt. Svo er aö merkja, sem kjósendur treysti svokölluðum hægri flokkum betur til að takast á við þann vanda en sósíalistum og jafnaðarmönnum. Þeir síðarnefndu hafa verið við völd í báðum löndunum og raunar er þeim áróðri haldið fram, bæðí hér á landi og annars staöar, að atvinnuleysi sé búmannsraun hægri stefnunnar. ÁÖur- nefnd kosningaúrslit, svo og vaxandi fylgi viö stefnu íhaldsmanna í Bretlandi, benda ekki til þess, að evrópskir kjósendur telji vinstri stefnu haldbetri til að ráða bót á atvinnuleysinu. Annars er meira og minna marklaust að tala um vinstri og hægri flokka að því er varðar þýsk stjórnmál. Stóru flokkarnir báðir eru í raun miðjuflokkar, og kristilegir demókratar lögðu á sínum tíma grundvöllinn að velferðarríkinu og efnahagsundri eftirstríðsáranna. Þeirra hugmyndaf ræði gengur ekki út á afnám trygginga eða opinberra afskipta og þeir sækja sína fyrirmynd í hið blandaða hagkerfi. Sigur kristilegra demókrata er fyrst og fremst vís- bending um, að Þjóðverjar vilji gefa nýjum mönnum tækifæri við stjórn landsmála. I Frakklandi hefur ástandið „normahserast", eftir misheppnaða valdstjórn kommúnista og sósíalista um nokkurrn tíma. Aðrar hafa breytingar ekki orðið. -ebs. Sannleikur eftir pöntun Eftir merkilega og vorlega febrúardaga minnti vetur konungur óþyrmilega á sig í síöustu viku. Gæftaleysi var á vetrarvertíö og tvö skip fórust. Grettir sökk í Faxaflóa, en Hafrún ÍS 400 liggur nú í bein- brotinni uröinni undir Stiga. Svo milt haföi veörið veriö, aö sauökindin, sem ekki veröur nú talin nýjungagjörn skepna, fremur en framleiðsluráöiö, taldi sumarið vera að koma, og hélt til fjalla til að boröa grös. Bóndi fyrir norðan, varð að leigja flugvél til að finna þetta vorglaða fé, sem kom svo í leitirnar við Gæsa- f jöll, ef mig misminnir ekki. Og svo kænlega bjó veörið um, aö viö lá að þaö kostaöi bónda og karla hans lífíð, er þeir sóttu féð á snjósleðum. Umhyggja fyrir sauðfé getur því verið dýr fyrir aðra en neytendur og aðra er ganga á brimleistum um skafla veröbólgunnar. Það vakti sérstaka athygli land- vinnumanna, að nú voru þyrlur notaðar við björgun; þannig aö skip- brotsmenn voru komnir á þurrt, áður en björgunarsveitir méð kaöla höfðu náöaðskipinu, undirhengifluginu. Ég efa það ekki, að menn þessir hefðu bjargast, og banka í tré upp á það, þótt þyrlurnar hefðu ekki komið. Þó hefðu menn án efa lent í meiri hrakningum við að komast til byggða. Oneitanlega sýnir þetta okkur, að eftirleiðis verður öryggi sæfarenda mun meira undir þyrlunum komið, en verið hefir til þessa. Að vísu má minna á það, að banda-. rískar þyrlur frá varnarliðinu á Keflavíkurflugvelli hafa bjargað hundruðum mannslífa. Þær þyrlur hafa hinsvegar ekki þótt hentugar í blöðin, eða i bænahúsum Sjónvarpsins. Þar má aöeins sýna bandarískar þyrlur i El Salvador. En hvað um það. Koma frönsku flugsveitarinnar hefur orðið til góðs, því hún hefur opnað mönnum augu fyrir tækni, sem fréttastofur hafa ekki viðurkennt, fremur en regnið gulaausturíKabúl. Og það er kannske þessvegna, sem björgunarþyrlur varnarliðsins voru ekki notaðar á sérstakri flugslysa- æfingu hjálparsveita og Sjón- varpsins á laugardag. Þetta nær vitaskuld engri átt. Menn getur greint á hvort þetta og hitt henti Rússum, en hjálparstarf er þó enn alþjóðlegt. Og ekki nema misseri síðan þyrla af Keflavíkur- flugvelli sótti rússneskan sjómann í ryksuguskip, djúpt út af landinu, og flaug honum á sjúkrahús á íslandi. Ekki skal amast við æfingum Frakkanna. Þær munu koma nauðstöddum að haldi á öðrum stööum. En hætt er við að það sé of langt að sækja þær til Parísar, ef til tíöinda dregur á Island. Um helgina var mest rætt um álmáliö, og þá staðreynd, að Alþingi hyggst nú taka málin í sínar hendur, eða af iðnaðarráðherra, sem stundað hefur árangurlausar Möllersæfingar í málinu, árum saman, þjóðinni til mikils skaða. Alveg sama þótt rjúfa þurfi svonefnda þjóðareiningu um iönaðarráöherra. Hjörleifur Guttormsson er vænsti maður, og vonandi hlýtur hann að JónasGuðmundsson sjá, að þessi ganga er á enda, þótt hann noti enn telex í úrsynningnum, eins og hann fari með öll völd. Þjóðin er í engu stríði við Hjörleif, eða aöra vel meinandi menn. Mönnum þykir aðeins nóg að gefa Riddarann sjónumhrygga út í átta þykkum bindumhjá Almenna bókafélaginu. Ekki var þó á bætandi, hugsaði margur með sér, þegar DV skýröi frá því að Cooper og Lybrand, endur- skoðendur Álfélagsins og Iðnaðar- ráðuneytisins, hefðu orðið að greiöa 530 þúsund dollara í skaðabætur í Pittsburgh í Bandaríkjunum (tæpar ellefu milljónir Ikr.), þar sem í ljós kom, að unnt er að kaupa sannleik- ann hjá þessu firma. Höfðu Cooper og Lybrand ráðlagt borgarstjórninni í Pittsburgh hvar hún ætti að kaupa aðföng til tölvu- vinnslu. I ljós kom, að hagsmuna- tengsl voru milli Cooper og Lybrand og tölvufirmans. Jafnframt var margnefndum heiðursmönnum, eöa Cooper og Lybrand, sagt upp sem endurskoðendum. Þeir hafa því misst vinnuna eins og Hjörleifur. Þetta eru sorglegar fregnir fyrir Islendinga, því kröfur iðnaðarráö- herra hafa að verulegu leyti verið reistar á sannleika, sem keyptur er hjá Cooper og Lybrand. Ekkert skal fullyrt hér um gæði þeirrar vöru, — og manni kemur ekki til hugar að beðið hafi verið um hagræðingu í aðfangareikningi, vegna álversins. En hver heilvita maður hlýtur þó að sjá, að fyrir dómstólum, eða alþjóðlegum gerðar- dómi, er naumast hægt að vitna í firma, sem selur sannleika eftir pöntun. Við verðum tafarlaust aö skipta um endurskoðendur. Það er útaf fyrir sig sorglegt, aö endurskoöunarsinni skuli veröa að f á bágt á 30 ára dánarafmæli Stalíns. En við þessu er því miöur ekkert annað að gjöra. Þetta stríö er tapað, -íbili. Veðrið á Suðurláglendinu var vetrarlegt á sunnudag. Alhvít jörð, frost og hæg norðan- gola. Svört trén í garðinum skulfu nöturlega, því þau höfðu, eins og kindurnar fyrir norðan, haldið að sumarið væri að koma. Það voru fáir á ferli í miðborginni, enda eru þingmenn nú komnir í veiðihólfin sín, eöa kjördæmin, til að syngja um sannleikann frá árinu 1959. Margt bendir nú til þess aö kosn- ingar séu í nánd. Þórarinn Framsóknarþingmaður í Laugar- dælum er byrjaður að skrifa um sykurfabrikkuna í Hveragerði og bráðum brúar hann ölf usárósa, eina ferðina enn. Þótt annars sé vitaö, aö þingmaöurinn kemur engu í gegn, hafa Sunnlendingar þó áhyggjur. Sykrið ætlar þingmaðurinn aö sjálf- sögðu að framleiða með óþekktum aðferðum, eöa úr sorpi frá finnskum sykurverksmiðjum, en ekki úr alvöru hráefnum, eins og gert er í öðrumlöndum. Að vísu má segja sem svo, aö það hafi aldrei hentaö íslenskum land- búnaði að nota viðurkenndar aðferðir við nokkurn skapaðan hlut. En nú sem fyrr verður þjóðin að borgamistökin. Islenskar húsmæður fá nefnilega ávallt að borga drauma þingmanna Framsóknarflokksins og kommún- ista, þegar upp er staðið. — Skítt með það, en vonandi verður nýja ölfusárbrúin þó ekki gjörð úr afgöngum eða sorpi lika, þegar þar að kemur. Jónas Guðmundsson rithöfundur.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.