Dagblaðið Vísir - DV - 20.06.1987, Blaðsíða 17

LAUGARDAGUR 20. JÚNÍ 1987.,
17
KONUNGLEG HEIMSÓKN Á ÍSLANDI
Sænsku konungshjónin:
Vilj a hafa
lífið sem eðlilegast
Þegar Madelein.e, yngsta bárn
sænsku konungshjónanna, fæddist
þann 10. júní 1982 var hún fyrsta
barnið í 124 ár sem sá dagsins ljós
i gömlu Drottningholm höllinni.
Síðasta konunglega fæðingin i
höllinni var þegar Gústaf V. fædd-
ist árið 1858. Gamla barokkhöllin,
sem einu sinni var miðdepill alls í
sænska konungslífinu, var nú aftur
tekið í notkun. Ástæða þess að
Gústaf og Silvía ákváðu að flytja
í höllina var umhyggja fyrir börn-
um sínum. Þarna gætu börnin
leikið sér í stóra trjágarðinum og
gengið út og inn eftir geðþótta.
Áður höfðu þau getað leikið
nokkra stund á dag undir stöðugu
eftirliti öryggisvarða. Með því að
búa í gömlu höllinni áttu börnin
að fá að lifa eins eðlilegu lífi og
hægt er fyrir kóngabörn. Þau
ganga i venjulega skóla og leik-
skóla og koma heim með vinina
þegar þannig liggur á þeim. Við
gömlu höllina er góður leikgarður
og nóg pláss fyrir unga krakka að
rasa út, á hjólum eða í öðrum leik.
Vissulega er barnanna gætt af ör-
yggisvörðum en án þess að þau
finni fyrir því.
Þeir konungar, sem búið hafa í
Drottningholm, hafa búið sínar
íbúðir eftir hentugleikum. Til
dæmis valdi Gústaf V. að hafa sina
íbúð í norðurhluta byggingarinnar
en Gústaf VI. Adolf valdi að hafa
sína í þeim syðri. Sú íbúð hentaði
einnig best fyrir Karl Gústaf og
Silvíu. Áður en þau gátu flutt inn
í höllina þurfti mjög margt að lag-
færa og gera upp og kostaði það
talsverðar fjárhæðir. Eiginlega
hafði ekkert verið gert fyrir höllina.
síðan Gústaf VI. Adolf lét gera lag-
færingar á henni i kringum 1950.
Mestu var kostað til þess sem var
nauðsynlegast að gera, svo sem að
skipta um gluggarúður, laga
karma, skipta um lagnir og raf-
magnsleiðslur. Þá var sett nýtt
postulín á baðherbergi og útbúið
nýtt eldhús sem bæði væri hægt
að nota daglega og við veislur.
Einnig fengu konungshjónin nýtt
eldhús í sinn bústað þar sem nýi
tíminn var látinn ráða með örygg-
isbarnalæsingum og þess háttar.
Á meðan breytingarnar stóðu yfir
tóku bæði konungshjónin mikinn
þátt í þeim. Þau sátu og lögðu á
ráðin með vinnumönnum og létu
óskir sínar í ljós. Þau völdu liti
sjálf, teppi og þess háttar. Pastellit-
ir réðu ferðinni í vali hjónanna.
Áður fyrr í tíð gömlu kónganna var
margra manna þjónustulið i vinnu
í höllinni. Þá var reyndar Drottn-
ingholm aðeins notuð part úr ári
og kbm þá þjónustuliðið með frá
Stokkhólmshöllinni. í dag eru
tímarnir breyttir. Sænsku kon-
ungshjónin hafa aðeins tíu manns
hjá sér í vinnu nú. Sú sem heldur
saman þjónustunni er húsfrúin.
Hún segir til um þrif og matseld-
ina. f eldhúsinu er matreiðslu-
meistari og tveir þjónar eru í að
leggja á borð og þjóna til borðs.
Herbergisþerna og herbergisþjónn
hugsa um klæðnað konungshjón-
anna. Þau sjá um að alltaf sé til
taks réttur klæðnaður á réttum
tíma og að hann sé hreinn og heill.
Þjónustufólk í hreingerningum sér
um að halda höllinni hreinni, alls
220 herbergjum. Þá eru þrjár barn-
fóstrur i starfi og hafa þær allar
herbergi nálægt börnunum. Það er
nauðsynlegt vegna þess hversu
hjónin þurfa oft að fara að heiman.
Að sjálfsögðu er bílstjóri á heimil-
inu en hann sér aðallega um að aka
börnunum til og frá skóla. Kóngur
og drottning aka oftast sjálf til og
frá vinnu. Um helgar fer þjónustu-
fólk í frí og er þá konungsfjölskyld-
Silvia, Gústaf og börnin, Viktoría 10 ára, Karl Philip 8 ára og Madeleine 5 ára. Myndin er tekin í Drottningholm.
Drottningholm höllin þar sem sænska konungsfjölskyldan hefur búið siðan 1982. Að visu búa þau
litlum hluta byggingarinnar en óhætt er að segja að rúmt sé um þau.
íbúð
an yfirleitt ein heima. Er það
einsdæmi í evrópsku konungdæmi.
Þegar fjölskyldan flutti í Drottn-
ingholm var það ekki bara gott
fyrir bömin, heldur einnig fyrir
konungshjónin. Þá varð meiri
breyting frá starfi og heimili en
áður. Er þau bjuggu í íbúðinni i
Stokkhólmshöllinni var vinnan
nánast sama og heimilið. Nú ekur
kóngur á hverjum morgni um níu-
leytið í vinnuna og heim aftur um
sexleytið. Drottningin hefur styttri
vinnutíma og ef hún getur reynir
hún að vera heima hjá börnunum.
Eldri bömin tvö fara í skóla og eru
fyrstu sænsku konungsbörnin sem
umgangast alþýðubörn í sínum
skólum.
Karl Gústaf á örugglega margar
skemmtilegar minningar tengdar
þessari 300 ára gömlu höll. Á jólum
safnaði Gústaf V. börnum sínum,
barnabörnum og barnabarnabörn-
um saman og útdeildi jólagjöfum í
málverkasalnum í Drottningholm
höllinni. Þar var tekið fram alls
kyns gamalt dót og fengu börnin
að leika sér að gömlu leikföngun-
um. Konungsfjölskyldan hefur
ekki haldið þessum sið. Eins og
aðrar fjölskyldur vilja þau skapa
sinn eigin stíl og hafa haldið jólin
bæði að sænskum og þýskum sið.
Ibúð sænsku konungsfjölskyld-
unnar í Drottningholm er aðeins
ætluð þeim sjálfum, þjónustufólki
og nánustu ættingjum. Opinberir
salir hallarinnar eru notaðir fyrir
alls kyns móttökur, sérstaklega á
sumrin.
I meira en fjögur hundruð ár hef-
ur kóngafólkið í Sviþjóð farið til
Drottningholm til að hvíla sig á
bæjarlífmu. Hins vegar voru það í
upphafi mest konur sem þangað
fóru á sumrin á meðan menn þeirra
voru á veiðum eða við vinnu. Þeir
komu þá aðeins í stuttar heimsókn-
ir. Þarna var fyrst aðeins lítið hús,
sem síðan var byggt við, kevpt
húsgögn og dýrindis málverk. í dag
eru innanstokksmunir hallarinnar
frá mörgum ólíkum tímum. Það var
Karl X. Gústaf sem lét byggja nú-
verandi höllina í kringum 1660 en
saga Drottningholm er þó miklu
eldri. Samantekt -ELA
Ný þýsk gæðafilma frá Agfa
Meó
3 myndir frítt
12 og 24ra mynda litfilmurríar frá
Agfa eru í raun 15 og 27 mynda.
Þú færð því alltaf 3 í kaupbæti.
plúsa
Sveigjanleiki í lýsingu
Nýja Agfa litfilman hefur mikið svig -
rúm frá réttri ljósnæmisstillingú.
Mikilvæg mynd verður því ekki ónýt.
Náttúrulegir litir
Nýja Agfa litfilman skilar þér myndum
í sömu litum ttg mannsaugað nemur þá.
Samanburður er sann færandi.
AGFA+3
Alltaf Gæðamyndir

AGFA A
Stefan Thorarensen
Siðumúli 32, 108 Reykjavik - Simi 91- 686044