Dagblaðið Vísir - DV - 15.04.1986, Blaðsíða 11

DV. ÞRIÐJUDAGUR 15. APRÍL 1986.
11
Vatnamótin (V-Skaft.):
Fullt af fiski
en tekur illa
- 15 -16 punda fiskur elti
Vorveiðin heldur áfram og veður-
farið bætir upp hjá þeim sem ekkert
fá. „Þó maður fái ekki mikið er það
útiveran sem maður hefur upp úr
þessu og veiðifélagarnir. Við höfum
farið í vorveiði í mörg ár og þetta
styttir biðina eftir laxinum," sagði
veiðimaður sem stundar lax-, sil-
ungs- og skotveiðina, sem þýðir að
hann getur stundað sportveiðina
allt árið.
„Það er fullt af fiski í Vatnamót-
unum en fiskurinn tekur illa og vill
helst bara elta agnið,“ sagði heim-
ildarmaður okkar suður með sjó.
„Veiðimaður einn var búinn að
reyna allt nýlega en ekkert gekk,
setti hann þá á fluguna colly dog
og tók 3 fiska í beit, 2,5 pund sá
stærsti. Annar veiðimaður var við
veiðar og reyndi toby spón, elti hjá
honum svona 15-16 punda fiskur en
Veiðivon
GunnarBender
tók ekki, veiðimaðurinn hafði aldrei
séð annan eins fisk. Það hefur verið
frekar kalt en líklega hafa veiðst
milli 120 og 130 fiskar, hann er 11
pund sá stærsti sem fengist hefur
hingað til.“
„Það hafa verið vatnavextir í
Geirlandsá og lítið veiðst af fiski,
veiðimaður fór nýlega tvo túra og
fékk engan fisk í hvorugt skiptið.
Sérfræðingar halda ffarn að mikið
af fiskinum sé farið úr Geirlandsá
og niður í Breiðabalakvísl, Fossála,
Vatncunótin og Skaftá. í Geirlandsá
eru líklega komnir á land milli 25
og 30 fiskar, hann er 11 punda sá
stærsti eins og í Vatnamótunum."
Eitthvað hafa menn verið að
reyna í Hörgsá en lítið hefur fengist
ennþá, Fossálar voru opnaðir á
laugardaginn og reyndu þá hafn-
firskir veiðimenn fyrir sér. I
Tungufljóti reyndu veiðimenn ný-
lega og veiddust neðarlega nokkrir
fiskar.
Margir hafa farið austur í Eystri-
Rangá og veitt, hefur mönnum
gengið misjafnlega. Sumir hafa
fengið fisk og aðrir ekki, þetta geng-
ur vist svona í veiðinni. Þeir í
Hellinum á Hellu selja veiðileyfi og
við slógum á þráðinn þangað í gær.
„Ætli það séu ekki komnir 25 fisk-
ar og besta svæðið núna er númer
4,“ sagði tíðindamaður okkar er við
leituðum frétta af Eystri-Rangá. „Á
laugardaginn veiddist sá stærsti
ennþá, 12 punda sjóbirtingur. Það
eru 14 við veiðar og það er gott í
vorveiði."
Frá Laxá í Leirársveit berast
fréttir um reytingsveiði og veiði-
menn, sem renndu nýlega, fengu 4
fiska og alla í Laxfossinum, var sá
stærsti 2,5 pund. í Leirá var líka
reynt og þar var nánast ekkert líf,
en oft getur verið góð veiðivon í
henni á þessum tíma. Sjóbirtingur-
inn kemur, vonandi.
G. Bender
B
Pálmi Gunnarsson gerir meira en
að syngja lög, hann er stangveiði-
maður mikill og sést hér renna fyrir
sjóbirting í Laxá í Leirársveit fyrir
skömmu. Ekki fer sögum af því
hvort hann kyrjaði lagið Gleðibank-
inn við veiðiskapinn, eflaust.
DV-mynd G. Bender.
Kristinn M. Óskarsson og Lára Anne Withers sjást hér með börnum sinum
þremur. Á myndinni eru einnig örn Petersen hjá VISA og Guðjón Hjörleifs-
son, sparisjóðsstjóri í Vestmannaeyjum (t.h.). DV-mynd Grímur Gíslason.
Hótel- og matvælagreinar í
Menntaskólanum í Kópavogi
Ferðaþjónusta
fyrsta grein
Menntamálaráðuneytið hefur sam-
þykkt undirbúning að kennslu í
ferðaþjónustu við Menntaskólann í
Kópavogi. Verður það væntanlega
fyrsti áfanginn í uppbyggingu á
námsbrautum sem varða rekstur og
þjónustu fyrir ferðamenn, svo og í
matvælaiðnaði.
Sú stefna hefúr verið mörkuð að
kennsla í þessum greinum verði fram-
vegis í MK þar á meðal kennslan sem
nú er í Hótel- og veitingaskólanum.
Ákveðið hefur verið að byggja við
húsnæði Menntaskólans vegna þess
ara verkefna. Aðsetur MK er við
Digranesveg í Kópavogi.
-HERB
[STEYPUMÓT
-okkar sérgrein
Leitið upplýsinga:
'Sbreiðfjörð
BLIKKSMHllA STEYPUMOT-VBtKPAUJVW
SICTUNI 7 - 1?1 REYKJAVIK - SIMI 29022
50.000VISA- kort á íslandi
- verðlaunakort afhent í Vestmannaeyjum
„Nú þegar við höfum verið aðeins
30 mánuði á innlendum markaði, höf-
um við gefið út 50.000 VISA-greiðslu-
kort. Það má því segja að með þeim
áfanga sé VISA-kort komið inn á
annað hvert heimili á Islandi. Meða-
laukningin hefur verið 180% frá sl.
ári,“ sagði Öm Petersen, fulltrúi hjá
VISA Island, sem afhenti 50.000.
VISA-kortið í Vestmannaeyjum.
Handhafi kortsins er Kristinn M.
Óskarsson og eiginkona hans, Lára
Anne Withers.
Kristinn M. fékk kortið afhent í
Sparisjóði Vestmannaeyja sl. fimmtu-
dag. Þá fékk hann að auki 30 þús.
króna ferðaúttekt hjá Samvinnuferð-
um/Landsýn. Kristinn og frú ætla sér
ekki að nýta sér þá útekt á næstu
dögum. Það verður nóg að gera hjá
Kristni í Eyjum á næstu dögum. Hann
þarf að gæta þriggja ungra bama
þeirra hjóna á meðan Lára Anne
bregður sér til Kanada, þar sem hún
er fædd og uppalin, til að heimsækja
ættingja.
Handhafar greiðslukorta frá VISA
og EUROCARD á íslandi em nú sam-
tals um 65.000 talsins.
-sos
Framleiðslunýjung
HOLUFYLLIR
sem lætur hvarfið hverfaá stundinni
_________________________ j v > v----------------------------------- V.
HREINSID FYLLID SLÉTTID
Á stundinni er hægt með einföldum verkfærum og HOLUFYLLI að gera við
holur í malbikuðum eða steyptum götum, plönum, hafnarbökkum og flugbraut-
um.
Viðgerð getur farið fram í hvaða veðri sem er án teljandi umferðartafa, án klíst-
urs við hjólbarða og endurviðgerðartíðni er mun minni. Framkvæmdasparnaður
áætlaður 33%.
L PÓLAR hf., Einholti 6, Reykjavík, símar 91-18401 og 91-15230.