Dagblaðið Vísir - DV - 03.06.1986, Blaðsíða 14

14
DV. ÞRIÐJUDAGUR 3. JÚNÍ 1986.
Spurningin.
Ertu ánægð/ur með úrslit
kosninganna?
Haraldur Jóhannson barþjónn:
Nokkuð svo, þó úrslitin hefðu get-
að verið betri. Davíð á sannarlega
skilið að komast að aftur.
Sigríður Ólafsdóttir skrifstofumað-
ur:
Nei, ég vildi að þetta hefði farið
öðruvísi. Sjálfstæðisflokkurinn fékk
of mikið fylgi.
Þórlaug Stefánsdóttir skrifstofu-
maður:
Já, á heildina litið er ég það. En í
mínu bæjarfélagi gekk mínum mönn-
um ekkert sérstaklega vel.
Anna Höskuldsdóttir snyrtinemi:
Já, ég er mjög ánægð með þessi
úrslit. Flokkurinn minn fékk ágætis
fylgi.
Kjartan Ragnarsson, fyrrv. starfs-
maður utanríkisþjónustunnar:
Já, ég er það, þó óneitanlega hefði
fylgi mín flokks mátt vera meira.
Gústaf Einarson skrifvélavirki:
Já, ég er ánægður með þessi úrslit.
Fylgið var gott og mínir menn bættu
við sig.
Lesendur Lesendur Lesendur Lesendur
Frábær staður
Við undirrituð, farþegar Útsýnar á
Benal Beach á Costa del sol 8-29.
mai, mótmælum þeim rætna söguburði
sem íslenskir fjölmiðlar hafa haldið
uppi gegn staðnum og Útsýn í sam-
bandi við framkvæmdir og aðstöðu
farþega á Benal Beach.
Dvöl okkar hér hefur verið þægileg
og ánægjulega, þótt enn sé ekki öll sú
þjónustuaðstaða fyrir hendi sem boðið
verður upp á í framtíðinni. Við höfurn
notið þeirrar ágætu fyrirgreiðslu sem
starfsfólk Útsýnar er orðlagt fyrir.
Gisting hér er í mjög háum gæða-
flokki, íbúðir einstaklega smekklegar
og hreinar. Ónæði af byggingafram-
kvæmdum er í lágmarki og hefur lítilli
truflun valdið.
Fréttir þær sem borist hafa að heim-
an teljum við ósmekklegan rógburð.
Það vekur undrun okkar og gremju
að fjölmilum skuli haldast uppi að
breiða út jafhmikil ósannindi og raun
bar vitni um Benal Beach.
Guðm. A Hólmgeirsson, Helga J. Stef-
ánsdóttir, Álfdís Ingvarsdóttir, Sigur-
bergur Hauksson, María Ragnars-
dóttir, Bára Benediktsdóttir, Linda
Arvids, Guðrún Jónsdóttir, Hlynur
Baldursson, Helgi Bjömsson, Kristín
A. Emilsdóttir, Sigrún Friðriksdóttir,
Snorri V.Haraldsson, Ragnheiður
Þorkelsdóttir, Helgi Sigfusson, Anna
M.Jónsdóttir, Hjalti Sigfússon, Haf-
steinn Rósinkarsson, Guðrún Magn-
úsdóttir, Bragi Jónsson, Ragnar
Bogason, Kristín Ólafsdóttir.
Útsýnarfarþegar á Benal Beach.
Er minni verðbólga staðreynd?
Reykvíkingur skrifar:
í DV fyrir stuttu vom nokkrir veg-
farendur teknir tali og spurðir hvort
þeir hefðu orðið varir við að verðbólga
hefði minnkað.
Það kom manni dálítið spánskt fyrir
sjónir að lesa svör þeirra því þau vom
öll á sömu lund. Þeim fannst verð-
bólgan ekki hafa minnkað neitt. Það
leiðir hugann að því hvað breyst hafi
þótt verðbólgan sé sögð vera eitthvað
rúm 10 eða 15%. Öll þjónusta hefur
hækkað í krónum talið og svo er einn-
ig um matvöm og fatnað. Það eina sem
maður verður áþreifanlega var við að
hafi lækkað er bensín, þó ekki hafi
það enn lækkað til jafns við þá lækk-
un sem alls staðar varð í löndum í
kringum okkur.
Þá vaknar sú spuming hvort sögð
minni verðbólga hafi í raun gert mikið
gagn eða, sem er nú kannski öllu al-
varlegra; hefur verðbólgan nokkuð
minnkað í alvörú? Getur verið að
þjóðin sé blekkt í þessu efhi? Það er
svo sem öllu trúandi í þessu landi
blekkinga og stórsvika. Og öll erlendu
lánin; síðast var fengið eitt í Luxembo-
urg sem var á annan milljarð króna!
Er mögulegt að við getum í raun ekki
framkvæmt neitt hér innanlands án
þess að taka erlend lán áður? Var
ekki fastmælum bundið af rikistjóm-
inni að hætta alveg erlendum lántök-
um, nema til að greiða afborganir og
vexti af eldri lánum, sem er nú nógu
niðurlægjandi út af fyrir sig.
Sannleikurinn virðist vera sá að
hver einasti liður þjóðarbúskaparins
sé í rúst og ekkert fram undan nema
áframhaldandi lántökur í erlendum
gjaldeyri. Minni verðbólga virðist
bara vera á pappímum. Þetta em ekki
pólitískar vangaveltur og núverandi
ríkisstjóm er hvorki betri né verri en
aðrar ríkisstjómir sem setið hafa að
völdum. En það væri öllum fyrir bestu
að þjóðinni væri gert ljóst hver staðan
er í raun og veru.
Veiðileyfi
og launataxtar
Megas í hrakningum
Hinn eini sanni Megas - Magnús
Þór Jónsson - er á hljómleikaferð
um Vestfirði og Norðurland . Hann
hafði samband við DV og hafði sitt-
hvað að segja um aðstöðu þeirra sem
reyna að komast leiðar sinnar um
landið þetta vorið.
„ Við vorum á leið frá ísafirði til
Hólmavíkur og þegar komið var upp
á Steingrímsfjarðarheiði var allt
ófært. Vegurinn óskynsamlega
ruddur og við fastir í snjógöngum.
Vegagerðin hafði mtt sig gegnum
skaflinn sem síðan fylltist snyrtilega
strax aftur. Það sem bjargaði okkur
var ágætur maður sem var á Land-
Rover og fór mestan part utan veg-
ar. Þama var næstum auð jörð en
þar sem vegurinn átti að vera
gnæfðu snjófjöll yfir.
Þetta er trúlega vegna þess að
notaður er snjóblásari við verkið. -
Alltaf sama sagan - sögðu staðar-
menn - þegar herramir að sunnan
virða að vettugi áht heimamanna.
I gær var næstum orðið slys - bíll
fennti í kaf og kona í bílnum var
komin með eitmnareinkenni þegar
komið var að. Það er fínt veður á
heiðinni en samt neitaði vegagerðin
að senda mann á staðinn. Hólm-
víkingar em reiðir og sárir, vilja
halda heiðinni opinni en það er eins
og vegagerðin hafi engan áhuga á
því að þama séu greiðar samgöng-
Megas - i krisu á Steingrimsfjaröar-
heiði
Hver er ábyrgur?
Veiðimaður skrifar:
Ég vildi koma á framfæri leiðrétt-
ingu við frétt sjónvarpsins á dögunum
í sambandi við hækkun á veiðileyfum
í ár. Veiðileyfi hafa ekki hækkað að
raungildi á milh áranna ’85 og ’86. Ég
vil nefha eftirfarandi dæmi um laun
ríkisstarfsmanna um miðjan launa-
skalann.
Laun 1. mars 1985, 23.700 kr. Laun
1. mars 1986, 32.200 kr. Þetta er 36%
hækkun milli ára. Ef við berum svo
saman veiðileyfi milli sömu ára þá
kostaði leyfi i meðalá 8.300 kr. 1985
og 11.300 1986. Þetta er líka 36%
hækkun milli ára.
Það er því ekki rétt að veiðileyfi
hafi að meðaltali hækkað meira en
almennir kauptaxtar.
Veiðileyfi hafa ekki hækkaö meira en
kaup, segir veiðimaður.
R.T. hringdi:
Mig langar að biðja DV um að upp-
lýsa eftirfarandi vegna margumrædds
fréttaflutnings Sjónvarpsins af hand-
töku Hafskipsmanna.
1. Hvaða starfsmaður sjónvarpsins
tók ákvörðun um að láta mynda göngu
sexmenninganna í húsakynni Saka-
dóms og birta síðan myndimar í
fréttum sjónvarpsins?
2. Hver skrifaði fréttina?
Ég er furðu lostinn yfir þessum
vinnubrögðum. Var enginn lærdómur
dreginn af Geirfinnsmálinu á sínum
tíma varðandi fréttaflutning af
ódæmdum málum?
Páll Magnússon, starfandi fréttastjóri
sjónvarps:
Ákvörðun um að taka og birta
myndir af göngu sexmenninganna var
í höndum vakthafandi fréttastjóra.
Fréttina skrifaði Hallur Hallsson.