Dagblaðið Vísir - DV - 03.06.1986, Blaðsíða 2

2
DV. ÞRIÐJUDAGUR 3. JÚNÍ 1986.
Fréttir Fréttir Fréttir Fréttir
Ramenkóflokkur Javier Agra.
„Skrípamynd af
flamenkódansi
á Listahátíð“
Fanginn sem strauk í viðtali við OV:
„SjáHsmorð
ef ég hefði
ekki sloppið“
„Það var heppni að það kviknaði
í fangelsinu því ég var kominn að
því að fremja sjálfsmorð ef ég hefði
ekki sloppið enda búinn að vera í
hungurverkfalli frá þvf að ég var
settur inn,“ sagði fanginn, sem
strauk úr hegningarhúsinu við
Skólavörðustíg, í samtali við DV.
Fanginn hafði samband símleiðis
við blaðið vegna þess að hann sagð-
ist vilja leiðrétta það sem stæði í
frétt blaðsins af strokinu um að hann
væri síbrotamaður...„Ég er ekki sí-
brotamaður og hef ekki brotið af
mér í mörg ár,“ sagði hann.
Aðspurður um flóttann sagði fang-
inn að þegar kviknað hefði í fangels-
inu hefði hann verið staddur f garði
þess. Þar klifraði hann upp stálgrind
og út um glugga á henni og út á
götuna.
„Þama stökk ég út fyrir augunum
á öllum sem leið áttu um götuna og
þama var bæði slökkviliðsbíll og
lögreglubíll. Ég hljóp í burtu og
mætti þá lögreglubíl en skokkaði
framhjá honum,“ sagði fanginn.
Er hann var spurður hvað hann
hygðist gera nú sagði hann að hann
væri á förum úr landinu á fölskum
pappírum.
„Eg tel mig hafa verið misrétti
beittan og frekar mun ég svelta mig
í hel en sitja áfram inni. Síðast er
ég var tekinn var það vegna ölvunar
við akstur. Þá var ég úti á skilorði
og laug því til nafns og braut þar
með skilorðið óvart. Ég er orðinn
þreyttur á þessu lífemi mínu og vil
komast burtu.“
Hvað varðar þá staðhæfingu DV
að fanginn sé síbrotamaður skal eft-
irfarandi tekið fram. í síðasta dómi
Hæstaréttar yfir manninum þann 12.
mars sl, þar sem dæmt var um ölv-
unarakstursbrot hans, segir að
ákærði hafi alls 11 sirrnum áður sætt
refsidómum fram að þeim tíma er
honum var veitt reynslulausn 24.
nóvember 1984 en þá var hann að
afþlána 140 daga fangelsisdóm.
-FRI
„Það er ekki forsvaranlegt að bjóða
íslendingum upp á svona skrípamynd
af flamenkódansi á Listahátíð," sagði
myndlistarmaðurinn Baltasar, sem
gjörþekkir dans og söngvahefð í
heimalandi sínu, Spáni.
Þetta sagði hann eftir að hafa horft
á beina útsendingu frá Broadway í
fyrrakvöld, þar sem flamenkóflokkur
undir stjóm Javier Agra tróð upp.
„Tónlistin, sem leikin var, á afar lít-
ið skylt við flamenkó, söngvaramir
vom af þriðja klassa og dansmeyjam-
ar vom stífar, lausar við allan þokka
og andagift. Sjálfúr dansinn var stytt-
ur og afbakaður, taktar vom illa
nýttir, klapp og kastanéttur notaðar á
tilviljunarkenndan hátt og allar
handahreyfingar vom ósamræmdar.
f staðinn notaði flokkurinn takta
sem maður sér bara á þriðja flokks
búllum, „vúlgar" klæðaburð, flímleg
bros og rassaköst. Ekki bætti heldur
úr skák að sjá sviðið þakið auglýsing-
um frá ferðaskrifstofu."
Baltasar sagðist hafa ætlað sér að
sjá þennan flokk í Þjóðleikhúsinu í
gærkvöldi, en eftir sjónvarpssending-
una hafi hann skilað miðum sínum
aftur til Listahátíðar. -ai
Jón L. Ámason í Helsinki:
Vann aðstoðar-
mann Kasparovs
Jón L. Ámason, er nú teflir á al-
þjóðlegu skákmóti í Helsinki í Finnl-
andi, vann Doríman, einn af
aðstoðarmönnum sovéska heims-
meistarans Kasparovs, í biðskák er
þeir luku í gær. Þá vann Jón einnig
biðskák við Westerinen úr fjórðu um-
ferð og í fimmtu umferð lagði hann
Svíann Wiedenkeller. Skák Jóns í
sjöttu umferð við Finnann Binham fór
í bið og hefur Finninn ívið betri stöðu.
Staðan eftir sex umferðir er þannig:
1. Curt Hansen, 5 vinninga.
2. Tisball, 4 1/2 vinning.
3. Dorfman, 4 vinninga.
4-5. Jón L. Ámason, 3 1/2 vinning.
4-5. Wiedenkeller, 3 1/2 vinning.
-EIR
** Listahátíð
í dag
Tónleikar til heiðurs Jóni Nordal
sextugum í Norræna húsinu kl.
20.30'.
Kennarar úr Tónlistarskólanum
í Reykjavík flytja verkin.
Listsýningar:
Pablo Picasso að Kjarvalsstöðum
„Reykjavík í myndlist" að Kjarv-
alsstöðum.
Yfirlitssýning á verkum Karls
Kvaran, Listasafri íslands.
Klúbbur Listahátíðar, Hótel
Borg kl.22.30, Ófétin spila kl. 23.
30, tangó dans.
Hópur íslenskra kvenna búsettra í Lúxemborg er nú staddur hér þeirra erinda að færa
upp leikritð Kammermúsík. Leikritið var þýtt sérstaklega fyrir leiklúbbinn Spuna en svo
nefnist hópurinn. Verkið er eftir Bandaríkjamanninn Arthur Kopit og verður sýnt í kvöld
og annað kvöld. Sýningarnar verða aðeins tvær, báðar í Félagsstofnun stúdenta. Myndin
er af nokkrum leikaranna í hlutverkum sínum. DV-mynd PK