Dagblaðið Vísir - DV - 22.10.1987, Blaðsíða 12

12
FIMMTUDAGUR 22. OKTÓBER 1987.
Neytendur

DV-myndir KAE
íslensk fatahönnun
Fat ’87, tískusýning í Gamla bíói
Neytendasíðan brá sér á tísku-
sýningu á dögunum. Það var Félag
íslenskra fatahönnuða sem hélt
sýninguna í Gamla bíói undir yfir-
skriftínni Fat ’87.
Þama var saman komið úrval
þeirra hræringa sem eiga sér stað
í íslenska tískuheiminum en alls
tóku 18 hönnuðir þátt í sýning-
unni. Ekki er vanþörf á að kynna
þá svolítíð.
Fötin, sem sýnd voru, báru svip-
mót ýmissa strauma og stefna úr
alþjóðlegum tískuheimi. Mesta at-
hygli vakti þó notkun tískuhönn-
uða á hefðbundnum landbúnaðar-
afurðum, svo sem uU og skinnum.
Eva Vilhelmsdóttir er formaður
Félags fatahönnuða og hefur ein-
mitt sérhæft sig í skinnavinnu. DV
ræddi við Evu um tískuhönnun:
Ull og peysur
„Fyrir mér er íslensk tíska fyrst
og fremst peysur. ísland er peysu-
land og ulhn er okkar hráefni og
það segir sig sjálft að peysur og
prjónafatnaður setja sterkan svip á
íslenska tískuhönnun. Hönnuðir
hafa hins vegar ekki haft mjög
frjálsar hendur í hönnun á peysum
heldur hafa þeir þurft að hanna
sína línu inn á vissan markað.
Við erum 27 í Félagi fatahönnuða
og þar af sýndu 18. Þær sem sýndu
starfa annaðhvort við þetta eða
hafa áhuga á að koma sér á fram-
færi. Tilgangurinn með sýningunni
var að vekja athygli almennings og
forráðamanna á því að við erum
að gera eitthvað.
Erfiðleikar í fataiðnaði
Mér skilst að sýningin hafi ein-
mitt komið á mjög góðum tíma því
nú eru einmitt tímamót í fatafram-
leiðslu hér á íslandi.
Undanfarið hefur gengið ansi
brösuglega í fataiönaði, saumastof-
um verið lokað og ullariðnaður
gengiö illa - sem sagt allt á niður-
leið.
Bjart framundan
Á móti kemur að fram hefur
komið mikiU íjöldi af nýjum hönn-
uðum.
Við erum kraftur sem getur gert
eitthvað og við viljum hjálpa til.
Nú er mjög spennandi að fylgjast
með hver verður framvinda mála
í ullariðnaði því nú er búið að sam-
eina Álafoss og Sambandið í eitt
stórt fyrirtæki, sem er annað
stærsta iðnfyrirtæki á íslandi.
Breytinga er þörf
Ég hef oft sagt undanfarin ár að
það sem þyrfti væri að loka þessum
fyrirtækjum og byija upp á nýtt.
Það þarf að vinna nýjan markað
og koma með nýjungar á þessu
sviði og til þess þarf hreinlega að
stokka aUt upp; það þýðir ekki fyr-
ir Álafoss eða Sambandið að koma
með eitthvað nýtt því að kúnnamir
vijja gamla stíhnn.
Markaðurinn hingað til hefur
nefnUega einskorðast við ferða-
mannamarkað bæði hér og erlend-
is. Vörumar hafa verið seldar á
ferðamannastöðum, skíðalöndum
eða eitthvaö þess háttar og hér er
varan seld sem minjagripir. Ef ís-
lendingar ætla að fara að framleiða
faUegar peysur, eins og t.d. ítalir
hafa gert, þarf að gera stórátak í
hönnunarmálum."
Skinnföt frá Evu Vilhelmsdóttur.
Eva Vilhelmsdóttir fatahönnuður.
Leður og skinn
- Þú vinnur mikið með skinn og
nú er Sambandiö að loka sútunar-
verksmiðju sinni. Hvað tekur við
hjá þér?
„Við flytjum aUt hráefni inn. Við
keyptum svohtið hjá Sambandinu
en ég var ekki alveg nógu ánægð
með vinnsluna þar. Að vísu var
sútunin mjög góð, raunar furðan-
lega góð, en skinnin eru alltof stíf
og þykk; það á eftir að þróa þetta
eitthvað betur. Sambandið flytur
þetta út og gengur vel, það er sleg-
ist um skinnin frá því. Leður og
rúskinn er mikið í tísku um þessar
mundir.
Það borgaði sig ekki að fuhvinna
skinnin hér heima og menn gáfust
upp á því vegna þess að framleiðni
er ekki nóg.“
- Hvemigermarkaðurfyrirykkar
hönnun hér innanlands?
Persónuleg þjónusta
„Minn draumur er að við gætum
verið með htlar stofur þar sem fólk
ætti kost á persónulegri þjónustu.
Þannig gætir þú t.d. komið til mín
með ákveðnar hugmyndir um leð-
uijakka; þú vilt hafa hann af vissri
sídd og úr vissri tegund af leðri.
Ég myndi þá setjast niður með þér
og teikna fyrir þig jakka alveg eftir
þínu höfði, sérstaklega fyrir þig.
Það er líka stór draumur að koma
upp sameiginlegri miðstöð fata-
hönnuða og þá í krafti samtakanna.
Þar hefði hver sína vinnuaðstöðu
en sameiginlega aðstöðu til sýninga
eða skrifstofureksturs. Þetta er ein
leiðin tíl að vega svohtíð upp á
móti þessum rosalega innflutn-
ingL“
Nám á íslandi
- Kennsla í fatahönnun:
„Ég er að vinna í nefnd sem er
skipuð af menntamálaráði til að
kanna möguleika á að koma upp
kennslu í fatahönnun á íslandi.
Nefndin er búin að koma saman
einu sinni þannig aö enginn skrið-
ur er kominn á þetta ennþá. Við
sjáum hvaö setur.“
-PLP
Hluti af framlagi Valgerðar Torfadóttur, „Völu“, til sýningarinnar FAT ’87.